Nga kjo parti thonë se në këtë rast Kovaçevski hesht dhe nuk thotë nëse tre deputetë të njësisë së parë dhe të dytë zgjedhore i kanë treguar se nëse këto amendamente kushtetuese janë në tryezë, nuk do të votojnë.

“Njëkohësisht Kovaçevski hesht për atë nëse 6 deputetë nga brenda i kanë thënë se ndryshimet kushtetuese janë gjëja më e keqe që mund të bëjë kjo qeveri? Kovaçevski ka problem me 9 deputetë të tij, të cilët janë kundër politikave të këqija që ai i çon në dëm të shtetit. Po ashtu edhe në LSDM ka njerëz që e dinë se si dhe në cilin drejtim duhet të shkojë vendi, por ata janë të shtypur nga Kovaçevski dhe njerëzit përreth tij përgjatë kësaj”.

“Por përveç deputetëve të LSDM-së, tani në pyetje është edhe një deputet i BDI-së, megjithëse Grubi hesht dhe nuk thotë nëse një deputet i partisë së tij ka kërkuar para për të votuar. Edhe Kovaçevski edhe Grubi e dinë se nuk do të ketë amendamente kushtetuese, kësisoj duan të qeverisin edhe disa muaj për një marrëveshje dhe një tender të turbullt plus”, thuhet në njoftimin e VMRO-DPMNE.

Në fund shtojnë se populli do t’i mposhtë politikat e qeverisë aktuale./ina

The post VMRO-DPMNE: 10 deputetë të shumicës parlamentare nuk do t’i votojnë ndryshimet kushtetuese appeared first on Albeu.com.