Tekniku kuqezi ka thirrur 25 futbollistë.

Trajneri i Kombëtares shqiptare, Silvinjo, ka shpallur listën e lojtarëve të grumbulluar për dy ndeshjet e muajit shtator, miqësoren ndaj Gjibraltarit dhe sfidën kualifikuese të Kupës së Botës kundër Letonisë.

Tekniku kuqezi ka thirrur 25 futbollistë.

Grumbullimi i Kombëtares do të nisë të hënën, më 1 shtator, në Malaga, ku kuqezinjtë do të përgatiten për ndeshjen miqësore ndaj Gjibraltarit, e cila do të luhet më 4 shtator në stadiumin “Europa Point”, në orën 18:00.

Më pas, më 5 shtator, Kombëtarja do të rikthehet në Tiranë për të vijuar përgatitjet në kuadër të ndeshjes kualifikuese ndaj Letonisë, që do të zhvillohet më 9 shtator, në stadiumin “Air Albania”, në orën 20:45.

LISTA E PLOTË:

Portierë: Thomas Strakosha, Elhan Kastrati, Mario Dajsinani

Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Adrian Bajrami, Berat Gjimshiti, Arlind Ajeti

Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Ernest Muçi, Jasir Asani

Sulmues: Armando Broja, Myrto Uzuni, Rey Manaj, Mirlind Daku

Grumbullimi i Kombëtares do të nisë të hënën, më 1 shtator, në Malaga, ku kuqezinjtë do të përgatiten për ndeshjen miqësore ndaj Gjibraltarit, e cila do të luhet më 4 shtator në stadiumin “Europa Point”, në orën 18:00.

Më pas, më 5 shtator, Kombëtarja do të rikthehet në Tiranë për të vijuar përgatitjet në kuadër të ndeshjes kualifikuese ndaj Letonisë, që do të zhvillohet më 9 shtator, në stadiumin “Air Albania”, në orën 20:45.

The post Silvinjo shpall listën për ndeshjet e Kombëtares në shtator ndaj Gjibraltarit dhe Letonisë (EMRAT) appeared first on Albeu.com.

Trajneri Silvinjo, ka bërë publike listën me 27 lojtarët e ftuar për këto dy përballje të rëndësishme.

Lista e plotë:

Portierë: Thomas Strakosha, Elhan Kastrati, Alen Sherri, Mario Dajsinani.

Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Ardian Ismajli, Berat Gjimshiti, Arlind Ajeti, Adrian Bajrami.

Mesfushorë: Ylber Ramadani, Juljan Shehu, Kristjan Asllani, Qazim Laçi, Adrion Pajaziti, Nedim Bajrami, Medon Berisha, Arbër Hoxha.

Sulmues: Ernest Muçi, Jasir Asani, Armando Broja, Myrto Uzuni, Rey Manaj, Mirlind Daku.

Shqipëria do të përballet me Serbinë më 7 qershor, në “Arenën Kombëtare”, duke nisur nga ora 20:45.

Ndërsa ndeshja ndaj Letonisë do të luhet më 10 qershor, në stadiumin “Skonto Stadions”, po në orën 20:45.

The post Kualifikueset e Kupës së Botës 2026/ Ndeshjet ndaj Serbisë & Letonisë, trajneri Silvinjo publikon listën appeared first on Albeu.com.

Kreu i FSHF-së tha se është për t’u vlerësuar reagimi i menjëhershëm i Kombëtares, ndërsa shtoi se grupi është i balancuar dhe të gjithë kanë shanse për vendin e parë. Gjithashtu Duka foli edhe për incidentet e ndodhura në Çeki me flamujt shqiptarë duke theksuar se janë ngjarje që nuk kanë lidhje me futbollin.

Ndeshja me Gjeorgjinë? – Futbolli është interesant pikërisht sepse asnjëherë nuk e di kur do të fitosh, barazosh apo humbësh. Fusha e lojës mund të sjellë çdo gjë. Në nivelin që është Kombëtarja shqiptare sot është akoma më shumë e pritshme në çdo ndeshje. Ka skuadra që kanë një lloj disniveli dhe është pothuajse më shumë se 80% probabiliteti i fitores apo humbjes. Niveli që ka skuadra jonë, por edhe skuadrat e grupit ku ne ndodhemi në Nations League është i tillë që çdo sfidë pritet me emocion. Me Gjeorgjinë padyshim që prisnim të fitonim sikurse dhe mund të kishim një rezultat negativ si në Tiranë.

Vendi i parë në grup? – Duke vazhduar me të njëjtën logjikë dhe duke besuar vërtetë në gjendjen e mirë të skuadrës, por edhe të kundërshtarëve çdo gjë mbetet e hapur sidomos me klasifikimin që kemi sot. Kryeson Çekia me 7 pikë, ne dhe Gjeorgjia jemi me 6 pikë, ndërsa Ukraina me 4 pikë. Kjo nuk do të thotë që Ukraina është skuadra më e dobët e grupit, pasi edhe Ukraina e pretendon vendin e parë në dy ndeshjet e fundit. Çdo gjë mbetet e hapur, ne kemi një avantazh pasi dy ndeshjet e fundit i luajmë në shtëpi para tifozëve tanë. Kemi lojtarin e 12-të dhe shpresojmë që ta shfrytëzojmë. Skuadra mos të jetë në presion nga përgjegjësia që të jep tifozi në stadiumin “Air Albania”, por ta shfrytëzojë këtë si avantazh. Siç e thashë edhe më parë niveli i skuadrave është i barabartë dhe mbetet për t’u parë në dy ndeshjet e fundit. Të gjithë kontribuojmë në futboll, ju dhe të gjithë ne. Ndikimi i Presidentit është i vogël në krahasim me atë që ndikon stafi dhe futbollistët në fushë.

Ndeshja me Çekinë? – Mua më vjen mirë që ekipi Kombëtar është në atë niveli që mërzitemi shumë me një humbje në Çeki. Kjo është merita e skuadrës që ka arritur këtë nivel. Në Çeki mund të humbi edhe Gjermania dhe Franca, pra kushdo, por edhe mund të fitosh. Unë nuk mund të them që ishte një gjë për t’u harrur, ishte një ndeshje jo shumë e mirë që nuk u ngjit në nivelin e skuadrës tonë. Kishte dhe ajo ndeshje fazat e veta pozitive, kishim mundësitë tona. Por ky është futbolli, ndahet nga episodet. Nëse do të kishim shënuar me Dakun apo me Asanin, atëherë do të flisnim me superlativa për skuadrën, por gjithsesi edhe si rezultat i pësimit të golit në fillim të ndeshjes skuadra jonë nuk u ngjit në nivelin e mundësive të veta. Ndodh në futboll, ky është futbolli nuk mund të jesh gjithmonë në nivelin më të lartë të performancës dhe pikërisht për këtë i ka të tre rezultatet. Gjithsesi fakti që skuadra në tre ditë arriti të rikuperojë sepse në të vërtetë është një lloj shoku, pasi ne shkojmë në ekstreme kur humbim, i bëjmë futbollistët si “armiq” dhe kur fitojmë i bëjmë si “superheronjtë” e Shqipërisë, nuk jemi shumë stabël me ta. Presioni jonë karshi skuadrës ishte shumë i madh dhe fakti që ata djem arritën që të rikuperojnë psikologjikisht dhe sportivisht, të fitojnë një ndeshje vërtetë të vështirë në Gjeorgji është për t’u vlerësuar.

Incidentet e ndodhura në Çeki? – Janë gjëra që nuk kanë lidhje me futbollin dhe nuk duhet të ekzistojnë. Futbollisti nëse do të arrijë të shohë jashtë fushës së gjelbër e ka të vështirë të përqendrohet në lojë dhe kur futet në fushë përqendrohet në punën e tij. Unë nuk e di i kanë parë apo jo, por unë faktikisht nuk i kam parë gjatë lojës në stadium. Flamujt e vendosur ishin shumë larg dhe nuk dukeshin, por gjithsesi janë ngjarje sporadike që nuk kanë lidhje me lojën dhe futbollin. Nuk duhet të ekzistojnë. Unë nuk besoj që ne duhet ta përgjithësojmë dhe të themi që çekët janë kundër shqiptarëve. Nuk është kjo sjellja dhe kultura e popullit çek kundër shqiptarëve. Ashtu sikurse nuk është kultura jonë që të fishkëllejmë himnin gjeorgjian, por kishte disa njerëz që e bënë atë gjë. Kjo nuk duhet të ndodhi është e dënueshme. Ato që e kanë bërë në Çeki këtë gjë janë një grup njerëzisht ose një individ apo dy. A kanë qenë të shtyrë apo të paguar dhe për çfarë arsye, i takon më shumë organeve kompetente dhe institucioneve të Çekisë për ta vërtetuar. Shije shumë e keqe për futbollin në përgjithësi dhe për ne. Mund të kishte një reagim më të shpejtë nga skuadra dhe stafi që ishin në fushë, por fakti që përqendrohen në lojë ka bërë që të mos i shohin. Momenti që jemi sinjalizuar në fakt nëpërmjet atyre që i kanë parë në ekran dhe na i kanë dërguar me WhatsApp ne kemi ndërhyrë dhe kemi kërkuar që të hiqen dhe të largohen. Nuk janë këto fenomenet dhe sjelljet e futbollit që ne duhet ti përgjithësojmë, këto janë grupe njerëzisht dhe fenomene që nuk duhet të ndodhin. Mund të ketë forca të interesuara për axhendat e tyre politike që mund t’i shtyjnë këto. Mund ta bëjnë në Çeki ose në një shtet tjetër. Nuk arritën të bëjnë asgjë në Gjeorgji, pasi sjellja e tifozëve të tyre ishte korrekte në stadium, madje mund ta konsiderojmë një lloj leksioni duartrokitjen që ato i bënë himnit kombëtar shqiptar. Mendoj që nuk ishte pa qëllim pasi edhe ato nuk e kanë përjetuar mirë që një pjesë e tifozëve shqiptarë ja kanë fishkëllyer himnin në Tiranë. Padyshim që ka masa. Ne jemi dënuar për fishkëllimin e himnit kombëtar gjeorgjian në Tiranë me 12.500 euro nga UEFA. Padyshim që gjoba për flamujt apo për vendosjen mbrapsht të tyre me qëllim negativ në Çeki do të ketë një gjobë akoma më të madhe për ta sepse këto janë rregullat e futbollit. Të gjitha vendet kanë të njëjta të drejta në UEFA, rregullat janë të njëjta për të gjithë. Bashkëpunimi dhe solidariteti janë parimi kryesor dhe të gjithë komisionet e UEFA-s që marrin vendime janë nga të gjithë vendet dhe gjobat apo masat funksionojnë për të gjithë.

Gruda dhe futbollistët e tjerë shqiptarë – Gruda është një futbollist shumë i mirë, e thotë vetë me paraqitjet e tij në fushë. Por edhe Hasa në Itali është një futbollist shumë i mirë, ka luajtur me ekipet kombëtare të Italisë. Janë shqiptarë, kanë dopio shtetësi, por është vendimi i tyre se për çfarë kombëtare duan të luajnë. Ne i kemi ftuar, kemi biseduar dhe negociuar dhe urojmë që ata të vendosin për të luajtur për Shqipërinë. Për momentin janë përqendruar në lojën e tyre me klubet dhe nuk kanë marrë një vendim. Ata do të vendosin me dëshirën e tyre. Pa dyshim që ne kemi dëshirë që ata të kontribuojnë për ne. Ka edhe shumë futbollistë të tjerë më të rinj në moshë, talente shumë të mirë që janë pjesë e ekipeve tona të moshave që mund të afrohen. Siç u afruan në ndeshjen e fundit, Adrion Pajaziti, Feta Fetai dhe Indrit Tuci. Ky i fundit nuk ishte ftuar prej kohësh, por luajti titullar në Gjeorgji. Jo vetëm këto që ne diskutojmë, të cilët i konsiderojmë kualitete, por edhe të tjerë të cilët shikohen, analizohen dhe studiohen. Kjo është e veçanta e stafit të këtij ekipi kombëtar, të cilët janë 365 ditë në punë dhe analizojnë e përgatisin shfaqjen e një dite në shumë ditë pune.

Kritikat ndaj Silvinjos pas ndeshjes me Çekinë – Kritikat janë të mira jo vetëm në futboll por në çdo fushë tjetër. Të bëjnë mirë kur janë kritika, të dëgjosh ato që janë me vend dhe të korrigjohesh, të të mbajnë në presion. Nuk kemi pse mërzitemi kur ka kritika pas një performance jo të mirë, pas një rezultati negativ. Në futboll janë pak më të prekshme sepse gjerat janë më transparente, më të hapura. Janë në fushën e lojës. Për sa kohë janë kritika, janë për t’u vlerësuar dhe për t’u korrigjuar. Ndërsa ato që mezi presin për të hedhur baltë, mirë është që as Silvinjo dhe askush mos t’i marrë parasysh por t’i shohë përpara. Ai futbollist apo trajner që ndikohet nga baltosja, nuk është profesionist. Ndërsa ai trajner apo ai futbollist që nuk merr parasysh kritikat, sërish nuk është profesionist.

Kritikat ndaj Presidentit Duka për Europianin U-21 2027 – I kam ndjekur, i kam dëgjuar. Kam të njëjtin qëndrim për baltosjen. Nëse duhet të rikthehem përsëri pse ne kemi vendosur që të aplikojmë për të pritur këtë Europian në Shqipëri për herë të parë në historinë e tij. Të bashkëpunojmë me një federatë tjetër siç është ajo serbe ishte një mundësi më shumë për ta pasur këtë kampionat në Shqipëri, ndryshe ishte e pamundur. Le ta gjykojmë në këndvështrimin pozitiv se çfarë të mirash i sjell Shqipërisë. Kemi benefite sportive edhe benefite politike, nëse i analizojmë. Ne ende jemi në garë dhe ende nuk është vendosur por gjasat janë që ne do jemi fitues dhe do të miratohet ky organizim. Jam nisur nga benefitet sportive, por edhe mesazhet që jep bashkëpunimi me një federatë tjetër. Mesazhi që jep është pozitiv, është mesazh paqeje, bashkëpunimi. Ne na intereson që të kemi paqe jo luftë. Ne nuk e harrojmë se çfarë ka ndodhur, se çfarë historie ka. Por unë mendoj që të ndërtojmë të ardhmen në paqe. I shërben shumë edhe Kosovës edhe statusit që pret Kosova apo perspektivës së Kosovës.

A kam folur me Canën? – E kam dëgjuar Lorikun kur ka folur për këtë çështje. Po ta dëgjoni, atëherë mund ta komentoni. Disa media duan ta komentojnë negativisht. I mirëpres të gjithë, secili ka këndvështrime të ndryshme. Por unë i ftoj që të shohin pozitivisht. Mesazhi është pozitiv. Jam i sigurt që Kosovës deri në 2027 do t’i kontribuojë në statusin e saj. Është një gjest pozitiv, një mesazh paqeje dhe një mesazh bashkëpunimi.

Shqetësimi i shqiptarëve të Kosovës për thirrjet e serbëve në stadiumet e tyre – Ne nuk e dimë se çfarë masash merr Federata Serbe sepse të njëjtën gjë mund të thonë edhe serbët, se çfarë masash do të marrë Federata Shqiptare. Unë di të them që nuk ka dhe nuk do të ketë kurrë mesazhe negative për asnjë popull tjetër. Por fatkeqësisht, nga shkallët e stadiumeve tona edhe ne i ofendojmë serbët. Pavarësisht se nuk luajmë me Serbinë. Kjo është negative nga ana jonë, kjo është negative edhe nga ana e tyre. Këtë lloj mesazhi duhet të japim. Mos të bëjmë këtë, por të shkojmë në stadium të shohim një ndeshje futbolli.

Broja, Manaj dhe kapiteni Gjimshiti, mungesat e Shqipërisë në sfidat e fundit – Tre emrat janë kualitete që ne na ndihmojnë shumë dhe unë uroj që të rikthehen në nëntor dhe mos të kemi mungesa të tjera. Të kemi 100% të futbollistëve më të mirë në formë dhe në gjendje të mirë shëndetësore dhe të bëjmë një performancë pozitive.

E ke ndjekur përfaqësuesen e Kosovës? – Kosova ka një skuadër shumë të mirë. Me përbërje shumë të mirë, futbollistë me shumë kualitet, të nivelit europian dhe që mund të bëjë shumë mirë në çdo ndeshje. Pavarësisht se patën një hap fals ndaj Rumanisë në ndeshjen e parë, në ndeshjet e tjera ka qenë bindëse dhe uroj që të vazhdojnë kështu deri në fund. Disi e vështirë duket që të jetë e para në grup, por edhe si e dyta e grupit mund të luajë në play-off, por jam shumë i sigurt që do ta kalojnë dhe do të ngjiten në Ligën B në Nations League. Do të jenë një ekip pretendent për Kupën e Botës 2026. Nëse e ka ndryshuar Foda apo e ka ndryshuar koha, këtë nuk di ta them, sepse nuk e njoh nga afër punën e trajnerit. Por di që është një trajner me eksperiencë dhe me shumë rezultate pozitive.

Futbollistë të Kosovës te Shqipëria? – Rregullorja nuk lejon që të marrësh futbollistë që janë aktivizuar me ekipin A, por me dëshirë do e merrja Zhegrovën (qesh).

The post Armand Duka: Në dy ndeshjet e fundit do të luajmë me “12 lojtarë” appeared first on Albeu.com.

Përgatitjet për dy ndeshjet e para në Grupin B1 do të nisin sot më 2 shtator, teksa trajneri Sylvinho ka dalë në konferencë për shtyp, duke shpjeguar para mediave listën me 24 lojtarë të grumbulluar.

LISTA

Përsa i përket portës janë Thomas Strakosha, Alen Sherri dhe Simon Simoni. Në mbrojtje rikthehet futbollisti i Partizanit, Andi Hadroj.

Emrat e tjerë që përbëjnë repartin e prapavijës janë Berat Gjimshiti, Elseid Hysaj, Ivan Balliu, Mario Mitaj, Marash Kumbulla, Ardian Ismajli dhe Enea Mihaj.

Në repartin e mesfushës dhe të sulmit ka dy risi. Trajneri Sylvinho, ka vendosur të thërrasë për herë të parë në Kombëtaren A mesfushorin Sebastjan Spahiun dhe sulmuesin Agim Zeka.

Të dy futbollistët, më parë kanë qenë pjesë e Shqipërisë U-21. Spahiu aktivizohet në Iran me skuadrën e Mes Rafsanjan, ndërsa Zeka në kampionatin “Abissnet Superiore” me Partizanin.

Pjesa tjetër e lojtarëve që përbëjnë repartin e mesfushës dhe të sulmit janë Ylber Ramadani, Amir Abrashi, Kristjan Asllani, Medon Berisha, Qazim Laçi, Nedim Bajrami, Arbër Hoxha, Jasir Asani, Rey Manaj, Armando Broja dhe Taulant Seferi.

Grumbullimi i lojtarëve nisi që të dielën në Tiranë me futbollistët që do të përfundojnë më herët impenjimet me skuadrat e tyre, ndërsa grupi i lojtarëve pritet të jetë i plotë sot më 2 shtator.

Seancat stërvitore do të zhvillohen në “Shtëpinë e Futbollit”, ndërsa të premten kuqezinjtë do të udhëtojnë drejt Çekisë, aty ky më 7 shtator do të luhet ndeshja e parë në Grupin B1 të Nations League ndaj Ukrainës, në stadiumin “Epet Arena”, në orën 20:45.

Tre ditë më pas më 10 shtator, Kombëtarja shqiptare do të luajë ndaj Gjeorgjisë në stadiumin “Air Albania”, në orën 20:45.

The post Sylvinho shpjegon listën e lojtarëve të ftuar për dy ndeshjet ndaj Ukrainës dhe Gjeorgjisë appeared first on Albeu.com.

Bëhet fjalë për “gardianin” e portës, Thomas Strakosha, i cili raportohet nga mediat angleze se po vuan nga një dëmtim në pulpën e këmbës.

Kujtojmë se dhe javën e shkuar në barazimin 1 me 1, ndaj Crystal Palace, “gardiani” ishte duke punuar për rikuperimin e tij.

Ndërkaq, shanset e portieri për të qenë pjesë e grupit të përzgjedhur nga Sylvinho, për sfidat ndaj Çekisë e Polonisë nuk janë shuar ende plotësisht, pasi sipas raportimeve të mediave pranë klubit, 28-vjeçari ka ende goxha shanse për të ardhur në formë para 7 shtatorit.

The post Sylvinho me “dhimbje koke”, gardiani kuqezi do të mungojë në sfidat e shtatorit appeared first on Albeu.com.

Bie në sy sfida mes Manchester City dhe Chelsea dhe ajo mes Manchester United me Everton.

Ja të gjitha ndeshjet e FA Cup:

Preston North End vs Huddersfield Town

Middlesbrough vs Brighton

Chesterfield vs West Bromwich Albion

Man City vs Chelsea

Charlton Athletic ose Stockport County vs Walsall

Boreham Wood vs Accrington Stanley

Tottenham Hotspur vs Portsmouth

Derby County vs Barnsley

Cardiff City vs Leeds United

Brentford vs West Ham United

Bournemouth vs Burnley

Coventry City vs Wrexham

Norwich City vs Blackburn Rovers

Aston Villa vs Stevenage

Luton Town vs Wigan Athletic

Oxford United vs Arsenal

Fleetwood Town vs QPR

Liverpool vs Wolves

Grimsby Town vs Burton Albion

Blackpool vs Nottingham Forest

Dagenham dhe Redbridge ose Gillingham vs Leicester City

Forest Green Rovers vs Birmingham City

Bristol City vs Swansea City

Hartlepool United vs Stoke City

Hull City vs Fulham

Crystal Palace vs Southampton

Millwall vs Sheffield United

Shrewsbury Town vs Sunderland

Sheffield Wednesday vs Newcastle United

Manchester United vs Everton

Reading vs Watford

Ipswich Town vs Rotherham/ h.ll/albeu.com

The post Hidhet shorti i FA Cup, spikat sfida Manchester City-Chelsea appeared first on Albeu.com.

Të gjitha sfidat:

Qarabag-Gent

Trabzonspor-Basel

Lazio-CFR Cluj

Bodo/Glimt-Lech Paznan

Braga-Fiorentina

AEK Larnaca-Dnipro 1

Sheriff-Partizan

Ludogerts-Anderlecht

Datat:

Play-off-et për fazën eliminatore: 16 dhe 23 shkurt 2023

Raundi i 16: 9 dhe 16 Mars 2023

Çerekfinalet: 13 dhe 20 Prill 2023

Gjysmëfinalet: 11 dhe 18

Finalja 2 maj 2023 në Eden Prague Arena (Republika Çeke)/ h.ll/albeu.com

The post Shorti i Conference League: Lazio i Tares dhe Hysaj gjejnë CFR Cluj, ja të gjitha sfidat appeared first on Albeu.com.

Grupi E është ende i hapur, ku 2 sfidat Salzburg-Chelsea dhe Dinamo Zagreb-Milan janë ato të cilat kanë një vemendje për të kuptuar se cilët do të vazhdojnë përpara.

Sfidë e bukur tjetër është Dortmund-Manchester City, por edhe Benfica-Juventus./h.ll/albeu.com

Të ghjitha sfidat e sotme:

The post Champions League/ Spikatin ndeshjet e Grupit E, ja të gjitha ndeshjet e sotme appeared first on Albeu.com.

Ekipi nga Kosova, Ballkani, shpreson që sot në stadiumin “Fadil Vokrri” të marrë një fitore ndaj ekipit turk të Sivasspor.

Nëse dardanët arrijnë të marrin tre pikët, ata do të kryesojnë ende vendin e parë në grup. Stadiumi është njoftuar që do të jetë i mbushur në maksimumin e tij dhe të gjithë tifozët do të krijojnë sot një atmosferë të jashtëzakonshme për Ballkanin që ka mahnitur të gjithë./h.ll/albeu.com

Të gjitha ndeshjet e ditës:

Europa League

Conference League

The post Europa dhe Conference League/ Ballkani kërkon fitoren për të qëndruar në vendin e parë, ja të gjitha ndeshjet e sotme appeared first on Albeu.com.

Sfida e mbrëmjes që konsiderohet më e bukur dhe ku të gjithë do e kenë vëmendjen, është Barcelona-Inter.  Spanjollët do të presin në Camp Nou zikaltërit e Simone Inzaghit, ku Barça vjen nga një humbje minimale 1-0 në San Siro.

Stadiumi do të jetë në kapacitet të plotë dhe pritet të ketë shumë emocione si sfidë, ku vendi për t’u kualifikuar më tej në raundin e 1/16 mund të varet që sot./ h.ll/albeu.com

Të gjitha ndeshejt e sotme:

The post Champions League/ Sytë nga Barça-Inter, ja të gjitha sfidat e sotme appeared first on Albeu.com.