nderkombetar Archives - Albeu.com

FOTO / Përcillen me festë tifozët Kuq e Zi

D Marku — Fri, 14 Jun 2024 16:47:23 +0000

Tifozët e skuadrës tonë kombëtare që fluturuan sot drejt Gjermanisë për të mbështetur Shqipërinë në Euro2024, u përcollen me një atmosferë festive nga Aeroporti Ndërkombëtar i Tiranës.

Me ngjyrat e flamurit kuq e zi, me një performancë nga Klajdi Haruni & Bruno, dhe me një entuziazëm të jashtëzakonshëm, tifozët dhe pasasgjerët që udhëtonin në destinacione të ndryshme festuan së bashku. Festa ishte e mbushur me emocione, duke shënuar një fillim të paharrueshëm për rrugëtimin e Shqipërisë në këtë kampionat të rëndësishëm evropian.

Nga Aeroporti i Tiranës në stadiumet anembanë Evropës, jehona e krenarisë shqiptare do të tingëllojë duke i kujtuar botës lidhjen e pathyeshme mes një skuadre dhe tifozëve të saj të përkushtuar.

The post FOTO / Përcillen me festë tifozët Kuq e Zi appeared first on Albeu.com.

Akuzohet se udhëhoqi grupin e terroristëve serb në veri, Kosova paralajmëron shpalljen në kërkim ndërkombëtar të Milan Radojiçiç

Tau Lanti — Thu, 28 Sep 2023 15:26:56 +0000

Ministrja e Drejtësisë së Kosovës, Albulena Haxhiu, ka deklaruar se në ditët në vijim, nënkryetari i Listës Serbe, Milan Radojiçiç pritet të shpallet në kërkim ndërkombëtar.

”Atëherë bazuar në legjislacionin në fuqi, Prokuroria e Specializuar e Republikës së Kosovës (PSRK), parashtron kërkesë për fletërreshtim ndërkombëtar. Kërkesa drejtohet në Gjykatë dhe më pas adresohet përmes Ministrisë së Drejtësisë.Ne jemi në pritje të Gjykatës. Do të veprojmë menjëherë dhe pa vonesa”, deklaroi ajo për Klan Kosova.

Më herët ministri i Punëve të Brendshme në Kosovë Xhelal Sveçla ka publikuar një video ku shfaqen terroristët serbë në manastirin e Banjskës, ndërsa mes tyre ai pretendon se ndodhet edhe Milan Radojiçiç.

The post Akuzohet se udhëhoqi grupin e terroristëve serb në veri, Kosova paralajmëron shpalljen në kërkim ndërkombëtar të Milan Radojiçiç appeared first on Albeu.com.

Si dhe kur do të arrijë ndihma ushtarake ndërkombëtare?

E S — Mon, 28 Feb 2022 13:21:38 +0000

Si dhe kur do të arrijë ndihma ushtarake ndërkombëtare? BBC përgjigjet:

Disa ndihma ushtarake tashmë janë dërguar. Polonia ka dërguar municion përtej kufirit, SHBA ka dërguar tashmë rreth 90 ton ndihmë ushtarake, Suedia po thyen traditën e saj për të mos dërguar armë në vendet e përfshira në konflikt të armatosur dhe tani BE-ja, për herë të parë ndonjëherë, ranë dakord të financojnë blerjen dhe dërgimin e armëve në një vend të sulmuar.

Për sa i përket mënyrës se si do të përshpejtohet, Polonia ka ofruar të jetë një qendër logjistike për vendosjen. Vendet perëndimore janë plotësisht të vetëdijshme për nevojën për ta përshpejtuar këtë, me Ukrainën e shqetësuar se po i mbarojnë municionet.

The post Si dhe kur do të arrijë ndihma ushtarake ndërkombëtare? appeared first on Albeu.com.