Nderron jete punetori Archives - Albeu.com

Ishte mbyllur më parë për shkelje të rregullave dhe pronari ishte dënuar disa herë! Detaje nga gurorja në Krujë ku mbeti i vdekur punëtori

XH D — Wed, 14 Feb 2024 17:45:34 +0000

Një aksident i rëndë me vdekje ka ndodhur paraditen e sotme rreth orës 12:30 në pikën e përpunimit të inerteve “Babasi 2” në Krujë.

Punëtori Lulzim Balla rreth 38 vjeç nga Fushë-Kruja është shtypur nga një kamion i tonazhit të rëndë në vendin e punës.

Besnik Babasi rezulton të jetë pronari i pikës së përpunimit të inerteve “Babasi 2” në Krujë punonjësi i të cilës u aksidentua për vdekje nga një kamion i tonazhit të rëndë pasi i ra të fikët në vendin e punës.

Më herët Babasi ka qenë pronar i gurores me të njëtin emër e cila u mbyll pasi nuk dispononte dokumentet përkatëse për aktivitetin e tyre.

Në janar të 2023 Babasi u arrestua për akuzat “Shpërdorimi i tokës”, “Ndotja e ajrit, ujërave dhe e tokës”, “Prerja e paligjshme e pyjeve“ dhe “Transportimi i mbetjeve toksike”.

Besnik Babasi është edhe anëtar i Këshillit Kombëtar të PD.

The post Ishte mbyllur më parë për shkelje të rregullave dhe pronari ishte dënuar disa herë! Detaje nga gurorja në Krujë ku mbeti i vdekur punëtori appeared first on Albeu.com.

Bie nga lartësia e pallatit ku po punonte, humb jetën 60-vjeçari në Vlorë

E B — Thu, 18 May 2023 11:04:28 +0000

Një ngjarje e rëndë është shënuar sot në Vlorë. Në zonën e Ujit të Ftohtë, një punëtor ka rënë nga lartësia e pallatit ku po punone dhe ka ndërruar jetë.

Policia bën me dije se ka nisur punën për zbardhjen e rrethanave të ngjarjes.

Njoftimi i policisë:

Rreth orës 11:55, në lagjen “Uji i Ftohtë”, shtetasi A. P., rreth 60 vjeç, duke punuar në një pallat në ndërtim, dyshohet se ka rënë aksidentalisht nga lartësia dhe si pasojë e dëmtimeve të marra, ka humbur jetën në spital.

Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje./albeu.com

The post Bie nga lartësia e pallatit ku po punonte, humb jetën 60-vjeçari në Vlorë appeared first on Albeu.com.

Materialet inerte e zënë poshtë punëtorin në Tiranë, humb jetën

E B — Tue, 01 Nov 2022 21:45:11 +0000

Një ngjarje tragjike ka ndodhur sot në Tiranë në lagjen “5 Maji”. Një punëtori i kanë rënë sipër materialet inertesh në objektin në ndërtim e sipër dhe për pasojë ka ndërruar jetë.

“Tiranë/Informacion paraprak

Më datë 01.11.2022, në rrugën “5 Maji”, në një objekt në ndërtim e sipër, kanë rënë materiale inertesh duke zënë poshtë punëtorin e objektit, shtetasin V. L., rreth 40 vjeç, i cili si pasojë e dëmtimeve të marra ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia./albeu.com

The post Materialet inerte e zënë poshtë punëtorin në Tiranë, humb jetën appeared first on Albeu.com.

Bie nga lartësia, ndërron jetë punëtori në Kashar

E S — Fri, 15 Apr 2022 09:23:14 +0000

Një 57-vjeçar ka ndërruar jetë pasi ka rënë aksidentalisht nga lartësia e objektit ku po punonte në Kashar.

Grupi hetimor ndodhet në vendngjarje dhe po punon për sqaimin e rrethanave të ngjarjes.

Njoftimi i policisë:

Tiranë/Informacion paraprak

Më datë 15.04.2022, në Kashar, dyshohet se aksidentalisht ka rënë nga lartësia e objektit ku po punonte, shtetasi F. N., rreth 57 vjeç, i cili si pasojë ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të ngjarjes.

The post Bie nga lartësia, ndërron jetë punëtori në Kashar appeared first on Albeu.com.