ndrea prendi Archives - Albeu.com

21 janari/ A e ka dorëzuar Ndrea Prendi, Sali Berishën te prokurorët e SPAK?! Ish-shefi Gardës së Republikës ka rrëfyer kush dha urdhrin për vrasjet

D Marku — Sun, 11 Aug 2024 13:08:09 +0000

Hetimet për 21 Janarin pas vendimit të Gjykatës së Lartë i kanë kaluar Prokurorisë së Posaçme SPAK dhe pas thirrjes së ish- Kreut të Gardës Ndrea Prendi, janë konfirmuar zyrtarisht që kanë nisur si hetime.

Sipas burimeve që lidhen me hetimet e 21 Janarit, plani i hetimit të prokurorëve të SPAK është përqëndruar kryesisht në dhënien e urdhërit për të hapur zjarr gjatë zhvillimit të tubimit, ku mbeten 4 të vrarë.

Gjatë seancës së thirrjes së Ndrea Prendit, sipas burimeve të Lexo.al bëhet e ditur se ish-Kreu i Gardës është pyetur se ku është bazuar për të dhënë urdhërin që Garda e Republikës të hapi zjarr.

Prendi është përgjigjur se urdhri është bazuar nga orientimi që është dhënë nga truprojat e Kryeministrit në Kryeministri, referuar komunikimeve gjatë rrethanave të veçanta të ndodhura atë ditë.

Prendi ka deponuar se Kryeministri ka dhënë një komunikim për kundërpërgjigje ndaj protestuesve, edhe pse nuk ka pasur asnjë tagër fuqiplotë lidhur me dhënien e urdhërit ndaj një institucioni të konsideruar sipas Kushtetutës të pavarur.

Kujtojmë se në 23 Korrik në Prokurorinë e Posaçme në Tiranë është pyetur për rreth 3 orë e 30 minuta një prej protagonistëve kryesorë, ish-kreu i Gardës në janarin e vitit 2011, Ndrea Prendi.

Ndrea Prendi, për të cilin është vërtetuar me vendim gjykate se me armën e shtetit i ka marrë jetën të paktën njërit prej të vrarëve Faik Myrtajt./Lexo.al

The post 21 janari/ A e ka dorëzuar Ndrea Prendi, Sali Berishën te prokurorët e SPAK?! Ish-shefi Gardës së Republikës ka rrëfyer kush dha urdhrin për vrasjet appeared first on Albeu.com.

Familjarët e viktimave të 21 janarit kallëzim të ri në SPAK

K Agaj — Thu, 16 Feb 2023 08:45:36 +0000

Familjarët e viktimave të “21 janarit” do të dorëzojnë një kallëzim të ri sot në SPAK.

Mësohet se kallëzimi është për Sali Berishën, Lulzim Bashën dhe Ndrea Prendin.

Kujtojmë që pak ditëmë parë SPAK shpalli moskompetencën për hetimin e dy kallëzimeve të Partisë Socialiste dhe ministrit të Drejtësisë Ulsi Manja.

Më 21 janar të vitit 2011 para Kryeministrisë, u vranë 4 qytetarë, në protestën e nisur ga Partia Socialiste. Ndërkohë, familjarët e Aleks Nikës, Ziver Veizit, Faik Myrtajt dhe Hekuran Dedës presin ende drejtësi.

The post Familjarët e viktimave të 21 janarit kallëzim të ri në SPAK appeared first on Albeu.com.

Policia gjyqësore në familjen e Aleks Nikës, kërkon audioregjistrimin e Ndrea Prendit për “21 Janarin”

Xh — Wed, 25 Jan 2023 11:35:50 +0000

Oficerët e policisë gjyqësore të sektorit të vrasjeve në policinë e Tiranës, pas deklaratës së xhaxhait të Aleks Nikës se ka në disponim kasetën e audioregjistrimit të “21 Janarit” ku dëgjohet të flasë ish-komandanti Ndrea Prendi, kanë shkuar në banesën e tij për të kërkuar marrjen e saj, sipas BW.

Një ditë më parë Mark Nika, xhaxhai i Aleks Nikës i cili mbeti i vrarë në protestën e zhvilluar në 21 janarin e vitit 2011, është takuar me kreun e SPAK Altin Dumanin, ku ka kërkuar që dosja t’i kalojë SPAK dhe të hetohet prej tyre.

Më tej ai është shprehur se nëse hetohet nga SPAK përgjimet do të ua dorëzojë Prokurorisë së Posaçme Kundër Korrupsioni, pasi nuk kanë besim tek Prokuroria e Tiranës

Ky reagim vjen pas audiopërgjimeve të publikuara së fundmi lidhur më ngjarjen e 21 janarit.

Një pjesë nga komunikimi në radio i drejtuesve të Gardes së Republikes në momentin e vrasjeve të protestuesve, pasditen e 21 janarit 2011….

Kaseta nr.1 A

Komandanti i Gardes Ndrea Prendi:

“Te mbahen armet ne dore gati per zjarr.
Te mbahen armet ne dore gati per zjarr ne ajer.
Pastaj kur te them une ne trup”.

Ndrea Prendi:

“Artan(Artan Hoxho, zv/komandanti i Gardes) degjon?
Artan degjon?

Artan Hoxha zv/komandanti i Gardes:

“Degjoj, degjoj”

Ndrea Prendi:

“Me te kaluar gardhi i telave do hapet zjarr luftarak”.

Artan Hoxha:

“Kuptova, kuptova”

Ndrea Prendi:

“Ky eshte urdheri.
Dashamir degjuat?!
Dy efektiva te njesise speciale, Alfred(Alfred Ahmetcenaj)
ta ta ta gjakos(urdheri per te vrare)”.

Audio:

“Menjehere degjohen te shtena tek e tek, serish degjohen 8 te shtena radhazi nje nga nje”.

Ndrea Prendi:

“Alfred?

Alfred Ahmetcenaj:

“Po degjoj(degjohen 2-3 te shtena tek e tek)”

Ndrea Prendi:

“Kujdes municionin!
Kujdes municionin!”

Ne vijim pauze e gjate ne radio.

Kaseta nr.1 B

Ndrea Prendi:

“Alfred degjon?”

Alfred Ahmetcenaj:

“Po degjoj”

Ndrea Prendi:

“Po afrohen shume.
Duhet te jeni gati per zjarr”.

Alfred Ahmetcenaj:

“Po te kuptova drejt”.

Ndrea Prendi:

“Alfred, grupi i njesise speciale, keta te porta numer 2”.

Alfred Ahmetcenaj:

“Po te kuptova”

Ndrea Prendi:

“Nje grup i vogel”.

Alfred Ahmetcenaj:

“Po ju kuptova”…..…..

Komunikimet (urdherat) jane dhene vetem me radio nga komandanti i Gardes per vartesit e tij.

/albeu.com/

The post Policia gjyqësore në familjen e Aleks Nikës, kërkon audioregjistrimin e Ndrea Prendit për “21 Janarin” appeared first on Albeu.com.

E FUNDIT/ Vëllai i gardistit të 21 Janarit, kush është mirditori që u vetëflijua brenda flakëve në shtëpinë e tij (FOTO LAJM)

admin — Mon, 04 Oct 2021 12:45:08 +0000

Një ngjarje tragjike ka ndodhur në Mirditë ku një shtetas i ka dhënë fund jetës së tij duke u vetëdjegur brenda banesës së tij. Viktima është shtetasi Nikoll Prendi, i cili është gjetur i vdekur në banesën e tij në Reps të Mirditës, i cili edhe mes flakëve nuk ka pranuar ndihmën e komshinjve për ta nxjerrë atë jashtë.

Shtetasi është vëllai i Ndrea Prendit, gardistit të 21 Janarit. Komshinjtë dhe kryetari i fshatit Simon Kola janë munduar me çdo mënyrë që të hapin dyert, por ai nuk ka pranuar. Pasi kanë mbërritur, Shërbimet e Posaçme nga Rrësheni ai u gjet i vdekur.

Burimet bëjnë me dije se viktima, Nikoll Prendi, ishte i divorcuar dhe jetonte i vetëm. /albeu.com/

The post E FUNDIT/ Vëllai i gardistit të 21 Janarit, kush është mirditori që u vetëflijua brenda flakëve në shtëpinë e tij (FOTO LAJM) appeared first on Albeu.com.