Por këtë herë, gjërat mund të jenë ndryshe, pasi presidenti i Polonisë, ndoshta nuk është më aq i mirëpritur në stadium nga tifozët. Ata e kanë bërë të qartë një gjë të tillë në ndeshje të ndryshme të kampionatit, ku janë shpalosur parulla kundër tij në stadiumet si në Lodz, Gdansk, Krakovë, Poznan dhe Lublin.

Kjo është rrjedhojë e vetos që ai ka vendosur mbi amendimin e Kodit Penal të vendit, i cili përfshinte ndër të terja edhe “vendosjen e një ndalimi për përdorimin e provave të fituara në mënyrë të paligjshme, kufizimin e përdorimit të tepërt të paraburgimit, rritjen e diskrecionit të gjykatave dhe zvogëlimin e numrit të prokurorëve, zgjerimin e të drejtës për mbrojtje në të gjitha fazat e procedurave penale dhe lehtësimin e ofrimit të ndihmës ligjore”.

Sipas mbështetësve polakë, ndërhyrja e presidentit ka qenë e pavend me veton e amendimit të Kodit Penal, ndaj parashikohet që edhe në stadiumin në Varshave gjatë ndeshjes të ketë kontestime e parulla kundër tij.

The post Priten protesta në stadium për tifozin VIP të ndeshjes, përballja Poloni-Shqipëri mund të jetë shumë më e ndezur se sa pritej appeared first on Albeu.com.

Një test që do t’i vlejë shumë trajnerit Silvinjo, si për lojtarët e rinj në skuadër, ashtu edhe për ata që nuk kanë marrë shumë minuta në këto kualifikuese.

Për këtë arsye, priten shumë ndryshime në formacionin me 11 titullarët që do të zbresin në fushë.

Në portë nuk do të jetë i përhershmi Tomas Strakosha, por shtatlarti i Egnatias, Mario Dajsinani.

Mbrojtja do të rreshtohet me Balliun në të djathtë dhe Naser Alijin në të majtë, ndërsa në qendër do të luajnë Klisman Cake dhe Enea Mihaj.

Edhe mesfusha do të ketë ndryshime, me Yasir Ramadanin, të shoqëruar nga Medon Berisha dhe Nedim Bajrami, ndërkohë që në sulm pritet të jenë Arbër Hoxha në të majtë, Jasir Asani në të djathtë dhe Mirlind Daku në majë të sulmit, shkruan A2 CNN.

Ky mund të jetë një formacion i mundshëm nga trajneri brazilian për këtë miqësore, ndonëse qëllimi kryesor është të shihen të gjithë lojtarët, një provë e fundit para dy ndeshjeve vendimtare të muajit nëntor ndaj Andorrës dhe Anglisë, që do të japin verdiktet finale për rrugëtimin e kuqezinjve drejt Botërorit 2026.

Miqësorja Shqipëri–Jordani, do të luhet këtë të martë, duke nisur prej orës 19:00.

The post Formacioni i mundshëm i Shqipërisë në miqësoren ndaj Jordanisë appeared first on Albeu.com.

Tifozët e kombëtares, në pamundësi për të ndjekur sfidën nga afër, janë mbledhur në kryeqytet, teksa kanë krijuar një atmosferë elektrizuese

Nuk mungojnë këngët, vallet, ndërsa flamujt mbizotërojnë kudo. Serbi-Shqipëri është vendimtare për fatet e kualifikimit në botëror.

The post VIDEO/ Pak para ndeshjes ndaj Serbisë, tifozët “ndezin” atmosferën në kryeqytet appeared first on Albeu.com.

Takimi, i vlefshëm për javën e tetë të kampionatit spanjoll të La Ligas, konsiderohet si supersfida e javës, për shkak të formës së mirë që të dyja skuadrat kanë treguar deri më tani.

Real Madrid kryeson renditjen me dy pikë më shumë se Villareali, pas shtatë javëve të para të kampionatit, çka e bën këtë përballje vendimtare për ruajtjen e kreut të tabelës.

The post Kryeministri Rama ndjek nga stadiumi ndeshjen REAL MADRID- VIJAREALI appeared first on Albeu.com.

Nga Kombëtarja A, tek skuadrat e moshave dhe vajzat kuqezi, të gjitha ekipet do të zbresin në fushë për të përfaqësuar Shqipërinë.

Kombëtarja A do të përballet më 11 tetor në transfertë ndaj Serbisë në Leskovac, një duel i rëndësishëm për eliminatoret e Kupës së Botës 2026, ndërsa më 14 tetor kuqezinjtë do të rikthehen në “Air Albania” për miqësoren ndaj Jordanisë.

Vajzat e Kombëtares A, do të kenë një muaj vendimtar, me dy përballje ndaj Qipros që do të përcaktojnë fatin e tyre për sezonin e ardhshëm në Ligën e Kombeve.

Edhe Kombëtarja U-21, do të luajë në “Air Albania”, ku do të presë San Marinon më 10 tetor, ndërsa ekipet kombëtare U-19 dhe U-17 do të zhvillojnë miqësore përgatitore ndaj Irlandës dhe Sllovenisë.

Tetori do të shënojë gjithashtu nisjen e dy turneve të rëndësishme të organizuara nga FSHF në Shqipëri, fazën kualifikuese të UEFA European Women’s Under-17 Championship dhe turneun UEFA Development U-15.

Vajzat U-17, do të masin forcat me Greqinë, Izraelin dhe Estoninë në Elbasan dhe Rrogozhinë, ndërsa djemtë U-15, do të sfidojnë Armeninë, Maqedoninë e Veriut dhe Kosovën në “Shtëpinë e Futbollit”.

Një muaj i tëri kuqezi për t’u shijuar, me sfida të mëdha dhe përcaktuese.

The post TETORI KUQEZI/ Një muaj plot ndeshje dhe emocione për Kombëtaren A, vajzat dhe ekipet e moshave appeared first on Albeu.com.

Asllani më para ka luajtur si te Empoli, ashtu edhe te Interi, në një mesfushë me tre në qendër dhe futbollisti shqiptar ka shpjeguar se tashmë po përpiqet të përshtatet sa më shpejt në këtë mënyrë loje.

“Po, unë sinqerisht kam preferuar gjithmonë që të luaj me tre, me një para mbrojtjes, por tani këtu po luajmë me dy në qendër dhe ndjehem mirë. Padyshim duhet të përmirësohem, pasi është diçka e re për mua, është një gjë e re edhe në fazën mbrojtëse, pasi kur luan me dy dhe të bësh markimin një për një, duhet të ndjek mesfushorin tjetër në të gjithë fushën.

Ndaj është një gjë e re, por jam i lumtur dhe do të mundohem gjithmonë të përmirësohem ndeshje pas ndeshje, pasi është një gjë e rëndësishme”, tha Asllani për mediat para ndeshjes së klubit të tij përballë Parmës në Serinë A.

The post Kristjan Asllani zbulon vështirësitë dhe risitë te Torino: Po mësohem të luaj me dy, duhet të ndjek mesfushorin tjetër appeared first on Albeu.com.

Pak minuta para fillimit të sfidës, gjatë interpretimit të himneve kombëtare, një grup i vogël tifozësh italianë reagoi me protesta ndaj pranisë së ekipit izraelit në kompeticion. Ata fishkëllyen himnin izraelit “Hatikvah” dhe më pas u kthyen me shpinë nga fusha, në shenjë proteste.

Incidenti u zhvillua mes një atmosfere të zymtë, me pjesëmarrje të ulët nga tifozët italianë, të cilët duket se kishin ndjekur kombëtaren me një mesazh të qartë politik.

Ndeshja vetë ka qenë objekt kritikash ndërkombëtare për shkak të zhvillimeve të fundit politike dhe tensioneve të vazhdueshme në Lindjen e Mesme, me shumë zëra që kërkonin përjashtimin e Izraelit nga turneu kualifikues, për shkak të situatës së luftës në Gaza.

Federata Italiane ende nuk ka reaguar zyrtarisht për ngjarjen në tribuna, ndërsa FIFA dhe UEFA mund të shqyrtojnë sjelljen e tifozëve në përputhje me rregulloret për sjelljen në stadiume dhe respektimin e himneve kombëtare.

The post Protestë në tribunat e ndeshjes Izrael-Itali, tifozët italianë vërshëllejnë himnin izraelit dhe i kthejnë shpinën fushës appeared first on Albeu.com.

Përmes një postimi në Instagram, Egla ka bërë thirrje për qetësi, qytetari dhe maturi, duke kujtuar se sporti dhe arti nuk duhet të përzihen me politikën, pavarësisht dhimbjeve historike që mbartin shqiptarët e Kosovës.
“Serbët na kanë lënduar vëllezërit Kosovarë, por ju lutem mos ngatërroni artin dhe sportin me politikën (politika iz ë biç)”, shkruan ajo në mënyrën e saj të drejtpërdrejtë.

Egla apelon që shqiptarët të tregojnë nivel dhe mikpritje, duke shmangur veprime që mund të interpretohen si provokime. Ajo i referohet edhe simbolikës së shqiponjës që shpesh ka ndezur polemika në përballjet Shqipëri–Serbi, duke kërkuar që të mos përdoren gjeste që mund të shihen si viktimizim apo reagim emocional.

“Ne jemi Shqipe! Forca me fitore Shqipëri!”, shkruan ajo në fund, duke përmbyllur reagimin e saj me një mesazh motivues dhe duke përdorur si sfond këngën patriotike “Xhamadani Vija Vija”.

Mesazhi i Egla Cenos po shpërndahet gjerësisht në rrjete, duke nxitur debat e reflektim mbi qasjen që duhet mbajtur ndaj simbolikës kombëtare dhe rolin e sportit si mjet bashkimi, jo ndarjeje.

The post Egla Ceno me mesazh para ndeshjes Shqipëri–Serbi: Mos e ngatërroni sportin me politikën – ne jemi Shqipe! appeared first on Albeu.com.

Dreka e së enjtes sapo kishte kaluar dhe Tirana po përgatitej për një ndeshje që mund të kishte mbushur stadiumin kombëtar të paktën 10 herë. Nuk kishte asnjë vështirësi për të identifikuar flamurin shqiptar, shqiponja e zezë me dy koka që shtrihej nga qendra e saj.

Flamuri i dytë që po ngrihej është bërë gjithashtu i zakonshëm. Ai mbante fjalën “Autochthonous”, duke paraqitur një version të hartës së “Shqipërisë së Madhe” që e shndërroi një ndeshje futbolli në një incident madhor diplomatik në vitin 2014.

Të premten në mëngjes ai flamur ishte zëvendësuar me një version më pak nxitës. Ndoshta autoritetet kishin hyrë për një “bisedë të qetë”. Ata duan të eliminojnë çdo shkak të mundshëm për trazira si ato që shpërthyen në Beograd 11 vite më parë, kur një dron uli imazhin e diskutueshëm në stadiumin e Partizanit gjatë një ndeshjeje kualifikuese për Kampionatin Europian mes Serbisë dhe Shqipërisë. Pasojat e asaj nate shkuan përtej sportit, dhe pati lehtësim të përgjithshëm kur, në nëntorin pasues, ndeshja e kthimit në qytetin shqiptar Elbasan kaloi pa incidente madhore.

Me siguri fytyrat ranë në pëllëmbë në federatat e të dy vendeve në dhjetor të vitit të kaluar, kur shorti i kualifikueseve për Kupën e Botës 2026 i vendosi përballë njëra-tjetrës. U ngritën vetulla në arenën ndërkombëtare, por nuk kishte asgjë që i pengonte të përballeshin sërish: pavarësisht një historie të gjatë dhe të përgjakshme, plagët më të freskëta të së cilës janë nga lufta në Kosovën me shumicë etnike shqiptare, kombet nuk janë në konflikt aktiv. Asnjëri nuk kishte kërkuar të shmangte tjetrin. Ishte e pashmangshme që problemi i marrëdhënieve në kontekstin e futbollit të rishfaqej një ditë.

Asnjë burim nuk po kursehet për ta zgjidhur. Rreth 2,000 efektivë policie do të vendosen për ndeshjen e parë të Grupit K të shtunën në mbrëmje, përfshirë forcat speciale dhe antiterror. Gjithashtu, burime sugjerojnë se deri në 500 policë me rroba civile do të jenë mes 22,500 spektatorëve. Tifozët e huaj nuk do të jenë të pranishëm. Pajisje kundër dronëve po instalohen në zonën përreth dhe personat e paralajmëruar se pajisjet e tyre do të rrëzohen nga qielli.

Me shumë gjasa, çdo përpjekje për trazira do të marrë një formë tjetër; dronët nuk ishin aq të zakonshëm në jetën publike kur ai mjeti i vogël shkaktoi kaos në Beograd. Por masat e marra rikujtojnë Ismail Morinën, operatorin e vinçit me mjekër dhe dukje të padëmshme, i cili u shpall hero kombëtar për pranimin e përgjegjësisë për incidentin e vitit 2014. Edhe pse nuk u raportua gjerësisht atëherë, Morina kishte një bashkëpunëtor që ka preferuar të qëndrojë në hije.

Veprimi i Morinës pati kosto: ai u arrestua për mbajtje të paligjshme armësh para vizitës së Serbisë në 2015, duke u mbajtur larg syve të publikut gjatë asaj ndeshjeje. Më pas u burgos në Kroaci dhe Itali, ku kishte leje qëndrimi, sipas një urdhër arresti serb të lëshuar përmes Interpolit. Ai është rikthyer në stadiumet shqiptare, duke u ngritur mbi krahët e tifozëve në ndeshjen ndaj Çekisë në vitin 2023 dhe duke shkëmbyer fanella me golashënuesin Jasir Asani. Së fundmi është parë në ndeshje vendore, por në prag të takimit të së shtunës, llogaritë e tij të dikurshme në rrjetet sociale janë zhdukur. Nëse ndonjë nga të njohurit e tij e di ku ndodhet, nuk e thotë. Supozohet se ai nuk do të rrezikonte të afrohej pranë stadiumit të shtunën.

Ai nuk do të jetë i vetmi ultra, i kaluar apo aktual, që do të mbahet larg. Federata Shqiptare e Futbollit nuk ka shitur bileta në grup për tifozët organizuar, por i ka shpërndarë përmes shortit nga më shumë se 200,000 aplikime dhe ka rritur çmimet. Kjo duket si përpjekje e qëllimshme për të “pastruar” atmosferën; grupi Tifozat Kuq e Zi, që krijon pamjen më të gjallë në ndeshjet e kombëtares, reagoi ashpër dhe e cilësoi një “farsë të organizuar” në favor të të pasurve. Ata do të organizojnë një mbledhje alternative te Piramida e Tiranës, 400 metra nga stadiumi, ku është dhënë leje për një ekran gjigant. Në tregun e zi, çmimet e biletave kanë kaluar 1,000 paund.

Fakti që Shqipëria dhe Serbia do të bashkëpresin Kampionatin Europian U-21 në vitin 2027 shton një tjetër dimension. Nëse pritshmëritë janë të larta për vendasit e së shtunës, po aq janë edhe për organin drejtues të futbollit europian, UEFA. Një marrëveshje kaq ambicioze, e shtyrë kryesisht nga presidenti i FSHF-së dhe nënkryetari i Komitetit Ekzekutiv të UEFA-s, Armand Duka, mund të duket e paqëndrueshme nëse ndodh ndonjë incident. Tifozat Kuq e Zi kanë shprehur kundërshtinë ndaj bashkë-organizimit si me fjalë, ashtu edhe me simbole vizuale, dhe mendojnë se kjo ka ndikuar në përjashtimin e tyre.

I vetmi shpërqendrim gjatë stërvitjes së Shqipërisë të enjten në mbrëmje ishin disa vaditës shumë të zellshëm, praninë e të cilëve askush nuk e kundërshtoi në temperatura mbi 30°C. Elseid Hysaj, mbrojtësi i Lazios, është i vetmi lojtar aktual që ishte në ndeshjen kaotike të Beogradit. “Nuk duhet të përsërisim pamjet e viteve të kaluara,” tha ai. “Trajneri na ka kërkuar të mos panikosemi për këtë ndeshje. Duhet qetësi dhe ekuilibër emocional.”

Sylvinho, trajneri në fjalë dhe një prej karaktereve më të afërt të futbollit ndërkombëtar, bëri shaka ndërsa luante me topin me ndihmësit e tij, por është nën presion për të dhënë rezultate. E njëjta gjë vlen për Dragan Stojkoviç, homologun e tij. Anglia, që plotëson pesëshe e Grupit K bashkë me Letoninë dhe Andorrën, shihet si fituese e sigurt nga të dy kampet. Shqipëria dhe Serbia e dinë që po luftojnë për një vend në “play-off” dhe përballjet mes tyre – e dyta do të zhvillohet për katër muaj – do të jenë vendimtare.

Në orën 13:40 me orën lokale të premten, lojtarët e Serbisë mbërritën në hotelin e tyre një milje në perëndim të qendrës së Tiranës. Oficerë të armatosur nga RENEA, forca antiterror e Shqipërisë, rrethuan dy autobusë që kishin udhëtuar nga aeroporti me eskortë. Hapi i parë i një operacioni që do të zgjasë gjatë fundjavës kaloi pa probleme. Nëse gjithçka mbetet kështu, ndoshta hija e 14 tetorit 2014 do të fillojë më në fund të zhduket.

The post Mbi 2 mijë efektivë dhe 500 civilë, The Guardian për Shqipëri-Serbi: Pajisjet kundër dronëve janë gati, Ismail Morina është “zhdukur” appeared first on Albeu.com.

Shqiptarët në pankartat dhe banderolat e ndryshme që kanë shpalosur në stadium nuk kanë ngurruar të shfaqin edhe preferencat e tyre politike. “Rama ik, Diaspora zgjedh atdheun”, thuhet në banderolën e shfaqur nga një tifoz kuq e zi në stadiumin londinez.

The post FOTO/ “Rama ik, Diaspora zgjedh atdheun”, shqiptari shpalos banderolën në stadiumin e “Wembley” appeared first on Albeu.com.