Ndërsa polica ka nisur menjëherë hetimet.

https://x.com/Darkwebhaber/status/1797150752361660727

The post Shembet një ndërtesë 4-katëshe në Stamboll, raportohet për persona të bllokuar nën rrënoja appeared first on Albeu.com.

Sipas policisë së Kosovës, nëntë persona kanë pësuar lëndime trupore dhe një zjarrfikës, të cilët janë dërguar për trajtim mjekësor në Qendrën Klinike Universitare të Kosovës (QKUK).

Autoritetet thanë se pos të lënduarve ka edhe dëme materiale.

Policia tha se ende nuk dihen shkaqet e shpërthimit të zjarrit, përderisa shtoi se me të marrë informacionin për shpërthimin e zjarrit, në vendin e ngjarjes dolën njësitë e zjarrfikësve, njësitë policore dhe ato emergjene.

The post Zjarr në një ndërtesë në Ferizaj, 10 persona të lënduar appeared first on Albeu.com.

Në fund të tetorit, një skelë u shemb në Hafencity të Hamburgut, duke vrarë pesë persona me origjinë shqiptare. Autoritetet e kishin ekzaminuar nga afër vendin vetëm disa ditë më parë – dhe patën konstatuar defekte.

Sipas një informacioni të televizionit publik NDR, në disa pjesë të kantierit të madh të ndërtimit në vendin e quajtur Überseequartier, mungonte mbrojtja nga rënia. Pajisjet mbrojtëse personale të disa punëtorëve nuk ishin kontrolluar. Dhe: kantieri nuk ishte i sigurt kudo, që të mos dëmtohej askush në rast të rënies së objekteve.

Këto janë vetëm disa nga defektet e vërejtura në kantierin e dëmtuar të ndërtimit në Überseequartier nga Zyra e Rregulloreve të Ndërtimit dhe Inxhinjerisë Strukturore e Hamburgut. Dhe këto qenë konstatuar saktësisht dhjetë ditë para se një skelë e madhe të rrëzohej në një pus ashensori. Kjo del nga përgjigja e Senatit për një pyetje të kreut i grupit të CDU-së, Dennis Thering.

Pasojat nuk janë ende të qarta

Senati nuk thotë nëse – dhe nëse po, çfarë përfundimesh nxorrën autoritetet nga defektet në kantierin e ndërtimit. Thering shpjegon se siguria në kantieret e ndërtimit në Hamburg duhet të jetë një përparësi kryesore. Procedura penale në vazhdim duhet ta sqarojë çështjen sa më shpejt që të jetë e mundur.

Skela me punëtorë ra në boshllëk

Aksidenti, i cili u kushtoi jetën pesë punëtorëve të ndërtimit nga Shqipëria ndodhi mëngjesin e 30 tetorit në kantierin e madh të ndërtimit në Überseequartier. Një skelë që mbante disa punëtorë ndërtimi ra nga kati i tetë brenda një boshllëku ashensori. Rreth 150 vetë nga ekipet e shpëtimit u mobilizuan për t’i shpëtuar punëtorët. Sipas informacioneve të siguruara, puna e shpëtimit ishte e ndërlikuar. Nuk është ende e qartë pse u shemb skela./DW

The post Pesë shqiptarë humbën jetën në një ndërtesë në Gjermani, DW: Kantieri kishte probleme, çfarë ndodhi 10 ditë më parë appeared first on Albeu.com.

E ndodhur në rezidencën e saj në Izrael, ajo shpjegoi se thuajse të gjitha banesat e ndërtuara në Izrael pas vitit 1994 kanë një dhomë sigurie e cila shërben për t’u mbrojtur nga sulmet ajrore.

Kjo dhomë sipas Kumbes është totalisht e blinduar dhe është rreth 3 metra katrorë.

-Jeni në zyrë?

Meri Kumbe: Jo, jam në banesë.

-Ka mbrojtje ajrore banesa?

Meri Kumbe: Po kam pikërisht këtu në të majtën time është dhoma e sigurisë dhe uroj që të mos ndodhë, por nëse do ketë alarm do duhet patjetër që të tërhiqem dhe të futem në atë dhomë.

–Çdo banesë ka dhomë sigurie?

Meri Kumbe: Kryesisht banesat e ndërtuara pas vitit ’94 kanë dhoma sigurie brenda. Janë dhoma pa dritare, me beton komplet dhe kanë një derë karakteristike të blinduar. Ato dhoma që kanë dritare, dhe dritaret janë po ashtu të blinduara, si dritarja dhe grila dhe zakonisht janë pa xham. Supozohet që nga tronditjet të limitohet mundësia për t’u dëmtuar qytetarët.

-Sa e madhe është dhoma?

Meri Kumbe: Është rreth 2 metra e gjysmë ose 3 metra katrorë, është e vogël…

-Pra si strehimet kundër sulmeve ajrore.

Meri Kumbe: Pallatet e vjetra kanë bunkerët klasikë siç i kemi patur ne ndërtimet e vjetra të komunizmit që zbresin poshtë dhe futesh nën tokë. Ndërkohë që këto dhoma janë më komode sepse je në shtëpi dhe kryesisht gjatë natës, e sidomos kur familja ka fëmijë të vegjël, mesatarisht izraelitët kanë nga 3 fëmijë./tvklan.al

The post “Është totalisht e blinduar”, ambasadorja e Shqipërisë sjell detaje se si janë ndërtuar banesat në Izrael për tu mbrojtur nga sulmi ajror appeared first on Albeu.com.

Për ekspertët e ndërtimit tragjedia erdhi jo vetëm për shkak të tërmetit të fortë, por edhe për shkak të ndërtimeve të dobëta në Turqi dhe Siri.

Qyteti i Kahmranmarasit ishte një nga më të prekurit nga tërmeti në Turqi, pasi u godit nga dy tërmete ai me magnitudë 7.8 dhe nga i dyti me magnitudë 7.5.

Por disa ditë pas tërmetit, në Twitter është shfaqur një foto, tek e cila shihet një ndërtesë, e cila është e paprekur, madje as e plasaritur nga lëkundjet e tokës. Kaq mjaftoi për të tërhequr vëmendjen e Mhir Uktrashit, i cili shpërndau dy foto të një ndërtese në këmbë, gjë që nuk mund ta bënin as dy tërmete të forta, por gjithçka rreth saj u shkatërrua dhe u kthye në një grumbull rrënojash dhe betoni.

Lindi pyetja, kujt i përket kjo ndërtesë?! Përgjigja pasoi shpejt:

“Ndërtesa në foto është ndërtesa e përfaqësuesit të Dhomës së Inxhinierëve të Ndërtimit në Kahramanmaraş. Nuk duhen më fjalë. Mjafton shkenca dhe inxhinieria për të ndërtuar struktura që do t’i mbijetojnë një tërmeti kaq të madh. Për sa kohë që shkenca dhe teknologjia janë aplikuar për të mirën e popullit!,”- ka shkruar Ultaš në Twitter.

Fotoja nisi dhe një polemikë të re në rrjetet sociale.

The post E vetmja e paprekur, sikur edhe dy tërmete ta godisnin nuk do binte! Kujt i përket kjo ndërtesë në Turqi? appeared first on Albeu.com.