Jeton Zulfaj, kryenegociator i Kosovës me Bashkimin Evropian, i është kundërpërgjigjur ministrit serb për Integrimin Evropian, Nemanja Staroviq, pas deklaratës së këtij të fundit se një komunitet në Kosovë është “grupi etnik më i privuar nga të drejtat në Evropën bashkëkohore”.

Sipas Zulfajt, komuniteti serb në Kosovë ka një gamë të gjerë të drejtash të përcaktuara në Kushtetutë. Mes tyre janë 10 vende të rezervuara në Kuvend, një post ministror i garantuar, përfaqësimi i rezervuar në institucionet gjyqësore, një kanal televiziv publik, e drejta për universitet publik, si dhe vetoja për çështjet që lidhen me të drejtat e komuniteteve.

Ai e ka zhvendosur vëmendjen te trajtimi i shqiptarëve në Serbi, duke e akuzuar këtë shtet për cenimin e të drejtave të tyre përmes pasivizimit të adresave.

Zulfaj ka argumentuar se kjo praktikë prek dokumentet personale, marrjen e shërbimeve shëndetësore, arsimin dhe ushtrimin e së drejtës së votës.

Në mbështetje të qëndrimit të tij, kryenegociatori ka përmendur Komitetin e Helsinkit në Serbi, i cili pasivizimin e adresave e ka përshkruar si “spastrim etnik përmes mjeteve administrative”. Ai ka referuar gjithashtu raportin e Komisionit Evropian për Serbinë për vitin 2025.

Zulfaj e ka cilësuar këtë situatë si “privim nga të drejtat” dhe ka pretenduar se Serbia përdor narrativa të propagandës ruse.

“Detyra jonë si evropianë është të çmontojmë propagandën ruse dhe përfaqësuesit e saj kudo që e gjejmë”, ka shkruar ai në X.

The post Zulfaj kundërshton deklaratën e ministrit serb për komunitetin serb në Kosovë appeared first on Albeu.com.

Këto deklarata ai i bëri për mediat e huaja në Beograd, në ditën e 13-të që kur disa serbë lokalë kanë ngritur në veri të Kosovës, dhe një ditë pasi kryeministrja serbe, Ana Bërbaniq, tha se situata është “në prag të konfliktit të armatosur”.

I pyetur nga gazetarët për vlerësimin e Ministrisë së Mbrojtjes serbe nëse situata është në prag të një konflikti të armatosur, Staroviç tha:

“Ne jemi shumë të kujdesshëm me fjalët që përdorim dhe gjithmonë bëjmë përpjekje që të përdorim një gjuhë të paqes për shkak të përgjegjësisë që kemi. Në anën tjetër, unë i kuptoj plotësisht deklaratat e dhëna nga kryeministrja serbe [Ana Bërnabiq] dhe nga presidenti [Aleksandar Vuçiq]”.

Ai shtoi se “është shumë e vështirë të vlerësohet situata në një mënyrë tjetër, pasi fatkeqësisht ne po përballemi me kërcënime të drejtpërdrejta të sigurisë, të mirëqenies, dhe madje të jetës së popullsisë serbe në veri të Kosovës”.

Staroviç iu referua një deklarate të kryeministrit të Kosovës, Albin Kurti, i cili ka shprehur shqetësim se “heqja e barrikadave mund të mos e përjashtojë mundësinë e viktimave” dhe ai e vlerësoi këtë deklaratë si “kërcënim” për serbët në Kosovë.

“Thirrja jonë, jo vetëm për Kurtin, por për të gjithë është që të përmbahen nga një gjuhë e tillë”, tha Staroviç.

Ai tha se Serbia po pret me durim përgjigjen e misionit të NATO-s në Kosovë, KFOR, lidhur me kërkesën e Beogradit për dislokimin e trupave të ushtrisë serbe në Kosovë. Ai tha se bashkëpunimi me KFOR-in “është i mirë dhe i rëndësishëm”.

I pyetur nga Radio Evropa e Lirë se deri kur presin që të marrin përgjigje nga KFOR-i, Staroviç tha:

“Ne nuk presim që ata t’i përgjigjen menjëherë kërkesës sonë për të dislokuar një kontingjent të vogël të personelit tonë ushtarak”.

Megjithatë, Staroviç theksoi se “është e vështirë të besohet” që KFOR-i nuk do t’i përgjigjet kësaj kërkese, pasi sipas tij, kjo i lejohet Serbisë në bazë të Rezolutës 1244 të Këshillit të Sigurimit të Kombeve të Bashkuara.

Më 10 dhjetor, disa serbë lokalë ngritën barrikada në veri, duke bllokuar rrugët që çojnë drejt pikëkalimeve kufitare, Jarinjë dhe Bërnjak, që lidhin Kosovën dhe Serbinë.

Barrikadat u ngritën në shenjë pakënaqësie ndaj arrestimit të ish-policit serb, Dejan Pantiq. Autoritetet në Kosovë kanë thënë se Pantiq dyshohet për sulmin e 6 dhjetorit ndaj zyrtarëve të Komisionit Qendror të Zgjedhjeve në veri./REL/

The post Tensionet në veri, Staroviç: Situata në Kosovë është e paqëndrueshme, po presim përgjigjen e KFOR-it appeared first on Albeu.com.