Sipas vendimit të Gjykatës së Rrethit Gjyqësor Pukë, ndaj Pecorellit është caktuar masa “arrest në burg”, pasi ai dyshohet për një sërë veprash penale të rënda, përfshirë “mashtrimi”, “dhunimi i varreve”, “shkatërrimi i pronës me zjarr” dhe “kalimi i paligjshëm i kufirit shtetëror”.

47-vjeçari në janar të vitit 2021, inskenoi ngjarjen e vrasjes së tij dhe djegies së trupit vepër për të cilën u dënua nga gjykata e Shkodrës në prill të vitit 2024 me 4 vite burgim.

Të gjitha shkallët e drejtësisë italiane vendosën ekstradimin e tij drejt Shqipërisë, ku kishte marrë dënimin, ndërsa vetë Pecorelli kishte deklaruar disa ditë më herët në Itali se nuk do të apelonte vendimin për ekstradim.

The post Inskenoi vdekjen e tij, Davide Pecorelli ekstradohet nga Italia në Shqipëri appeared first on Albeu.com.

Deklarata u bë pas një takimi me mbretin Abdullah të Jordanisë, të cilin e bindi të marrë rreth 2 mijë fëmijë nga Gaza.

Trump u pyet nga gazetarët nëse Shqipëria dhe Indonezia janë dy vende të tjera, përveç Egjiptit dhe Jordanisë, ku mund të zhvendosen palestinezët dhe presidenti amerikan e pohoi.

Në përgjigjen e tij, Trump shtoi se liderët e këtyre vendeve, janë njerëz me zemër të madhe dhe se kanë kërkuar vetë të marrin palestinezë.

Gazetarja: A do t’i konsideronit edhe vende të tjera, jo Jordania apo Egjipti, janë përfolur Indonezia, Shqipëria pra vende të tjera?

Trump: “Po, patjetër. Kemi vende të tjera që duan të përfshihen. Kemi shumë njerëz që duan të përfshihen. Ka një mirëkuptim të madh për t’i ndihmuar palestinezët. Ka vende të mira atje, njerëz me zemër të madhe dhe ky zotëria këtu (mbreti Abdullah) është në krye të listës”.

Deklarata e Trump, bie në kundërshtim me qëndrimin që ka mbajtur kryeministri Edi Rama, dy javë më parë.

Kur një gazetar izraelit, i quajtur Amit Segal, publikoi informacionin se Shqipëria ishte një nga vendet ku do të zhvendoseshin palestinezët, kryeministri Rama e përgënjeshtroi menjëherë.

“Nuk është absolutisht e vërtetë”, u shpreh Rama, që u shfaq i habitur nga informacioni që publikoi Amit Segal, duke shtuar se prej kohësh nuk kishte dëgjuar “diçka kaq të rreme”.

Rama kujtoi se Shqipëria e ka njohur shtetin e Palestinës dhe se; “nga zemra e Europës, ne nuk mund të bëjmë më shumë se çdo vend tjetër europian në një çështje të tillë”.

“Më lejoni të jem i qartë: Shqipëria nuk është kërkuar nga askush dhe as ne nuk mundemi. madje mendoni të merrni përsipër ndonjë përgjegjësi të tillë. Jemi krenarë për miqësitë tona të forta me Izraelin, Emiratet e Bashkuara Arabe, Arabinë Saudite, Katarin, Kuvajtin dhe, natyrisht, me popullin palestinez, shtetin e të cilit Shqipëria e ka njohur shumë kohë më parë. Por Shqipëria nuk është në vetë Lindjen e Mesme dhe nga zemra e Europës, ne nuk mund të bëjmë më shumë se çdo vend tjetër europian në një çështje të tillë”, u shpreh kryeministri i Shqipërisë.

The post Palestinezët në Shqipëri? Rama mohoi se ka negociata, Trump thotë se Shqipëria është një nga vendet që po diskutohet (VIDEO) appeared first on Albeu.com.

Përmes një njoftimi, Policia e Shtetit deklaroi se ekstradimi do të kryhet, si rezultat i rezultat i bashkëpunimit ndërmjet Interpol Tiranës dhe homologëve në Turqi.

“Si rezultat i bashkëpunimit ndërmjet Interpol Tiranës dhe homologëve në Turqi, pritet që ditën e sotme, të ekstradohet në Shqipëri, shtetasi i shumëkërkuar Dritan Rexhepi alias Gramos Rexhepi”, thuhet në njoftimin e policisë.

The post I shumëkërkuari Dritan Rexhepi do të ekstradohet nga Turqia në Shqipëri appeared first on Albeu.com.

Dy avionët vijnë në vendin tonë, si mbështetje e Mekanizmit Evropian të Mbrojtjes Civile, pjesë e të cilit është edhe Shqipëria.

Ekuipazhet rumune do të dislokohen për gati 10 ditë në Bazën Ajrore të Kuçovës, ku do të koordinohen nga Agjencia Kombëtare e Mbrojtjes Civile për t’u angazhuar që sot, në vatrat e zjarrit, ku situata është më kritike.

I pranishëm në pritjen e dy avionëve nga Rumania me ekuipazhet e tyre, Ministri i Mbrojtjes Pirro Vengu falënderoi autoritetet rumune për ndihmën në këto momente të vështira.

Dy avionët ushtarakë janë njëri model C-27J (Spartan), që do të angazhohet në operacionet e fikjes së zjarreve si dhe tjetri C-130 (Hercules), i cili ofron mbështetje logjistike për C-27J, ndërsa kapaciteti është 6 ton ujë për çdo fluturim.

The post Zjarret në vendin tonë, mbërrijnë në Shqipëri dy avionë rumunë për ndërhyrje në vatrat më kritike (FOTOT) appeared first on Albeu.com.

Gjithashtu, ai u shpreh se në vendin tonë mungojnë mjekët, ilaçet dhe shërbimet, ndërsa ka ftuar shqiptarët të bëhen pjesë e protestës që do të mbahet mbrëmjen e sotme para Kryeministrisë.

Mes tw tjerash, Aliahmeti u shpreh se;  “e drejta e shëndetit duhet mbrojtur, e drejta e jetës duhet mbrojtur”.

Deklarata:

1. Që në krye të herës, modeli qeverisës “Rama” erdhi në fuqi me gënjeshtrën e “Shëndetësisë Falas”. E tani çdo qytetar e ka të qartë se sa falas është kjo shëndetësi.

Plot 60% e shpenzimeve shëndetësore dalin direkt nga xhepi i qytetarit raporton OBSH-ja në fundin e vitit 2023, niveli më i lartë në Europë, pas 10 vitesh implementimit të “Shëndetësisë Falas”.

Sepse në fakt këtë vizion ka modeli i tyre qeverisës.

2. Premtuan që do ta çonin shpenzimin publik të shëndetësisë në 5% të Prodhimit të Brendshëm Bruto dhe pas 11 vitesh që e shkruajnë vetë buxhetin kjo vlerë është vetëm 2.78% e PBB.

• Niveli më i ulët i shpenzimit publik në Europë.

• As nivelin 3% nuk e kapin dot, jo më nivelin 5%.

• Jo se nuk munden, por se nuk duan.

• Duan që të jenë qytetarët ata që paguajnë.

• Sepse ky është vizioni i modelit të tyre qeverisës.

3. E këto pak para që kanë vendosur, ku shkojnë? Ku i çon ky model qeverisës? Mbi 455 milionë euro kanë përfunduar deri tani në xhepat e tyre përmes skemës së katër koncesioneve në shëndetësi.

4. Kujtoj miqtë e mi që falë këtij modeli qeverisës, ndërkohë që ju u përballët të vetëm me pandeminë COVID-19 duke paguar nga xhepi çdo shpenzim, testim, ekzaminim e trajtim, jo vetëm që u tallën duke pretenduar se rimbursimi i shpenzimeve ishte vetëm 40 euro për pacient, por pretenduan se ishin edhe menaxhuesit më të mirë të pandemisë në botë.
a. Por grupi ndërkombëtar i punës i udhëhequr nga Universiteti i Washingtonit tregoi qartë se deri në fundin e vitit 2021 kishin humbur jetën 17.300 shqiptarë, mbi 5-fish më shumë se sa pretendonte Ministria e Shëndetësisë deri atëherë.

b. E ky numër ka kaluar mbi 20.000 deri në fund të pandemisë, duke e bërë Shqipërinë një ndër 10 shtetet me menaxhimin më të keq në botë, falë vizionit të modelit të tyre qeverisës.

5. Për më tej, ky model qeverisës bazohet mbi krijimin e kapaciteteve të kufizuara.

a. Kapacitete të kufizuara burimesh njerëzore. Dhe e dimë shumë mirë se sa mjekë e infermierë janë larguar tashmë nga Shqipëria, duke bërë që të kemi numrin më të ulët të mjekëve për frymë në Europë sipas OBSH-së e të kemi zona pa fund pa mjekë.

b. Kapacitete të kufizuara shërbimesh. Dhe e dimë shumë mirë se si nuk kryhen sistematikisht shërbime të caktuara të spitalet publike që të krijohen hapësirat për shfrytëzime dhe abuzime.

c. Kapacitete të kufizuara mjekimesh. Dhe e dimë shumë mire se si ranë me një të katërtën shpenzimet për rimbursimin e barnave: nga 2.1% e shpenzimeve totale buxhetore në vitin 2013, në 1.6% në vitin 2024.

E, ndërkohë që fondi i rimbursimeve ka rënë me 3.4% të shpenzimit total të FSDKSH, nga 24% në 2019, në 20.6% në vitin 2023, shpenzimet për koncesionet u rritën me 2% të shpenzimit total të FSDKSH, nga 7% në 9%. Pra, qartazi, paratë e rimbursimeve të ilaçeve tuaja po shkojnë në xhepat e tyre.

Sepse ky është vizioni i modelit të tyre qeverisës.

Pikërisht ky model qeverisës, që bazohet mbi krijimin e mungesave, ka vendosur koncesionet dhe përfitimet në qendër të vizionit të tyre dhe pacientin në periferi.
E për të hedhur hi syve njerëzve që nuk marrin sistematikisht shërbimin shëndetësor prej vitesh me radhë, demonizon personelin shëndetësor, të fundit në listë në shkallë përgjegjësie, pasi rregulli kyç i përgjegjësive është që përgjegjësitë shkojnë për lart.

E kjo duhet të na bëjë të shohim qartësisht faktin se kemi aktualisht dy ish-Ministrat e Shëndetësisë të qeverive Rama 1, Rama 2 dhe Rama 3 në SPAK për korrupsion dhe shpërdorim detyre.

E në vend që të kërkojnë falje publike për dështimet e modelit të tyre qeverisës, ka disa ditë që Rama mbledh mjekët dhe në vend që të diskutojë me ta mbi mënyrën e zgjidhjes së kolapsit në shëndetësi dhe riparimin e këtij modeli problematik ai i kërcënon mjekët me masa represive.

Ne e njohim mirë këtë model që ka implementuar ai që prej ardhjes në pushtet në 2013 dhe që nuk ka prodhuar asnjëherë zgjidhje.

Epo ky model përçmues për jetën dhe shëndetin duhet kundërshtuar miqtë e mi!

E drejta e shëndetit duhet mbrojtur!

E drejta e jetës duhet mbrojtur!

Për këto arsye ju ftoj të gjithëve në protestën e datës 11 korrik!

Të protestojmë në emër të shëndetit!

Të protestojmë në emër të jetës!

The post Protesta/ Ilir Alimehmeti: Në Shqipëri mungojnë mjekët, mungojnë ilaçet dhe shërbimet appeared first on Albeu.com.

Sipas Bashës, nëse askush nuk e lufton mafian shqiptare në shqiperi, kjo do të bëhet e gjithëpushtetshme dhe nje rrezik per te gjithe Europen.

Deklarata e Sekretarit per Sigurinë në Partinë e Lirisë, Faik Basha: Prej 2015 Mediat ndërkombëtare ngritën shqetësimin se në ballkanin perëndimor në vendin e quartur Shqipëri, po ndertohet një Narko Shtet, Sot Mafia e ngritur në Shqipëri po kërcënon të gjithë europën dhe është bërë tepër e rrezikshme, deri në Amerikën Latine.

Njeriu që udhëheq luftën e Italisë Kunder Krimit të Organizuar, Prokurori i antimafias Nicola Gratter, kur fliste për mafian Shqiptare në vitin 2021 ai tha: “Në shqipëri korrupsioni është i frikshëm ku 1/3 e Shqipërisë është e mbjellë me marjuanë. Nëse askush nuk e lufton mafian shqiptare në shqiperi, kjo do të bëhet e gjithëpushtetshme dhe një rrezik për të gjithë Europën. Raporti i DASH- Forca e këtij regjimi korruptiv, u rrit nga korrupsioni galopant i shtrirë në të gjitha nivelet e qeverisjes. Sot e gjithë bota është e shqetesuar për rrezikun që vjen nga Narko-Shteti i Drejtuar nga Edi Rama.

Mediat më prestigjoze në botë, po shkruajnë për Narko Shtetin Shqiptar.

-Ëolld tek buk-CIA

-The idependent

-Faineshell Taim

-Revista Vais ne SHBA

-Thestik peiper

-BILD, tabloidi gjerman që është gazeta me tirazhin më të madh në Evropë, Ekspozoi lidhjet midis kryeministrit socialist të Shqipërisë Edi Rama dhe sindikatave transnacionale të krimit të organizuar.. BILD më pas shkoi më tej me një segment të titulluar “Shqipëria, narkoshteti në pragun tonë”, i cili, bazuar në informacionet e zyrtarëve perëndimorë, e përshkruan Shqipërinë si “sistemi nervor i mafies së kokainës në Evropë”.

Mafiozët shqiptarë lulëzojnë në Gjermani, Itali,Hollande, Belgjike, France ederi ne Amerike për shkak të lidhjeve politike, Problemi, vëren BILD, është se “narko-mafia ka lidhje në politikën shqiptare deri në nivelet më të larta” E thënë më pak fjalë: “Hetuesit gjermanë dhe ndërkombëtarë kanë në shënjestër edhe familjen e kryeministrit Edi Rama. Vëllai i tij, Olsi Rama, është nën hetim në lidhje me një rrjet të madh të trafikut të kokainës që vepronte në qytetin gjerman të Hanoverit”. -Xhan Shingler- Ëashington egzaminer faqe e se ciles u bllokua ne shqiperi pasi publikoi fakte te kapjes se shtetit nga mafia ku Rama e ka kthyer Shqipërinë në mbretërinë evropiane të drogës, një narko-shtet i plotë shkruan Shigler. Dhe e fundit Sigfrido Ranuci ne RAI-3 me dy episode tronditesi ku tregohet qarte se koka e Krimit te organizuar  ne Shqiperi eshte Edi Rama i cili e ka kthyer Kryeministrine ne Seline Qendrore te Mafias ku prej aty drejton dhe kontrollon gjithcka. Gjithashtu po dje u kercenua  nga kartelet Meksikane te droges gazetari Sigfrido Ranuci. Përfaqësues të karteleve shqiptare të lidhura me ato meksikane kanë telefonuar avokatin Alesandro Tinelli. Kërcënuesit i kanë përcjellë avokatit Tinelli, kërcënimet për gazetarin, Zigfrido Ranuçi Shqipëria narko-shtet. Kryeministri I Vendit eshte drejtues kryesor I organizatave kriminale ne vend.

Deputet dhe ministra te perfshire ne ngjarje kriminale dhe struktura drejtuese te krimit te organizuar. Gjygjtar e prokuror te lidhur ngusht me krimin dhe ne sherbim te saje.  Ushtria e mbjell ne reparte me hashash Nre 2014 paisjet e radareve fiken per tju ardhur ne dihme grupeve te trafikimit te lendeve narkotike per ti transportuar drejt Italise Te gjitha keto te faktuara, tregojne qarte se Edi Ranma e ktheu shqiperine ne nje Narko-Shtet. Ish-numri dy i qeverisë, Arben Ahmetaj, dikur i etiketuar si TIGRI i qeverisë e tashmë një i shumëkërkuar ndërkombëtarisht, për aferën e incenetorëve, ngre akuza të forta ndaj kryeministrit Edi Rama. Ai flet për takime të Ramës me bossë të mafias në zyrën e tij brenda godinës së qeverisë. “I takon bosët e mafias në zyrën e tij në selinë e kryeministrisë, e kam parë”, thotë Ahmetaj.

Që në Shqipëri qeveria është e kapur nga krimi, kjo dihet dhe faktet janë publikuar nga mediat në Shqipëri dhe ato nderkombetare rast pas rasti. Që në Shqipëri pastrohen para në kulla e grataciela, edhe ky është një fakt që dihet botërisht. Që zgjedhjet blihen edhe ky është një fakt i pakundërshtueshëm. SPAK duhet urgjentisht të luftojë këtë organizatë mafioze që drejtohet nga Kryeministria dhe i ka degët deri në Amerikën Latine. SPAK duhet urgjentisht të hetojë dhe zbardhë nëse kryeministri pret në zyrë bossë të mafias, ҫfarë iu ka kërkuar dhe cfarë ka marrë në këmbim.

The post Sekretari për sigurinë në PL: Në Shqipëri korrupsioni është i frikshëm, 1/3 e vendit është e mbjellë me marijuanë appeared first on Albeu.com.

Të 4 këta shtetas akuzohen nga autoritetet në Itali, për veprën penale “Trafikimi i lëndëve narkotike”, kryer në kuadër të organizatës kriminale.

“Prej orëve të para të mëngjesit, strukturat e Policisë së Shtetit janë përfshirë në një operacion të përbashkët me Policinë italiane, të koduar “Car Wash”.

Operacioni, i iniciuar dhe aktualisht në zhvillim në Itali, me qëllim lokalizimin dhe arrestimin e pjesëtarëve të një organizate kriminale për trafikim lëndësh narkotike.

Si rezultat i punës hetimore, shkëmbimit të informacioneve dhe veprimeve të tjera operacionale, të përbashkëta me Policinë italiane, në kuadër të operacionit ndërkombëtar “Car Wash”, u identifikuan dhe u shpallën në kërkim shtetasit M. B., 34-vjeç, banues në Tiranë dhe U. B., 36-vjeç, banues në Dibër, vëllezër, si dhe shtetasit E. P., 39-vjeç, banues në Tiranë dhe B. G., 31, banues në Vlorë.

Të 4 këta shtetas akuzohen nga autoritetet në Itali, për veprën penale “Trafikimi i lëndëve narkotike”, kryer në kuadër të organizatës kriminale.

Vijojnë kërkimet, kontrollet dhe veprimet e tjera operacionale, të koodinuara me Policinë e Italisë, me qëllim lokalizimin dhe vënien në pranga të 4 shtetasve të shpallur në kërkim”,  njofton policia.

The post Të akuzuar për trafik të lëndëve narkotike në Itali, shpallen në kërkim 4 persona në Shqipëri appeared first on Albeu.com.

Kujtojmë se më 27 Shkurt Ministria e Drejtësisë, njoftoi ekstradimin nga Kosova drejt Shqipërisë të kërkuarit për trafik droge dhe grup të strukturuar kriminal, 56-vjeçarit (Gëzim) Çelaj alias Çela, i quajtur dhe si “Baroni i drogës”.

“Ekstradimi i tij do të bëhet bazuar në një vendimmarrje të 11 janarit të Gjykatës Themelore në Ferizaj të Kosovës, për lejimin e ekstradimit të thjeshtuar të këtij shtetasi, për shkak se ai ka dhënë pëlqimin për t`u ekstraduar drejt Shqipërisë.

Kërkesa për ekstradimin e Çelës bazohet në një vendim të Gjykatës së Posaçme të Shkallës së Parë për Korrupsionin dhe Krimin e Organizuar të tetorit të vitit të kaluar, për caktimin ndaj tij të masës së sigurimit “Arrest në burg”, për kryerjen e veprave penale “Trafikimi i narkotikëve” e kryer në bashkëpunim, në formën e grupit të strukturuar kriminal “Grupi i strukturuar kriminal” dhe “Kryerja e veprave penale nga grupi i strukturuar kriminal”.

The post I njohur si “baroni i drogës”, Gëzim Çela akstradohet sot nga Kosova drejt në Shqipërisë appeared first on Albeu.com.

Presidenti i Ukrainës, Volodymyr Zelensky, do të vizitojë Shqipërinë për herë të parë, dhe pritet që të mbërrijë në Tiranë mbrëmjen e sotme.

Lideri ukrainas do të jetë i pranishëm nesër, ku do të marrin pjesë edhe disa nga zyrtarët më të lartë të Brukselit, liderët e vendeve të Ballkanit Perëndimor dhe të Europës Juglindore.

Në axhendën e tij, Presidenti i Ukrainës pritet të ketë disa takime bilaterale, mes të cilave me kryeministrin Edi Rama, Presidentin Bajram Begaj dhe kryeparlamentaren Lindita Nikolla, megjithëse detajet e vizitës, nuk janë konfirmuar ende zyrtarisht për shkak të nivelit të lartë të sigurisë mbi të cilin do të zhvillohet kjo vizitë.

Pjesë e këtij samiti, përmes një videomesazhi do të behet edhe Presidenti i Turqisë, Rexhep Taip Erdogan, siç njoftoi vetë kryeministri Edi Rama nga Ankaraja më 20 shkurt.

Punimet priten të zhvillohet në ambientet e pallatit të Kongreseve, aty ku do të mbahet ceremonia pritëse, ndërsa në përfundim të sesioneve të mbyllura për mediat, do të ketë edhe një konferencë e përbashkët për shtyp.

Më datë 29 shkurt, do të vijohet me një tjetër samit, atë të Ballkanit Perëndimor ku do të marrin pjesë liderët e 6 vendeve të rajonit.

Fokusi i këtij takimi do të jetë tek plani i rritjes ekonomike për vendet e Ballkanit Perëndimor dhe rruga drejt integrimit europian, ndërsa pritet të jetë e pranishme edhe presidentja e Komisionit Europian, Ursula Von Der Leyen.

The post Samiti për Ukrainën në Tiranë, Zelensky vjen sot për herë të parë në Shqipëri appeared first on Albeu.com.

Ai ka ndarë fotografi nga vizita në Shqipëri, ku ka risjellë në vëmendje edhe temat thelbësore të diskutimit gjatë takimit me kryeministrin Edi Rama, si dhe me presidentin Bajram Begaj.

Duke e konsideruar Shqipërinë si partner të vjetër të SHBA-së dhe aleat të NATO-s, Blinken thotë se me Ramën dhe Begaj, ka konfirmuar mbështetjen e SHBA-së për rrugën e vendit tonë drejt integrimit në BE, si dhe për luftën kundër korrupsionit dhe krimit të organizuar.

“Javën e kaluar bëra udhëtimin tim të parë si Sekretar në Shqipëri, një partner i vjetër i SHBA-së dhe aleat i NATO-s, dhe më pas iu bashkona zëvendës presidentes Kamala Harris në Konferencën e Sigurisë në Mynih. Në Shqipëri, me Presidentin Bajram Begaj dhe kryeministrin Edi Rama diskutova mbështetjen tonë për rrugën e saj drejt trashëgimisë në BE, si dhe luftën kundër korrupsionit dhe krimit të organizuar”, shkruan sekretari amerikan i Shtetit.

Gjithashtu, Blinken tregon edhe takimin me stafin e ambasadës amerikane në Tiranë, të cilët sipas tyre, po punojnë për dërgimin e afganëve të strehuar në Shqipëri, për në SHBA.

“U takova gjithashtu me ekipin e ambasadës Amerikane, të cilët po punojnë çdo ditë në prioritetet kryesore të politikës së jashtme, duke përfshirë dërgimin e mijëra aleatëve afganë nga Shqipëria në SHBA. Ndihma e Shqipërisë në këtë përpjekje mishëron humanizmin dhe traditën e saj të rrënjosur thellë për t’u kujdesur dhe për të strehuar ata që janë në nevojë”,  shkruan Blinken.

Duke u ndalur te pjesëmarrja në konferencën e Mynihut, Blinken thotë se u angazhua me liderët globalë për të nënvizuar mbështetjen për Ukrainën, si dhe për të arritur paqen në Lindjen e Mesme.

“Në Mynih, u angazhova me liderë globalë për të nënvizuar mbështetjen tonë për Ukrainën, për të diskutuar punën tonë për të arritur paqen dhe sigurinë e qëndrueshme në Lindjen e Mesme dhe për të theksuar angazhimin tonë të palëkundur ndaj sigurisë transatlantike. U takova me Ministrin e Jashtëm gjerman Annalena Baerbock dhe ministrin indian të Punëve të Jashtme Subrahmanyam Jaishankarpër një forum publik ku trajtuam kërcënimet e vazhdueshme ndaj paqes dhe sigurisë globale. Dhe në një takim të ministrave të jashtëm në fund i të konferencës, homologët e mi të G7 dhe unë dënuam fuqishëm agresionin e Rusisë kundër Ukrainës. U larguam më të fortë dhe më të bashkuar për të përballuar sfidat e sotme”,  tha Blinken.

Blinken zhvilloi më 15 Shkurt 2024, një vizitë në Tiranë, ku mesazhet më të rëndësishme i përqendroi te reforma në drejtësi kur tha se ajo po jep rezultatet dhe kështu duhet të vazhdojë, ndërsa vlerësoi rolin ndërkombëtar të Shqipërisë si një aleat i çmuar global i SHBA-ve.

Ai zhvilloi takim edhe me kreun e SPAK Altin Dumani dhe përfaqësues të tjerë të drejtësisë, ku mesazhi për ta ishte goditja ndaj të paprekshmëve.

The post Blinken pas vizitës në Shqipëri: Konfirmova mbështetjen e SHBA për luftën kundër korrupsionit appeared first on Albeu.com.