Egnatia pret sonte Shamrock Rovers në takimin e dytë të turit të tretë kualifikues të Europa League.

Skuadra nga Rrogozhina u mposht 3-1 në përballjen e parë të zhvilluar në Dublin, ndërsa tani do të kërkojë të përmbysë rezultatin në “Arena Egnatia”. Ndeshja ndaj irlandezëve nis në orën 21:00.

Vetëm pak orë përpara sfidës, klubi rrogozhinas publikoi posterin zyrtar, në të cilin kapiteni Albano Aleksi paraqitet mbi re.

Përzgjedhja e tij si figurë kryesore e posterit sinjalizon se pakënaqësitë brenda kampit të kampionëve në fuqi të Superiores janë kapërcyer. Mbrojtësi projektohet si një element i rëndësishëm dhe mund të marrë minutat e nevojshme kundër ekipit irlandez.

Më herët ishte raportuar për një përplasje mes Aleksit dhe trajnerit Nevil Dede, situatë që mund të sillte largimin e 33-vjeçarit nga Rrogozhina. Megjithatë, ndërhyrja e presidentit Agim Demrozi i dha fund çështjes, duke përjashtuar çdo mundësi ndarjeje me kapitenin.

The post Egnatia synon përmbysjen ndaj Shamrock dhe mbyll zërat për të ardhmen e kapitenit appeared first on Albeu.com.

Dinamo e Iir Dajës do të zbresë sonte në fushë për ndeshjen e kthimit ndaj Auda, e vlefshme për turin e tretë kualifikues të Conference League. Takimi nis në orën 21:00.

Skuadra kryeqytetase duhet të përmbysë humbjen minimale 1-0 të pësuar në duelin e parë me letonezët, ndërsa sfida vendimtare do të zhvillohet në “Elbasan Arena”.

Besimi i trajnerit Daja mbështetet edhe te ecuria e mëparshme e ekipit në ndeshjet e kthimit. “Blutë” ia dolën të përsërisnin rezultat pozitiv ndaj Astanës në fazën e parë dhe kundër Aluminij në të dytën.

Mundësitë për të arritur një tjetër rezultat historik mbeten të hapura, ndërsa Dinamo do të ketë edhe avantazhin e fushës së saj. Në stadium pritet një numër edhe më i lartë tifozësh, të cilët do ta përkrahin skuadrën në synimin për të siguruar “play-off”-et e Conference League dhe, në skenarin më të “artë”, grupet e kompeticionit.

The post Dinamo luan gjithçka ndaj Auda në “Elbasan Arena”, synimi është kualifikimi në “play-off appeared first on Albeu.com.

Pamjet, të cilat janë bërë virale në rrjetet sociale, tregojnë disa persona të veshur me fanella të Argjentinës duke u shtyrë dhe goditur me një tifoz tjetër, ndërsa të pranishmit përpiqen të ndajnë palët dhe të shmangin përshkallëzimin e konfliktit.

Situata u vu nën kontroll vetëm pas ndërhyrjes së forcave të sigurisë së stadiumit, të cilat larguan personat e përfshirë në incident.

🚨 TRES ARGENTINOS GOLPEAN A UN INGLES CUANDO FESTEJABA LA VICTORIA VS NORUEGA

Sucios adentro y afuera de la cacha… pic.twitter.com/6RKiGL8wH4

— La Catrina Norteña (@catrina_nortena) July 12, 2026

Deri më tani nuk dihen shkaqet që çuan në përleshje dhe autoritetet nuk kanë dhënë një version zyrtar mbi ngjarjen.

Fakti që në konflikt u përfshinë tifozë me fanella të Argjentinës ka ngjallur shumë komente në rrjetet sociale, pasi kombëtarja argjentinase nuk ishte pjesë e kësaj sfide.

Pavarësisht tensioneve në tribuna, ndeshja nuk u ndërpre dhe u zhvillua normalisht. Në fushë, Anglia arriti të përmbysë Norvegjinë me rezultatin 2-1 pas kohës shtesë, duke siguruar kualifikimin në gjysmëfinalen e Kupës së Botës 2026 falë dy golave të Jude Bellingham.

The post VIDEO/ Kaos në tribunat e Angli-Norvegji, “fluturojnë” grushtet nga tifozi i Argjentinës… appeared first on Albeu.com.

Ndeshja nisi shumë keq për skuadrën e Rolando Maran, pasi pësoi gol që në minutën e 8-të, me një kundërsulm jo fort të shpejtë të kundërshtarëve, por me shumë dhurata rrugës nga skuadra jonë, që në fund u finalizua me Sinanit, që e dërgoi topin në rrjetë.

Pasi u ndëshkua, skuadra jonë mori “frerët” e lojës në dorë, por miqtë ishin shumë të kujdesshëm dhe fanatikë në mbrojtje dhe në menaxhimin e situatave të lojës.

Pjesa e parë u mbyll pa shumë rrezik për tanët. Në pjesën e dytë Shqipëria ishte më e rrezikshme, sidomos pas hyrjes së Brojës, Shehut apo Seferit, por sërish “muri” luksemburgas rezultoi i pakalueshëm. Ndeshja përfundoi 1-0 për Luksemburgun.

Nisje aspak pozitive në këtë debutim të qershorit për trajnerin Maran, i cili e nis me dy humbje radhazi aventurën e tij kuqezi, ndaj Izraelit dhe e sotmja ndaj Luksemburgut, të dyja kombëtare më të dobëta në letër, krahasuar me tonën.

The post Zhgënjejnë përsëri kuqezinjtë, Shqipëria humbet 0-1 edhe ndaj Luksemburgut appeared first on Albeu.com.

Tekniku nisi ndeshjen me disa ndryshime në formacion krahasuar me sfidën ndaj Izraelit, duke hedhur në fushë që nga minuta e parë Pllanën, Bajramin dhe Uzunin.

Shqipëria nis mirë ndeshjen dhe i afrohet golit me Laçin. Por rrugën e rrjetës e gjejnë miqtë me Sinanin në minutën e 8-të. SHIKONI GOLIN! Kuqezinjtë mundohen të reagojnë, por nuk arrijnë që të rrezikojnë portën kundërshtare. Pjesa e parë mbyllet me avantazhin minimal të Luksemburgut.

Në pjesën e dytë Maran hedh në fushë Shehun, Ajetin, Shpendin dhe Seferin, por pavarësisht përpjekjeve, goli i barazimit nuk vjen.

Tenton Asllani nga distanca, por pa gjetur kuadratin. Ndërsa Seferi nuk arrin që të mposhtë portierin mik.

Mbyllet me fitoren 1-0 të Luksemburgut miqësorja në “Air Albania”. Brenda pak ditësh kombëtarja pëson humbjen e dytë dhe tekniku Maran duhet të presë edhe pak kohë, që të provojë shijen e fitores në krye të kombëtares shqiptare.

Formacionet zyrtare

Shqipëria: Alen Sherri, Elseid Hysaj, Ilir Pllana, Berat Gjimshiti, Mario Mitaj, Ylber Ramadani, Kristjan Asllani, Qazim Laçi, Nedim Bajrami, Arbër Hoxha, Myrto Uzuni.

Trajner: Rolando Maran.

The post VIDEO/ Shqipëria zhgënjen në miqësore, Luksemburgu fiton në “Air Albania” appeared first on Albeu.com.

Përmes një qëndrimi publik, grupimi më i madh i tifozëve të Kombëtares ka zgjedhur të bojkotojn sfidën dhe të marrë pjesë në protestën qytetare kundër qeverisë së kryeministrit Edi Rama.

Tifozët Kuqezi do t’i bashkohen qytetarëve të mbledhur në shesh, në atë që shënon ditën e shtatë radhazi të protestave. Sipas organizatorëve, tubimet po vijojnë me kërkesa që lidhen me çështje të interesit publik dhe kundërshtimin e politikave të qeverisë.

Mbështetja për protestën nuk ka ardhur vetëm nga qytetarët, por edhe nga figura dhe individë të njohur të botës së sportit në Shqipëri, të cilët janë solidarizuar me kauzën e protestuesve.

Kështu, në mbrëmjen kur vëmendja sportive është përqendruar te ndeshja Shqipëri-Luksemburg, një pjesë e tifozërisë kuqezi ka zgjedhur të japë një mesazh jashtë fushës së lojës, duke marrë pjesë në protestën qytetare.

The post Tifozët Kuqezi bojkotojnë ndeshjen Shqipëri-Luksemburg, i bashkohen protestës qytetare kundër qeverisë Rama appeared first on Albeu.com.

Takimi ishte i pari nën drejtimin e trajnerit të ri, Rolando Maran, i cili po teston formacionin dhe lojtarët për sfidat e ardhshme. Kuqezinjtë patën disa mundësi për të barazuar rezultatin, duke përfshirë goditje nga Ramadani dhe Mehmeti, por përpjekjet e tyre nuk mjaftuan.

The post Zhbllokohet ndeshja/ Gloukh kalon Izraelin në avantazh, Shqipëri- Izrael 0-1 appeared first on Albeu.com.

Futbollisti shqiptar ka qenë jashtë fushave që nga 26 prilli, për shkak të një dëmtimi të pjesshëm në bicepsin femoral të kofshës së djathtë, dëmtim që e ka detyruar të humbasë disa ndeshje radhazi të kampionatit.

Sipas zhvillimeve të fundit, gjendja e tij fizike është përmirësuar ndjeshëm dhe në kampin granata po rritet optimizmi për një rikuperim të mundshëm në kohë për derbin.

Mbrojtësi kuqezi duket se ka lënë pas dëmtimin dhe ndaj Juventusit do të jetë i gatshëm dhe nëse jo titullar, ai mund të marrë hapësirë nga stoli.

Rikthimi i Ismajlit do të ishte një përforcim i rëndësishëm për repartin e mbrojtjes, sidomos në një ndeshje me rëndësi si ajo ndaj Juventusit, ku Torino synon edhe një herë tjetër që të marrë më të mirën në derbin e qytetit.

The post Ismajli ia del në kohë, gati për ndeshjen e dëshpërimit të Juventusit appeared first on Albeu.com.

Dueli i një jave më parë dhuroi emocione të jashtëzakonshme, gola, luftë, spektakël, ritëm, çdo gjë të bukur që mund të prodhohet për 90 minuta.

Por sot është mbrëmja e së vërtetës ku vetëm njëra prej tyre do të fluturojë drejt Budapestit, ku do të përballet me Arsenalin në 30 maj.

Gjithçka është e hapur mes dy gjigandeve të Europës dhe sonte pritet një tjetër finale e parakohshme si ajo e javës së kaluar.

NDESHJA E SOTME

BAJERN MYNIH-PSG (4-5)

The post Të gjithë sytë e tifozëve në Mynih/ Rezervohet spektakël i jashtëzakonshëm mes Bajernit dhe PSG-së, kush do të shkojë në finalen e madhe të Championsit appeared first on Albeu.com.

Gjatë këtij aktiviteti, do të bllokohet qarkullimi i automjeteve në perimetrin përreth stadiumit.

Qarkullimi do të lejohet vetëm për mjetet e pajisura me autorizim të posaçëm, ku duhet të jenë të shënuara edhe targat e automjeteve.

Policia do të garantojë dhe sigurojë lëvizjen e tifozëve përgjatë itinerareve të caktuara dhe nuk do të lejojë grumbullime apo kalime jashtë itinerarit të përcaktuar.

Në zbatim të planit të masave, do të ushtrohen kontrolle ndaj tifozëve para hyrjes në stadium për sende të kundërligjshme (sende të forta, bidonë uji, çadra, çelësa metalikë apo lëndë piroteknike etj.). Çdo tifoz duhet të jetë i pajisur me dokument identifikimi.

Nuk do të lejohet hyrja në stadium e shtetasve pa dokument identifikimi. Gjithashtu, fëmijët e mitur nuk do të lejohen të hyjnë pa praninë e prindit ose kujdestarit ligjor të shoqëruar me dokument identifikimi.

Nuk do të lejohet hyrja në stadium e tifozëve të identifikuar më parë nga Policia si problematikë në aktivitete të ndryshme sportive.

Policia e Elbasanit, thotë se kërkon mirëkuptimin e tifozerive për zbatimin e masave të mësipërme, si dhe mirëkuptimin e qytetarëve për shmangien e lëvizjes me automjete në segmentet rrugore të lartpërmendura gjatë orareve të përcaktuara.

The post Ndeshja Elbasani-Vllaznia, policia merr masa, bllokohet qarkullimi i mjeteve në perimetrin përreth stadiumit! Kontrolle të rrepta tifozëve appeared first on Albeu.com.