Me 30 vite burg është dënuar Ndue Zefi, i cili më 23 shkurt të 2019-s ekzekutoi me armë zjarri automatik 45-vjeçarin Martin Ndreca në Durrës.

Ngjarja nisi për arsye krejtësisht banale, si një konflikt verbal për çështjen e rakisë në ambientet e një lokali, duke vijuar më pas me një përplasje fizike mes tyre.

Pas këtij moment, autori Ndue Zefi u largua nga ambjentet e lokalit duke shkuar në banesë, ku edhe mori armën e krimit.

Ai priti deri në momentin që viktima Martin Ndreca ka dalë nga lokali bashkë me djalin 10-vjeçar dhe qëlloi me breshëri ndaj tij.

Fatmirësisht plumbat nuk kapën të miturin, por 45-vjeçari ndërroi jetë në vend.

Poçaria “në zhdukje”, Ali Gega ruan prej brezash traditën në këtë sektor të artizanatit
Tre ditë pas krimit, Ndue Zefi u vetëdorëzua në polici, duke pretenduar se krimin e kishte kryer në gjëndje të dehur.

Por Gjykata e Apelit Durrës nuk e ka marrë parasysh këtë pretendim, duke e shpallur fajtor për akuzën e “Vrasjes në rrethana të tjera cilësuese” dhe “Mbajtjes pa leje të armëve të zjarrit”, duke e dënuar me 30 vite burg.

Por kjo ngjarje e rëndë e shkurtit të 2019-s, dyshohet se filloi edhe një histori gjakmarrjeje, pasi 8 muaj më pas, në 2 tetor 2019, në fshatin Zallë-Xhuxhë në Fan të Mirditës është gjetur i vrarë me disa plumba, vëllai i Ndue Zefit, 34-vjeçari, Eri Zefi.

Për ekzekutimin e 34-vjeçarit, deri më sot policia e Lezhës ka identifikuar dhe arrestuar, Mikel alias Gjovalin Alia, ndërsa dy persona të tjerë, janë shpallur në kërkim pasi janë larguar nga territori shqiptar.

The post Vrau Martin Ndrecën për rakinë, 30 vite burg për Ndue Zefi appeared first on Albeu.com.