Bashkimi Evropian ka bërë të ditur se janë plotësuar kushtet teknike dhe politike për hapjen e urës kryesore mbi lumin Ibër në Mitrovicë. Ky zhvillim vjen pasi KFOR-i ka vendosur të nisë një kalim gradual nga prania e përhershme ushtarake në këtë pikë.

Ura, e cila prej vitesh simbolizon ndarjen mes dy pjesëve të Mitrovicës, vazhdon të mbetet në qendër të diskutimeve për sigurinë, lëvizjen e lirë dhe normalizimin e situatës në veri të Kosovës.

Konfirmimi i BE-së ka ngritur pyetjen nëse hapja e urës tashmë është vetëm çështje kohe, si dhe nëse zvogëlimi gradual i pranisë së përhershme të KFOR-it mund të ndikojë në stabilitetin dhe sigurinë e zonës.

Për “Bota sot”, publicisti Emin Azemi dhe ish-deputeti Adem Salihaj kanë dhënë vlerësimet e tyre për domethënien e këtij procesi, ndryshimet në terren dhe ndikimin e mundshëm të tij në jetën e qytetarëve të Mitrovicës.

Azemi e sheh hapjen e urës si një kthesë me rëndësi historike dhe politike për rajonin. Sipas tij, fakti që BE-ja ka konfirmuar përmbushjen e kushteve të nevojshme tregon se ekziston një vullnet i qartë ndërkombëtar për të avancuar procesin dhe se periudha e gjatë e bllokimit po shkon drejt përfundimit.

Ai vlerëson se legjitimiteti i dhënë nga Brukseli e zhvendos debatin nga pyetja nëse ura duhet të hapet, te mënyra praktike se si do të realizohet hapja. Sipas Azemit, ky hap mund të riformësojë dinamikën e dialogut mes Kosovës dhe Serbisë, si dhe të sjellë një qasje të re për masat e sigurisë në terren.

Në aspektin diplomatik, Azemi konsideron se zhvillimet e fundit dëshmojnë një ndryshim të peshës së negociatave. Ai thotë se po kalohet nga diskutimet e pafundme për çështje teknike drejt krijimit të fakteve të reja lidhur me sovranitetin territorial.

Publicisti shton se qëndrimi i BE-së dhe lëvizjet e NATO-s tregojnë se vendimmarrja ndërkombëtare po e anashkalon veton historike të Serbisë për veriun dhe po e zvogëlon rolin e Beogradit në këtë proces. Megjithatë, ai thekson se rruga e Prishtinës drejt strukturave evropiane mbetet e lidhur ngushtë me koordinimin e hapave strategjikë me aleatët perëndimorë.

Sipas tij, në kohën kur Brukseli pritet t’i shtojë kërkesat ndaj Kosovës për zbatimin e Asociacionit, ky proces mund të shërbejë si balancë politike ndaj lëshimeve të fundit që lidhen me sovranitetin.

Për Azemin, vendimi i KFOR-it për tranzicionin gradual të pranisë së tij ushtarake ka rëndësi të veçantë strategjike. Ai e interpreton këtë veprim si pasqyrim të një vlerësimi të ri për gjendjen e sigurisë dhe si shenjë besimi te kapacitetet e autoriteteve vendore për ruajtjen e rendit.

Ai nënvizon se procesi po zhvillohet me kujdes, me synim shmangien e krijimit të një vakumi sigurie. Stabiliteti në veri, sipas tij, do të varet nga bashkëpunimi i ngushtë mes forcave vendore dhe atyre ndërkombëtare. Në këtë kuadër, Policia e Kosovës ka filluar të marrë përsipër sigurimin e urës, duke zëvendësuar pikat statike të KFOR-it.

Azemi e konsideron këtë zhvillim një hap të rëndësishëm drejt normalizimit të jetës dhe garantimit të lëvizjes së lirë në Mitrovicë. Ai thotë se ura po largohet gradualisht nga roli i saj shumëvjeçar si simbol i ndarjes etnike dhe mund të shndërrohet në një pikë normale lidhëse urbane.

Sipas tij, qarkullimi i lirë i qytetarëve dhe mallrave do të ndikonte në integrimin ekonomik të dy pjesëve të qytetit, do ta lehtësonte jetën e përditshme dhe do të krijonte mundësi për më shumë bashkëpunim shoqëror mes komuniteteve. Ai vlerëson gjithashtu se dobësimi i këtij simboli të ndarjes mund të sjellë stabilitet politik e psikologjik për vendin, të rrisë sigurinë për investimet e huaja dhe të hapë rrugë për zhvillim më të qëndrueshëm ekonomik.

Ndërsa Adem Salihaj thotë se largimi i KFOR-it nga ura dhe vendosja e Policisë së Kosovës aty përbëjnë një hap të madh, madje të fundit, drejt normalizimit të plotë të situatës në veri.

Sipas Salihajt, për gati tri dekada Ura e Ibrit ka funksionuar si simbol i kufirit dhe ndarjes. Për vite me radhë, ajo përcillte idenë se në njërën anë ndodheshin shqiptarët, ndërsa në anën tjetër serbët dhe Serbia.

Ai kujton se deri para pesë vjetësh kalimi i shqiptarëve në veri konsiderohej tejet i rrezikshëm dhe se askush prej tyre nuk guxonte të shkelte në atë pjesë. Salihaj vlerëson se ndërtimi i dy urave alternative dhe vendosja e kontrollit të Qeverisë së Kosovës në veri ia kanë zbehur Urës së Ibrit rolin si vijë ndarëse.

Salihaj thotë se strukturat serbe, të cilat i lidh me Rojet e Urës dhe Brigadat e Veriut, e kanë humbur gjithnjë e më shumë ndikimin. Sipas tij, veprimtaria kryesore e tyre tashmë konsiston në shkrimin e grafiteve antishqiptare gjatë natës.

Ai e përshkruan urën si një simbol famëkeq që kujton se ende ekzistojnë njerëz që shpresojnë ta përdorin atë për të penguar vendosjen e kontrollit të plotë në atë pjesë të Kosovës. Salihaj e cilëson atë si simbol të ndarjes së Kosovës, projekt për të cilin, sipas tij, ka punuar shumë Vuçiqi, bashkë me disa bashkëpunëtorë në Kosovë dhe Shqipëri.

Salihaj shprehet se normalizimi i plotë i jetës në veri tashmë është i sigurt dhe se ai pritet të ndodhë brenda muajsh. Megjithatë, ai thekson se për realizimin e këtij procesi ende mbetet punë për t’u bërë.

The post BE-ja konfirmon përmbushjen e kushteve, hapja e Urës së Ibrit mund të jetë pranë appeared first on Albeu.com.

Lajmin e ndarjes artistja e ndau përmes një postimi në Instagram, ku e cilësoi këtë si një periudhë të vështirë dhe të dhimbshme për të dy, duke theksuar se vendimi është marrë me prioritet mirëqenien e djalit të tyre, Skye.

“Unë dhe Chanan kemi vendosur së fundmi t’i japim fund marrëdhënies sonë romantike. Kjo është një situatë e trishtueshme dhe e vështirë, por jemi të përqendruar ta përballojmë këtë ndryshim privatisht dhe në mënyrë pozitive, në mënyrë që t’i sigurojmë djalit tonë një mjedis të shëndetshëm dhe të lumtur”, shkroi Jessie J.

Këngëtarja sqaroi se vendosi ta bënte vetë publik lajmin për të shmangur spekulimet dhe thashethemet që mund të lindnin për jetën e tyre personale.

The post Jessie J konfirmon ndarjen nga partneri pas pesë vitesh: Do të vazhdojmë të rrisim djalin tonë së bashku appeared first on Albeu.com.

Nëse e gjeni veten në këtë përshkrim, nuk jeni vetëm. Një anketë e fundit e zhvilluar nga aplikacioni Hint tregon se shumica e të rriturve vazhdojnë ta imagjinojnë ish-partnerin si vëzhgues të jetës së tyre edhe pasi lidhja ka marrë fund, shkruan Vice.

Sipas të dhënave të sondazhit, 74% e pjesëmarrësve kanë menduar se si do të reagonte ish-i i tyre ndaj një vendimi të rëndësishëm jetësor, ndërsa 68% kanë imagjinuar çfarë do të mendonte ai ose ajo për një sukses personal. Po ashtu, 59% thanë se kanë publikuar diçka në internet me shpresën se ish-partneri do ta shihte, ndërsa 52% pranuan se një arritje e kanë ndjekur pjesërisht edhe për t’i lënë mbresë një ish-i.

Megjithëse orientimi i vendimeve të jetës sipas perceptimit të një ish-partneri nuk konsiderohet zgjedhja më e shëndetshme, një sjellje e tillë mbetet më pak problematike sesa ndjekja pas ose përgjërimi i vazhdueshëm për një mundësi të dytë.

Pasi dikush ka qenë pjesë e jetës sonë për muaj apo vite, është krejt normale që ai person të zërë një vend të rëndësishëm në rutinën e përditshme dhe në mënyrën si marrim vendime. Fundi i një lidhjeje mund të shoqërohet edhe me simptoma të ngjashme me varësinë. Partnerët shpesh bëhen shokët tanë më të afërt dhe mbështetja më e fortë, ndaj është e kuptueshme që vazhdojmë të kemi dëshirë të ndajmë me ta momentet më të rëndësishme. Ky është një zakon që nuk zhduket lehtë.

Kjo mund të ndihmojë për të kuptuar pse 48% e të anketuarve thanë se e përfytyrojnë ish-partnerin si njeriun e parë me të cilin do të ndanin një arritje të madhe, në vend të dikujt nga jeta e tyre e tanishme. Sipas studimit, imagjinata shpesh i mban njerëzit të lidhur me ish-partnerët edhe kur kontaktet kanë ndërprerë, duke krijuar kështu një “audiencë të imagjinuar” dhe duke vepruar sikur jeta po jetohet për vëmendjen e tyre.

“Në shumë raste, njerëzit nuk po përpiqen të pajtohen me ish-partnerët e tyre”, shpjegon Kirill Liakh, drejtor i aplikacionit Hint. “Në fakt, ata po përpiqen ta portretizojnë veten në një dritë të re për personin që dikur kishte autoritet emocional mbi ta.”

Rrjetet sociale, ndërkaq, e vështirësojnë edhe më shumë këtë proces. Vëzhgimi i vazhdueshëm i jetës së një ish-i ushqen kureshtjen dhe krijon një ndjenjë të rreme lidhjeje, e cila mund të mos ekzistojë më në realitet. Sipas anketës, 61% e të pyeturve besojnë se mediat sociale e bëjnë më të vështirë shkëputjen përfundimtare emocionale nga ish-partneri.

“Njerëzit shpesh e mendojnë kapërcimin e një ndarjeje si një mënyrë të pastër emocionale, por kujtesa rrallë funksionon kaq mirë”, thotë Liakh. “Një ish-partner mund të zhduket nga jeta e përditshme e dikujt dhe të mbetet ende një masë me të cilën një person gjykon ndryshimet e veta.”

Kjo vërehet sidomos në platforma si Instagram dhe Snapchat, ku është shumë e lehtë ose të ndjekësh ish-partnerin, ose të publikosh përmbajtje duke menduar posaçërisht për të. Le të jemi të sinqertë: sa herë është postuar një foto nga një takim, një selfie seksi apo lajmi për një sukses, me shpresën e fshehtë që ish-i ta vërë re? Ndoshta kjo nuk ka qenë arsyeja e vetme e publikimit, por pa dyshim ka shërbyer si shtysë shtesë.

Shumë njerëz nuk do ta pranojnë hapur se kanë vepruar kështu, ndërsa disa mund të mos jenë as plotësisht të vetëdijshëm për motivet e tyre. Edhe pse ka nga ata që ndoshta e kanë lënë pas këtë sjellje, mbetet krejt njerëzore të kërkosh vëmendjen e dikujt që dikur ishte qendra e botës sate. Megjithatë, thelbi është që jeta të mos udhëhiqet vetëm nga dëshira për miratim prej një personi që nuk bën më pjesë në të. /Klankosova.tv

The post Studimi: Shumë të rritur postojnë online me shpresën që t’i vërejë ish-partneri appeared first on Albeu.com.

Në Instastory, Miri ka ndarë një video emocionuese nga momenti i takimit, ku shihet duke përqafuar vajzën e tij, ndërsa vëmendja e ndjekësve u përqendrua edhe te prania e bashkëshortes së tij, Rabea, e cila ishte komentuar gjatë gjithë kohës së qëndrimit të tij në reality-show.
Nga pamjet e publikuara, duket se mes çiftit nuk ka hatërmbetje, pasi në takimin e parë ata shfaqen të afërt dhe madje shkëmbejnë edhe një puthje në buzë, duke treguar se marrëdhënia e tyre mbetet e njëjtë.

Ndërkohë, edhe Rabea ka reaguar në mënyrën e saj, duke postuar në Instagram një selfie pranë Mirit, ku të dy duken të qeshur dhe të relaksuar. “Ju përshëndesim”, ka shkruar ajo mbi foto, duke e shoqëruar me një emoji zemre. Detaj interesant ishte edhe kënga e vendosur në prapavijë: hiti i West Side Family, “Në krahët e tua do jem”, një mesazh i thjeshtë, por i qartë, për harmoninë e çiftit.

Ky ribashkim vjen vetëm pak ditë pasi Miri kishte sqaruar publikisht “ftohtësinë” e perceptuar nga publiku gjatë dhe pas finales së spektaklit, duke theksuar se mungesa e bashkëshortes nuk kishte lidhje me asnjë problem mes tyre. Ai u shpreh se arsyeja ishte krejt praktike: angazhimet e saj në Gjermani, ku jeton dhe punon.

Kujtojmë se Miri arriti deri në finalen e madhe të “BBVA5”, duke u renditur i dyti në përfundim të garës. Tashmë, me postimet e fundit, çifti duket se ka lënë pas presionin e formatit dhe komentet e rrjeteve sociale.

The post Miri u jep fund spekulimeve për ndarje, publikon pamje duke u puthur me bashkëshorten appeared first on Albeu.com.

Me këtë deklaratë, ai konfirmoi ndarjen dhe la të kuptohet se ka nisur një fazë të re në jetën e tij.

Në mesazhin e tij, Klodi theksoi se mes tij dhe ish-partneres ka mbetur vetëm respekt i ndërsjellë, duke shprehur edhe mirënjohje për të kaluarën që kanë ndarë së bashku.

Ai shtoi se në këtë moment është i përqendruar te rritja personale, disiplina dhe planet për të ardhmen, ndërsa kërkoi mirëkuptim nga ndjekësit dhe respekt për privatësinë e tij gjatë kësaj periudhe.

Postimi i tij:

Dua të ndaj me ju se së fundmi kam përjetuar një ndryshim në jetën time personale dhe aktualisht jam beqar.

Mes nesh ka vetëm respekt të ndërsjellë dhe mbetem mirënjohës për të kaluarën.

Tani fokusi im është te rritja personale, disiplina dhe e ardhmja.

Faleminderit për mirëkuptimin dhe për respektimin e privatësisë sime.

The post Klodi konfirmon ndarjen: Aktualisht jam beqar, mes nesh ka vetëm respekt të ndërsjellë appeared first on Albeu.com.

Duke folur me përfaqësuesit e shtypit në aeroport, pasi u kthye nga Parisi disa javë më parë, aktorja komentoi mungesën e të dashurit të saj Hakan Sabancı, duke thënë: “Hakan nuk ishte me mua sepse shkova për punë. Ai zakonisht nuk vjen me mua në udhëtimet e mia të biznesit; ne jemi kryesisht bashkë gjatë pushimeve.”

Hakan Sabancı ndau në rrjetet sociale foto të tij dhe të dashurës së tij Hande Erçel në trenin Romë-Paris. Këto foto surprizë mohuan përfundimisht raportet për ndarjen e tyre.

Pikërisht kur gjithçka po shkonte mirë, Hande Erçel hoqi fotot e saj me Hakan Sabancın nga llogaria e saj në Instagram. Edhe pse çifti nuk bëri një deklaratë zyrtare në lidhje me lajmin e ndarjes së tyre, ata u panë duke vazhduar të ndiqnin njëri-tjetrin në rrjetet sociale.

Pas aktores, edhe Hakan Sabancı hoqi të gjitha fotot e tyre së bashku nga llogaria e tij në Instagram. Ky zhvillim i habitshëm konfirmoi ndarjen e çiftit.

DEKLARATA E PARË PAS NDARJES

Hande Erçel, i shmangu pyetjes së tradhtisë.

Kur një gazetar e pyeti nëse do të bënte ndonjëherë një deklaratë në lidhje me ndarjen e saj nga Hakan Bey, Erçel u përgjigj: “Nuk do të flas për këtë, faleminderit. Gëzuar Ditën e Fitores. Nuk dua të flas për këtë, dhe e përsëris, nuk do të flas.”

Erçel e la pa përgjigje pyetjen, “A është kjo ndarje një tradhti?”.

Burime të shumta nga mediat turke pohojnë se ndërhyrja e nënës së Hakan-it, Arzu Sabancı, ka qenë arsyeja kryesore që çoi çiftin drejt fundit. Thuhet se Arzu Sabancı kurrë nuk e ka shikuar me sy të mirë lidhjen e djalit të saj me aktoren e njohur. Ajo nuk e ka miratuar idenë e martesës mes tyre dhe në prapaskenë ka ushtruar vazhdimisht presion, duke krijuar tensione të padurueshme.

The post Ndërhyri vjehrra? Aktorja e njohur turke ndahet nga i dashuri pas 3 vitesh lidhje appeared first on Albeu.com.

Çifti, që dikur ndanin momente të lumtura në rrjetet sociale dhe kishin premtuar dashuri të përjetshme, tashmë po përfliten për një ndarje të konfirmuar në mënyrë indirekte.

Në llogarinë e saj në TikTok, Fifi ka bërë repost disa video me përmbajtje që lidhen qartazi me dhimbjen e një ndarjeje. Një nga to shprehet: “Do të doja të mos të të kisha takuar kurrë, do të doja të mos të të kisha pëlqyer kurrë, të mos kisha humbur kohë me ty.”

Kjo lëvizje ka shtuar bindjen e ndjekësve se ndarja është e vërtetë, ndonëse vetë këngëtarja nuk ka dhënë ende një deklaratë publike për këtë çështje.

Fansat kanë shprehur mbështetjen e tyre në komente, duke i uruar forcë dhe që të ecë përpara me karrierën dhe jetën e saj personale.

Mbetet për t’u parë nëse Fifi do të thyejë heshtjen dhe do të flasë hapur për fundin e kësaj marrëdhënieje.

The post FOTO/ Fifi nuk e fsheh më ndarjen nga bashkëshorti, e konfirmon në TikTok: Do të doja të mos të të kisha njohur kurrë… appeared first on Albeu.com.

Dyshimet për një krisje në lidhjen e tyre u shtuan pasi Agneta publikoi një mesazh të koduar në një “Instastory”, ku shkruhej: “S’ke nevojë me i thanë të dua njerit, veç me vepra kallzon e je n’rregull”. Ky postim u interpretua nga ndjekësit si një thumbim ndaj Bleros.

Për më tepër, një vëzhgim i shpejtë në rrjetet e tyre sociale zbulon se çifti nuk e ndjekin më njëri-tjetrin në Instagram – një tjetër shenjë që sugjeron një përçarje.

Megjithatë, mbetet për t’u parë nëse kjo është vetëm një krizë e përkohshme apo një ndarje përfundimtare. Fansat e çiftit shpresojnë në një ribashkim të shpejtë.

The post FOTO/ “Nuk po ecë, nuk po ecë”, Blero i pafat në dashuri, ndahet edhe nga e dashura e re appeared first on Albeu.com.

Ndërkohë, Justin ka ndarë një foto të Hailey-t në rrjetet sociale, e shoqëruar me këngën “Jezebel” nga Sade, një referencë që ka ngjallur diskutime mbi kuptimin e saj.

Fansat janë të shqetësuar për të ardhmen e çiftit, duke marrë parasysh këto zhvillime të fundit dhe mungesën e deklaratave zyrtare nga ana e tyre.

The post Kriza në martesën e Bieber: Hailey fshin Justin nga Instagrami appeared first on Albeu.com.

“Megan-it i erdhi në majë të hundës me të gjitha”, tha një burim i brendshëm për Daily Mail. “Asaj i erdhi në majë të hundës me sjelljen e tij dhe mënyrën se si ai e trajtoi atë.”

Burimi më tej ndau se aktorja e Transformers dhe reperi “nuk do të pajtohen kurrë” pavarësisht se presin fëmijën e tyre të parë së bashku.

“Kur ajo mbeti shtatzënë, ai mendoi se kjo do të thoshte se ajo do të qëndronte me të pa marrë parasysh çfarë – dhe nuk është kështu,” tha burimi. “Gjëja më e rëndësishme në botën e Megan tani është foshnja e saj e palindur dhe ajo nuk e ka problem ta rrisë fëmijën vetëm.”

Një tjetër burim i tha gazetës se Megan ishte e lodhur nga marrëdhënia e saj “gjimnaziste” me MGK.

“Mënyra se si ata veprojnë është dramë,” ndau burimi i brendshëm. “Është si një marrëdhënie në shkollë të mesme. Për javë e muaj, gjithçka ishte në rregull, por kur ata grinden, është gjithçka ose asgjë. Mori një kthesë të keqe gjatë Ditës së Falënderimeve.

Ajo është e bindur që MGK po e tradhton ose e ka tradhtuar. Ajo e ka akuzuar atë se i ka dërguar mesazhe një grupi vajzash dhe nëse kjo nuk ka çuar në tradhti fizike, është tradhti emocionale në sytë e saj.”

Vlen të përmendet se Megan është gjashtë muajshe shtatzënë dhe pritet të lindë fëmijën e tyre në mars.

The post “Ajo i gjeti disa mesazhe”, në pritje të fëmijës së parë së bashku, Megan Fox dhe MGK ndahen sërish appeared first on Albeu.com.