Dyzet persona nga ndërtesa e apartamenteve, e vendosur në Via Cairoli, u evakuuan, tetë prej të cilëve u dërguan në spital për kontrolle.

Nuk ka lëndime serioze. Një zjarrfikës u plagos lehtë, por më vonë u lirua nga spitali.

Viktimat ishin një burrë dhe një grua, përkatësisht 88 dhe 85-vjeç, prindërit e moshuar të viktimës së tretë, djalit të tyre 45-vjeçar.

Kjo u raportua nga Karabinierët e Komandës Provinciale të Milanos, të cilët po hetojnë incidentin.

Kompania Corsico (Milano) dhe seksioni hetimor i Departamentit të Zjarrfikësve, janë në vendngjarje dhe do të përcaktojnë shkakun e zjarrit. Apartamenti është sekuestruar.

The post Tragjike/ Ndërtesa u përfshi nga flakët, tre familjarë humbin jetën appeared first on Albeu.com.

Por çmimet e referencës pritet të rrisin detyrimet e qytetarëve në rrethe për taksën e ndërtesës së banesave të banimit dhe për dyqanet, pasi baza e taksueshme e ndërtesës llogaritet me çmimet e referencës.

Monitor, ka llogaritur ndryshimet e detyrimeve për taksat për 119 zonat e reja kadastrale.

Ndryshimet më të larta të çmimeve të referencës propozohen për qarkun e Durrësit, veçanërisht për zonën kadastrale nr.13 që përkon me zonën e portit të Durrësit ku po zhvillohet projekti i Durrës Yahts Marina.

Nga 67,500 që është aktualisht çmimi i vetëm i referencës së shitblerjes së apartamenteve në Durrës, në këtë zonë është propozuar çmimi prej 200 mijë lekë. Rritja 196%.

Një qytetar që disponon një shtëpi banimi me sipërfaqe 60 m2 në këtë zonë, aktualisht paguan një detyrim 2,025 lekë në vit apo 168 lekë në muaj nëpërmjet faturës së ujit të pijshëm.

Nga 1 janari, detyrimi për taksën e shtëpisë do të arrijë në 6,000 lekë në vit apo 500 lekë në muaj.

Detyrimi për taksën rritet automatikisht sa rritja e referencave në masën 196% për këtë zonë.

Në të njëjtin nivel, do të ndryshojë edhe detyrimi për taksën e ndërtesës për biznesin, pra për ambientin që përdoret për qëllim të aktivitetit tregtar.

Nëse një biznes disponon një dyqan me sipërfaqe 90 m2 nga 12,150 lekë në vit do të paguajë 36,000 lekë.

Rritje e konsiderueshme e referencave krahasuar me 2019, është propozuar edhe për bashkinë Kamzë.

Nga 52 mijë lekë për metër katror që ishte çmimi në 2019, është propozuar në 72 mijë lekë për metër katror. Rritje 44%.

Për një familje që zotëron një apartament me sipërfaqe 60 m2, në Kamzë nga 1,560 lekë në vit apo 130 lekë në muaj, do të bëhet nga 1 janari 2026 detyrimi 2,250 lekë në vit apo 187 lekë në muaj.

Rritja 44%. Për biznesin që disponon një dyqan me sipërfaqe 90 m2 në këtë zonë, detyrimi vjetor për taksën e ndërtesës është 9,360 lekë në vit. Me rritjen e referencave detyrimi do të arrijë në 13,500 lekë në vit.

Bashkia e Vlorës, nga 61,800 lekë për metër katror që ishte çmimi i referencës me propozimet e reja zona e Vlorës, ndahet në 7 zona kadastrale me çmime që nisin nga 45 mijë deri 140 mijë lekë për metër katror dhe ishulli i Sazanit me çmim reference 200 mijë lekë për metër katror. Rritja e çmimeve në Vlorë arrin deri 58,6% krahasuar me çmimet e miratuara nga 2019.

Një familje me një apartament me sipërfaqe 60 m2 në zonën nr. 1 kadastrale në Vlorë detyrimi për taksën e ndërtesës do t’i arrijë në 2,940 lekë në vit apo 245 lekë në muaj nga 154 lekë në muaj që është aktualisht. Për biznesin detyrimi vjetor i taksës së ndërtesës nga 11,124 lekë në vit do të arrijë në 17,640 lekë në vit. Rritja do të jetë rreth 59%.

Nga 1 janari 2026 gjithashtu, parashikohet të nisë zbatimin ligji për vlerësimin e pasurive të paluajtshme me taksë të reduktuar. Nga 15% që është tatimi është propozuar 5%.

Po ashtu nga 1 janari 2026, parashikohej të niste zbatimin edhe taksa e re pasurive të paluajtshme. Por Ministria e Financave, është duke hartuar një projektligji tërësisht të ri, që pritet të miratohet vitin e ardhshëm.

Zbatimi parashikohet të nisë nga 2028. Periudha 2026-2027 do të përdoret për përgatitjen e të gjitha akteve dhe udhëzimeve të nevojshme. / Monitor

The post Nis nga 1 janari/ Ja sa do të rritet taksa e ndërtesës për shtëpitë dhe dyqanet për 119 zona në rrethe appeared first on Albeu.com.

Nga selia e Partisë Demokratike, zëdhënësja e Antikorrupsionit Genta Vangjeli tha se Këshilli i Qarkut po merr atribute që nuk i takojnë si institucion, ndërsa referuar dokumenteve të bëra publike nga PD, pasi përfundon ndërtimi me dokumente tërësisht antiligjore, objektet legalizohen dhe nisin procedurat për shitjen e apartamenteve.

Genta Vangjeli: Kryetari i këshillit të Qarkut Lezhë Agron Ivani, me anë të vendimit të tij nr.8, datë 19 Maj 2023 ka  miratuar leje ndërtimi (shtyrje afati dhe ndryshim subjekti ndërtues), sipas vendimit të KRRT-së qarku Lezhë nr.24, datë 31 Mars të vitit 2009, me objekt: “Objekt banimi dhe shërbimi 1, 8, 9, 10 kate me një kat parkim nëntokë në ishull Shëngjin Lezhë”. Afati i kësaj leje ndërtimi është deri 31 Maj 2028.

Përveç faktit që investitori sipas kësaj lejeje është një subjekt i cili ka deklaruar një kapital 10 mijë lekë dhe ka vetëm 3 vite aktivitet tregtar aktiv, pa publikuar asnjë bilanc në QKB, përmes kësaj lejeje lëshuar nga Këshilli i Qarkut, nënshkruar nga Agron Ivani dhe specialisti i planifikimit Ferdinand Ndoj është vepruar në kundërshtim me nenet 27, 40, 59 të ligjit nr.107/2014 “Për Planifikimin dhe zhvillimin e territorit”, i ndryshuar.

Leja e ndërtimit, dt. 13. 05. 2023 e Këshillit të Qarkut Lezhë për ’Shtyrje afati dhe ndryshim subjekti ndërtues’ është e paligjshme për disa arsye.

1- Dispozitat kalimtare të Ligjit Nr. 107/2014 ’Për planifikimin dhe zhvillimin e territorit, i ndryshuar’ (legjislacioni që rregullon sektorin), në pikën 1 përcakton se ”Për lejet e ndërtimit, të cilave u ka përfunduar afati i zbatimit të punimeve, përcaktuar në formularin e lejes përkatëse, përpara hyrjes në fuqi të ligjit nr.107/2014 “Për planifikimin dhe  zhvillimin e territorit”, të ndryshuar, shtyrja e afatit mund të kryhet nga autoriteti përgjegjës, me kërkesë të zhvilluesit, me kushtin që të mos kenë kaluar më shumë se 10 vjet nga data e miratimit të lejes së ndërtimit dhe subjekti të ketë paguar paraprakisht penalitetet e parashikuara nga neni 52, i ligjit nr. 107/2014 “Për planifikimin dhe zhvillimin e territorit”, të ndryshuar.

Leja origjinale është e dt. 31. 03. 2009, pra më shumë se 10 vjet.

2- Neni 40 i Ligjit Nr. 107/2014 ’Për planifikimin dhe zhvillimin e territorit, i ndryshuar’

(legjislacioni që rregullon sektorin), në pikën 6 përcakton se ”Për punimet e filluara prej më shumë se dhjetë vjetësh dhe ende të papërfunduara, sipas projektit të miratuar, autoriteti përgjegjës për miratimin e lejes së ndërtimit përcakton mënyrën e ndërtimit të detyruar ose vendos prishjen apo konfiskimin e ndërtimit”.

Neni 59 i Ligjit Nr. 107/2014 ’Për planifikimin dhe zhvillimin e territorit, i ndryshuar’

(legjislacioni që rregullon sektorin), në pikën 4 përcakton se”Zgjatja e afatit të lejes dhe ndryshimi i subjektit zbatues për lejet e ndërtimit të miratuara përpara hyrjes në fuqi të këtij ligji kryhen sipas përcaktimeve të këtij ligji”.

Dhe neni 27 ‘Autoritetet përgjegjëse’, përcakton se “Autoritetet përgjegjëse për zhvillimin e territorit janë: 1. Këshilli Kombëtar i Territorit. 2. kryetari i bashkisë.” dhe në asnjë rast Këshilli i Qarkut.

Pra, Këshilli i Qarkut ka kryer funksione që i përkasin autoriteteve të tjera të zhvillimit.

Këto veprime antiligjore të Kryetarit të Këshillit të Qarkut Lezhë sigurisht nuk kryhen pa u vënë re nga institucionet e tjera ligjzbatuese por pjesë e kësaj skeme antiligjore dhe ndarjes së parave janë sigurisht edhe Bashkia e Lezhës, Inspektoriati i Mbrojtjes së Territorit, policia dhe prokuroria.

Me bekimin e tyre, lejohet të shkelet ligji me të dyja këmbët, duke ndërtuar godina shumëkateshe në Shëngjin, e duke zaptuar çdo pjesë të bregdetit të Shëngjinit dhe jo vetëm.

Por nuk mbaron këtu, pasi përfundon ndërtimi me dokumente tërësisht antiligjore, objektet legalizohen dhe nisin procedurat për shitjen e apartamenteve.

Kështu pasurohen qeveritarët e Ramës, dhe pseudo biznesmenët të cilët pastrojnë paratë dhe sigurisht një pjesë e mirë e tyre vendosen në qarkullim për blerjen e votave sa herë ka zgjedhje.

Partia Demokratike kërkon pezullimin e menjëhershëm të kësaj leje ndërtimi dhe të tjerave të ngjashme me të duke kujtuar institucionet dhe shkelësit konkretë se kallzimi penal është gati….

The post Vangjeli: Kryetari i këshillit të qarkut Lezhë shkel ligjin, jep leje ndërtimi në Shëngjin duke zaptuar çdo pjesë të bregdetit appeared first on Albeu.com.

Ngjarja e rëndë ka ndodhur në shtetin perëndimor indian të Gujarat, ndërsa dyshohet se ka persona të bllokuar në ndërtesë.

Operacionet e shpëtimit rifilluan të dielën, ndërsa ekipet u përpoqën të pastronin mbeturinat pas shembjes, tha zëvendëskomisioneri i policisë së qytetit Rajesh Parmar, duke shtuar se është e paqartë se sa njerëz janë ende të bllokuar.

Në lidhje me ngjarjen nuk ka ende informacion mbi shembjen e ndërtesës, ose cfarë mund ta ketë shkaktuar.

The post E rëndë/ Shembet ndërtesa, humbin jetën 7 persona, dyshohen për të tjerë të bllokuar appeared first on Albeu.com.

Njerëzit janë të impresionuar nga simetria unike e ndërtesës dhe dendësia e habitshme. Kur qëndroni në një oborr të ndërtesës dhe shikoni lart, do të shihni ndërtesat e larta prej betoni të ngrihen në të tre anët, duke lënë vetëm një boshllëk të vogël qielli në formë U në majë.

“Ndërtesa e përbindëshit” nuk është emri zyrtar i ndërtesës, por një pseudonim i dhënë nga vendasit për pamjen e saj dhe njësive të banimit, ndërtesa është në fakt një kompleks ndërtimi që përbëhet nga pesë ndërtesa të ndryshme, secila prej këtyre ndërtesave ka emri i tyre, ato janë të lidhura së bashku si një e tërë, duke formuar një formë E të parë nga lart .

The post Ndërtesa ikonike Yick Cheong në Hong Kong appeared first on Albeu.com.

Në objektin ku janë të vendosura zyrat e institucioneve serbe gjatë gjithë natës kanë qenë të ndezura të gjitha dritat, ndërsa punonjësit të cilët kanë ardhur në punë dje kanë kaluar mbrëmjen në ambientet zyrtare.

Punonjësit të cilëve orari i punës u ka përfunduar dje në orën 15:00 nuk kanë shkuar në shtëpi dhe janë ende në vendet e tyre të punës shkruan Kosovo Online.

Kjo është përgjigja e tyre ndaj kërkesës që të largohen nga lokalet deri në mesnatë, që është afati i caktuar nga administrata e kryetarit të Mitrovicës së Veriut, Erden Atiq, sepse objekti, sipas rregullores së re, është i institucioneve të Kosovës.

Bëjmë të ditur se afati i fundit i dhënë nga kryetari Atiq për t’u larguar nga objekti është më 8 shtator.

Autoritetet lokale në Mitrovicë të Veriut thanë se kanë kërkuar “lirimin” e një objekti komunal, që gjendet në Lagjen e Boshnjakëve e që aktualisht shfrytëzohet nga institucionet e Serbisë.

Si shkak për këtë vendim përmenden “disa punime të parashikuara që komuna do t’i kryejë në objekte të caktuara komunale”.

“Ne, si Komunë e Mitrovicës së Veriut, kemi shprehur gatishmërinë që çdo institucioni që ofron shërbime në interes të qytetarëve të Kosovës, t’i ofrojmë mbështetje dhe hapësirë pune”, thuhet në deklaratën e komunes

Paraprakisht, Lista Serbe – partia më e madhe e serbëve të Kosovës që ka mbështetjen e Beogradit zyrtar – tha se udhëheqja lokale në Mitrovicën e Veriut ka marrë vendim që për tri ditë t’i “largojë” punonjësit e institucioneve serbe nga ndërtesa në Lagjen e Boshnjakëve.

Sipas Listës Serbe, në këtë objekt janë të vendosura katër institucione, të cilat financohen me mjete të Qeverisë së Serbisë: Zyra për Kosovën, Drejtoria e Fondit për Sigurim Pensional dhe Invalidor, Qarku Administrativ i Mitrovicës së Kosovës dhe Qendra për Punë Sociale nga Vushtrria.

Shumica e institucioneve të Serbisë që funksionojnë në Kosovë drejtohen nga zyrtarë të Listës Serbe.

Për shembull, drejtor i Fondit për Sigurimin Pensional dhe Invalidor në Mitrovicën e Veriut është Millan Radojeviq.

Ai, më herët, ka qenë kryetar i Mitrovicës së Veriut [komunës së Kosovës], por edhe zëvendësministër i Punëve të Brendshme të Kosovës.

Kryetar i Qarkut Administrativ të Mitrovicës së Kosovës është Vuçina Jankoviq, po ashtu nga Lista Serbe. Ai, më herët, ka qenë kryetar i Komunës së Zveçanit – sipas sistemit të Kosovës.

Në një komunikatë dërguar mediave, Lista Serbe tha se “kryetarët jolegjitimë” – siç u referohet ajo kryetarëve shqiptarë të komunave me shumicë serbe në veri – kanë shkuar “një hap më tej” dhe “duan të na i marrin edhe hapësirat”.

Në anën tjetër, nga komuna e Mitrovicës së Veriut thanë se zyrtarët e tyre i ka pritur nënkryetari i Listës Serbe, Igor Simiq, i cili u ka thënë se “nuk ka asnjë dokument për objektin” dhe se “nuk e di se në pronësinë e kujt është”.

Reagon Beogradi

Zyra për Kosovën në Qeverinë e Serbisë tha se vendimi i Komunës së Mitrovicës së Veriut “kërcënon ekzistencën dhe të drejtën për punë për rreth 40 punëtorë që punojnë në këtë objekt dhe ofrojnë shërbime si për serbët, ashtu edhe për shqiptarët, boshnjakët, goranët dhe romët”.

“Institucionet e vendosura në këtë ndërtesë, si Fondi Pio, ofrojnë shërbime në fushën e sigurimit pensional dhe invalidor për dhjetëra mijëra përdorues të të gjitha nacionaliteteve, ndërsa nga puna e Qendrës për Punë Sociale varen rreth 120 familje”, thuhet në reagim.

Aty, po ashtu, theksohet se këto “lëvizje të njëanshme dhe të paligjshme” mund “t’i rrisin tensionet dhe të shkaktojnë krizë në terren”.

Në katër komunat me shumicë serbe në veri të Kosovës – Mitrovicë e Veriut, Leposaviq, Zveçan dhe Zubin Potok – kryetarët shqiptarë kanë marrë pushtetin në fund të majit, ndërsa në ndërtesat komunale kanë hyrë me ndihmën e policisë.

Ata i ka kundërshtuar ashpër popullata lokale serbe, e cila i ka bojkotuar zgjedhjet e prillit, nga të cilat kanë dalë ata kryetarë.

Banorët lokalë ka gati tre muaj që protestojnë para objekteve komunale në Leposaviq, Zveçan dhe Zubin Potok, duke kërkuar nga Policia e Kosovës që të tërhiqet dhe nga kryetarët shqiptarë që të mos dalin në punë.

Në këto tri komuna, deri në fund të majit, kanë funksionuar edhe komunat sipas sistemit serb.

Vetëm në Mitrovicën e Veriut ekziston një ndërtesë e veçantë komunale që funksionon nën sistemin e Kosovës dhe atje nuk ka pasur protesta./express

The post Sot afati i fundit për lirimin e objektit që shfrytëzohet ilegalisht në veri të Kosovës, serbët kalojnë natën brenda appeared first on Albeu.com.

Në një raport, Ministria e Mjedisit e vendit tha se të gjitha ndërtesat në rrezik duhet të prishen urgjentisht. Autoritetet kanë inspektuar deri tani më shumë se 387,000 ndërtesa në 10 provincat juglindore të goditura nga tërmeti.

Qyteti i Gaziantepit ka numrin më të madh të ndërtesave që duhet të prishen urgjentisht, gati 12,000, të ndjekura nga 10,911 në Hatay dhe 10,777 në Kahramanmaras, thuhet në raport.

Sipas Presidencës së Menaxhimit të Fatkeqësive dhe Emergjencave (AFAD), tërmetet u pasuan nga 3,858 pasgoditje. /albeu.com

The post Tërmeti në Turqi, mbi 50 mijë ndërtesa janë shembur ose janë dëmtuar rëndë appeared first on Albeu.com.

Adiyaman ishte një nga qytetet më të goditura nga tërmeti. Njëri prej tyre tregoi zhgënjimin kur pa se po rrëzoheshin ndërtesa gjysmë të shkatërruara të konsideruara si të rrezikshme edhe pse nën rrënoja mund të kishte edne njerëz. Ai tregoi rastin e një ndërtese ku dihej se kishte 180 banorë dhe vetëm 10 ishin shpëtuar. Megjithatë ndërtesa u shemb nga autoritetet pasi thanë se ishte e rrezikshme.

Kryqi i Kuq Spanjoll po organizon dërgimin e mbi 105 tonëve ndihma humanitare drejt Turqisë dhe Sirisë. Sipas drejtorit të Njësisë së Emergjencave, Iñigo Vila, “do të dërgohen 2 950 cisterna 20-litroshe për transportin e ujit të pijshëm, 3 800 batanije leshi, 2 200 batanije termale, 15 700 fletë plastike dhe 4 400 komplete kuzhine”.

Këto materiale janë pjesë e stoqeve që Kryqi i Kuq ka përgatitur për situata emergjente në magazinat e tij në Katalonjë, Valencia, Madrid dhe Ishujt Kanarie, nga ku materialet po organizohen për t’u dërguar sa më shpejt. Dërgesa duhet të jetë gati deri në fund të javës. Linja ajrore Vueling do të bashkëpunojë në transportin e këtyre mallrave, duke u kujdesur që gati 10 tonë material të shkojë sa më shpejt në Turqi.

The post Zjarrfikësit spanjollë akuzojnë autoritetet turke: Po shembin ndërtesa ndërsa ka ende njerëz brenda appeared first on Albeu.com.

Malatya’da, yaptığı hiçbir bina çökmeyen müteahhit konuştu: “Şimdi beni arıyorlar ‘Size madalya vereceğiz’ diyorlar.

O… çocuğu 300 milyar ceza yazdı bana o zaman. Süsü püsü yok diye… Şimdi süslü püslüler hep döküldü.” pic.twitter.com/llGpkI6rgv

— ? Muhbir (@ajans_muhbir) February 13, 2023

Ishin të shumtë zërat kritikë që theksuan se më shumë se tërmeti ajo që e bëri edhe më të madhe tragjedinë ishin ndërtesat e dobëta.

Një nga qytete që pati më shumë pallate të shembura dhe të dëmtuara ishte Malatja. Ajo që ra në sy ishte se një ndërtuesi nuk iu shemb asnjë pallat, edhe pse ai më herët ishte gjobitur me 300 miliardë lira turke, pasi sipas “ekspertëve” ndërtesat e tij ishin të shëmtuara.

“Atë kohë më vendosën gjobë prej 300 miliardë lirash. Tani po marrin në telefon dhe po thonë ‘Do të japim medalje”, u shpreh ndërtuesi turk.

The post Nuk iu shemb asnjë pallat nga tërmeti, më herët e gjobitën se pse ndërtesat e tij nuk ishin të bukura appeared first on Albeu.com.

Ndërsa dy tërmete të frikshëm me magnitudë 7.7 dhe 7.6 ballë në Kahramanmaraş shkaktuan shkatërrime të mëdha në 10 provinca, një imazh i pasqyruar në kamerat në Adiyaman pas tërmetit habiti të pranishmit.

Ajo që u vu re ishte fakti se asnjë xhami e godinës së Qendrës Kulturore “Commagene”, e cila u vu në shërbim në shtator të vitit të kaluar, e përbërë e gjitha nga fasadë xhami, nuk u thye gjatë tërmetit dhe ndërtesa qëndroi në këmbë pa asnjë dëmtim.

Ndërtesa e parë smart në qytet

Projekti ka filluar në vitin 2015 dhe zgjati 5 vite, deri në vitin 2020, dhe në shtator të vitit 2022 hapi dyert për herë të parë, duke u bërë ndërtesa e parë inteligjente e qytetit.

Asnjë gotë e thyer nga lëkundjet

Por, ajo që i mahniti të gjithë ishte fakti se, edhe pse lëkundjet ishin tepër të mëdha, në këtë godinë nuk është thyer qoftë edhe një xham i godinës, e cila është ndërtuar në përputhje me standardet e tërmeteve.

Ndërtesa që i mbijetoi tërmetit e padëmtuar, mahniti këdo që shikonte, pasi qendronte ne kembe ndryshe nga ato rreth saj, të cilat ishin rrafshuar, sikur të mos kishin ekzistuar asnjëherë.

/Albeu.com/

The post FOTO/ Ndërtesa ku nuk u dëmtua asnjë xham nga tërmeti që “rrafshoi” 10 qytete appeared first on Albeu.com.