Berisha riktheu në vëmendje 5 shtatorin e vitit 2016, kur Papa Françesku, në Sheshin e Shën Pjetrit në Romë, shpalli shenjtore Nënë Terezën e Kalkutës.

Sipas tij, përkushtimi i saj ndaj të varfërve, të sëmurëve, të braktisurve dhe të gjithë atyre që vuanin e bëri Nënë Terezën një figurë me përmasa botërore. Berisha thekson se ajo “lindi shqiptare, u bë qytetare e botës dhe mbeti deri në fund një bijë krenare e kombit të saj”.

Berisha e cilëson shenjtërimin e saj si një nderim të jashtëzakonshëm për shqiptarët dhe si një dëshmi të kontributit që ky komb i ka dhënë njerëzimit përmes vlerave, dashurisë dhe humanizmit.

Në fund të mesazhit, ai shpreh admirim dhe krenari për Shën Nënë Terezën.

Reagimi i plotë:

Përvjetori i shenjtërimit të nobelistes shqiptare, Shën Nënë Terezës

Të dashur miq,

Kjo është një ditë e veçantë për kombin shqiptar dhe për të gjithë botën e krishterë. Sot përkujtojmë përvjetorin e shenjtërimit të Nënë Terezës, bijës më të shquar të kombit shqiptar.

Më 5 shtator 2016, në Sheshin e Shën Pjetrit në Romë, Papa Françesku shpalli shenjtore Nënë Terezën e Kalkutës. Gruaja shqiptare, përmes jetës, veprës dhe përkushtimit ndaj të varfërve e të pamundurve, u shndërrua në një nga figurat më të mëdha të njerëzimit.

Gjatë asaj ceremonie historike, Papa Françesku e cilësoi Nënë Terezën si “shpërndarëse të mëshirës hyjnore”. Me këtë vlerësim u nderua një jetë e tërë e kushtuar njeriut, veçanërisht atyre që kishin humbur gjithçka dhe kishin nevojë vetëm për një dorë ndihme dhe për dashuri.

Shenjtërimi i Nënë Terezës përbënte për shqiptarët një nderim të jashtëzakonshëm. Ai ishte njëkohësisht kurorëzimi i një jete të rrallë dhe një dëshmi madhështore e vlerave që shqiptarët kanë sjellë në shërbim të njerëzimit.

Ajo lindi shqiptare, u bë qytetare e botës dhe mbeti deri në fund një bijë krenare e kombit të saj.

Sot e kujtojmë Shën Nënë Terezën me përulësi, admirim dhe krenari. Ajo ia përkushtoi jetën më të varfërve, të sëmurëve, të braktisurve dhe të vuajturve, duke u dhënë miliona njerëzve shpresë, dinjitet dhe dashuri.

Nënë Tereza mbetet një nga dëshmitë më të ndritshme se madhështia e një kombi nuk përcaktohet vetëm nga fuqia apo pasuria, por edhe nga vlerat, dashuria dhe humanizmi që ai i ofron njerëzimit.

Lavdi të përjetshme kujtimit të Shën Nënë Terezës, bijës së madhe të kombit shqiptar!

The post Berisha nderon përvjetorin e shenjtërimit të Nënë Terezës: Një bijë e madhe e shqiptarëve appeared first on Albeu.com.

Sulmuesi i Kombëtares shqiptare nuk lëvizi nga Bërnli në Championship, por falë lëvizjeve të merkatos së klubit të tij, tashmë ka një garanci më të madhe se do të ketë minutazh të rregullt në fushën e lojës të paktën deri në janar.

Bërnli vendosi të shiste në minutat e fundit të merkatos sulmuesin kryesor, Zian Fleming, tek Ipsuiç në Premier Ligë.

Klubi shiti sulmuesin dhe vendosi të mos afronte zëvendësues për rolin e tij, duke u mjaftuar me Brojën dhe Zeki Amduni si alternativa për numrin 9 gjatë pjesë së parë të sezonit.

Si rrjedhojë, sulmuesi i Kombëtares shqiptare, do të ketë një minutazh shumë më të lartë në fushën e lojës në këtë edicion nëse do të jetë në gjendjen e duhur fizike e nuk do të ketë problemet që e kanë shoqëruar rregullisht në këto sezone.

Dhe padyshim kjo mund ta ndihmojë të kthehet në formën e tij më të mirë, pas këtyre sezoneve zhgënjyese që ka përjetuar.

The post Fundi i merkatos “nderon” Armando Brojën, merret vendimi për sulmuesin e Kombëtares appeared first on Albeu.com.

Engel kujtohet gjerësisht si një nga përkrahësit më të zëshëm të Kosovës në skenën politike amerikane. Në sallën e Kuvendit ishte vendosur edhe një fotografi e tij pranë foltores, ndërsa përfaqësues të institucioneve dhe deputetë shprehën mirënjohje për rolin e tij në mbështetjen e Kosovës gjatë viteve të vështira.

Kryetarja e Kuvendit dhe ushtruese e detyrës së presidentit, Albulena Haxhiu, tha se Engel mbetet i kujtuar si një zë i fortë në mbrojtje të Kosovës në kohën kur, sipas saj, populli i Kosovës përballej me represion dhe mungesë reagimi ndërkombëtar.

Edhe kryeministri Albin Kurti, e vlerësoi Engel si një mik të sinqertë të shqiptarëve dhe një figurë që, siç tha ai, nuk ngurroi të mbështeste të drejtat e njeriut dhe kauzën e Kosovës në momentet vendimtare.

Kurti kujtoi edhe vizitat e Engel në Kosovë, përfshirë hapjen e zyrës informuese të SHBA-së në Prishtinë në vitet ’90 dhe më pas inaugurimin e Ambasadës së Shtetet e Bashkuara të Amerikës në Kosovë në një Kosovë tashmë të lirë dhe të pavarur.

Ai citoi gjithashtu deklarata të mëhershme të Engel, ku ky i fundit shprehte mbështetje për integrimin e Kosovës në organizata ndërkombëtare si OKB dhe NATO, duke theksuar angazhimin e tij të vazhdueshëm për afirmimin ndërkombëtar të vendit.

The post Kuvendi i Kosovës nderon kujtimin e Eliot Engel, Kurti: Ishte zëri i vendit në ditë të vështira, i qëndroi besnik angazhimit për kombin tonë appeared first on Albeu.com.

Kreu i Shtetit vendosi një kurorë me lule pranë Monumentit “Nënë Shqipëri”, duke nderuar veprën e përjetshme të atyre që sakrifikuan jetën për lirinë e vendit.

Gjatë këtij momenti solemn, Presidenti Begaj, përcolli një mesazh të veçantë për të gjithë qytetarët, e veçanërisht për të rinjtë.

Në një postim në “Facebook”, ai theksoi rëndësinë e mbajtjes gjallë të vlerave të trimërisë dhe përkushtimit ndaj atdheut.

“Më 5 Maj, Ditën e Dëshmorëve, përulemi para guximit dhe sakrificës së atyre që dhanë gjithçka për çlirimin e Shqipërisë. Vlerat e tyre, trimëria dhe përkushtimi ndaj lirisë janë trashëgimi e shenjtë. Ne e kemi për detyrë t’i përcjellim brezit të ri këtë flakë atdhedashurie, duke nderuar përjetësisht kujtimin e tyre”, shkruan Presidenti Begaj.

The post Presidenti Begaj nderon Dëshmorët e Kombit: T’i përcjellim brezit të ri flakën e atdhedashurisë appeared first on Albeu.com.

Begaj, e vlerësoi profesorin si një figurë mbresëlënëse të shkencës juridike shqiptare, duke përcjellë njëherazi disa mesazhe kyçe mbi drejtësinë e re.

“Profesor Ismeti është vetë historia e gjallë e shkollës juridike shqiptare. Ai ka qenë model në përkushtimin ndaj dijes dhe edukimit të brezave të rinj”, u shpreh Presidenti, duke nënvizuar kontributin e jashtëzakonshëm të Elezit në ndërtimin e sistemit penal në Shqipërinë moderne.

Gjithashtu, në fjalën e tij, Kreu i Shtetit vuri theksin mbi sfidat dhe arritjet e sistemit të drejtësisë në dekadën e fundit, duke e cilësuar reformën në drejtësi si një ndër sipërmarrjet më të fuqishme të tre dekadave të fundit.

“Drejtësia e re ka, gjithashtu, nevojë për gurët e vet kilometrikë, për modele dhe shembuj të integritetit e profesionalizmit”, theksoi ai.

Presidenti Begaj, vlerësoi përparimin e bërë në çrrënjosjen e pandëshkueshmërisë dhe në ndërtimin e një kulture hetimi të pavarur dhe të paanshme: “Zhvillimin cilësor e dallojmë kur me kurajë, vendosmëri dhe drejtësi zbatohet ligji ndaj të fuqishmëve apo atyre që janë të paprekshëm”.

Ai theksoi domosdoshmërinë e ruajtjes së pastërtisë së sistemit të drejtësisë përmes vetingut të përhershëm, kontrollit të brendshëm dhe vetëpastrimit, duke shtuar se; “Drejtësia e re nuk mund të jetë e re nëse shfaq simptomat e drejtësisë së vjetër si korrupsionin, klientelizmin apo korporativizmin”.

Presidenti e përmbylli fjalën me një mesazh shprese dhe vendosmërie: “Drejtësia e re duhet pranuar si thirrje dhe kontributi për të duhet kuptuar si premtim solemn. Rruga është ende e gjatë, por suksesi është shfaqur në horizont. Mbështetja ime ndaj jush është e palëkundur”.

Në këtë aktivitet, morën pjesë personalitete të njohura të drejtësisë, përfaqësues të institucioneve shtetërore, akademikë dhe studentë të cilëve Presidenti u garantoi mbështetjen e tij në përpjekjet për ndërtimin e një drejtësie të re dhe të drejtë.

The post Presidenti Begaj nderon Profesor Ismet Elezi dhe ka një mesazh për drejtësinë appeared first on Albeu.com.

Pas përfundimit të saj, Kryepeshkopi i Athinës dhe i gjithë Greqisë, Jeronimos, do të mbajë një shërbesë për shpirtin e të ndjerit.

Në këtë shërbesë marrin pjesë edhe kryeministri, Kyriakos Mitsotakis, dhe kryetari i PASOK-ut, Nikos Androulakis dhe krerët më të lartë të kishës ortodokse.

Kryepiskopi i Tiranës, Durrësit dhe Gjithë Shqipërisë, Anastas u nda nga jeta në moshën 95-vjeçare mëngjesin e djeshëm në spitalin ‘Ungjëllizimi’ në Athinë ku ishte i shtruar prej 3 janarit.

Në njoftimin e saj, Kisha Orthodhokse Autoqefale e Shqipërisë, u kërkoi besimtarëve të luten për kryepeshkopin, i cili i dedikoi jetën e tij, ringritjes së kishës.

“Fortlumturia e Tij, Kryepiskopi Anastas, ishte rindërtuesi dhe rigjallëruesi i Kishës Orthodhokse Autoqefale të Shqipërisë, të cilën e ngriti tërësisht nga rrënojat pas rënies së regjimit ateist. Me vizionin hyjnor dhe punën e tij të palodhur, ai rindërtoi nga themelet jetën kishtare, ndërtoi qindra kisha, krijoi institucione arsimore dhe bamirëse, si dhe formoi një brez të ri klerikësh, duke ofruar një shërbesë të pandërprerë e sakrifikuese për më shumë se 33 vjet. I përjetshëm qoftë Kujtimi i tij”.

Në mbledhjen e sinodit të shenjtë të kishës ortodokse te shtunen, mitropoliti i Korçës Imzot Joani u zgjodh si Mbikqyrës i Fronit Kryepiskopal.

Pesë ditë zie kishtare janë shpallur në mbledhjen e sinodit nga data 25 – 29 janar 2025.

Trupi i pajetë i kryepeshkopit do të mbërrijë në Shqipëri të martën. Pritja do të bëhet para Katedrales “Ngjallja e Krishtit” Tiranë, në orën 16:00 të pasdites.

Pas pritjes, do të mbahen homazhe brenda Katedrales gjatë pasdites së të martës si dhe ditën e mërkurë, në datë 29 janar.

Ceremonia e varrimit do të bëhet të enjten e 30 janarit. Kryepoeshkopit Anastas do t’i jepet lamtumira e fundit pas liturgjisë hyjnore në katedralen ngjallja e krishtit në orën 11.00 të së enjtes.

Në ceremoninë e përcjelljes për në banesën e fundit pritet, te marrin pjese përfaqësues të lartë dhe patriarkë nga kishat ortodokse në botë.

The post Greqia nderon Anastasin/ Shërbesa e liturgjisë hyjnore në Mitropolinë e Athinës appeared first on Albeu.com.

Rama ka marrë vlerësimin e klasit më të lartë, njëjtë si Princi i Kurorës së Arabisë Saudite dhe kryeministri spanjoll.

Kryeministri i vendit, është vlerësuar për kontributin e rëndësishëm në forcimin e bashkëpunimit ndërshtetëror, mbështetjen e sovranitetit shtetëror dhe integritetit territorial të Ukrainës.

DEKRETI I PRESIDENTIT TË UKRAINËS Nr. 860/2023

“Rreth dhënies së çmimeve shtetërore të Ukrainës

Për një kontribut të rëndësishëm personal në forcimin e bashkëpunimit ndërshtetëror, mbështetjen e sovranitetit shtetëror dhe integritetit territorial të Ukrainës, popullarizimin e shtetit ukrainas në botë, unë dekretoj:

Të jepet Urdhri i Princit Jaroslav i Urti, shkalla e parë

RAMA Edi – Kryeministër i Republikës së Shqipërisë”, thuhet në dekret.

The post Zelesnky nderon Ramën me Urdhrin e Princit “Jaroslav i Urti” appeared first on Albeu.com.

Fero ka bërë me dije se ai ka pranuar që të ndërrojë emrin, dhe të mbajë një emër mysliman.

Nga sot e tutje Fero do të quhet Khattab.

The post Iu përkushtua islamit, Fero ndërron edhe emrin, si do të quhet appeared first on Albeu.com.