Sipas të dhënave të Bankës Popullore të Republikës së Maqedonisë, në tremujorin e dytë të këtij viti çmimet e apartamenteve shënuan rritje prej 13.3 për qind në krahasim me të njëjtën periudhë të vitit të kaluar. Megjithatë, nga shifrat vihet re se ritmi i rritjes po ngadalësohet, pasi në tremujorin e parë të këtij viti norma vjetore e rritjes së çmimeve të pasurive të paluajtshme ishte 16.6 për qind.

Gjatë vitit të kaluar, në dy tremujorët e parë çmimet e apartamenteve u rritën me më shumë se 19.5 përqind, ndërsa në dy tremujorët e dytë, rritja vjetore e çmimeve të pasurive të paluajtshme kaloi 25 për qind.

Indeksi i çmimeve të apartamenteve, që përfshin vetëm territorin e qytetit të Shkupit dhe përllogaritet mbi bazën e çmimeve të shitjes së apartamenteve të reklamuara, por jo të realizuara, ka shënuar rritje në tremujorin e dytë të vitit 2026.

Të dhënat e Agjencisë së Kadastrës së Pasurive të Paluajtshme tregojnë se në tremujorin e parë të këtij viti pati rënie të numrit të transaksioneve në tregun e pasurive të paluajtshme. Krahasuar me tremujorin e fundit të vitit të kaluar, në periudhën janar-mars 2026 numri i apartamenteve të shitura u pakësua me 27 për qind, ndërsa vlera e përgjithshme financiare e tyre ra me 23 për qind.

Po ashtu, numri i shtëpive të shitura pësoi ulje prej 23 për qind. Në të njëjtën kohë, shitjet e tokës bujqësore dhe pyjeve ranë me 8 për qind në baza tremujore, ndërsa shitja e lokaleve tregtare shënoi rënie prej 11 për qind.

Edhe pse ndërtimet vazhdojnë dhe çmimet e pasurive të paluajtshme janë në rritje, në terren po vërehet një dukuri paradoksale: gjithnjë e më shumë apartamente në Shkup mbeten të pabanuara. Ndërkohë që çmimi për metër katror po arrin nivele rekord, një pjesë e banesave të reja nuk po përdoren as për banim dhe as për t’u dhënë me qira.

Sipas ekspertëve, kjo lidhet me disa faktorë, mes tyre blerja e apartamenteve si formë investimi, apo “mbajtja e parave në beton”, pritshmëritë për rritje të mëtejshme të çmimeve, qiratë e larta që largojnë qiramarrësit, si dhe pasiguria për qiradhënien afatgjatë. Në këto rrethana, shumë pronarë zgjedhin të mos i japin fare me qira pronat e tyre.

Në muajin maj, kreditë për ekonomitë familjare regjistruan rritje mujore prej 1,3% dhe vjetore prej 12,0%, të nxitura nga zgjerimi i kreditimit si në denarë, ashtu edhe në valutë të huaj, me ndikim më të madh nga kreditë e shprehura në denarë.

Sipas qëllimit të kredive të miratuara për individët, në muajin maj dy kategoritë më të përhapura, kreditë konsumatore dhe ato për strehim, shënuan rritje mujore përkatësisht prej 1,1% dhe 1,4%, ndërsa normat e rritjes vjetore ishin 11,2% dhe 16,3%.

Në gjashtë vitet e fundit, pra nga muaji maj 2020 deri në muajin maj 2026, kreditë banesore janë më shumë se dyfishuar, nga 52,959 milion denarë në 116.017 milion denarë, ose nga mbi 800 milion euro në afër 2 miliardë euro. (koha.mk)

The post Çmimet e apartamenteve në Maqedoni vijojnë të rriten në tremujorin e dytë appeared first on Albeu.com.

Edhe në tremujorin e dytë të vitit 2026, çmimet e banesave në Shkup kanë vazhduar të ngjiten, sipas të dhënave të publikuara nga Banka Popullore.

Sipas indeksit të çmimeve të banesave, që mbështetet te çmimet e shpallura për shitje dhe jo te ato të realizuara, është regjistruar një rritje tremujore prej 5,5%.

Në krahasim me të njëjtën periudhë të një viti më parë, çmimet e pasurive të paluajtshme rezultojnë 13,3% më të larta. Megjithatë, Banka Popullore nënvizon se ritmi i rritjes po jep shenja ngadalësimi, pasi në tremujorin pararendës norma vjetore kishte arritur në 16,6%.

Ky indeks vlerësohet si një prej treguesve kryesorë për ecurinë e tregut të banesave në kryeqytet, pasi pasqyron prirjet e çmimeve të shpallura në treg, por jo domosdoshmërisht vlerat përfundimtare të transaksioneve.

The post Çmimet e apartamenteve në Shkup vazhdojnë të shënojnë rritje appeared first on Albeu.com.