Me anë të një postimi në Facebook, Këlliçi shkruan se, ka zhvilluar takime me banorë të degës nr. 15, që përfshin fshatrat Vaqarr, Pezë, Ndroq.

Reagimi i Belind Këlliçit:

Mirënjohje për të gjithë demokratët të cilët u përballën me një makineri shtetërore e kriminale të presionit, dhunës ndaj votës së lirë.

Kontributi, puna juaj e palodhur nuk do të shkojë kurrë dëm.

Qëndresa juaj është shembulli se si qytetarët e lirë nuk i nënshtrohen një regjimi gjithnjë e më të paturpshëm që zgjedhjet tashmë i ka kthyer në farsë!

The post Këlliçi me qytetarët në Ndroq: Qëndresa juaj është shembulli se si qytetarët e lirë nuk i nënshtrohen një regjimi appeared first on Albeu.com.

Sipas tij, Alfred Dedja, e ofendonte sa herë që takoheshin. Takimin e fundit, 27-vjeçari ka thënë se e kishin pasur 10 ditë më parë.

Edhe aty, ka treguar Gjoshi, ishin sharë me njëri-tjetrin.

“Ndihesha i ofenduar, pasi sa herë që takoheshim më shante e ofendonte. Jemi takuar edhe 10 ditë para ngjarjes dhe sërish më ka ofenduar. Ditën e ngjarjes e kam marrë unë në telefon dhe i kam thënë hajde se po të pres për kafe. Sapo u ul e qëllova me armë. Unë atë e kam mbajtur me lekë e bukë kur punonte menaxher te Golden, pronë e familjarëve të mi. Pasi kreva vrasjen u largova menjëherë. Pistoletën e hodha jo shumë larg nga lokali, në anë të disa shkurreve“, ka treguar 27-vjeçari Julian Gjoshi.

Nga ana tjetër, policia këtë të martë do të nisë kontrollet në zonë për të gjetur pistoletën. Ndërsa autori Gjoshi, pasi kreu vrasjen kishte qëndruar në fshatin Shkallnur të Kavajës, në një hotel.

The post Vrasja në Ndroq/ Zbardhet dëshmia e Julian Gjoshit: Alfred Dedja më ofendonte nëpër tavolina appeared first on Albeu.com.

SPAK thotë se emri i tij nuk rezulton të ketë qënë i përfshirë në listën e punonjësve apo dhe listëpagesat e kompleksit “Golden“, në Shijak, pronësi e Altin Hajrit, në kohën e kryerjes së krimit. Gjithashtu në njoftim thuhet se i pandehuri Altin Hajri, pronar i kompleksit “Golden” akuzohet si pjesëmarrës në grupin e strukturuar kriminal që ka kryer rrëmbimin e shtetasit Jan Prenga. Sipas SPAK, ai është në masë sigurimi “arrest me burg” në mungesë dhe çështja në ngarkim të tij po gjykohet në Gjykatën e Posaçme kundër Korrupsionit dhe Krimit të Organizuar.

Reagimi i plotë i Prokurorisë së Posaçme:

Prokuroria e Posaçme kundër Korrupsionit dhe Krimit të Organizuar hedh poshtë deklaratat e pavërteta që e lidhin A.D, viktimën e krimit të kryer mbrëmë në Ndroq me një ngjarje që daton në vitin 2020, e cila hetohet prej saj.

Mbështetur mbi hetimet e kryera nga SPAK deri në këtë fazë, në kuadër të procedimit penal nr.60 të vitit 2020, personi i ekzekutuar mbrëmjen e djeshme, A.D nuk rezulton të jetë dëshmitar apo të kishte lidhje me pengmarrjen, ekzekutimin dhe fshehjen e trupit të viktimës Jan Prenga, ngjarje e ndodhur në Janar të vitit 2020. Emri i tij nuk rezulton të ketë qënë i përfshirë në listën e punonjësve apo dhe listëpagesat e kompleksit “Golden“, në Shijak, pronësi e Altin Hajrit, në kohën e kryerjes së krimit.

I pandehuri Altin Hajri, pronar i kompleksit “Golden” akuzohet si pjesëmarrës në grupin e strukturuar kriminal që ka kryer rrëmbimin e shtetasit Jan Prenga. Ai është në masë sigurimi “arrest me burg” në mungesë dhe çështja në ngarkim të tij po gjykohet në Gjykatën e Posaçme kundër Korrupsionit dhe Krimit të Organizuar.

Në gjykim janë Dritan Rexhepi dhe Gentjan Funiqi, të cilët kanë urdhëruar rrëmbimin e tij; Martin Bleta dhe Korado Kështenja që organizuan pengmarrjen ndërsa ekzekutimin Artan Doçaj, Aldo Majnishta dhe Geraldo Martini, të cilët e dërguan viktimën pas rrëmbimit, në kompleksin “Golden”.

Prokuroria e Posaçme kundër Korrupsionit dhe Krimit të Organizuar i ka drejtuar disa kërkesa zyrtare strukturave të policisë, si organi përgjegjes për ekzekutimin e masës së sigurisë ndaj shtetasit, Altin Hajri.

The post Vrasja e Alfred Dedjas, SPAK: Viktima nuk është i përfshirë në rrëmbimin dhe zhdukjen e Jan Prengës më 2020 appeared first on Albeu.com.

Njoftimi:

Tiranë

Në vijim të veprimeve për ngjarjen e ndodhur më datë 01.12.2024, ku rreth orës 15:30, në një lokal në Ndroq, mbeti i vrarë me armë zjarri shtetasi A. D., rreth 50 vjeç, ju informojmë se:

Falë veprimeve të shpejta dhe të koordinuara të Policisë së DVP Tiranë në bashkëpunim me Drejtorinë Vendore të Policisë Durrës, kontrolleve të shumta të ushtruara bazuar në inteligjencës policore, gjetjen dhe bllokimin e automjetit të dyshuar që kishte përdorur autori, si dhe bllokimit të rrugëkalimeve dhe pamundësisë për të qëndruar i fshehur, autori i dyshuari u dorëzua në Polici.

Në vijim të veprimeve Specialistët për hetimin Krimeve të Rënda në Drejtorinë Vendore të Policisë Tiranë bënë ndalimin e autorit të dyshuar, shtetasit J. Gj., 26 vjeç, banues në Shijak.

Për zbardhjen dhe dokumentimin ligjor të ngjarjes, për sigurimin dhe sekuestrimin e provave dhe kapjen e ndalimin e autorit, Strukturat e Hetimit të Krimit në DVP Tiranë, kanë punuar me profesionalizëm në bashkëpunim të ngushtë me Prokurorinë dhe strukturat e tjetra të Policisë së Shtetit.

Grupi i posaçëm hetimor, në drejtimin e Prokurorisë, po vijon punën për zbardhjen e plotë të rrethanave të ngjarjes dhe dokumentimin e saj ligjor.

Ngjarja e rëndë është regjistruar pasditen e djeshme, më 1 dhjetor rreth orës 15;30 në një lokal në Ndroq. Në fillim u raportua për të shtëna ndërsa pak minuta më pas u raportua për një viktimë. Nga të shtënat mbeti viktimë Alfred Dedja ndërsa në lidhje me vrasjen është identifikuar autori 27-vjeçar Julian Gjoshi.

Pas ngjarjes ai është arratisur me një “Benz” të zi. Sipas raportimeve ngjarja ka ndodhur pas një sherri në lokal. Autori është futur në lokal dhe është ulur përballë tavolinës së viktimës. Më pas 50-vjeçari ka shkuar të flasë me të riun por situata ka agravuar dhe ata kanë debatuar. Gjatë debatit i riu ka nxjerrë armën dhe e ka qëlluar për vdekje.

Gjoshi mësohet se është kunati i Altin Hajrit ndërsa në vitin 2021 ishte arrestuar për armëmbajtje pa leje. 50-vjeçari më parë merrej me aktivitetin e lojërave të fatit dhe vite më parë ka punuar edhe te kompleksi i Altin Hajrit në Shijak. Gjithashtu bëhet me dije se viktima ishte me precedentë penalë për vjedhje dhe trafikim i lëndëve narkotike.

The post Vrasja ditën e djeshme në Ndroq të Tiranës, vetëdorëzohet autori i dyshuar appeared first on Albeu.com.

Shtetasi Alfred Dedja, ka qenë duke pirë kafe në lokal, kur Julian Gjoshi është shfaqur pranë tij dhe e ka qëlluar për vdekje.

Detaje të reja janë zbardhur nga vrasja e 50-vjeçarit Alfred Dedja. Viktima Alfred Dedja, rezulton se jetonte mes Shqipërisë dhe Italisë. Në Shqipëri ai jetonte në Ndroq dhe ishte edhe nga ajo zonë. Sipas burimeve nga policia, Dedja rezulton të jetë i dënuar më parë në shtetin Italian për trafik droge.

Po ashtu, viktima dhe autori kanë qënë të njohur dhe miq me njëri-tjetrin. Pas marrjes së dëshmive nga policia, sipas dëshmitarëve të dy frekuentonin vazhdimisht zonën e Ndroqit dhe lokalin ku ka ndodhi edhe vrasja.

Sa i përket dinamikës së krimit si autori dhe viktima, pasi kanë parë njëri-tjetrin në ambientet e te njëjtit lokal, fillimisht ka pasur një debat mes tyre dhe sipas hetimeve dhe dëshmivë të dëshitarëve dhe më pas Julian Gjoshi, e ka qëlluar me pistoletë Dedjan. Sipas policisë, autori ka qëlluar 5 herë dhe 3 plumba kanë kapur viktimën.

Për motivin e krimit sipas hetimeve të deritanishme nga grupi hetimor, rezulton se disa ditë më parë ka pasur një sherr mes viktimës dhe autorit.

The post Ekzekutimi në Ndroq/ Viktima dhe autori ishin miq, zbardhet dinamika e ngjarjes, ja si nisi konflikti appeared first on Albeu.com.

Autori i armatosur, ka hyrë në lokal dhe sapo i njohuri i tij është ngritur në këmbë t‘i jepte dorën, ai ka nxjerrë armën dhe e ka qëlluar duke e lënë të pajetë në lokal.

Viktima dhe autori janë identifikuar menjëherë, jo vetëm se ata kanë qenë më herët të njohur për disa vepra penale, por se autori ka qenë i pamaskuar.

Policia i është vënë në ndjekje, pasi u tha se lëvizte me një “Mercedez” dhe se kishte marrë rrugën e Shijakut, vend nga i cili është dhe vend prej të cilit vijnë edhe një sërë aktesh të rënda që kanë lidhje jo vetëm me autorin e viktimën, por edhe me një sërë ngjarjesh të tjera. Deri orëve të vona, policia tha se nuk ka mundur ta gjente autorin, ndonëse i identifikuar!

NGJARJA
Sipas të dhënave zyrtare të policisë së Tiranës, u bë me dije se një 50-vjeçar është ekzekutuar me armë brenda në një lokal në Ndroq të Tiranës. Viktima është identifikuar si Alfred Dedja, 50-vjeç, ndërsa autori i dyshuar, sipas policisë, është Julian Gjoshi, i njohur më së shumti si kunati i Altin Hajrit (vëllai i gruas së Hajrit), pronarit të kompleksit “Golden” në Shijak, i kërkuar, i akuzuar dhe i hetuar për rrëmbimin dhe zhdukjen e Jan Prengës në janarin e 4 vjetëve më parë.

Ngjarja ka ndodhur pasditen e djeshme, rreth orës 15:30, brenda ambienteve të lokalit “Kështjella”, ku mësohet se viktima ishte edhe banor i zonës dhe në lokal ndodhej si klient. 50-vjeçari njihej edhe me pseudonimin “Daku” dhe viteve të fundit jetonte mes Italisë e Shqipërisë. Ndërkohë, policia informoi se është vënë në ndjekje të të riut nga Shijaku, si autor i dyshuar që mendohet se është larguar me “Benz ML”, me ngjyrë të zezë në drejtim të Durrësit.

Makina si dhe i gjithë momenti i krimit të rëndë është fiksuar jo vetëm nga kamerat, por edhe nga dëshmitarët e shumtë okular, të cilët nuk kanë mundur as t`i japin ndihmën e parë Dedjas, pasi u tha se kishte ndërruar jetë në vend. Dedja dhe autori 27-vjeç sipas të dhënave kanë pasur njohje të mëhershme me njëri-tjetrin, ku Dedja bëhet me dije se ka punuar para disa vitesh edhe në kompleksin e Altin Hajrit, kompleks në të cilin u mbajt trupi i pajetë i Jan Prengës, deri në momentin që u nxor nga aty dhe u zhduk.

HETIMET DHE DYSHIMET
Referuar të dhënave paraprake bëhet me dije se pista e parë në të cilën janë fokusuar hetimet është përplasjet për prishje pazaresh. Nuk bëhet me dije se për çfarë pazaresh bëhet fjalë por policia ka nisur verifikimin e aktivitetit të të dy personave, si të viktimës, ashtu edhe të autorit.

Ku i fundit, më herët ka qenë i prangosur për armëmbajtje pa leje, por është liruar në rrethana të dyshimta. Në hapjen e komunikimeve Sky ECC për llogari të dosjes së deputetit të Partisë Socialiste të vënë në pranga pak ditë më parë, u mësua se miqësia mes Altin Hajrit, një prej emrave më të njohur dhe të akuzuar në botën e krimit sot, dhe deputetet Jurgis Çyrbja, u vu në provë edhe me ndërhyrjet për të liruar nga qelia kunatin e Altin Hajrit, i cili ishte nën hetim dhe nën arrest. Dhe, në fakt, Gjoshi ka rezultuar i lirë, ndërsa Dedja ka precdentë të shumtë, por edhe ai ka qenë i lirë.

Policia përveç pamjeve filmike ka në duar skedat personale të autorit dhe viktimës, njohjet e tyre, dëshmitë nga vendi i ngjarjes dhe disa fakte dhe prova të tjera. Mësohet se viktimës, Alfred Dedja u ka gjetur një pistoletë me vete, ç`ka ngre dyshime që ai ka qenë duke u ruajtur prej dikujt. I është sekuestruar telefoni për të parë, nëse në atë lokal, Dedja ka dalë nga ndonjë thirrje e kryer nga vetë autori i krimit të rëndë. Vijojnë hetimet por edhe kërkimet për të sjellë në pranga autorin e vrasjes.

Skeda e autorit
Julian Gjoshi nuk është emër i panjohur për policinë. Ai rezulton i arrestuar më 19 janar 2021 për armëmbajtje pa leje. Në atë kohë 23 vjeç, Julian Gjoshi u prangos nga forcat “Shqiponja”, në Tiranë, teksa lëvizte me makinë. Kapja e këtij shtetasi u bë në bulevardin “Gjergj Fishta”, gjatë kohës që drejtonte mjetin në gjendje të dehur, në masën 0.54 mg/ l. “Shërbimet e Policisë kishin marrë informacion në rrugë operative për një shtetas që qarkullonte me armë zjarri.

Gjatë kontrollit të ushtruar në mjetin tip “Ford” me drejtues shtetasin Julian Gjoshi dhe pasagjer shtetasin E. B., poshtë sediljes së drejtuesit të mjetit, Policia gjeti dhe sekuestroi në cilësinë e provës materiale një armë zjarri tip “Beretta” dhe 10 fishekë. Në vijim të veprimeve u procedua penalisht edhe shtetasi E. B., 24-vjeç, pasi dyshohet se kishte dijeni për këtë fakt dhe nuk ka kallëzuar në organet kompetente”, thuhet në njoftimin zyrtar të Policisë së Tiranës për atë ngjarje. Por Gjoshi është liruar pak kohë më pas.

The post Vrasja në Ndroq/ Viktima u ngrit në këmbë t’i jepte dorën, por kunati i Altin Hajrit e qëlloi për vdekje, kush ishte Daku dhe njohja me autorin appeared first on Albeu.com.

Sipas një denoncimi, të cilën e ka bërë publik edhe vetë lideri i opozitës, Sali Berisha, thuhet se ish-prokurori i akuzës së kryeqytetit, Ols Dado, aktualisht prokuror pranë SPAK, ka liruar ngaq burgu kunatin e Altin Hajrit, i cili doli në aplikacionin Sky Eç, ku Hajri dhe Jurgis Çyrbja diskutonin për lirimin e tij nga burgu.

Gjoshi, asokohe vetëm 23 vjeç ishte arrestuar nga blutë e kryqytetit, teksa qarkullonte me automjet në gjendje të dehur dhe me armë zjarri me vete dhe 10 fishekë.

Nisur nga ky denoncim i Berishës, Prokuroria e Posaçme ka dalë me një reagim publik.

Prokuroria e Posaçme kundër Korrupsionit dhe Krimit të Organizuar përgënjeshtron deklaratën e sotme përmes të cilës aludohet se prokurori i posaçëm, Ols Dado “ka liruar nga burgu kunatin e Altin Hajrit”.

“SPAK sqaron se informacionet që janë përmendur në këtë deklaratë janë tërësisht të pavërteta dhe nuk kanë asnjë lidhje me prokurorin e përmendur.

SPAK i bën thirrje mediave dhe opinionit publik të jenë të kujdesshëm ndaj informacioneve të pasakta dhe spekulative.

SPAK apelon për një trajtim të përgjegjshëm dhe të balancuar të informacionit nga ana e përfaqësuesve politikë dhe mediave dhe nënvizon se do të vijojë punën pa asnjë kompromis në ruajtjen e integritetit dhe besueshmërisë së publikut në ushtrimin e funksioneve të tij”, thuhet në reagimin e SPAK-ut.

The post “Julian Gjushi u lirua nga Ols Dado”, SPAK përgënjeshtron Berishën: Informacionet, tërësisht të pavërteta dhe s’kanë asnjë lidhje me prokurorin e përmendur appeared first on Albeu.com.

Sipas një denoncimi, të cilën e ka bërë publik edhe vetë lideri i opozitës, Sali Berisha, thuhet se ish-prokurori i akuzës së kryeqytetit, Ols Dado, aktualisht prokuror pranë SPAK, ka liruar ngaq burgu kunatin e Altin Hajrit, i cili doli në aplikacionin Sky Ecc, ku Hajri dhe Jurgis Çyrbja diskutonin për lirimin e tij nga burgu.

Gjoshi, asokohe vetëm 23 vjeç ishte arrestuar nga blutë e kryeqytetit, teksa qarkullonte me automjet në gjendje të dehur dhe me armë zjarri me vete dhe 10 fishekë.

Statusi i Berishës

Olsi Dado liroi vrasësin nga burgu!

Miq, autorin e vrasjes në Ndroq, e liroi nga burgu anëtari i organizatës kriminale, SKAP-i i Partisë Olsi Dado!

[????] Lexoni denoncimin e qytetarit dixhital!

Pershendetje Dr Autori i vrasjes se sotme ne Ndroq Julian Gjishi rezulton si personazh ne aplikacionin Sky Ecc ku Altin Hajri dhe Jurgis Çyrbja diskutonin per lirimin e tij pasi ishte kapur me arme … ku prokurori qe litoj Julian Gjoshin rezulton Ols Dado aktualisht Prokurori i SPAK.

The post Ekzekutimi në Ndroq/ Berisha publikon FOTON e autorit dhe mesazhin: Prokurori i SPAK-ut liroi vrasësin nga burgu! appeared first on Albeu.com.

Një detaj më i fundit është fakti se edhe viktima Alfred Dedja, i thirrur “Daku”, 50 vjeç, ka qenë i armatosur. Grupi hetimor i ka gjetur një pistoletë në trup, që u sekuestrua si provë materiale.

Kurse Julian Gjoshi figuron një emër i njohur për blutë, i arrestuar me armë pa leje dhe i dehur në muajin janar të vitit 2021, sikurse del edhe në përgjimet e SKY ECC. Gjoshi, nga Shijaku, rezulton kunati i Altin Hajrit, pronarit të kompleksit “Golden” dhe i kërkuar për rrëmbimin dhe zhdukjen e Jani Prengës në vitin 2020.

Gazetari i Report TV, Sokol Dema, informon se Policia ka bërë shoqërime të shumta dhe marrje në pyetje të personave, kryesisht në cilësinë e dëshmitarëve. Viktima ka qenë me persona të tjerë në tavolinë duke drekuar, kur Gjoshi ka hyrë dhe e ka qëlluar direkt me armë disa herë.

Grupi hetimor po punon për të konfirmuar edhe një pistë zyrtare për ngjarjen, teksa dyshohet prishja e pazareve të drogës. Ka pasur edhe konflikte më të hershme mes tyre. Kontrollet janë përqendruar kryesisht në zonën e Shijakut, Durrësit dhe më gjerë.

Viktima jetonte kryesisht mes Italisë dhe Shqipërisë dhe mes dy personave ka pasur njohje të hershme. Dyshohet se autori mund të ketë pasur edhe një person ndihmës për largim nga vendngjarja, por pamjet e mundshme të kamerave të sigurisë mund të zbardhin detaje të tjera nga dinamika e krimit.

The post Vrasja në Ndroq/ Policia i gjen viktimës Alfred Dedja pistoletë në trup, shumë persona të shoqëruar! Kërkime në Shijak dhe Durrës për autorin Julian Gjoshi appeared first on Albeu.com.

Policia është në vendngjarje dhe po punohet për kapjen e autorit të ngjarjes. Rrethanat e ngjarjes janë ende të paqarta.

Ndërkaq policia njoftoi se tashmë ka përpiluar të dhënat e tij dhe janë vënë në ndjekje të autorit të këtij ekzekutimi.

Burime bëjnë me dije se autori i  vrasjes së Dedjas është i moshës 26 vjeç, dhe i identifikuar si shtetasi Julian Gjoshi.

Mësohet se mjeti që ai ka përdorur për t’u larguar nga vendngjarja ku kreu ekzekutimin e 50-vjeçarit, është një model “Mercedes- Benz” i tipit fuoristradë e llojit “ML”

Gazetari Edison Vatnikaj raporton se Julian Gjoshi është një person me rekorde kriminale, dhe dyshohet se figuron edhe në përgjimet e aplikacionit famëkeq “Sky ECC”, ky ku dyshohet se favorizohet për lirimin e tij nga burgu vite më parë, pasi është një shtetas i arrestuar për armëmbajtje pa leje.

Vetë Gjoshi rezulton se është kunati i Altin Hajrit, i shpallur në kërkim për vrasjen e Jan Prengës në ambientet e një kompleksi në Shijak. Gjoshi është kunati, për të cilin Hajri kërkoi ndihmë te ish-deputeti i PS-së Jurgis Çyrbja, për ta nxjerrë nga burgu, pasi u kap nga policia.

Mes Çyrbjes dhe Altin Hajrit ka pasur një sërë bisedash në aplikacionin Sky, ku Hajri kërkon nga Çyrbja që ta ndihmojë për lirimin e kunatit.

Në bisedat e zhvilluara, Altin Hajri i kërkon ndihmë Çyrbjes për lirimin apo ndryshimin e masës së sigurisë për një nga të arrestuarit kundrejt ofrimit të shumave monetare, duke sugjeruar që të ndryshohet personi që mbante armën pa leje, si dhe dëmtimin e gjilpërës së armës së zjarrit, përpara kryerjes së ekspertimit nga policia shkencore.

Sipas burimeve ngjarja ka ndodhur në një lokal ku viktima ka qenë duke pirë kafe. Një person është afruar nga jashtë, ka hyrë brenda dhe ka qëlluar mbi viktimën.

Më pas autori me mjetin e tij ka marrë rrugën për nga Shijaku.

JA ÇFARË THA POLICIA

Tiranë/Informacion paraprak

Më datë 01.12.2024, rreth orës 15:30, në një lokal në Ndroq, në rrethana ende të paqarta është vrarë me armë zjarri shtetasi A. D., rreth 50 vjeç.

Autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar.

PAMJET NGA VENDNGJARJA

The post EMRI+PAMJET/ Kush është autori 26 vjeçar i ekzekutimit të 50-vjeçarit sot në Ndroq që figuron në “Sky ECC”? appeared first on Albeu.com.