Sipas informacioneve paraprake, arrestimi është kryer më 27 maj të këtij viti ku Kajmaku ishte vënë nën vëzhgimin e policisë prej gati 1 viti. Autoritetet i kishin vendosur kamera në dyqane e banesa ku ai ishte parë, duke pasur dyshime të forta se ishte një person i përfshirë në trafik droge.

Gjatë operacionit ai i është prezantuar policisë si Agim Kajmaku i datëlindjes 6 korrik 1971 dhe si ish-kryebashkiak i Vorës në Shqipëri. Në momentin e arrestimit përveç 20 kg drogë të veshur në vazo me lule atij ju gjetën mbi 500 mijë euro cash.

Operacioni anti-drogë mësohet se është ende në vijim e se autoritetet italiane kanë kërkuar ndihmën e atyre shqiptare. Policia e shtetit fqinj ka vënë në pranga edhe persona të tjerë, shqiptarë e jo vetëm që rezultojnë të jenë bashkëpunëtorë me Kajmakun, por ende nuk janë zbardhur detaje për ta.

The post Policia italiane e vëzhgonte prej kohësh, si ra në “grackë” Agim Kajmaku appeared first on Albeu.com.

Sipas News 24 ai ka qenë bashkë me nipin e tij në momentin e arrestimit dhe të dy janë vënë në pranga pasi akuzohen se në bashkëpunim me njëri tjetrin kishin kultivuar brenda vazove bimë narkotike.

Ka qenë pronari i fidanishtes ai që ka bërë denoncimin duke vënë në lëvizje policinë italiane për arrestimin e tyre.

Kajmaku dhe nipi i tij dyshohet se i kishin fshehur bimët narkotike pa dijeninë e pronarëve se biznesi i tyre ishte kthyer në ‘vatër’ të kultivimit të drogës.

Mediat italiane kanë publikuar edhe pamjet nga momentet e operacionit për kapjen e Kajmakut të nipit të tij. Ato shkruajnë se në rast se droga do të shitej do të kapte vlerën e rreth 1 milion eurove.

The post Drogë me vlerë 1 milion euro, policia italiane publikon pamjet e operacionit ku u arrestua Agim Kajmaku dhe nipi i tij (VIDEO) appeared first on Albeu.com.