Nedim Bajrami është bërë pjesë e Al Taawoun, skuadër që garon në elitën e futbollit të Arabisë Saudite, duke nisur kështu një etapë të re në karrierën e tij. Mesfushori shqiptar u prezantua të hënën në mbrëmje, pas marrëveshjes së arritur mes klubit saudit dhe Rangers në formën e huazimit.

Ky transferim ka sjellë edhe reagimin e presidentit të Federatës Shqiptare të Futbollit, Armand Duka. Kreu i FSHF-së e ka cilësuar lëvizjen si një sfidë të re dhe një mundësi tjetër për Bajramin që të dëshmojë cilësitë e futbollit shqiptar.

Duka shprehet gjithashtu se mesfushori kuqezi do të vazhdojë të shkëlqejë dhe do t’i përfaqësojë me dinjitet ngjyrat e Shqipërisë.

“Një sfidë e re, një tjetër mundësi për të treguar vlerat e futbollit shqiptar. I uroj Nedim Bajramit shumë suksese me Al Taawoun dhe besoj se do të vazhdojë të shkëlqejë e të përfaqësojë me dinjitet ngjyrat tona.”

The post Nedim Bajrami nis aventurën në Arabinë Saudite, Duka: Do t’i nderojë sërish ngjyrat kuqezi appeared first on Albeu.com.

Nedim Bajrami është lojtari më i ri i Al Taawoun. Klubi saudit e zyrtarizoi afrimin e mesfushorit të Shqipërisë përmes një postimi në rrjetet sociale.

Për 27-vjeçarin nga Tetova nis kështu një etapë e re, pas një eksperience jo shumë pozitive në kampionatin skocez me Rangers.

Duke qenë se nuk bënte pjesë në planet e trajnerit, Bajrami vendosi të largohej nga klubi skocez dhe kalimi i tij tek Al Taawoun është realizuar në formë huazimi.

The post Jashtë planeve të trajnerit te Rangers, Nedim Bajrami transferohet te Al Taawoun appeared first on Albeu.com.