Ai deklaroi se mbledhja e Këshillit Kombëtar i shërbeu bashkimit dhe se ky bashkim i opozitës është më afër se kurrë.

Ai shtoi se misioni historik i demokratëve është që të kthejnë votën e lirë, e cila, sipas tij, është dhunuar në 10 vitet e qeverisjes së Edi Ramës.

Ai gjithashtu tha se kishte 6 vota kundër ndryshimeve të statutit.

Flamur Noka: Ne jemi në një etapë të re, duam bashkimin e demokratëve. Tashmë të gjithë të bashkuar do të vërshojmë cep më cep të Shqipërisë, për të bashkuar opozitarët për të rrënuar qeverinë kriminale. Misioni ynë historik është që shqiptarët të votojnë të lirë. Prej 10 vitesh, qeveria shkatërron zgjedhjet. Dhe që të rikthehet vota e lirë, duhet një qeveri teknike. Ndryshimet janë konfirmuar nga Kryesia dhe tani do të kalojnë tek Këshilli Kombëtar.

Kryesia e Rithemelimit votoi pro propozimit të ndryshimit të dy neneve të statutit që i hapin rrugë emërimit të Gazment Bardhit dhe Agron Gjekmarkajt si nënkryetar partie.

Një ditë më parë u zbardhën edhe dy nenet e statutit të Rithemelimit.

Konkretisht në nenin 47 të statutit, shtohet një pikë sipas të cilës kryesia e grupit parlamentar të bëhet pjesë e kryesisë së Rithemelimit.

Dy nenet që ndryshojnë:

Në nenin 47 të statutit të PDSH, pas pikës 2 shtohet pika 3 me përmbajtje si vijon;

Në rast se pas përcaktimit të përbërjes së Kryesisë së PDSH, sipas pikës 1 të nenit 47, deputetë anëtarë të Kryesisë së Grupit Parlamentar të PDSH, nuk rezultojnë anëtarë të saj, këta të fundit kuptohet me vendim Kryesie, si anëtarë të saj me të drejta të plota, dëri në përfundimin e mandatit parlamentar, ose zgjedhjen e tyre sipas pikës 1 të nenit 47.

Në nenin 51 të statutit të PDSH, pas pikës 2 shtohet pika 3 me përmbajtje si vijon;

Në rast se pas zgjedhjes së nënkryetarëve, sipas parashikimeve të nenit 45 rezulton se kryetari i grupit parlamentar të PD-së dhe sipas rastit Nënkryetari/Kryetari i Kuvendit të Shqipërisë nuk janë fitues sipas kësaj procedure, atëherë ata automatikisht konsiderohen nënkryetarë të partisë për shkak të funksionit. Përgjatë këtij mandati secili prej tyre gëzon dhe ushtron të njëjtat të drejta dhe përgjegjësi si nënkryetarët e zgjedhur, për aq kohë sa gëzon funksionin e drejtuesit të grupit parlamentar të PD dhe/ ose atë të Nënkryetarit/Kryetarit të Kuvendit të Shqipërisë.

Anëtarët e rinj të Kryesisë së Partisë Demokratike të Rithemelimit sipas ndryshimeve të reja statutore që u miratuan janë:

Gazment Bardhi – Kryetar i Grupit Parlamentar

Ervin Salianji – Nënkryetar i Grupit Parlamentar

Agron Gjekmarkaj – Nënkryetar i Kuvendit

Zheni Gjergji – (Kryetare, Komisioni i Shëndetësisë)

Dhurata Çupi – (Zëvendës kryetare, Komisioni për Punën, Çështjet Sociale dhe Shëndetësinë)

Helidon Bushati – (Zëvendës kryetar, Komisioni për Veprimtaritë Prodhuese, Tregtinë dhe Mjedisin)

Tomorr Alizoti – (Zëvendës kryetar, Komisioni për Politikën e Jashtme)

Ferdidant Xhaferri – (Zëvendës kryetar, Komisioni për Sigurinë Kombëtare)

Jorida Tabaku – (Kryetare, Komisioni për Çështjet Evropiane)./albeu.com

The post “6 vota kundër ndryshimeve të statutit”, Noka pas mbledhjes së Këshillit Kombëtar: Kemi një mision historik, duhet qeveri teknike appeared first on Albeu.com.

Ndryshimet statutore janë miratuar pas tre orësh debat.

Sakaq janë zbardhur disa nga diskutimet që janë zhvilluar me dyer të mbyllura.

Kreu i Këshillit Kombëtar Edi Paloka ka deklaruar në fjalën e tij se këto ndryshime janë shumë të rëndëishme për shkak të ndikimit që do ketë tek qytetarët.

Sipas tij, ndryshimet e reja kanë në thelmb bashkimin e demokratëve.

“Këshilli Kombëtar ka të drejtën të marrë vendime per ndryshime statutore.

Këto ndryshime janë domosdoshmeri per bashkimin e PD. Efekti bashkimit ka ndikim të madh jo vetem tek anëtarësia por edhe te qytetarët.

Sot propozojmë ndryshimin statutor që u diskutua dhe në Kryesi. U arrit mirëkuptim për formulimin. Ky ndryshim është  konsultuar edhe me Kryetarin Berisha. Në Kryesi diskutuam gjatë dhe patëm mendime të ndryshme por në fund arritëm në dakordësi”, tha Paloka.

Por anëtarja e Këshillit Endira Bushati i ka kërkuar llogari Palokës, për mosvënien në dijeni të rendit të ditës.

“E mësova nga mediat rendin e ditës. Ju z Paloka s’më kthyet përgjigje për rendin e ditës. Ne nuk jemi dele që ta marrim vesh rendin nga media.

Ju thatë me propozim të Kryesisë bëjeni transparente vendimarrjen, opinionet pro ose kundër.

Neni 54 statut theksohet: Gjykata partisë bën interpretimin e statutit. Kërkoj interpretim nga gjykata”, tha Bushati.

Ndërsa deputeti Flamur Noka e thuri theksin te zgjedhjet në disa degë të partisë, të cilat drejtohen nga kryetarë të komanduar.

“Kryesia e PD e mbledhur para 1 jave shqyrtoi vakumin institucional nË 19 degë që kandiduan për zgjedhjet vendore. Kemi 19 kryetarë të komanduar të cilëve ju ka përfunduar afati i komandimit.

Ky proces vjen pas bashkimit tonë që ka dhënë impakt pozitiv tek anëtarësia”, tha Noka

Deget ku do bëhen zgjedhje:

Malësi e Madhe

Lezhë

Kurbin

3 degë të Qarkut Durrës

Peqin

Mallakastër

Lushnje

Devoll

Kuçovë

Poliçan

Këlcyrë

Kamëz

Bulqizë./albeu.com

The post Miratohen ndryshimet statutore, Bardhi dhe Gjekmarkaj emërohen nënkryetarë! Zbardhen debatet me dyer të mbyllura në Këshillin Kombëtar të PD appeared first on Albeu.com.

Vendimi i plotë:

PARTIA SOCIALISTE E SHQIPËRISË

KONGRESI I PARTISË SOCIALISTE

Projekt

V E N D I M:

Nr_____, datë 09.04.2022

Mbështetur në nenin 32 të Statutit të Partisë;

Për të përmirësuar dhe për të bërë më efektiv drejtimin e strukturave të partisë në nivel vendor;

Për t’i hapur rrugë implementimit të ndryshimeve në organizimin e strukturës së drejtimit në nivel bashkie, sipas kërkesave të parashikuara në nenet 26 dhe 27 të Statutit që miratoi ky Kongres;

Për të përmbyllur gjithë procesin zgjedhor në strukturat vendore të partisë dhe për të përsosur veprimin organizativ, politik dhe elektoral të tyre;

Me propozim të Kryesisë së Partisë dhe të Asamblesë Kombëtare,

Kongresi i Partisë;

V E N D O S I:

Të ndërpresë mandatin 4 vjeçar të kryetarëve aktualë të partisë të bashkive;

Zgjedhja e drejtuesve të rinj të partisë në bashki të bëhet në përputhje me kërkesat e neneve 26 dhe 27 të Statutit dhe të Librit të Rregullave të Partisë;

Brenda datës 30.04.2022, Asambleja Kombëtare e Partisë të miratojë rregullat, procedurat, kriteret për organizimin e procesit të zgjedhjes për strukturat vendore të partisë si pjesë e Librit të Rregullave me ndryshimet e reja në Statut;

Procesi i zgjedhjes së strukturave drejtuese të partisë në çdo bashki do të zhvillohet në periudhën 1 Maj – 15 Qershor 2022;

Kryetarët aktualë të partisë së bashkive do ushtrojnë detyrat e tyre deri në zgjedhjen e kryetarëve të rinj;

Ngarkohet Kryesia e Partisë dhe Sekretariati ekzekutiv për zbatimin e këtij vendimi.

KONGRESI I PARTISË

The post RISITË/ Statuti i PS pëson ndryshime appeared first on Albeu.com.

Burime për albeu.com bëjnë me dije se gjyqtari Agron Zhukri, ka depozituar kërkesën për tërheqjen e tij, ndërkohë nuk ka dhënë asnjë arsye për vendimin e marrë.

Ndërkaq në lidhje me këtë proces tashmë pritet që të rihidhet sërish shorti për të zgjedhur gjyqtarin që do të marrë çështjen në dorëzim dhe do të zëvendësojë Zhukri.

Komisioni i Rithemelimit të Partisë Demokratike i depozitoi më 15 dhjetor në Gjykatë ndryshimet statutore që u miratuar në Kuvendin Kombëtar të PD-së më 11 dhjetor, të thirrur nga ish-kryeministri Sali Berisha., me qëllim për të legalizuar çdo ndryshim të miratuar në Kuvend.

Gjithashtu kujtojmë se në Gjykatë ka paraqitur çështje edhe kryedemokrati Basha për ndryshimet e miratuara në Kuvendin e PD-së të mbledhur në 17 Korrik./albeu.com/

The post Do gjykonte statutin e PD të miratuar në Kuvendin e Berishës, tërhiqet gjyqtari Agron Zhukri appeared first on Albeu.com.

Në zgjerimin e Kryesisë është përfshirë edhe Kryetarin e Këshillit Kombëtar, ku aktualisht është Bujar Nishani, Kryetarin e Bordit Financiar, Kryetarin e Komisionit Zgjedhor dhe Kryetarin e Komisionit të Apelimit, Integritetit dhe Etikes.

Në këtë kryesi duhet ruajtur edhe respektimi gjinor, ku jo më pak se 30 % e anëtarësisë të jetë grua. Të gjitha këto propozime të Bashës u miratuan sot përmes Statutit të ri me 60 nene./albeu.com

The post Kuvendi Kombëtar i PD miraton ndryshimet në Statut, kalojnë të gjithë propozimet e Bashës appeared first on Albeu.com.