Mësohet se kompania Archirodon, e cila ishte e vetmja që vijonte në garë në fazën përfundimtare të tenderit, nuk dorëzoi ofertën e saj financiare më 9 mars.

Tenderi kishte një vlerë të përllogaritur prej rreth 400 milionë eurosh dhe synonte ndërtimin e portit të ri tregtar në zonën e Porto Romanos

The post Dyshimet për financime ruse dhe thirrjet e amerikanëve, anulohet procedura e tenderit për ndërtimin e Portit në Porto Romano appeared first on Albeu.com.

Masat vijnë rreth gati 1 muaji pas publikimit të listës së pagave indikative sipas profesioneve në këtë sektor nga Drejtoria e Përgjithshme e Tatimeve.

Nëse një kompani ndërtimi deklaron paga nën nivelin minimal të referencës për profesionet bazë, ajo do të konsiderohet me risk për nën-deklarim.

Konkretisht, deklarimi i një page më të ulët se 80 mijë lekë për punonjësit bazë apo më pak se 160 mijë lekë për një vinçier, që konsiderohet ndër profesionet me pagën më të lartë në sektor, do të ngrejë dyshime për shmangie të detyrimeve

Kontrollet do të përqendrohen kryesisht te subjektet e vlerësuara me risk për nëndeklarim pagash, të cilat janë njoftuar më herët nga Administrata Tatimore përmes sistemit elektronik e-Filing, por nuk kanë reflektuar ndryshime në listë-pagesa.

Administrata Tatimore bën me dije se disponon të dhëna të detajuara nga burime të ndryshme, përfshirë deklaratat tatimore, listëpagesat mujore, faturat e fiskalizuara, si dhe informacion nga institucione dhe aktorë të tjerë publikë e privatë

Tatimpaguesit ftohen të deklarojnë çdo punonjës të punësuar, të pasqyrojnë pagat reale sipas profesionit dhe tregut të punës, si dhe të përmbushin saktë të gjitha detyrimet fiskale.

Administrata Tatimore paralajmëron se mosdeklarimi i punonjësve dhe nëndeklarimi i pagave përbëjnë shkelje të rënda dhe do të sjellin masa administrative dhe ligjore, përfshirë kontrolle të thelluara dhe monitorim të vazhdueshëm të aktivitetit.

Ndërkohë, u bëhet thirrje të gjithë tatimpaguesve në sektorin e ndërtimit të marrin masat e nevojshme ligjore për deklarimin korrekt të pagave, me qëllim shmangien e penaliteteve dhe uljen e informalitetit në ekonomi.

The post DEKLARONI PAGAT REALE! Tatimet nisin kontrollet për verifikim nga sektori i ndërtimit appeared first on Albeu.com.

Sipas raportit të realizimit të buxhetit të Bashkisë Tiranë për periudhën janar-maj 2025, të ardhurat totale nga taksat e tarifat, ishin 7.4 miliardë lekë, ose rreth 75 milionë euro.

Në krahasim më të njëjtën periudhë të një viti më parë, kur ishin 12.5 miliardë lekë, të ardhurat kanë rënë me 41.5%.

Ndikimin kryesor në këtë ecuri e ka dhënë taksa e ndikimit në infrastrukturë, që Bashkia arkëton nga dhënia e lejeve të ndërtimit dhe që është 8% e vlerës për ndërtimet rezidenciale.

Ky zë ka sjellë në buxhet vetëm 1.3 miliardë lekë, nga 6.3 miliardë lekë të njëjtën periudhë të një viti më parë, me një tkurrje prej gati 80%.

Taksa e ndikimit në infrastrukturë kontribuoi në 18% të të ardhurave në janar-maj 2025, nga 50% në pesëmujorin e parë 2024.

Rënia e këtij zëri është në linjë me tkurrjen e sipërfaqes së lejeve të ndërtimit.

Të dhënat e tjera të INSTAT bënë të ditur se në kryeqytet në periudhën janar-mars u dhanë 72 leje ndërtimi, me një sipërfaqe prej rreth 201 mijë metra katror.

Në krahasim me të njëjtën periudhë të një viti më parë, sipërfaqja ka rënë me 13.3%. Së bashku me tremujorin e parë 2023, këto janë nivelet më të ulëta që janë dhënë që nga viti 2018.

Vitet e fundit, bashkia e ka rritur ndjeshëm varësinë e të ardhurave nga taksa që merr nga dhënia e lejeve të ndërtimit.

Në 2024-n, sipërfaqja e lejeve të ndërtimi arriti një nivel rekord prej mbi 1.9 milionë metra katror, teksa bashkia arkëtoi nivelin më të lartë historik nga taksa e ndikimit në infrastrukturë prej 14.3 miliardë lekësh (145 mln euro), që i korrespondonte një vlerë ndërtimesh prej 1.8 miliardë euro.

Të ardhurat nga taksa e ndikimit në infrastrukturë zunë rreth 54% të totalit të të ardhurave tatimore dhe jotatimore të realizuara për 2024.

Kjo varësi është parë me shqetësim nga ekspertët e financave vendore. kjo taksë, e lidhur ngushtë me aktivitetin e ndërtimit, e ekspozon bashkinë ndaj rrezikut fiskal, pasi çdo ngadalësim në sektorin e ndërtimit sjell rënie të menjëhershme të të ardhurave.

Raportet e Co-PLAN dhe të Ministrisë së Financave paralajmërojnë se kjo varësi e tepruar krijon mungesë të qëndrueshmërisë financiare afatgjatë dhe përkeqëson pabarazitë mes bashkive, pasi pjesa dërrmuese e kësaj takse mblidhet në Tiranë, ndërsa bashkitë e tjera mbeten me burime të kufizuara për zhvillim.

Raportet rekomandojnë diversifikimin e burimeve të të ardhurave dhe forcimi i autonomisë vendore për një sistem më të balancuar dhe të qëndrueshëm financiar.

Të ardhurat nga taksat e tarifat e tjera

Zëri që solli më shumë të ardhura në pesë muajt e parë të vitit ishte taksa mbi pasuritë e paluajtshme, me 1.722 miliardë lekë, me rritje 11% me bazë vjetore.

Më pas renditet tarifa e pastrimit me 1.45 miliardë lekë, me rritje prej 10%. Taksa e ndikimit në infrastrukturë kaloi për herë të parë në vitet e fundit, si kontribuuesi i tretë më i madh.

Shpenzimet, rritet personeli, preken investimet

Për 5 mujorin, Bashkia ka shpenzuar 10 miliardë lekë, me rritje prej 7.5% me bazë vjetore. Fondet për shpenzime, Bashkia i siguron nga të ardhurat e veta, transfertat e pakushtëzua dhe të kushtëzuara që merr nga buxheti qendror, rindërtim, donacione.

Pesha më e madhe e tyre ka shkuar për shpenzime korente, prej 4.6 miliardë lekësh, me rritje prej 13% me bazë vjetore. Shpenzimet e personelit ishin 3.9 miliardë lekë, me rritje prej 17% me bazë vjetore.

Me rënie ishin shpenzimet kapitale, që u realizuan në nivelin e 1.48 miliardë lekë, me një tkurrje prej 20% me bazë vjetore.

Sipas relacionit të Bashkisë, ndër faktorët që kanë ndikuar në mos realizimin e fondeve të planifikuara kryesisht për shpenzimet kapitale lidhen kryesisht me procedurat e prokurimit, afatet kohore të nevojshme deri në përfundimin e procedurave deri në lidhjen e kontratave.

5 mujori i parë i vitit ka gjithmonë një realizim të ulët të prokurimeve pasi përgjatë dy muajve të parë referuar dhe udhëzimit të zbatimit të buxhetit apo dhe udhëzimit të mbylljes së llogarive të vitit paraardhës mbyllen rakordimet e të ardhurave dhe shpenzimeve të vitit paraardhës, mbarten kontratat në vazhdim në sistemin e Thesarit në zbatim të buxhetit të miratuar, vijohet me përgatitjen e realizimit të regjistrit të prokurimeve të vitit paraardhës dhe krijimin e regjistrit të ri të prokurimeve në përputhje me buxhetin e miratuar të vitit 2025./ MONITOR

The post Varësia nga kullat dhe lejet e ndërtimit, tkurren me 41% të ardhurat totale të Bashkisë Tiranë appeared first on Albeu.com.

Mësohet se tenderi 393 milionë euro për ndërtimin e Portit, është anulluar për shkak të mungesës së ofertave të përshtatshme.

Gara për tenderin e Portit të Ri në Porto Romano, u hap në fund të muajit korrik përmes një eventi të madh të drejtuar nga kryeministri Edi Rama dhe zëvendesja e tij Belinda Balluku.

Shefi i qeverisë lajmëroi se për ndërtimin e kësaj vepre kanë shprehur interes 15 kompani, pjesa dërrmuese e të cilave nga më të mëdhatë në botë.

“Më vjen shumë mirë që ndër kompanitë e interesuara, ne kemi 5, edhe 5 kompanitë e listuara, si 5 më të mëdha në botë që tregon se çfarë interesi ka ky port, por historia e zhvillimit të porteve që ne e kemi mësuar për shkak të detyrës ka treguar që nëse këto kompani “gjejnë shesh”, “bëjnë një përshesh” aq të madh sa atë shumën në fillim të tenderit ta çojnë dyfish, trefish, katërfish pa asnjë problem nëse ti nuk ke peshkatarë peshkaqenësh në tokë. por mos harroni që nuk keni vetëm ne mbi kokë, por keni edhe peshkatarët holandeze. Harrojeni peshkaqenin, atë shkoni bëjeni në ndonjë vend tjetër jashtë Europës ku ka plot porte që ndërtohen”, tha Rama.

Tenderi ishte parashikuar të zhvillohej në datën 16 shtator, ku këto kompani duhet të paraqisnin ofertat financiare. Por me sa duket oferta nuk ka patur, ose kane qenë jo në përputhje me kushtet e kërkuara.

Konsulencë e shtrenjtë hollandeze
Procesi i tenderimit të Portit të Ri në Porto Romano, u udhëhoq nga kompania holandeze Royal Haskoning. Qeveria shqiptare përmes një kontratë të veçantë konsulence, i dha kësaj kompanie atribute publike deri në përzgjedhjen e fituesit. Për këtë shërbim, qeveria i ka paguar 12 milionë euro kësaj kompanie, përmes Autoritetit Portual të Durrësit.

Kontrata kontroverse me hollandezë, u nënshkrua falë ndryshimit enkas të ligjit të prokurimeve. Por edhe pse qeveria shkallmoi ligjin e prokurimeve, edhe pse i dha kompanisë 12 milionë euro, tenderi për ndërtimin e portit dështoi duke e detyruar Autoritetin Portual ta anullojë atë.

Qeverisë i humbën 15 kompanitë, për të cilat deklaronte me eufori se kishin shprehur interes dhe mezi po prisnin që të garonin. Dhe teksa Porti ekzistues i Durrësit është duke u çmontuar gradualisht nga resorti i Muhamed Alabbarit, Shqipëria po rrezikon seriozisht të mbesë pa nyjen më të madhe dhe strategjike tregtare, duke e çuar biznesin e porteve tek vendet fqinje konkurrente./ Kapitali.al

The post Dështon tenderi 390 milionë euro për ndërtimin e Portit të ri në Porto Romano appeared first on Albeu.com.

Në mbledhjen e sotme jashtë radhe të këshillit bashkiak, është miratuar mes debatesh të ashpra, ky investim i kundërshtuar fuqishëm nga fermerë të disa fshatrave të Roskovecit e Dimalit, të cilët u ngritën në një protestë ditën e diel.

Ata e kanë cilësuar njëzëri vdekjeprurës ndërtimin e këtij termocentrali në zonën e tyre, duke theksuar se prania e tij do të shkatërrojë një sipërfaqe bujqësore prej 700 hektarë me serra.

Në mbledhjen e mëparshme të këshillit bashkiak, ky projekt ka ngjallur debate të shumta dhe është rrëzuar me shumicë kartonash nga këshilltarë të majtë e të djathtë.

Në mbështetje të banorëve, ditën e sotme protestës i janë bashkuar edhe përfaqësuesit e shoqatave ambientaliste të cilët e kanë cilësuar këtë investim një bombë ekologjike.

Le të ndërtohet në Greqi, atje ku është edhe përfitimi pasi 90% e energjisë do të shkojë atje kanë thënë para banorëve ambientalisti Sazan Guri.

The post Roskovec/ Miratohet mes debatesh të ashpra në Këshillin Bashkiak ndërtimi i Termocentralit në Suk 1 appeared first on Albeu.com.

Sipas të dhënave të INSTAT, në tremujorin e fundit të vitit 2023, paga mesatare në ekonomi arriti në 75,025 lekë, me rritje vjetore 13.7%, por pagat për punonjësit e bujqësisë, ndërtimit, tregtisë dhe industrisë ishin poshtë këtij niveli.

Në tremujorin e fundit të vitit 2023, paga mesatare bruto në bujqësi arriti nivelin e 49,140 lekë, me rritje 15.8%, por niveli i saj ishte sa 65% e pagës mesatare në shkallë vendi.

Pagat në bujqësi janë rritur me ritme më të shpejta se në sektorët e tjerë të ekonomisë, por për shkak të bazës së vogël, diferenca me pagën mesatare vijon të jetë më e larta nga të gjithë kategoritë.

Megjithatë, ky hendek është ngushtuar me 1 pikë përqindje gjatë një viti.

Megjithëse puna në ndërtim është e mirëpaguar, por pagat zyrtare në këtë sektor janë më të ulëta se niveli mesatar në shkallë vendi.

Të dhënat zyrtare tregojnë se në tremujorin e fundit të vitit, paga mesatare mujore bruto në ndërtim ishte 58,387 lekë, me rritje vjetore 14,4%, por ky nivel ishte 22% më i ulët se paga mesatare në shkallë vendi.

Vlerësime të mëparshme nga Organizata Ndërkombëtare Punës ILO, tregojnë se sektori i ndërtimit në vendin tonë vuan nga një nivel i lartë i informalitetit si në punësim dhe në paga.

Informaliteti në punësim në këtë sektor arrin deri në 60%, teksa deklarimet e pagave zyrtare vijojnë të jenë shumë më të ulëta se pagesat reale.

Sektori i tregtisë ofron pagë mesatare mujore bruto së paku 19% më të ulët se paga mesatare në shkallë vendi. Në tremujorin e fundit 2023 paga mesatare në tregti, transport dhe shërbime ishte 60,179 lekë, me rritje vjetore 14.3%. Sektori i industrisë gjithashtu ofron pagë 14% më të ulët se paga mesatare në shkallë vendi.

Në tremujorin e katërt të vitit 2023, paga mesatare në këtë sektori arrit në 64,381 lekë nga 75,025 lekë që ishte paga mesatare.

Sektorët që po ofrojnë paga më të ulëta se paga mesatare vuajnë nga graviteti i sektorëve me paga më të larta, duke ndikuar zhvendosjen e punonjësve nga këto sektorë drejt atyre me fitime më të larta.

Bujqësia është sektori më i prekur nga kjo zhvendosje, duke bërë që forca e punës të pakësohet vit pas viti si rrjedhojë e migrimit te të rinjve jashtë vendit, ose drejt qyteteve në sektorë që kanë paga më të larta.

Në krahun tjetër aktivitet financiare që ofrojnë pagën më të lartë për punonjësit, kanë paga 98 për qind më të larta se mesatarja kombëtare, informacioni dhe komunikimi ofron paga 53% më shumë se mesatarja kombëtare, administratat publike ofron 16% më të lartë se mesatarja kombëtare dhe aktivitet e pasurive të paluajtshme 10% më shumë se mesatarja kombëtare.

The post Bujqësia, ndërtimi, tregtia, industria ofrojnë paga poshtë mesatares kombëtare appeared first on Albeu.com.

Kreu i qeverisë, shkruan se një godinë e re për Fakultetin për Studimet Profesionale do të hapet në Universitetin ‘Aleksandër Moisiu’ në Durrës.

Postimi i Ramës:

“Mirëmëngjes dhe me hapjen e kantierit për ndërtimin e Fakultetit të Studimeve Profesionale në Universitetin “Aleksandër Moisiu” në Durrës, ku po investohet për ngritjen e një hapësire me 45 auditorë, 15 laboratorë, salla konferencash, terrene sportive dhe ambiente për 1700 studentë dhe 80 pedagogë e staf akademik, ju uroj një ditë të mbarë”,– shkruan Rama.

The post Nis ndërtimi i Fakultetit të Studimeve Profesionale në Durrës, Rama: Do u shërbejë 1700 studentëve appeared first on Albeu.com.

Mbledhja e fundit e Këshillit Kombëtar të Territorit në 1 gusht parashikonte në total dhjetra vendime ku bien në sy projekte që kanë edhe statusin e investimit strategjik.

Ndër projektet në fjalë në sy bie leja e ndërtimit për projektin që do të zhvillohet në Durrës i njohur si Durrës Marina & Yacht.

Ndërkohë një numër lejesh janë miratuar për hotele e resorte në zonën e Jugut, Gjirin e Lalëzit apo në Shëngjin.

Tek vendimet janë edhe një sërë të lidhura me projekte energjie konkretisht hidrocentrale dhe impiante fotovolatikë.

Mëposhtë lista e plotë me vendimet e KKT:

Për ndryshimin e Vendimit Nr01, datë 28.12.2020 të Këshillit Kombëtar të Territorit “Për miratimin e Planeve të Detajuara për Zonat e Rëndësisë Kombëtare në bregdet “Baks Rrjoll dhe Rana e Hedhun – Port Shëngjin”

Për ndryshimin e Vendimit Nr04, datë 28.07.2020 të Këshillit Kombëtar të Territorit “Për përcaktimin e llojit të punimeve për të cilat hartimi i Planeve të Detajuara Vendore (PDV) nuk është i detyrueshëm dhe/ ose i nevojshëm t’i paraprijë lejes për zhvillim, ndërtim apo deklaratës paraprake për kryerjen e punimeve”, i ndryshuar

Për miratimin e korrigjimit të Planit të Përgjithshëm Vendor Bashkia Tiranë, të miratuar me Vendimin Nr.1, datë 14.04.2017, të Këshillit Kombëtar të Territorit, i rishikuar.

Leje për struktura shërbimi në stacionet e plazhit, me vendndodhje në Bashkitë Pogradec, Shkodër, Lezhë, Durrës, Kavajë, Rrogozhinë, Fier, Vlorë, Himarë dhe Sarandë.

Leje Ndërtimi Infrastrukture për objektin: “Parku Natyror “Liqeni i Ulzës” dhe zona e mbrojtur përreth tij”, me vendndodhje në Bashkitë Mat, Mirditë dhe Kurbin, me subjekt zhvillues Ministrinë e Turizmit dhe Mjedisit.

Leje Ndërtimi për objektin: “Godinë e re e Fakultetit të Studimeve Profesionale “Aleksandër Moisiu”, me vendndodhje në Bashkinë Durrës, me subjekt zhvillues Universitetin “Aleksandër Moisiu” Durrës.

Leje Ndërtimi për objektin: “Rikonstruksion dhe shtesë kati në godinën e Fakultetit të Shkencave Sociale”, me vendndodhje në Bashkinë Tiranë, me subjekt zhvillues Universitetin e Tiranës.

Leje Ndërtimi Infrastrukture për objektin: “Përmirësimi i infrastrukturës dhe hyrjes së Parkut Arkeologjik të Apollonisë”, me vendndodhje në Bashkinë Fier, me subjekt zhvillues Bashkinë Fier.

Leje Zhvillimi për objektin: “Qendra Multifunksionale e shërbimeve të përkujdesit shoqëror”, me vendndodhje në Bashkinë Divjakë, me subjekt zhvillues Bashkinë Divjakë.

Leje Ndërtimi për objektin: “Rikonstruksion dhe shtesë kati i Godinës së Institutit të Mjekësisë Ligjore”, me vendndodhje në Bashkinë Tiranë, me subjekt zhvillues Institutin e Mjekësisë Ligjore.

Leje Ndërtimi për objektin: “Rezidencë me mur rrethues dhe ambiente ndihmëse”, me vendndodhje në Bashkinë Tiranë, me subjekt zhvillues “Republika Popullore e Kinës”

Leje Ndërtimi për objektin: “Korpusi Avokatia”, me vendndodhje në Bashkinë Tiranë, me subjekt zhvillues Dhomën e Avokatisë së Shqipërisë.

Leje Ndërtimi për objektin: “Ndërtimi i postbllokut Nr4 në Garnizonin Skënderbej”, me vendndodhje në Bashkinë Tiranë, me subjekt zhvillues Ministrinë e Mbrojtjes.

Leje Ndërtimi për objektin: “Ndërtimi i Linjës së re 110 kV, dopio qark Elbasan – Cërrik”, me vendndodhje në Bashkitë Elbasan dhe Cërrik, me subjekt zhvillues “Operatorin e Sistemin të Transmetimit (OST)” sh.p.k

Leje Zhvillimi për objektin: “Ndërtimin e impiantit gjenerues të energjisë elektrike fotovoltaike, me kapacitet të instaluar 2 MË dhe veprave ndihmëse, me vendndodhje në Njësinë Administrative Katund i Ri, Bashkia Durrës, me subjekt zhvillues shoqëritë “Albsolar” sh.p.k dhe “H&E Energy” sh.p.k

Leje Zhvillimi për objektin: “Parku Fotovoltaik 5GX Energy Sol Park”, me vendndodhje në Bashkinë Lushnje, me subjekt zhvillues shoqërinë “5GX Energy” sh.p.k

Leje Ndërtimi për objektin: “Ndërtimin e parkut fotovoltaik “Sun Energy Solutions”, me kapacitet të instaluar 2 MË, dhe veprave ndihmëse”, me vendndodhje në Sheq Marinas, Bashkia Fier, me subjekt zhvillues shoqërinë “Sun Energy Solutions” sh.p.k

Leje Ndërtimi për objektin: “Ndërtimin e impiantit gjenerues të energjisë elektrike fotovoltaike, me kapacitet të instaluar 2 MË dhe veprave ndihmëse, me vendndodhje në Povelçë, Bashkia Fier, me subjekt zhvillues shoqërinë “Bigëind” sh.p.k

Leje Ndërtimi për objektin: “Ndërtimi i HEC Ljusa”, në përroin e Zallit të Madh, Bashkia Mat, me subjekt zhvillues shoqërinë “Diezela” sh.p.k

Leje Ndërtimi për objektin: “Ndërtimi i HEC Shiroku, në përroin e Hotomizës, degë e lumit Devoll, Bashkia Gramsh, Qarku Elbasan”, me subjekt zhvillues shoqërinë subjektit zhvillues shoqërinë “DELIU 3D” sh.p.k

Leje Ndërtimi për objektin: “Ndërtimi i Hec Kalivare 1, 2, 3, 4, në përroin e Kalivares dhe degët e tij, ai i Kimzës dhe ai i Mesulit, që derdhen në lumin Fan i Madh, Bashkia Pukë”, me subjekt zhvillues shoqërinë “BE-IS Energy” sh.p.k

Për miratimin e lejes për shtyrje afati të punimeve për objektin: “Ndërtimin e Hidrocentraleve “Kaçinar”, me vendndodhje në lumin Shpërdhazë, Komuna Kaçinar, Bashkia Mirditë”, me subjekt zhvillues shoqërinë “Shpërdhaza Energji” sh.p.k

Leje Ndërtimi për objektin: “Rikonstruksion dhe rritja e kapacitetit të Hec Çarshovë”, me vendndodhje në Bashkinë Përmet, me subjekt zhvillues shoqërinë “Kenxhi” sh.p.k

Leje Zhvillimi për objektin: “Godina me funksion banimi, Shëngjin” me vendndodhje në Bashkinë Lezhë, me subjekt zhvillues shoqërinë “Dukagjini Group” sh.p.k

Leje Zhvillimi për objektin: “Objekte me funksion banimi dhe shërbimi dhe objekt me funksion hoteleri dhe kazino” me vendndodhje në Bashkinë Lezhë, me zhvillues shoqëria “Dukagjini Group” sh.p.k

Leje Zhvillimi për objektin: “Paris i Ri”, me vendndodhje në Bashkinë Tiranë, me subjekt zhvillues shoqërinë “Sara-El” sh.p.k

Leje Zhvillimi për objektin: “Godinë polifunksionale”, me vendndodhje në Bashkinë Tiranë, me subjekt zhvillues shoqërinë “Fusha” sh.p.k

Leje Zhvillimi për objektin: “Tirana East Toëer Residence”, me vendndodhje në Rrugën: “Gramoz Pashko”, Bashkia Tiranë, me subjekt zhvillues shoqërinë “Geo Construction” sh.p.k

Leje Zhvillimi për objektin: “Kompleks Banimi, Hoteleri me Shërbime dhe parkim nëntokë, në rrugën “Teodor Keko”, Bashkia Tiranë”, me subjekt zhvillues shoqëritë “Xh & M” sh.p.k, “Alfazed” sh.p.k dhe “Smart Construction Invest” sh.p.k

Leje Zhvillimi për objektin: “Strukturë banimi dhe hotelerie 1-7 kate me 1 kat parkim nëntokë”, me vendndodhje në Bashkinë Vlorë, me subjekt zhvillues shoqërinë “Brunes” sh.p.k

Leje Ndërtimi për objektin: “Strukturë banimi , shërbimi dhe funksione të përziera me vendndodhje në Bashkinë Tiranë”, me subjekt zhvillues shoqërinë “Unico Construction” sh.p.kLeje Ndërtimi për objektin: “Kompleks rezidencial dhe shërbimi “Tirana Lana Riverside Residences”, me vendndodhje në Bulevardin “Gjergj Fishta”, Bashkia Tiranë, me subjekt zhvillues shoqërinë “Forerver Construction” sh.p.k

Leje Ndërtimi për objektin: “Objekt me destinacion shërbime” me vendndodhje në Rrugën: “Brigada 8”, Bashkia Tiranë, me subjekt zhvillues shoqërinë “Infinity Investment” sh.a

Leje Ndërtimi për objektin: “Godinë banimi dhe shërbimi me 1, 6, 7, 8 dhe 10 kate mbitokë, 1 kat pjesërisht parkim nëntokë dhe 1 kat parkim nëntokë” dhe “Godinë banimi dhe shërbimi 1, 6, 7 dhe 8 kate mbitokë, 1 kat pjesërisht parkim nëntokë dhe 1 kat parkim nëntokë”, Zona 02, Zona e menaxhimi A02 dhe A04, me vendndodhje në “Marina & Jahtet e Durrësit”, me subjekt zhvillues shoqërinë “Durrës Marina” sh.a

Leje Zhvillimi për objektin: “Strukturë Hotelerie dhe Shërbime”, me vendndodhje në Gjirin e Lalzit, Bashkia Durrës, me subjekt zhvillues shoqërinë “Prime Capital” sh.p.k

Leje Zhvillimi për objektin: “Strukturë Hotelerie”, me vendndodhje në Rrugën: “Bregu i Detit”, në Gjirin e Lalzit, Bashkia Durrës, me subjekt zhvillues shoqërinë “Emav Group” sh.p.k

Leje Ndërtimi për objektin: “Resorti turistik “Lura 5”, Faza 3”, me vendndodhje në Gjirin e Lalzit, Bashkia Durrës, me subjekt zhvillues shoqërinë “Lura” sh.p.k

Leje Ndërtimi për objektin: “Adriatica Resort”, me vendndodhje në Gjirin e Lalzit, Bashkia Durrës, me subjekt zhvillues shoqërinë “Edil Al-It” sh.p.k

Leje Ndërtimi për objektin: “Hotel “Inara”, me vendndodhje në Plazh, Bashkia Durrës”, me subjekt zhvillues shoqërinë “Ger.Ard” sh.p.k

Leje Zhvillimi për objektin: “Strukturë hotelerie”, me vendndodhje në Rrugën: “Pavarësia”, Bashkia Durrës”, me subjekt zhvillues shoqërinë “Vila Çipi” sh.p.k

Leje Zhvillimi: “Strukturë hotelerie”, me vendndodhje përgjatë Rrugës Pavarësia, Bashkia Durrës, me subjekt zhvillues shoqërinë “Desla” sh.p.k

Leje Zhvillimi për objektin: “Resort turistik dhe rezidencial “Village Square”, me vendndodhje në Dhërmi, Bashkia Himarë”, me subjekt zhvillues shoqërinë “Seaside Construction” sh.p.k.

Leje Ndërtimi për objektin: “Godinë Shërbimi Hoteleri”, me vendndodhje në Dhërmi, Bashkia Himarë, me subjekt zhvillues shoqërinë “La Brisa” sh.p.k.

Leje Zhvillimi për objektin: “Ulin Hotel”, me vendndodhje në Borsh, Bashkia Himarë, me subjekt zhvillues ZEmiriom Kodhima

Leje Ndërtimi për objektin: “Struktura banimi individuale” me vendndodhje në Gjilekë, Bashkia Himarë”, me subjekt zhvillues ZnjDhurata Besim Marku, ZJonel Thanas Poci, ZnjMarjeta Pal Perlala, ZKostandin Thodhoraq Jano, ZEraldo Arian Mene.

Leje Zhvillimi për objektin: “Strukurë agroturizëm dhe hoteleri” , me vendndodhje në Gjomollë, Bashkia Himarë”, me subjekt zhvillues shoqërinë “Abeille’s Resort” sh.p.k.

Leje Ndërtimi për objektin: “Strukturë akomoduese rezidenciale dhe Marina Resort Vlorë”, Blloku 2 (Objekti C4), me vendndodhje në Bashkinë Vlorë, me subjekt zhvillues shoqërinë “Marina Residence Vlorë” sh.p.k.

Leje Ndërtimi për objektin: “Strukturë hoteliere dhe rezidenca me shërbime turistike”, me vendndodhje në Radhimë, Bashkia Vlorë, me subjekt zhvillues shoqërinë “Regina Group Construction” sh.p.k.

Leje Ndërtimi për objektin: “Kompleks vilash 2 kate me podrum”, me vendndodhje në Radhimë, Bashkia Vlorë, me subjekt zhvillues shoqërinë “Minaron 09” sh.p.k.

Leje Zhvillimi për objektin: “Strukturë Hotelerie”, me vendndodhje në Bashkinë Sarandë, me subjekt zhvillues Z.Arben Mehmeti.

Leje Zhvillimi për objektin: “Kompleks në funksion të turizmit”, me vendndodhje në Bërdenesh, Bashkia Sarandë, me subjekt zhvillues shoqërinë “DAED” sh.p.k.

Leje Ndërtimi për objektin: “Pikë karburanti dhe pikë shërbimi”, me vendndodhje në Bubullimë, Bashkia Lushnje, me subjekt zhvillues shoqërinë shoqërinë “Gega Center GKG” sh.p.k.

Leje Ndërtimi për objektin: “Struktura shërbimi me funksion magazinimi dhe tregtimi”, me vendndodhje në Kashar, Bashkia Tiranë, me subjekt zhvillues shoqërinë “Astral” sh.p.k.

Leje Zhvillimi për objektin: “Ambjente Shërbimi dhe Akomodimi për Agroturizëm” , me vendndodhje në Bashkinë Durrës, me subjekt zhvillues ZShpëtim Kullolli .

Për miratimin e lejes për shtyrje afati të punimeve për objektin: “Rikonstruksion dhe shtesë kati i shkollës profesionale “Asim Vokshi”, me vendndodhje në Bashkinë Tiranë”, me subjekt zhvillues Bashkinë Tiranë56Për miratimin e lejes për shtyrje afati të punimeve për objektin: “Rikonstruksioni i shkollës 9-vjeçare “26 Nëntori”, me vendndodhje në Bashkinë Tiranë, me zhvillues Bashkinë Tiranë, me subjekt zhvillues Bashkinë Tiranë57.

Njoftim anëtarëve të Këshillit Kombëtar të Territorit mbi kërkesat për kontroll përputhshmërie të shqyrtuara nga Agjencia e Zhvillimit të Territorit, për periudhën 29.05.2023 deri më tani, sipas Vendimit Nr1, datë 30.07.2015 “Për përcaktimin e rregullave dhe procedurave që do të ndiqen nga Autoritetet e Zhvillimit të Territorit për shqyrtimin e kërkesave për Leje Ndërtimi deri në miratimin e Planeve të Përgjithshme Vendore”, i ndryshuar. /Monitor.al

The post KKT kalon lejen për disa godina tek Marina e Jahteve në Durrës, ndërtime në Tiranë dhe hotele në bregdet appeared first on Albeu.com.

Ishte njëherë e një kohë një vend i bukur me diell, erë, ujë të rrëmbyeshëm, me dete, liqene, male të cilat u shkatërruan nga… ndërtimi.

Natyrisht kjo nuk është një përrallë që të nisë kështu, por është drama e një vendi përrallor që të  huajt e quanin Albani, ndërsa vendasit Shqipëri.

Në vendet e shkretuara nga natyra, ndërtimi është zgjidhje. Dubai për shembull, vetëm pak dekada më parë nuk kishe shenja jete, por sot falë ndërtimit shkretëtira e djeshme është tranformuar në një mrekulli të arkitekturës, në një vend të begatë, në një oaz të lakmuar nga shumëkush që preferon atë lloj turizmi.

Vendet e shkatërruara nga lufta, si Seuli ndërtimi i ka tranformuar në metropole moderne. Seuli është shembulli se si një vend ngrihet si Fenixi nga hiri i vet dhe transformohet në një simbol i  qëndresës dhe progresit.

Ndërtimi ka bërë mrekulli në vendet e shkatërruara nga fatkeqësitë natyrore si tërmeti. Mjaft të shohësh Japoninë apo se si është Haiti, sot, 14 vite pas tërmetit të tmerrshëm të 2010 për të kuptuar që ndërtimi është bekim!

Po pse në Shqipëri ndërtimi në vend që të vij si bekim na ndjek si mallkim?

Si ndodhi që ndjenja e dashurisë për atdheun e bekuar ja la vendin dashurisë platonike për betonin?

Njerëzit në shkretëtirë rendin me vrap drejt oazeve për të shuar etjen, ndërsa etja në Shqipëri shuhet vetëm me ujë dhe çimento.

Ndërtim me leje dhe pa leje. Pa leje nuk u ndërtuan vetëm shtëpi, biznese dhe qendra tregtare, por pa leje u ndërtuan edhe qytete të tëra të cilat sot janë shtrirë kudo si bar i keq.

Pa leje u ndërtua në zona historike në pronën e tjetrit, në shtratin e lumit, në bregun e detit, në majë kodrash dhe përgjatë çdo rruge e autostrade duke rrëmbyer jo veç tokën dhe diellin, por edhe shpirtin.

Ndërtimi kërkoi hapje guroresh duke shëmtuar kodrat dhe zhgarravitur malet.

Nevoja për rërë e zhavorr shkatërroi shtretërit e lumejve. Lakmia për para e çoi betonin edhe në parqe e lulishte.

Këshilla: Bli shtëpi sa të futësh kokën dhe tokë sa të hajë syri, u lexua bli tokë sa të futësh kokën dhe aty ndërto sa të hajë syri.

Ndërtimi nxiti grabitjen e pronave (me shumë shqiptare janë vrarë për një gardh se në dy luftërat boterore të marrë se bashku).

Ndërtimi nxiti fallsifikim dokumentewh dhe përmbyti gjykatën me dosje pronash të reja e të vjetra që s’ka burrë nëne  e bir kumbulle t’i japë  drejtim.

Babëzia për ndërtim ka rritur çmimin e trojeve dhe apartmenteve deri në atë pikë sa një çifti të ri në kryeqytet  i duhet të punojnë 70 vjet që të blej shtëpi për të futur kokën.

Lakmia për ndërtim ka sjellë rrafshimin e shtëpive të fukarenjve për sheshe ndërtimi të cilat sot lulëzojnë mbi dramat e të ndershmëve që u dëbuan për t’i hapur rrugë të marrëve.

Marrëzia pas ndërtimit ka zhvlerësuar dy monedhat më të fuqishme të botës, euron dhe dollarin, duke bërë që sot ndërtimi të konsiderohet si monedhë blerëse: Të jap një apartament më jep një makinë, të jap një garzoniere më jep një tokë.

Dallga e ndërtimeve vijon të përplasë e marrë përpara çdo ligj, çdo funksionar dhe çdo togë policie që guxon të dalë kundër.

Si çdo përrallë, edhe kjo e ndërtimeve duhet të mbyllej me një fund të lumtur, por s’qe e thënë. Ndërtimi ç’njerëzor vijon të lërë pas kurbane njerëzore aq sa sot çdo fjalë që mund të thuash fillon dhe mbaron vetëm me pafuqi dhe dëshpërim.

Dallga e ndërtimit po sjell cunamin e marrëzisë ndërkohë që bregu i logjikës dhe drejtësisë nuk duket në horizont!

P.S. Sigurisht që për gjithçka ka ndodhur ka përgjegjësi, por PËRGJEGJËSIA është INDIVIDUALE.

The post Kur një vend e shkatërron… ndërtimi! appeared first on Albeu.com.

Tirana, kryeqyteti ynë, po rritet në mënyrë galopante vit pas viti. Sipas një studimi të bashkisë, çdo vit shtohen mesatarisht rreth 20 mijë banorë, rezidentë të rinj në territorin e metropolit, shumë prej tyre me dëshirën për të patur një banesë të re.

Dhe për këtë mendojnë kompanitë e shumta të ndërtimit që operojnë në Tiranë, të cilat ofrojnë mundësi dhe çmime të ndryshme, në bazë të buxhetit të klientëve.

I njëjti studim i bashkisë së Tiranës, vlerëson se çdo vit ndërtohen rreth 550 mijë metër katror sipërfaqe të destinuara për banesa, me një mesatare prej 100m2 për banesë, që përkthehet në 5500 apartamente banimi në vit.

Pavarësisht se jemi në krye të top – listës së vendeve më të varfra të Europës.

Duke lënë menjanë këtë argument, duhet pranuar se të blesh sot një apartament të ri nga kompanitë e ndërtimit në Tiranë, është gjëja më e thjeshtë. Mjafton të kesh euro, dollarë apo edhe lekë:

Në një përqindje të lartë, cash.

Është një fakt që njihet thuajse nga të gjithë, por asnjëherë, askush nuk ka marrë mundimin që ta denoncojë.

Sepse të gjitha palëve i bie më thjeshtë kështu. Përveç shtetit që humbet miliona nga mosdeklarimi i blerësve dhe veçanërisht i kompanive ndërtuese.

Dy muaj më parë, nënkryetari i bashkisë së Tiranës, Arbër Mazniku do të kërkonte ta justifikonte bumin e madh të shitjeve me para cash, duke i faturuar si burim të ardhurash nga emigrantët.

Arbi Mazniku: Është marrë si vit studimor viti 2019 dhe thonë vlera totale është 953 milionë euro, nga këto janë paguar 400 milionë euro me kredi dhe kursim, 355 para pa burim. 953 milionë euro është vlera e tregut, çmimi i shtjes të gjitha njësive, 420 milionë me kredi.

Po sa është e bazuar kjo deklaratë? Ekonomisti Pano Soko shprehet me skepticizëm…

Thënë thjeshtë, blerja e shtëpive me para në dorë, është diçka që të gjithë e dinë, por askush s’ka marrë asnjëherë mundimin për të denoncuar.

Prandaj, ne do përpiqemi ta tregojmë se si funksionon kjo paligjshmëri në mes të Tiranës.

Natyrisht e toleruar nga shteti.

Është data pesëmbedhjetë Mars, dhe ne provojmë të simulojmë një blerje apartamenti në zonën e “Bulevardit të Ri”, atje ku ndodhen dhe zyrat e kompanisë se ndërtimit “Ndregjoni”.

Piranjat: Si jeni mirë? Si kaluat? Zyra e shitjeve?

Ndregjoni kompani: Po. Tani unë do të tregoj rreth projektit si fillim, me tipologjinë dhe çmimet. Kontenieri ynë ndodhet këtu, gjithë kjo pjesa këtu është karshi rrugës ku ndodhemi tani.

Piranjat: 2+1 jemi të interesuar ne.

Ndregjoni kompani: 2+1 është nga 85 metra deri 120. Çmimi që po shesim tani është 1300 metra katrorë me këste, afati i përfundimit, ne si drejtues themi nga vera e vitit tjetër, po klientëve u themi në fund të 2024 që të jemi në rregull. Proçedurat… në momentin që lidhim kontratën, unë e kam 40% në momentin që lidh kontratën. 30% e kam mbas 6 apo 7 muajsh, 25 % e kam mbas 12 ose 14 muajsh, dhe 5% është përfundimtarja. Tani 108 m2 vete kjo.

Piranjat: Sa vete kjo, na bëj pak llogari të lutem.

Ndregjoni kompani: I vete… (bën llogari) kjo vete 140 mijë euro.

Piranjat: Ne i kemi, nuk është se s’i kemi. Tani sa do japim në fillim?

Ndregjoni kompani: Ne e kemi 40% në momentin që lidhim kontratën. Që i bie 56 mijë euro. Lidhim kontratën, mbasi lidh kontratën e firmos te noterja, e regjistron pronën në hipotekë.

Piranjat: Tani 56 mijë euro është kur lidh kontratën, e lidha po pastaj?

Ndregjoni kompani: Mbas 6 ose 7 muajsh, kishe 140 (bën llogari) ke 42 mijë euro.

Piranjat: Në Total?

Ndregjoni kompani: Në total të shkon 140 mijë euro që ngelin dhe 40 mbas një viti.

Deri këtu gjithçka në rregull. Titullari i zyrës së shitjes na ka sqaruar me detaje për apartamentet që kompania Ndregjoni disponon. Por tani nisin problemet tona.

Piranjat: Problemi është se 100 mijë euro ne nuk i kemi në bankë, te 70 maksimumi.

Ndregjoni kompani: Te 70 keni në bankë, këto të tjerat i keni cash?

Piranjat: Cash kemi dhe më shumë ne po, domethënë ne mund t’i japim dhe njëherësh, thjeshtë nuk i kemi në bankë. Unë duhet t’i transferoj 56 mijë euro direkt?

Ndregjoni kompani: Direkt në bankë.

Piranjat: Po, pastaj? Këtë 42?

Ndregjoni: 42 i ke në bankë, unë ta llogarita me çmim banke, 100%.

Në këtë moment, personi përballë nesh, sikur stepet, dhe kërkon të marrë informacion për blerësit potencialë.

Ndregjoni kompani: Nga jeni me origjinë ju, më fal se po futem kshu..

Piranjat: S…P…

Ndregjoni kompani: Se mund të bëjmë me çmim reference, po do ta flasim, që çmimi referencës është 800 euro, (bën llogari) që i bie 86 mijë euro cash dhe 70 mijë euro i bie në dorë.

Kompania Ndregjoni, sapo na ka konfirmuar mundësinë e blerjes se një apartamenti për të cilin gjysmën e vlerës mund ta paguajmë…Cash.

Pas bisedave të para, titullari na shoqëron drejt pallatit në ndërtim, dhe atje na tregon apartamentin tonë të ardhshëm.

Piranjat: Apartamenti 140 mijë euro, me çmimin e referencës sa duhet të transferoj unë ty?

Ndregjoni kompani: Ti 86 mijë euro do t’i transferosh sezbën në bankë për një vit e gjysëm.

Piranjat: Pastaj në dorë?

Ndregjoni kompani: Ajo që ngelte, 60 mijë euro.

Piranjat: Po kështu në rregull sajoj diçka.

Ndregjoni kompani: Po kudo që të vësh ta bëjnë besoj.

Piranjat: Po ore po.

Ndregjoni kompani: Po me thënë drejtën me njeri të besueshëm se varet ça ndodh, se vjen dikush të bën një video të merr më qafë.

Ehhhh, në fakt…ky ishte qëllimi…

Piranjat: Po është e sigurt që për një vit e gjysëm maksimumi…

Ndregjoni kompani: Unë deri në fund të 2024 ta shënoj edhe në kontratë që e mbaroj.

Piranjat: E sigurt? Nuk ka vonesa?

Ndregjoni kompani: Nuk ka vonesa fare.

Piranjat: Në ËhatsApp ti më dërgon dot mua foto të kompleksit, që të krijhoj një ide.

Ndregjoni kompani: Po, po. Edhe ti më shkruaj në ËhatsApp dhe direkt. Këtu kam 311 apartamente, kanë ngel edhe 100 pa shitur.

E ndërsa në kompaninë e ndërtimit “Ndregjoni”, gjërat mbeten vetëm në nivel bisedash dhe ofertash, në kompaninë “Usluga”, simulimi i blerjes së apartamentit shkoi në një tjetër nivel.

Punonjësja: Ky është masterplani i Bulevardit, është i miratuar nga Greenshoë, është një studio angleze, është projekt i bashkisë. Këtu është rruga kryesore nga ku vjen nga Stacioni i Trenit. Ne momentalisht me “Altura Trade Center” jemi këtu…gjithë kjo pjesa e gjelbërt, kjo pjesa këtu do jetë park totalisht. Në vijën e parë do ketë ndërtime, do jenë kryesisht institucione të bashkisë, Opera, Bibloteka, Ministritë, do ketë edhe ndërtime të tjera patjetër. Dhe pastaj nga vija e parë deri te objekti jonë është e gjitha park.

Piranjat: Tani ne na intereson e para çmimi, e dyta si funksionon pagesa, domethënë i keni me këste, s’i keni me këste, këto pak a shumë, dhe jemi të ineresuar, 2 plus 1.

Punonjësja: Çmimi te ky projekt varion nga 1650 deri 1750 euro. Për pjesën e pagesës, 20% bëhet pagesë në komentin e lidhjes së kontratës. Më pas pjesën tjetër, mund ta ndani. Afati i përfundimit është 1 vit e gjysëm.

Piranjat: Lekët nuk është se nuk i kemi, edhe 80% të vlerës i japim. Kupton?

Punonjësja: E kuptoj.

Punonjësja: Ne kemi pasur dhe rezidencën Avid, se tani është shitur totalisht, është aty mbrapa, dhe kemi qenë me çmimin 1350, 1400 euro, në fakt kemi një apartament aty.

Punonjësja: 16.23 është në total diku te 99 është neto. Ka dy tualete, një me ndriçim natyral, 1400 euro m2. Këtu është hyrja, ka korridorin…

Punonjësja: Në qoftë se dëshironi mund edhe ta shohim tani? E ke bezdi, mund të shkojmë në kantier.

Piranjat: Po, po.

Pas bisedave të para sqaruese, agjentja e shitjeve të USLUGËS, na drejton për tek kantieri për të parë nga afër hyrjen që na intereson.

Piranjat: Elda, çmimin ky e ka super… Ëࣿshtë i padiskutueshëm?

Punonjësja: Jo, mund të diskutohet pak. E llogarit me 1400 euro..

Piranjat: Po, po të jemi brenda.

Punonjësja:160 (mijë euro). Me çmimin më të ulët, ai është 109 m2, brenda është 78 m2.

Piranjat: E zëmë se vendosa unë për këtë, të 162 mijë euro duhet t’i transferoj?

Punonjësja: Si t’i transferosh?

Piranjat: Në bankë?

Punonjësja: Jo, si të dëshironi ju.

Piranjat: Se duam një pjesë…

Punonjësja: Shumicat e klientëve kështu i kemi.

Shkojmë shohim apartamentin…

Ne nga këta klientë duam, thotë agjentja. Normal, paraja cash lëviz më lirshëm dhe nuk le gjurmë.

Piranjat: Si do veprojmë? Do bëjmë kontratën?

Punonjësja: Kontrata e porosisë bëhet me noter, dhe pastaj kontratën përfundimtare.

Piranjat: Sa duhet të të transferoj unë ty në bankë?

Punonjësja: Sa të dëshironi. Ne jemi shumë fleksibël për pjesën e pagesave. Sa të dëshironi.

Punonjësja: Ne kemi funksionuar kështu me klientët, këstin e parë që nuk doni ta deklaroni, për shembull 80 mijë euro, e bëjmë pagesë fillestare. Domethënë në momentin e kontratës bëjmë këtë pagesën, dhe nuk e shënojmë në kontratë këtë 80 mijë euro. Ti merr një mandat pagese nga USLUGA që ti e ke blerë këtë.

Pra, shefi e rregullon këtë. Për ta thënë më qartë, blerësi potencial, bën një pagesë me lekë në dorë, ndërsa më pas, një pjesë, shpesh herë më pak se gjysma, pagesë të deklaruar banke.

Në rastin tonë shuma cash është plot 80 mijë euro. Kuptojeni vetë se çfarë evazioni i frikshëm kryhet në mes të Tiranës, ditën per diell. Por, le të vazhdojmë më tej:

Piranjat: Po thjeshtë nuk transferohet në bankë?

Punonjësja: Mos e vrisni mendjen fare se shefi i rregullon këto. Si po ju thoja, bëni pagesë 80 mijë euro, nuk e shënojmë në kontratë, në kontratë e shënojmë sa ngelet, 80 mijë euro është apartamenti. Ju e shlyeni këtë pagesë në momentin e kontratës, dhe merrni mandat pagese nga kompania. Dhe në kontratë shënohet, apartamenti është 80 mijë euro… Se ne kontratën do shohim në vazhdim.

Piranjat: Tani e zëmë se vendosa, do vi nesër, sa duhet të sjell kapar?

Punonjësja: Për ta rezervuar? 5 mijë euro.

Piranjat: T’i jap ty?

Punonjësja: I çojmë të zyra, unë s’marr gjë (qesh).

Piranjat: Pastaj? 80 mijë euro kur duhet t’i sjell?

Punonjësja: Në momentin e kontratës.

Sapo kemi bërë marrëveshjen e dytë të blerjes së një apartamenti me lekë cash. Me lehtësinë më të madhe dhe pa më të voglën pengesë përpara. Sepse të gjithë preferojnë lekë në dorë.

Por tani ka ardhur momenti të konkretizojmë marrëveshjen me kompaninë USLUGA. Pesë mijë euro duhet t’i paguajmë në formë kapari, dhe më pas të depozitojmë edhe 75 mijë të tjera.

E përsërisim: Të gjitha cash.

Bëjmë pagesën e parave.

Pesë mijë euro të thata në dorë. Vetëm një kapar i vogël, mos harroni.

Dhe pasi kemi dokumentuar se me sa thjeshtësi këto kompani pranojnë paratë cash, na mbetet të kuptojmë nga vetë ata, pse e kanë bërë kaq të zakonshëm këtë mekanizëm?

The post Sektori i ndërtimit si “lavatriçe” e pastrimit të parave, si funksionon skema (VIDEO) appeared first on Albeu.com.