Kështu iu përgjigj eurodeputeti bullgar Andrej Kovaçev pyetjes së gazetës “Aktualno”, nëse Shqipëria mund të jetë shembull për Maqedoninë e Veriut në marrëdhëniet me Bullgarinë.

I pyetur nëse është një lëvizje logjike që të bëhet ky dallim dhe t’i thuhet Evropës “Le të shkëputet Shqipëria nga paketa si kandidate nga Maqedonia e Veriut”, Kovaçev u përgjigj:

“Kjo është mjaft e qartë. Vetë Edi Rama më tha disa herë “Nuk jemi martuar me Shkupin”. Nëse ata nuk mund të plotësojnë kushtet evropiane për fillimin e negociatave, pse Shqipëria duhet të jetë viktimë dhe të presë diçka, që nuk është faji i tyre dhe nuk u takon atyre? Shqipëria duhet menjëherë pas përfundimit të këtij procesi të rishikimit të legjislacionit, më së voni deri në fund të vitit, të nisë negociatat aktuale për anëtarësimin në BE. Nëse deri atëherë Maqedonia e Veriut nuk ka guxim të ndryshojë kushtetutën e saj, nuk ka logjikë që Shqipëria të presë diçka që nuk varet nga vetë shteti”, tha eurodeputeti Kovaçev, në intervistën për gazetën bullgare “Aktualno”.

The post Eurodeputeti bullgar: Shqipëria mund të nisë negociatat e anëtarësimit në BE pa Maqedoninë e Veriut appeared first on Albeu.com.

Komentet Kovaçevski i bëri në një konferencë për mediat, ku theksoi se negociatori kryesor do të jetë zëvendës-kryeministri Bojan Mariçiq, ndërsa ekipi do të përfshijë edhe ekspertë vendas, nëpunës civilë dhe ekspertë jashtë institucioneve, si ekspertë të huaj.

Kovaçevski beson se institucionet kanë kapacitet për negociata me BE-në dhe pret një strukturë cilësore dhe efikase që do të përballet me sfidat.

Ai bëri të ditur se i gjithë procesi do të jetë gjithëpërfshirës dhe transparent.

“Negociatat duhet të vazhdojnë me dinamikë të përshpejtuar dhe të mbyllen sa më parë. Përfundimi i negociatave deri në vitin 2030 është një qëllim i arritshëm”, tha Kovaçevski duke i bërë apel edhe opozitës të marrë pjesë në proces./albeu.com/

The post Kovaçevski: Negociatat mes RMV-së dhe BE-së duhet të përfundojnë në vitin 2030 appeared first on Albeu.com.

Pas konferencës së parë ndërqeveritare, Komisioni Evropian menjëherë e ka filluar edhe procesin e skriningut, i cili përmban 35 kapituj. Telegrafi Maqedoni do t’iu informojë për përmbajtjen e secilit kapitull nëpër të cilët duhet të kalojë Maqedonia e Veriut.

Kapitulli i 26-të: Edukimi dhe kultura

Fushat e arsimit, trajnimit, rinisë dhe kulturës janë kryesisht kompetencë e shteteve anëtare. Kuadri i bashkëpunimit për politikat e arsimit dhe trajnimit synon të konvergjojë politikat kombëtare dhe arritjen e objektivave të përbashkëta përmes një metode të hapur koordinimi, e cila çoi në programin “Edukimi dhe Trajnimi 2010”, i cili integron të gjitha veprimet në fushën e arsimit dhe trajnimit në nivel evropian. Për sa i përket diversitetit kulturor, shtetet anëtare duhet të respektojnë parimet e parashikuara në nenin 151 të Traktatit të KE-së dhe të sigurojnë që angazhimet e tyre ndërkombëtare të lejojnë ruajtjen dhe promovimin e diversitetit kulturor. Shtetet anëtare duhet të kenë kuadrin ligjor, administrativ dhe financiar dhe kapacitetin e nevojshëm zbatues për të siguruar menaxhim të shëndoshë financiar të programeve të komunitetit të arsimit, trajnimit dhe rinisë (Leonardo da Vinci, Socrates, Youth i tanishëm).

Ndryshe, përveç kapitujve të BE-së, Maqedonia e Veriut ka nënshkruar edhe protokoll me Bullgarinë, i cili përmban gjithashtu disa rekomandime dhe detyrime, të cilat duhet të plotësohen nga të dy shtetet, për të mos pasur pengesa në anëtarësimin e Maqedonisë së Veriut në BE./ina

The post Kapitulli i 26-të i negociatave të Maqedonisë së Veriut me BE-në: Edukimi dhe kultura appeared first on Albeu.com.

Begaje konsideron një rrugëtim të pakthyeshëm drejt BE-së hapjen e negociatave si kërkoi të punohet për çimentimin e raportove të mira me Amerikën.

Mesazhi i plotë

Të dashur qytetarë,

E sotmja është një mbrëmje feste, pasi rikonfirmojmë rrugën e pakthyeshme evropiane dhe partneritetin me aleatin tonë prej një shekulli.

Jam i vetëdijshëm se 10 ditë më parë, me vendimin për hapjen e negociatave për anëtarësim në Bashkimin Evropian, në rrugën që kemi zgjedhur, në rrugën e bashkimit në një federatë popujsh e kombesh që u krijua si bashkim vullnetesh – e vetmja në histori deri më sot – do të ketë ndryshime jo vetëm në rrafshin politik e shtetëror, por edhe në koncepte të tilla themelore si pavarësia e identiteti.

Duke promovuar identitetin tonë kombëtar, faktorin më të rëndësishëm historik e kulturor, që nuk njeh kufij dhe nuk ka pengesë për t’u lartësuar, shqiptarët do të jenë qytetarë dhënës në qytetërimin europian.

Jam i vetëdijshëm për përgjegjësitë, dhe më shumë akoma, jam i vetëdijshëm për vështirësitë që do të na duhet të përballojmë.

Por, nëse punojmë të gjithë duke patur në mendje dhe në zemër Shqipërinë, interesin kombëtar dhe të ardhmen e fëmijëve tanë e të brezave të tjerë që do të vijnë, jam i bindur, se jo vetëm vështirësitë do t’i përballojmë, por atdheu ynë do të përparojë e zhvillohet.

28 korriku është një datë shumë e rëndësishme edhe për popullin shqiptar dhe atë amerikan, si dy popuj që i bashkojnë vlerat, parimet.

Në 100 vite, SHBA kanë qenë aty për ne, duke mbështetur cdo hap të Shqipërisë drejt transformimit demokratik dhe drejt rrugëtimit drejt anëtarësimit në Bashkimin Evropian.

Nën modelin e demokracisë amerikane dhe unitetin e familjes evropiane, Shqipëria ka nevojë për përkushtimin tonë, ka nevojë për ndershmërinë tonë, ka nevojë për punën dhe besimin e të gjithëve ne, ka nevojë për dashurinë tonë.

Është koha t’ia japim ato pa asnjë rezervë, pa u lodhur, por me devocion e përkushtim.

The post Koncerti në Tiranë, mesazhi i presidentit Begaj: Sonte rikonfirmojmë rrugën e pakthyeshme evropiane dhe partneritetin me aleatin tonë prej një shekulli appeared first on Albeu.com.

Ai gjithashtu i uroi qytetarët për fillimin zyrtar të bisedimeve mes Republikës së Maqedonisë së Veriut dhe Bashkimit Evropian.

“Më në fund pas 17 vitesh hapet procesi për pranimin e Maqedonisë së Veriut në familjen e madhe evropiane. Dje hapëm kapitull të ri në historinë e Maqedonisë. Kapitull evropian që do të sjellë zhvillim të përshpejtuar, prosperitet dhe stabilitet”, tha kryeministri në fjalimin e tij.

Ai falënderoi qytetarët, për qëndrueshmërinë dhe vizionin për ardhmëri evropiane nga e cila nuk hoqën dorë. Janë ata, theksoi Kovaçevski, të cilët janë më meritorët që jemi këtu ku jemi sot. Ata, theksoi ai, nuk u dorëzuan para asnjë sfide për të përmbushur ëndrrën e tyre për të qenë pjesë e familjes evropiane.

“Kjo rrugë nuk ka qenë e lehtë dhe të gjithë jemi të vetëdijshëm për këtë, prandaj ju falënderoj sinqerisht të gjithëve për angazhimin, përkushtimin dhe mbështetjen tuaj vetëmohuese dhe ju inkurajoj që të qëndroni të angazhuar edhe në periudhën e ardhshme. Mbështetja juaj do të vazhdojë të jetë e paçmueshme, veçanërisht që tani duhet t’i përfshijmë të gjitha kapacitetet në dispozicion dhe të punojmë me përkushtim të jashtëzakonshëm në mënyrë që të kemi integrim sa më të shpejtë të mundshëm në Bashkimin Evropian”, i porositi të pranishmit kryeministri Kovaçevski.

Kemi pasur shumë sfida, por siç thashë edhe dje, bëri të ditur ai, ne vendosëm të përballemi me të gjitha druajtjet tona dhe të marrim vendime të guximshme për të ardhmen dhe të mos mbetemi peng i së kaluarës. Vendosëm të jemi të vendosur, të guximshëm, të urtë dhe vetëmohues, të mos mendojmë për ne, por për gjeneratat e ardhshme, për të menduar për shtetin tonë dhe për paqen, sigurinë, stabilitetin dhe të ardhmen.

“Për mua, forma më e lartë e patriotizmit është marrja e vendimeve si burrështetas dhe progresive, duke pasur me këtë rast vizion dhe plan të qartë për të ardhmen, si dhe angazhim të sinqertë për prosperitetin e shtetit dhe të gjithë qytetarëve. Kjo është forma më e pastër dhe më e sinqertë e respektit dhe dashurisë ndaj atdheut”, theksoi Kovaçevski.

Të udhëhequr nga ky parim i sjelljes patriotike dhe si burrështetas, shtoi ai, morëm vendimin përfundimtar me të cilin siguruam ruajtjen dhe forcimin e identitetit maqedonas, gjuhës, kulturës dhe veçantisë maqedonase, e njëherësh siguruam edhe fillimin e bisedimeve.

“Ju siguroj, e këtë e kanë konfirmuar në disa raste edhe përfaqësuesit e lartë të Bashkimit Evropian, edhe këtu në shtëpi te ne, por edhe dje në Bruksel, se pozicionet tona janë ruajtur dhe konfirmuar. Bashkimi Evropian na pranon si maqedonas që flasin gjuhën maqedonase me respekt të pakushtëzuar të dinjitetit dhe veçantisë së popullit maqedonas dhe veçoritë e tij të identitetit, historike dhe kulturore. Ishim të qartë dhe të zëshëm se për këto gjëra as nuk bisedohet, e as që do të bisedohet”, theksoi në fjalimin e tij kryeministri Kovaçevski.

Presidentja Fon der Lajen, u përqendrua Kovaçevski, dje e mbështeti qartë dhe pa mëdyshje pozicionin tonë dhe na siguroi, njëjtë siç e bëri atë në Kuvend, se gjuha jonë maqedonase do të vlerësohet dhe respektohet edhe në të ardhmen, e njëherësh do të përjetojë zhvillimin dhe promovimin përmes përdorimit të tij si një nga gjuhët zyrtare të Bashkimit pas anëtarësimit tonë të plotë.

“Identiteti ynë, jo vetëm që do të mbrohet, por edhe do të pasurohet dhe do të pasurojë identitetin kompleks evropian, siç theksoi përfaqësuesi i lartë Borrell në fjalën e tij dje. Ajo që na përcakton neve, veçoritë tona, specifikat, tradita, kultura, zakonet tona do të jenë autentike tonat, maqedonase, por të ndara me të gjithë miqtë tanë në Bashkimin Evropian. Kjo do të na bëjë ne dhe Bashkimin Evropian më të pasur”, ishte decid Kovaçevski.

Sipas tij, dita e djeshme ishte historike. E di që e kemi përmendur disa herë këtë fjalë, por, thekson ai, me të vërtetë është e tillë. Në historinë e çdo vendi, tha Kovaçevski, ka disa momente vendimtare, e dita e djeshme ishte pikërisht e tillë.

Dje, para 27 vendeve anëtare, i rrethuar me mbështetje nga miqtë tanë evropianë, tha Kovaçevski, pata nderin e madh që në emër të qytetarëve të flas në gjuhën time amtare maqedonase në Këshillin e Bashkimit Evropian dhe të shpreh pozicionin tonë të qartë dhe të fortë aktual, por edhe vizionin tonë për të ardhmen.

Mbështetja që morëm dje në sallë nga të gjitha vendet anëtare të Bashkimit Evropian, e veçanërisht nga vendet anëtare të rajonit, bëri të ditur kryeministri, na jep të drejtën e plotë të jemi plot shpresë dhe të bindur se nga e gjithë kjo, të gjithë ne së bashku do të dalim më të fortë, më të qëndrueshëm dhe do të ecim me shpejtësi përpara drejt një të ardhmeje të përbashkët më premtuese. Unë personalisht jam i bindur se qytetarët do të dalin fitimtarë nga kjo.

“E thashë dje, do ta them edhe sot. Jemi gati për BE-në. Vendi ynë është Evropa në miniaturë. Ne e jetojmë çdo ditë moton e Bashkimit Evropian. Ne jemi shoqëri multikulturore dhe multietnike, jemi të bashkuar në dallimet tona, jemi krenarë për to, kjo është ajo që na bën më të fortë. Tani duhet ta funksionalizojmë atë gatishmëri dhe të ecim përpara në mënyrë të shpejtuar. Po vjen periudha e punës së palodhur. Edhe mua kjo më bën të lumtur. Nga sot fillon kapitull i ri i punës së palodhur dhe të përkushtuar për reformat, për harmonizimin e së drejtës sonë me atë evropiane, për zhvillimin ekonomik, politik, social, për cilësi më të lartë jetese, për standarde të larta për respektimin e shtetit të së drejtës”, theksoi kryetari i Qeverisë së Republikës së Maqedonisë së Veriut.

Ai shprehu bindjen se edhe ndihma e vazhdueshme dhe e shtuar që Bashkimi Evropian do ta sigurojë në periudhën e ardhshme do t’u mundësojë qytetarëve dhe ekonomisë së Maqedonisë të marrin mbështetje konkrete dhe reale. Në veçanti, siç tha ai, është e rëndësishme të jetohet realiteti evropian edhe sot.

“U mbyll një kapitull, dhe po hapim një të ri. Prandaj, tani është koha kur duhet të qëndrojmë së bashku, të bashkuar, plot optimizëm dhe besim për një të nesërme më të mirë, në mënyrë që të bashkojmë forcat dhe bashkërisht t’i përkushtohemi zhvillimit të një shteti evropian të fortë, të suksesshëm dhe prosperues. Tani është koha për guxim, përkushtim dhe pamje të qartë drejt së ardhmes që të realizojmë shpejt dhe me vendosmëri ëndrrën e gjeneratës sonë, si dhe ëndrrën e ilindenasve dhe luftëtarëve nga LNÇ-ja. Të bashkohemi dhe të qëndrojmë së bashku, sepse vetëm së bashku jemi më të fortë. Më të fortë dhe më të gatshëm për të tejkaluar të gjitha sfidat që na qëndrojnë në rrugën tonë drejt anëtarësimit të plotfuqishëm dhe ardhmërisë sonë evropiane”, u shpreh Kovaçevski.

Na qoftë me fat fillimi i bisedimeve për anëtarësim, theksoi Kovaçevski para të pranishmëve dhe porositi që të vazhdojmë të jemi të zellshëm, cilësor dhe plot mirëkuptim për diversitetet, të ndajmë vlerat evropiane dhe të gjithë së bashku t’i gëzohemi anëtarësimit të plotfuqishëm të Republikës së Maqedonisë së Veriut në Bashkimin Evropian sa më shpejt./tv21

The post Kovaçevski: Ne jemi gati për BE-në, na pret punë e palodhur dhe e përkushtuar në reformat appeared first on Albeu.com.

Ndërsa foli për përparësitë dhe sfidat, Rama iu drejtua popullit shqiptar duke ju kërkuar ndjesë për gabimet e tij, për të cilat tha se në rast se ka, janë bërë jo me qëllim.

“Ju kërkoj thellësisht ndjesë qytetarëve shqiptarë për gabimet e mia, ato që di apo nuk di, duke siguruar që nuk është një gabim për të përfituar në kurriz të të tjerave. Kurrë skam qenë më I bindur dhe më i motivuar për ta merituar besimin e tyre”, tha Rama./albeu.com

The post Rama u drejtohet shqiptarëve: Ndjesë për gabimet e mia, nuk kam për qëllim të përfitoj në kurriz të të tjerëve appeared first on Albeu.com.

Në sy bie dhe luku i tij, Rama ka zgjedhur të veshë një kostum serioz dhe kollare të kuqe. Gjithashtu edhe çorape të kuqe, që i vesh thuajse përherë në takimet në Bruksel, që si duket i sollën sot fat.

“Fotoja e ditës” shkruan Rama, duke e cilësuar si më të veçantën nga Konferenca e Parë Ndërqeveritare, ku zyrtarisht Shqipërisë iu çelën negociatat me BE-në./albeu.com

The post Me çorapë e kollare të kuqe, Rama ulet në shkallë pas çeljes zyrtare të negociatave me BE (VIDEO) appeared first on Albeu.com.

Rama u pyet se pse nuk kishte një përfaqësi të opozitës në tryezën e përbashkët për çeljen e negociatave.

“Formati është përcaktuar nga Komisioni për gjithë trupën që do të përfaqësonte Shqipërinë në tryezë. Mund të kishim kërkuar një ndryshim për të ftuar një përfaqësues apo më shumë se një nga ana e opozitës. Kemi një problem se ne nuk dimë se kush është kush, në anën e opozitës”, tha kryeministri./albeu.com

The post Pse nuk kishte një përfaqësues të opozitës në Bruksel? Si përgjigjet Rama appeared first on Albeu.com.

Ai tha se kurrë nuk e kishte menduar se në atë godinë do të shikonte fytyra të lumtura.

“Ne nuk kemi kurrë më të vetëdijshëm për sfidat, për ne dhe për projektin në tërësi. BE ka nevojë për Ballkanin Perëndimor po aq sa Ballkani Perëndimor ka nevojë për Bashkimin Evropian. Kjo është koha për një epokë të re. Ne jemi këtu për t’ju kujtuar qytetarëve tuaj pse kjo ka rëndësi edhe për qytetarët tuaj dhe për Evropian.  “Lufta drejt lartësive mjafton për të përmbushur lumturinë e njeriut”. Sot unë jam i lumtur. Zemrat e njerëzve janë të lumtura. Asnjëherë nuk kisha menduar që në këtë ndërtesa do të shikoja kaq njerëz të lumtur. Ne një ditë do të kemi sukses të arrijmë majën e malit dhe nuk do të jemi të detyruar të zbresim sërish”, tha Rama.

Ndër të tjera kreu i qeverisë renditi edhe synimet që ka vendi, pas çeljes së negociatave. Kreu i qeverisë tha se Shqipëria synon që të bëhet kampione sa i përket shërbimeve digjitale.

‘Do vazhdojmë të luajmë një rol kyç duke mbetur aktiv në ndërtimin e paqes afatagjatë të kontinentin tonë. Një hapësirë e shtuar për të projektuar një të ardhme Europiane. Pavarësisht zhgënjimeve tona, BE nuk është thjesht një projekt që do të përfundojë një ditë, por ka dhënë shumë dimensione. Qëllimi ynë është të rrisim konkurencën tonë, të ndërtojmë një shoqëri të drejtë. Në këto kohë sfiduese Shqipëria po kthehet në destinacion për burime të reja energjie. Diversfikimi i energjisë është qëllimi ynë kryesor. Ne kemi shtuar përpjekjet për të siguruar një integrim të plotë në politikën e përbashkët të BE-së për sektorin e bujqësisë. Do të angazhohemi për sigurinë rrugore. Duam të bëhemi kampion digjital për epokën dixhitale. Teksa flasim po luftojmë kundrejt një sulmi kibernetik ndaj një vendi armiqësor Europian.,  tha Rama.

The post Rama batuta në Bruksel: S’e kisha menduar kurrë që do të shihja fytyra të lumtura në këtë ndërtesë appeared first on Albeu.com.

“Çast dhe moment historik për BE-në dhe për Shqipërinë. Nëse ka diçka të mençur që mund të themi për Shqipërinë është që durimi strategjik është shpërblyer. Shqipëria është një vend kandidat me qëllimin e qartë për tu anëtarësuar në BE. Përgjatë gjithë këtyre viteve kemi punuar fort dhe kemi qëndruar në krah tuaj. Kjo konferencë shënon një kapitull të ri ne marrëdhënien me BE. Shqipëria vijon të përmbushë të gjitha kushtet për të hapur negociatat e anëtarësimit. Lufta kundër korrupsionit dhe krimit të organizuar janë për tu lavdëruar. Në këtë fazë të re që është shumë kërkuese Shqipëria do intensifikojë përpjekjet e saj për të përmbushur kushtet. Kuadri negocioues që po prezantohet sot ofron një bazë të shëndosh për negociatat e anëtarësimit. Besoj te ju për të zbatuar një qasje gjithëpërfshirëse gjatë këtij procesi. Do të ishte thelbësore të komunikojmë gjatë gjithë këtij procesi me publikun. Komisioni do t’ju mbështesë në përballjen e të gjitha sfidave që përfshin procesi i anëtarësimit, përfshirë këtu anën financiare”, tha ai.

The post Varhelyi: Shqipëria i ka të qarta qëllimet e anëtarësimit në BE appeared first on Albeu.com.