Përmes disa fotografive të shpërndara nga ndërhyrja e NATO-s në Kosovë 32 vite më parë, kreu i shtetit ka shprehur mirënjohje ndaj të gjitha atyre të cilët kanë kontribuar në dhënien fund të gjenocidit, kurorëzuan aspiratën shekullore për liri dhe vazhdojnë t’i qëndrojnë afër Kosovës për të ndihmuar në zhvillimin e pandalshëm të demokracisë, avancimit të proceseve integruese europiane dhe euro-atlantike.

Postimi i Metës:

Sot në Ditën e Çlirimit, çdo shqiptar i gëzohet arritjeve të Republikës së Kosovës, faktor kyç për paqen, stabilitetin dhe sigurinë në rajon, shembull frymëzues i ndërtimit të demokracisë dhe shtetit ligjor, që meriton sa më parë të jetë anëtare e NATO-s, përfituese e liberalizimit të vizave, anëtare e Këshillit të Europës, si dhe çdo organizate ndërkombëtare.

Në këtë ditë historike nderojmë vizionin strategjik të Presidentit Ibrahim Rugova, rezistencën e lavdishme të UÇK, heroizmin legjendar të Komandantit Adem Jashari dhe sakrificat e çdo shqiptari që kontribuoi për lirinë dhe pavarësinë.

Mirënjohje dhe thellësisht falenderues për Aleancën e Atlantikut të Veriut, SHBA-ve dhe vendeve demokratike mike, që i dhanë fund genocidit, kurorëzuan aspiratën shekullore për liri dhe vazhdojnë t’i qëndrojnë afër Kosovës për të ndihmuar në zhvillimin e pandalshëm të demokracisë, avancimit të proceseve integruese europiane dhe euro-atlantike.

The post Çlirimi i Kosovës, Meta ka një mesazh urimi appeared first on Albeu.com.

Cooper ka thënë se ajo çfarë po ndodh tani është një sulm i një fuqie të madhe kundër një qeverie të zgjedhur në mënyrë demokratike, fuqi e cila gjithashtu synon të uzurpojë vende të rëndësishme të Ukrainës dhe që sulmon civilët dhe shkatërron edhe ndihmat humanitare.

“Aboslutisht nuk mund të barazohet. Ajo çfarë ju shihni tani është që një fuqi e madhe ka vendosur të sulmojë një qeveri të zgjedhur më mënyrë demokratike dhe pa asnjë arsye po provon të uzurpojë vende të rëndësishme të shtetit duke bombarduar popullatën civile dhe duke shkatërruar edhe ndihmat humanitare. Absolutisht nuk është e njëjta. Unë jam e sigurt se populli i Serbisë mund ta vëzhgojë popullin e Ukrainës me sytë e tij dhe të kuptojë se çfarë lloj shkatërrimi po përballen dhe se ata duan ta mbështesin atë”, ka thënë Cooper.

Cooper ka folur edhe për Serbinë dhe blerjen e armatimeve nga Rusia nga shteti që drejton Aleksander Vuçiq. Zyrtarja amerikane ka thënë se dihen qartë pasojat për ata që vlejnë pajisje ushtarake nga Rusia.

“Ne kemi pasoja të qarta për vendet në mbarë botën që duan të blejnë pajisje ushtarake ruse. Ky është ligji i CATSA – dmth kundërshtimi i kundërshtarëve amerikanë përmes sanksioneve. Dhe ky është statuti që ne duhet t’i përmbahemi. Kjo nuk është përgjegjësi e Sekretariatit të Mbrojtjes, por e kolegëve të mi në Departamentin e Shtetit. Por tashmë ka pasoja shumë të qarta përsa i përket sanksioneve për blerjen e pajisjeve të rëndësishme ushtarake ruse. Pra, kjo është një fushë ku ne tashmë kemi një hartë të qartë rrugore”, ka thënë Cooper, e pyetur se cilat do të ishin pasojat nëse Serbia vendos të vazhdojë bashkëpunimin ushtarak me Rusinë.

“Nuk është në interesin e Serbisë që të jetë partner i ushtrisë së Rusisë që në mënyrë brutale po i sulmon popullatën civile në Ukrainë”, ka thënë ndër të tjera Laura Cooper.

Teksa ka komentuar luftën në Ukrainë, zyrtarja e Pentagonit ka thënë se Rusia pavarësisht premtimeve për reduktim të aktivitetit ushtarak në disa zona, po vazhdon të sulmojë civilët.

“Moska po ndryshon retorikisht strategjinë e saj, duke pretenduar se po ndjek një qëllim të ndryshëm nga ai që ishte në të vërtetë qëllimi i saj fillestar – të përmbyste qeverinë në Kiev. Megjithatë, në terren, Rusia ende po përdor të njëjtat taktika shkatërruese kundër popullatës civile. Populli i guximshëm ukrainas po i reziston presionit shkatërrues të forcave ruse, të cilat padyshim po sulmojnë popullsinë civile. Dhe kjo është një taktikë që Rusia vazhdon ta përdorë,” ka thënë tutje Cooper./GazetaExpress

The post Pentagoni: S’mund të barazohet agresioni rus me ndërhyrjen e NATO-s në vitin 1999 appeared first on Albeu.com.