Nëna e 20-vjeçares shqiptare, Klaudia Lata që humbi jetën në këtë tragjedi, shprehu zemërimin dhe pikëllimin e saj për humbjen e vajzës 20-vjeçare. Duke folur për mediat greke ajo tha se sot është dita më e vështirë e jetës së saj, pasi Klaudia nuk është më mes tyre. Ajo thotë se tre ditë pas tragjedisë, trupin e Klaudias ia sollën me qese të zeza, pasi i kishte mbetur vetëm hiri.

“Sot është dita më e vështirë e jetës sime, zija është e madhe, na mungon shumë. Kisha një shpresë si një nënë për ta gjetur të gjallë, por tre ditë më vonë ma sollën me një thes të zi… Na e dogjën fëmijën dhe na e dhanë në një kuti hiri “.

Teksa i dridhej zëri, ajo kërkoi sërish drejtësi dhe llogari duke theksuar se do të luftojë, “që të mos qajë nënë tjetër si unë”.

The post Nëna e shqiptares së vrarë në Greqi: “Na dhanë kutitë me hi të fëmijëve” appeared first on Albeu.com.

Nëna e lindur në Shqipëri u dënua me gjashtë muaj burg, dhe tre vjet pezullim.

Ajo nuk u paraqit në gjykatë dhe u përfaqësua nga një avokat. Sipas aktakuzës, ngjarja u zbulua mëngjesin e së martës kur qiramarrësit e pallatit telefonuan Qendrën e Veprimit të Menjëhershëm dhe raportuan se kishin dëgjuar një foshnjë duke qarë prej disa kohësh nga një apartament në katin e ndërmjetëm dhe nuk e dinin nëse ishte vetëm në shtëpi.

Siç ka dëshmuar në gjykatë punonjësi i policisë që mbërriti me kolegët e tij në banesën në qendër të Selanikut, ata e gjetën foshnjën duke qarë, por askush nuk e hapi derën e hyrjes kur i ranë me këmbëngulje ziles.

“Në fillim menduam se mund të flinin dhe vazhduam t’i binim ziles. Pas të paktën 20 minutash u shfaq gruaja dhe na tha se fëmija ishte i saj. Ne i thamë se kemi qenë këtu prej 20 minutash dhe duam të shohim nëse ai është mire“, dëshmoi polici.

Në lidhje me vendin ku ndodhej nëna teksa e kishte lënë foshnjën vetëm në banesë, ajo i tha policisë se kishte shkuar për të blerë cigare, megjithëse sot pohon se ato ishin në supermarket për të bërë pazar.

“Fëmija ishte në gjendje të mirë shëndetësore dhe nëna ishte në panik kur na pa jashtë shtëpisë. Ajo na tha se kishte shkuar për të blerë cigare dhe ne i përsëritëm se e prisnim të paktën prej 20 minutash”, shtoi polici në deklaratën e tij.

Avokati mbrojtës që përfaqësonte 37-vjeçaren tha në gjykatë se e akuzuara është e tronditur nga ngjarja dhe ka preferuar të mos vijë në gjykatë dhe të qëndrojë në shtëpi me foshnjën e saj. Siç tha ajo, 37-vjeçarja është ndarë nga bashkëshorti dhe ajo nuk kishte ku ta linte fëmijën e saj të martën në mëngjes, kur duhej të bënte pazar në supermarket./Albeu.com.

The post La foshnjën vetëm në shtëpi dhe shkoi për të blerë cigare, dënohet shqiptarja në Greqi appeared first on Albeu.com.

Sipas medieve greke një nënë shqiptare ka gjetur të pajetë djalin e saj 3.5 vjeçar.

Sipas informacioneve të larissanet, mëngjesin e sotëm nëna ka shkuar për të kontrolluar djalin e vogël, i cili ishte invalid dhe kishte probleme të tjera shëndetësore dhe ka konstatuar se ishte pa ndjenja.

Në vendngjarje ka mbërritur autoambulanca e EKAV -së , e cila e ka transportuar fëmijën në Qendrën Shëndetësore Farsale, ku ka konstatuar vdekjen.

Sipas informacioneve të para, babai është larguar prej kohësh nga shtëpia, ndërsa të dy prindërit janë me origjinë shqiptare.

Hetimet paraprake për ngjarjen po kryhen nga policia, ndërsa autopsi-nekropsia pritet të hedhë dritë mbi shkaqet e vdekjes./Albeu.com.

The post Tragjike në Greqi, nëna shqiptare gjen të pajetë djalin e saj 3-vjeçar appeared first on Albeu.com.

Ndërkohë është shpallur në kërkim babai shqiptar 43-vjeçar.

Mediet greke shkruajnë se 43-vjeçari është i njohur nga policia e Athinës për pjesëmarrje në organizata kriminale të trafikut të drogës dhe zjarrvënie në dyqane.

Djali 24-vjeçar merrte dhe shpërndante tek palë të treta sasi droge për llogari të babait të tij, 43-vjeçarit të shpallur në kërkim.

24-vjeçari u arrestua nga policia greke teksa po transportonte kokainë me peshë 1 kilogramë e 191 gram.

Gjithashtu, atij iu gjetën edhe tre dokumente të transfertave në vlerë prej 6788 euro.

The post Trafikonin kokainë familjarisht në Greqi, në pranga nëna shqiptare me të birin, në kërkim babai appeared first on Albeu.com.

Ngjarja u bë e njohur pak ditë më parë kur babai i fëmijëve 2 dhe 3 vjeç pasi 6-vjeçari është nga lidhje e mëparshme, shtetas grek dhe marinar në profesion u kthye pas 1 viti udhëtim dhe kërkoi të takojë fëmijët tek ish-bashkëshortja. Por ai u përball me një skenë të tmerrshme, pasi fëmijët jetonin mes minjve dhe buburrecave në shtëpi.

30-vjeçarja shqiptare jetonte me të dashurin e saj 54 vjeçar, ndërkohë që ish-burri u nxor me dhunë që të mos hynte në banesë.

Me ndërhyrjen e fqinjëve, organizatës për mbrojtjen e të miturve “Buzëqeshja e fëmijëve” dhe policisë u bë i mundur arrestimi i çiftit një javë më parë.

Dëshmitë e frikshme se si babai pa të dalin buburreca nga goja e fëmijëve e se si qarkullonin nëpër Athinë si lypsa zbathur ka shkaktuar tmerr dhe tek vetë gjykatësja që gjatë seancës së sotme kërkoi të ndalojnë pamjet dhe dëshmitë e akuzave sepse nuk duronte dot më.

Fëmijët aktualisht janë të shtruar në spitalin pediatrik në Athinë, ndërkohë që shqiptarja mori dënimin me 8 vite burg.

The post Jetonte me fëmijët mes minjve dhe buburrecave, dënohet me 8 vite burg nëna shqiptare në Greqi appeared first on Albeu.com.