Mësohet se Berisha, i “ka shpërblyer” Alizotin dhe Mziun me detyra të rëndësishme. Tomorr Alizoti përkatësisht do të jetë në krye të grupit të punës në Berat, ndërsa Xhelal Mziu do të jetë kreu i grupit të punës në Dibër./albeu.com/

The post Ndryshime në PD, Berisha “shpërblen” me postet e rëndësishme Xhelal Mziun dhe Tomorr Alizotin appeared first on Albeu.com.

Partia më e madhe opozitare vendosi sot në mbledhjen e Këshillit Kombëtar të zgjedhë zotin Agron Gjekmarkaj si nënkryetar të Kuvendit të Shqipërisë dhe nënkryetar i partisë, ndërsa Enkelejd Alibeaj u zgjodh kryetar i grupit parlamentar, në vend të zotit Alfred Rushaj, larguar për arsye shëndetësore.

“Organizatorët e dhunës nuk do të mbajnë më funksione përfaqësuese të Partisë Demokratike” – tha kryetari i saj, Lulzim Basha, ndërsa propozoi tre zonja në komisionet e Kuvendit.

Kryetare e komisionit parlamentar të Shëndetësisë propozohet Grida Duma, kryetare e komisionit të Arsimit – Flutura Açka dhe nënkryetare e komisionit të Ligjeve – Dhurata Çupi.

“Partia Demokratike është e hapur ndaj çdo demokrati, e të gjithë për të krijuar një partneritet të fortë dhe aleancë me SHBA-të kundër regjimit të kryeministrit Rama. PD ka si mision të luftojë të vetmin kundërshtar; Edi Ramën. Por një pakicë brenda nesh ka zgjedhur të na luftojë ne, demokratët”, – tha zoti Basha.

Ai theksoi se Shqipëria ndodhet në një krizë të rëndë, ndaj nevojitet ndihmesa e çdo qytetari, që do ndryshimin e saj.

“Këto janë ditët më të vështira, që ka kaluar kjo parti, për shkak të dhunës së organizuar nga Sali Berisha më 8 janar. Ato akte janë ndarje e Partisë Demokratike me dhunuesit, organizatorëve dhe nxitësit e dhunës. Demokratët e refuzuan dhunën e organizuar nga Sali Berisha, ndonëse u mashtruan dhe u janë presione nga më të skandalozet. Sali Berisha synon të të dëmtojë, mundësisht ta shkatërrojë Partinë Demokratike dhe ta përdorë PD si mburojë, por ne nuk do ta lejojmë këtë” – tha zoti Basha.

Përkrahës të ish kryeministrit Sali Berisha sulmuan dhunshëm fundjavën e kaluar selinë qendrore të Partisë Demokratike.

Ata dëmtuan rëndë godinën dhe kërkuan largimin e kryetarit Lulzim Basha, pas shkarkimit që, sipas tyre, i kishte bërë një tjetër kuvend i thirrur nga ish kryetari Berisha.

The post VOA: Një javë pas sulmit të dhunshëm, PD ndryshime në përfaqësimin e saj në parlament appeared first on Albeu.com.

Mësohet se në mbledhjen e sotme të Këshillit Kombëtar janë bërë ndryshime që kanë të bëjnë me drejtimin e komisioneve parlamentare dhe në Byronë e Kuvendit.

Ndryshimet janë si më poshtë:

Kryetari i Grupit Parlametar, Enkelejd Alibeaj

Nënkryetar i Kuvendit, Agron Gjekmarkaj

Kryetar i Komisionit të Shëndetësisë: Grida Duma

Kryetar i Komisionit të Arsimit: Flutura Açka

Nënkryetar i Komisionit të Ligjeve: Dhurata Çupi

Sekretariati për Buxhetin: Xhelal Mziu (sekretar)

Sekretariati për Procedurat, Votimet dhe Etikën: Bledion Nallbati (anëtar)

Sekretariati për Statusin e Deputetit: Dashnor Sula (sekretar)

Sekretariati për Kërkimin Parlamentar, Bibliotekën dhe Botimet: Lindita Metaliaj (anëtar)

The post Pas përplasjes te selia, ndryshime të rëndësishme në PD appeared first on Albeu.com.