Ai u pa në bisedimet e paqes të së martës në Stamboll, pavarësisht se nuk ishte një anëtar zyrtar i ekipit negociator të Rusisë.

Udhëheqësi i Turqisë Rexhep Tajip Erdogan thotë se Vladimir Putin “i beson, i beson atij” sipas mediave lokale, duke shtuar: “Abramovich mori pjesë në negociatat si pjesë e delegacionit rus. Në vend që të shikojmë se kush ishte në tryezë, ne duhet të shikojmë në emër të kujt ata ishin aty”.

Ministri i Jashtëm, Mevlut Cavusoglu, tha se Abramovich ka qenë në lidhje mes Kievit dhe Moskës dhe ka punuar “sinqerisht” për t’i dhënë fund luftës.

“Sigurisht, bisedimet zyrtare janë të rëndësishme, negociatat janë të rëndësishme, por opinioni publik është i ndjeshëm, të gjithë duan të ruajnë pozicionin e tyre dhe ka kanale që duhet të mbahen të hapura midis liderëve dhe vendeve. Këtu, Abramovich luan një rol të dobishëm”, tha ai.

The post Turqia: Abramovich po punon sinqerisht për t’i dhënë fund luftës appeared first on Albeu.com.

“Diplomatët tanë po punojnë dhe ata kanë biseduar për disa pika të agjendës së mundshme midis nesh dhe Federatës Ruse. Unë dua që kjo të materializohet dhe procesi i dhënies fund të luftës, procesi i paqes 100 për qind duhet të fillojë me armëpushim”, tha Zelensky gjatë një konference për gazetarë.

Por, lideri ukrainas tha se është i hapur për diskutime me presidentin rus, Vladimir Putin, dhe shtoi se ai e ka diskutuar mundësinë që negociatat të mbahen në Jerusalem me kryeministrin izraelit, Naftali Bennett.

Duke iu referuar komenteve të Putinit për përparimin pozitiv që kanë bërë negociatorët rusë dhe ukrainas, Zelensky tha se “jam i lumtur të shoh sinjale nga Federata ruse. Për 12 vjetët e fundit, asnjëherë nuk kam dëgjuar deklarata për mundësi të dialogut”, tha ai.

Në këtë konferencë për media, presidenti ukrainas foli edhe humbjet në luftë. Ai tha se që prej nisjes së pushtimit rus, më 24 shkurt, afër 1,300 trupa ukrainase janë vrarë. Po ashtu, ai pretendoi se të premten afër 500-600 trupa ruse i janë dorëzuar ushtarëve ukrainas.

Ukraina dhe Rusia kanë mbajtur tri runde të bisedimeve në Bjellorusi. Po ashtu, kryediplomatët e dy shteteve janë takuar më herët gjatë javës në Antali të Turqisë, por nuk ka pasur përparim sa i përket marrëveshjes për armëpushim dhe hapjen e korridoreve humanitare.

Rusia, më 24 shkurt, nisi një pushtim të paprovokuar të Ukrainës. Që atëherë, Perëndimi ka vendosur sanksione të ashpra ndaj Moskës.

The post Zelensky: Armëpushimi duhet t’i paraprijë negociatave të paqes appeared first on Albeu.com.