Për shkak të disa vështirësive teknike, seanca e shqyrtimit fillestar në Gjykatën Themelore të Prishtinës për 21 të pandehurit lidhur me Masakrën e Reçakut është pezulluar përkohësisht.

Departamenti Special i kësaj gjykate ka bërë të ditur se procesi gjyqësor u ndërpre ndaj personave të akuzuar për veprën penale “Krimet e Luftës kundër popullsisë civile”.

Në mesin e të pandehurve janë Zllatomir Peshiq, Mlladen Cirkoviq, Radomir Markoviq, Dushko Adamoviq, Obrad Stevanoviq, Zhivko Trajkoviq, Goran Radosavleviq, Bogolub Janiçqviq, Sllavisha Ivanoviq, Boshko Vukiqeviq, Sreten Popoviq, Nikolla Petroviq, Kërsman Jellliq, Lubisha Stojimiroviq, Bozhidar Deliq, Radojko Stefanoviq, Dragan Zhivanoviq, Milosh Gjoshan, Lubinko Cvetiq, Bozhidar Filiq dhe Milovan Kovaçeviq.

Seanca po zhvillohej në mungesë të të pandehurve, të cilët akuzohen për krime lufte kundër popullatës civile gjatë konfliktit të armatosur në Kosovë.

Deri më tani, gjykata nuk ka dhënë ndonjë informacion mbi datën e vazhdimit të seancës.

The post Seanca gjyqësore për Masakrën e Reçakut shtyhet për shkak të defekteve teknike appeared first on Albeu.com.