Drejtori i Global Crisis Group, Ilir Kulla, ka komentuar në emisionin “Matrix” aktgjykimin përfundimtar ndaj ish-krerëve të UÇK-së, i cili pritet të shpallet të mërkurën në Hagë.

Ai ka shprehur shpresën se ish-drejtuesit e UÇK-së do të lirohen dhe do të rikthehen në shtëpitë e tyre, duke nënvizuar se procedurat gjyqësore kanë zgjatur gjashtë vjet.

“Shpresa është që këta njerëz të kthehen në shtëpitë e tyre dhe ky kapitull të përfundojë. Në fillim, shumëkush besonte se do të qëndronin vetëm dy javë dhe më pas do të ktheheshin, por kanë kaluar gjashtë vite”, ka deklaruar Kulla.

Sipas tij, për ish-krerët e UÇK-së janë bërë përpjekje ndihmuese përmes komunikimeve dhe mënyrave të ndryshme. Në këtë kontekst, Kulla ka përmendur edhe ish-ministrin e Jashtëm të Kosovës, Behgjet Pacolli.

“Ka pasur shumë njerëz që janë përpjekur t’i ndihmojnë përmes bisedave dhe formave të ndryshme. Mes tyre është edhe ish-ministri i Jashtëm i Kosovës, Pacolli, i cili ka miqësi me z. Zampoli dhe ka diskutuar për këtë çështje. Vullneti i popullit nuk ka munguar”, është shprehur ai.

Kulla ka vlerësuar se proceset e zhvilluara nga gjykatat speciale janë shoqëruar zakonisht me momente të vështira. Megjithatë, ai ka shpresuar që një situatë e tillë të mos përsëritet në rastin e ish-krerëve të UÇK-së.

“Në historinë e gjykatave speciale, zakonisht nuk kanë munguar vështirësitë. Shpresoj që në këtë rast të mos ketë të tilla”, ka thënë Kulla.

The post Kulla: Pacolli u përpoq të ndihmonte ish-krerët e UÇK-së përmes kontakteve të tij appeared first on Albeu.com.

Kosova është e gatshme t’u dalë në ndihmë Shqipërisë dhe Malit të Zi, ku zjarre kanë përfshirë zona të ndryshme, ka njoftuar ministri në detyrë i Mbrojtjes, Ejup Maqedonci.

Ai bëri të ditur se u ka komunikuar homologëve të tij, ministrave të Mbrojtjes të Shqipërisë dhe Malit të Zi, se Ministria e Mbrojtjes e Kosovës mund të ofrojë mbështetje përmes kapaciteteve që vendi ka në dispozicion.

“Nëse autoritetet përkatëse e konsiderojnë të domosdoshme një ndihmë të tillë, Kosova është e gatshme të kontribuojë, duke vënë në dispozicion kapacitetet tona për përballimin e situatës së shkaktuar nga zjarret.

Në rrethana të tilla, bashkëpunimi dhe solidariteti kanë rëndësi të posaçme. Ministria e Mbrojtjes, Forca e Sigurisë së Kosovës dhe institucionet e tjera të Republikës vazhdojnë të jenë të gatshme për të dhënë mbështetje dhe për të kontribuar kudo që kapacitetet tona mund të shërbejnë”, deklaroi Maqedonci.

The post Maqedonci: Kosova shpreh gatishmëri për të ndihmuar Shqipërinë dhe Malin e Zi në përballjen me zjarret appeared first on Albeu.com.

Sekretari i Përgjithshëm i Ministrisë së Mbrojtjes, Gafurr Dugolli, dhe atasheu gjerman i mbrojtjes në Kosovë, nënkolonel Guido Altendorf, nënshkruan sot marrëveshjen për projektin e donacionit gjerman Enable & Enhance Initiative. Marrëveshja është pjesë e bashkëpunimit dypalësh me Republikën Federale të Gjermanisë.

Projekti kap vlerën e rreth tre milionë eurove dhe ka për qëllim fuqizimin e kapaciteteve operacionale të FSK-së në funksion të përmbushjes së misionit të saj. Sipas njoftimit për media, ai përbën vazhdim të projekteve të zbatuara deri tani në kuadër të bashkëpunimit bilateral ndërmjet Republikës së Kosovës dhe Republikës Federale të Gjermanisë.

Në ceremoninë e nënshkrimit morën pjesë edhe kolonel Imer Avdiu, drejtor i Departamentit për Logjistikë dhe Infrastrukturë në MM, Silke Bellmann, e ngarkuara me punë në Ambasadën e Gjermanisë në Kosovë, si dhe përfaqësuesit e Ekipit Këshillues dhe Ndërlidhës të NATO-s (NALT), nënkolonel Fabian Vogl dhe major Claus Schumm.

Në njoftim bëhet e ditur se Gafurr Dugolli shprehu mirënjohje për mbështetjen e pandërprerë që Republika Federale e Gjermanisë i ka dhënë Republikës së Kosovës. Ai nënvizoi rëndësinë e këtij partneriteti dhe shprehu bindjen se bashkëpunimi do të vijojë edhe përmes projekteve të tjera në sektorët e sigurisë dhe mbrojtjes.

The post Gjermania shton përkrahjen për FSK-në me projektin rreth 3 milionë euro appeared first on Albeu.com.

Policia e Kosovës u ka bërë thirrje qytetarëve që të ndihmojnë në identifikimin e një personi të dyshuar për veprën penale “Vjedhje e rëndë”.

Me autorizimin e prokurorisë kompetente, Sektori i Hetimeve të Kryeqytetit ka bërë publike fotografinë e personit të dyshuar.

Qytetarët që kanë të dhëna të cilat mund të çojnë në identifikimin e tij, ftohen t’ia përcjellin ato policisë.

Informacionet mund të raportohen në numrin 192 të Policisë së Kosovës ose në adresën elektronike [email protected].

The post Policia kërkon bashkëpunimin e qytetarëve për të identifikuar të dyshuarin për “Vjedhje të rëndë appeared first on Albeu.com.

Osman Selmani, shtetas i Kosovës, është arrestuar nga autoritetet serbe në pikëkalimin kufitar të Mutivodës, teksa po kthehej nga Medvegja për në Prishtinë.

Gjykata e Lartë në Serbi ka vendosur ndaj tij masën e paraburgimit prej 30 ditësh. Selmani u ndalua më 1 korrik në pikën kufitare të Mutivodës, nën dyshimin për kryerjen e krimeve të luftës.

Familjarët dhe miqtë e Osman Selmanit kanë kërkuar ndihmë, duke theksuar se pretendimet ndaj tij për krime lufte nuk kanë bazë.

Në apelin e tyre thuhet se, sipas informacioneve që disponojnë, në periudhën prill–qershor 1999, kur pretendohet se kanë ndodhur ngjarjet për të cilat ai akuzohet, Selmani ndodhej si refugjat në Kampin e Refugjatëve në Çegran Gostivar.

The post Apel për ndihmë për Osman Selmanin, i cili po mbahet në paraburgim në Serbi appeared first on Albeu.com.

Si pasojë, janë përmbytur stalla bagëtish dhe pulari, duke vënë në rrezik serioz jetesën e fermerëve.

Banorët ankohen për situatën e rëndë dhe kerkojne ndihmë urgjente nga shteti, për të nxjerrë bagëtitë nga uji dhe për të përballuar pasojat e përmbytjes.

The post Dalja e lumit Seman nga shtrati shkakton dëme të mëdha/ Fermerët kërkojnë ndihmë urgjente appeared first on Albeu.com.

Katër foshnjet kanë nevojë urgjente për t`u dërguar për operacion jashtë vendit, pasi rrezikojnë të humbasin shikimin përgjithmonë.

Dy prej tyre kanë hemorragji në sy për shkak të çarjes së arterieve, ndërsa dy bebet e tjera rrezikojnë po të njëjtat pasoja nëse nuk ndërhyhet në kohë.

Për shkak të shpenzimeve të mëdha dhe pamundësisë për t’i mbuluar të gjitha vetë, familjarët kërkojnë ndihmën e shqiptarëve.

Nëpërmjet hapjes së një GoFundMe, Geraldo dhe Rozefa, kërkojnë të plotësojnë shumën e 100 mijë eurove dhe t’i sigurojnë katërnjakëve trajtimin e duhur përpara se të jetë shumë vonë për ta.

The post Katërnjakët me hemorragji në sy, familjarët kërkojnë ndihmë: Kanë nevojë të operohen urgjent appeared first on Albeu.com.

Ai rrëfeu se ka 3 ditë që së bashku me familjarët e tij, kërkojnë trupin e 29-vjeçarit me lopata dhe mjete rrethanore në mungesë të aparaturave të specializuara.

“Kërkoj ndihmë nga shteti për gjetjen e trupit të djalit. T’i gjejnë vetëm njërin gisht ta çoj te familja ,se nuk ka gjë më të madhe në botë të humbasësh djalin në mal. I bëj thirrje shtetit, të sjellin aparatura të specializuara të gjej djalin dhe të di ku të hedh një tufë lule. Ka 3 ditë që vij me vëllezërit duke kërkuar me lopatë.

Nuk ka asnjë lloj mjeti. Djali doli në 6 të mëngjesit nga shtëpia këtu, hëngri drekën dhe vazhdoi punën me ekskavator dhe e mori baseni para. Djali kishte 5 vite që punonte, me siguracione, me të gjitha.

Nuk kanë si ta gjejnë djalin me lopata, ndaj i kërkoj shtetit ndihmë për mjete të specializuara. Babai, vëllai im tjetër po kërkojnë trupin. Ju lutem kërkoj ndihmë. Kaq mund të them”, u shpreh ai.

The post I biri prej dy ditësh nën masivin e kromit, babai i 29-vjeçarit mes lotësh kërkon ndihmë nga shteti: Dua të gjej djalin, të di ku t’i hedh një tufë lule… appeared first on Albeu.com.

“Do të zbatohet tatimi 10 përqind për të ardhurat nga puna duke përjashtuar 50 mijë lekët e para. Tatimi 10 përqind mbi të ardhur TË TJERA j nga paga. 0 taksim mbi profesionet e lira dhe biznesin e vogël. Tavani vjetor për tatim fitim 0 për biznesin e vogël do të jetë 18 mln lekë, apo 500 euro në ditë.

Kufiri i përjashtimit do të jetë në masën 18 mln lekë xhiro vjetore apo 500 euro në ditë.

Ulje nga 15 në 2 përqind në taksën e shitjes së pronës. Krijimi i kadastrës fiskale për përcaktimi e çmimeve tavan.

Bie taksa ‘Rama’ e karburantit dhe karburantet nuk do të shiten në Shqipëri me një çmim që ndryshon +-10% nga ai i Kosovës dhe Maqedonisë.

Do të reduktohet 4 herë inspektimi nga inspektorë të ndryshëm në biznese, 4 herë.

Do të bëhet gjithçka për dixhitalizimin më të plotë të veprimtarisë së bizneseve.

Do të thjeshtohet në maksimum legjislacioni fiskal, për të siguruar qëndrueshmëri të kodit dhe ligjeve fiskale”, tha ai.

The post Berisha prezanton programin e PD në ndihmë të biznesit: Do të reduktohen 4 herë inspektimet, zero taksa për profesionet e lira appeared first on Albeu.com.

“Në këtë moment të vështirë, ai ka nevojë për mbështetjen tonë, jo vetëm moralisht, por edhe financiarisht”, thuhet në postimin në rrjetet sociale, ndërsa jepen edhe të dhënat bankare dhe numri i telefonit të familjarëve, ku mund të jepet ndihma.

Qose thekson se çdo ndihmë sado e vogël, mund të jetë vendimtare për të shpëtuar jetën e Mentor Sopjanit.

Postimi:

Thirrje për Solidaritet
Një nga anëtarët e familjes tonë të madhe, Mentor Sopjani, punonjës në IEVP Elbasan, po përballet me një sfidë të rëndë shëndetësore.

Në këtë moment të vështirë, ai ka nevojë për mbështetjen tonë, jo vetëm moralisht, por edhe financiarisht.

Mentori ka qenë gjithmonë një njeri i përkushtuar dhe punonjës i ndershëm. Tani është radha jonë t’i qëndrojmë pranë dhe ta ndihmojmë të përballojë këtë sfidë.

Çdo kontribut, sado i vogël, është i vlefshëm dhe mund të bëjë një ndryshim të madh për jetën e Mentorit!

Të dhënat për ndihmë:
IBAN – Raiffeisen Bank: AL68202310590000000011964060
Kontakti i familjarëve: +355 67 691 0698

The post Punonjësi i burgut të Elbasanit në gjendje të rëndë, Klevis Qose apel për ndihmë: Çdo kontribut sado i vogël, vendimtar për jetën e Mentorit appeared first on Albeu.com.