“Ndalohen monopatinat! Le të marshojne betonieret!”, shkruan Binaj në Facebook.

Kujtojmë se ky aksion, erdhi pas vendimit të marrë një ditë më parë për ndalimin e qarkullimit të këtyre mjeteve, në rrugët e Shqipërisë.

Rritja e ndërtimeve në kryeqytet ka sjellë një prani të shtuar të betonierëve në rrugët e qytetit, duke u kthyer në një shqetësim serioz për qarkullimin urban.

Mjetet e rënda që transportojnë beton shpesh lëvizin gjatë orëve të pikut, duke bllokuar akset kryesore dhe duke shkaktuar vonesa të konsiderueshme për drejtuesit e automjeteve dhe transportin publik.

The post Vendimi i Koçiut/ Vjen reagimi i Florian Binajt: Le të marshojnë betonieret… (VIDEO) appeared first on Albeu.com.

Vendimi erdhi pas një incidenti serioz në jetën reale, që raportohet të jetë i lidhur me përdorimin e rrjeteve sociale, gjë që forcoi presionin publik për një reagim institucional.

Megjithatë, ndonëse arsyeja zyrtare lidhej me sigurinë digjitale, ndalimi ndodhi në një kohë kur zërat e opozitës po fitonin gjithnjë e më shumë dukshmëri në këtë platformë, duke nxitur pyetje më të thella mbi ndërthurjen mes qeverisjes së platformave, kontrollit politik dhe diskursit brezash.

Pavarësisht përpjekjes së qeverisë për të kufizuar aksesin, përdorimi i TikTok në Shqipëri mbeti i lartë.

Përdoruesit u përshtatën shpejt duke përdorur VPN dhe mjete të tjera, ç`ka çoi vetëm në një rënie prej 3.3% të postimeve, por një rritje të ndjeshme prej 14% të shikimeve të videove krahasuar me javën para ndalimit.

Kjo tregon se ndalimi ishte kryesisht joefektiv, për sa i përket reduktimit të konsumit të përmbajtjes.

Ndërkohë që ndalimi i TikTok-ut nuk ndikoi ndjeshëm në shikueshmërinë e platformës, duket se ai ka ndikuar në sjelljen e përdoruesve në platformat e tjera.

Instagram pa një rritje prej 16% në ndërveprime gjatë javës pas ndalimit, pavarësisht një rënie të lehtë në numrin e postimeve.

Kjo tregon se disa përdorues e drejtuan vëmendjen dhe ndërveprimin e tyre drejt përmbajtjeve në Instagram.

Në tremujorin e parë të vitit 2025, 4 nga 10 videot më të shikuara politike në TikTok përfshinin liderë të opozitës.

Kjo rritje e dukshmërisë mund të ketë kontribuar në tensione politike të shtuara rreth platformës, duke ngritur dyshime nëse ndalimi kishte motive politike.

Metodologjia: Kjo analizë është kryer nga Pikasa Analytics, duke përdorur një kombinim të të dhënave të nivelit të platformës dhe metrike të ndërveprimit në Shqipëri, si për TikTok ashtu edhe për Instagram.

Të Dhëna TikTok:
Të dhënat janë agreguar nga metrika të performancës së përmbajtjes në TikTok në Shqipëri, duke përfshirë volumin e postimeve, numrin e shikimeve dhe statistika të nivelit të llogarive.

Analiza është kryer në dy periudha kohore: java përpara dhe java pas ndalimit të TikTok.

Të Dhëna Instagram:
Trendet e ndërveprimit, përfshirë pëlqimet, komentet dhe shpërndarjet, janë monitoruar në faqet kryesore publike gjatë të njëjtës periudhë për të vëzhguar zhvendosjet në sjelljen e audiencës.

The post Ndalimi i TikTok në Shqipëri: Midis Sigurisë Digjitale dhe Dukshmërisë Politike appeared first on Albeu.com.

Megjithatë, TikTok nuk ka qenë i aksesueshëm në versionin e tij në ueb që prej vendosjes së ndalimit, duke shkaktuar kritika nga organizatat për lirinë e medias.

Autoriteti Kombëtar për Sigurinë Kibernetike deklaroi se më 13 mars, i kishte kërkuar ofruesve të internetit marrjen e masave të nevojshme për të bllokuar aksesin në aplikacionin TikTok dhe infrastrukturën e tij dixhitale në territorin shqiptar.

Sipas autoritetit, ndalimi do të zbatohet teknikisht përmes bllokimit të IP-ve (protokollit të internetit) të TikTok në Shqipëri, bllokimit të DNS-ve (sistemit të emrave të domain-eve) të TikTok në Shqipëri, bllokimit të SNI-ve (indeksimeve të emrave të serverëve) të TikTok në Shqipëri dhe bllokimit të IP-ve të kompanisë që zotëron platformën, ByteDance, në Shqipëri.

Ofruesit e shërbimeve të internetit u urdhëruan të dërgonin një konfirmim me shkrim pranë Autoritetit të Komunikimeve Elektronike dhe Postare dhe Autoritetit Kombëtar për Sigurinë Kibernetike se kishin mbyllur aksesin në IP-të dhe domain-et përkatëse deri më 13 mars.

Orkidea Xhaferraj, eksperte pranë Qendrës për Shkencë dhe Inovacion për Zhvillim, i tha BIRN-it se “ka shumë pak informacion publik mbi masat teknike që po ndërmerren lidhur me ndërprerjen e aksesit në platformën TikTok”.

“Në përgjigje të kërkesës sonë për informacion, Autoriteti Kombëtar për Sigurinë Kibernetike sqaroi se po përdoren metoda filtrimi të DNS-ve, IP-ve dhe SNI-ve – informacion i cili është bërë publik edhe nga mediat online”, tha Xhaferraj.

“Filtrimi i SNI-ve në shkallë kombëtare kërkon më shumë kohë për t’u zbatuar teknikisht dhe mund të kërkojë përdorimin e zgjidhjeve të caktuara harduerike dhe softuerike”, shtoi ajo.

Xhaferraj theksoi se është e rëndësishme që ky proces të jetë transparent, “duke qenë se vendimi për të bllokuar aksesin në TikTok në Shqipëri prek të drejtat dixhitale të qytetarëve, lirinë e shprehjes dhe aksesin në informacion”.

Kryeministri Edi Rama e propozoi për herë të parë ndalimin në dhjetor, një muaj pas vrasjes me thikë të një 14-vjeçari, pas një serie konfliktesh në rrjetet sociale.

Sipas Politico, pas vrasjes disa video në TikTok tregonin të rinj që shprehnin mbështetje për autorin e krimit. Megjithatë, TikTok i tha BIRN-it se nuk kishte prova që autori ose viktima kishin llogari në TikTok. Platforma tha se raportet sugjerojnë që videot për ngjarjen ishin postuar në një tjetër rrjet social dhe jo në TikTok.

Kryeministri socialist, në pushtet që nga viti 2013, këmbënguli se vendimi nuk ishte “i nxituar”, por bazohej në një anketim me rreth 65 mijë prindër, 90 për qind e të cilëve kishin kërkuar mbylljen e TikTok-ut.

Vendimi për të vendosur ndalimin është parë nga disa si një lëvizje populiste në prag të zgjedhjeve të majit në Shqipëri. Ai është kritikuar nga partitë opozitare, të cilat organizuan një protestë kundër ndalimit më 15 mars në Tiranë.

Daniel Prroni, studiues në Institutin për Demokraci dhe Ndërmjetësim, i tha BIRN-it se “mbyllja e TikTok nuk i zgjidh shqetësimet për rrjetet sociale, por mund t’i thellojë ato”.

“Zgjidhja më e qëndrueshme është përafrimi me Aktin për Shërbimet Dixhitale të BE-së, i cili forcon të drejtat e përdoruesve dhe vendos rregulla të qarta për moderimin e përmbajtjes. Institucionet duhet të përqendrojnë përpjekjet në këtë drejtim,” tha Prroni.

Dy organizata evropiane për lirinë e medias, Safe Journalists Network dhe Media Freedom Rapid Response, shprehën “shqetësim serioz” për vendimin e qeverisë shqiptare.

“Ne theksojmë se ndalimi total i një platforme përbën një kufizim ekstrem të të drejtës për lirinë e shprehjes dhe aksesin në informacion. Ndalimi i plotë i një platforme cënon proporcionalitetin, duke ndikuar te shprehja legjitime e të gjithë përdoruesve dhe duke kufizuar debatin publik dhe aksesin në burime të ndryshme informacioni,” thuhet në deklaratën e tyre.

“Zgjidhjet alternative të synuara, si moderimi i fortë i përmbajtjes, verifikimi i moshës dhe programet e avancuara të edukimit të përdoruesve, duhet të ishin eksploruar plotësisht para vendosjes së një ndalimi total. Natyrshëm, masa e përgjithshme krijon një precedent të rrezikshëm për ndërhyrje të tepruara të shtetit në të drejtat dixhitale,” shtuan ata.

Platforma kineze për ndarjen e videove është jashtëzakonisht e popullore në Shqipëri, me 1.53 milionë përdorues mbi moshën 18 vjeç që nga fillimi i 2024, sipas të dhënave të kompanisë mëmë ByteDance. Shqipëria ka një popullsi prej 2.4 milionë banorësh./ BIRN

The post Ndalimi kontrovers i TikTok-ut në Shqipëri ende nuk po funksionon plotësisht appeared first on Albeu.com.

Vendimi për mos lejimin e produkteve serbe është marrë më herët edhe nga ana e Doganës.

Rifat Zeka, Beqir Sefa dhe Mustafë Shemi janë policët të cilët dyshohet se janë rrëmbyer nga forcat serbe, ndërsa kanë qenë duke patrulluar në vendin e quajtur Tresave/Bare, në vijën kufitare në veri të Kosovës.

Në reagimin zyrtar të policisë së Kosovës theksohet se 3 efektivët janë rrëmbyer nga forcat serbe ndërsa kanë qenë në detyrë, duke patrulluar për të parandaluar shfrytëzimin e rrugëve ilegale nga grupet kriminale për kalim ilegal dhe kontrabandë.

The post Pas rrëmbimit të tre policëve, Kosova ndalon hyrjen e prodhimeve serbe në vend appeared first on Albeu.com.

Aleks Vishaj është justifikuar se nuk ka qenë drejtues i mjetit luksoz ‘Lamborghini’ në momentin që u xhirua video duke ecur me 305 km/h në tunelin e Kalimashit, ku rrezikuan jetën e të tjerëve.

“Nuk kam qenë unë drejtues mjeti në videon që është publikuar”, ka shkruar Vishaj.

Ndërkohë atij i është vendosur edhe gjobë në masën 1 milionë lekë të vjetra.

Rreth një javë më parë në tik-tok u pulikua një video ku Vishaj bashkë me reperin Clevio kanë qenë duke udhëtaur në Rrugën e Kombit me shpejtësi mbi 300km/h, ndërsa në sfond dëgjohen zërat si” Bravo Aleks, ule shpejtësinë o vlla se na vrave”.

The post Me shpejtësi mbi 300 km/h, çfarë tha në polici Aleks Visha appeared first on Albeu.com.

Nëse keni probleme me diarrenë, nuk keni pse merrni ilaçe, provoni këto 4 produkte dhe do të shpëtoni nga ky problem i bezdisshëm.

Xhinxheri përdoret zakonisht kur një person helmohet nga një ushqim, por ka gjithashtu efekt nëse përdoret për të ndaluar diarrenë. Ajo që duhet të bëni është thjesht të konsumoni pak mjaltë me pluhur xhinxheri dhe kjo përzierje do të ndihmojë stomakun të prodhojë lëngjet që promovojnë funksionet tretëse. Mund të pini gjithashtu çaj xhinxheri.

Një racion oriz i bardhë i zier plotësisht, pa kripë dhe yndyrë është po ashtu një zgjedhje shumë e mirë kur keni probleme me diarrenë.

Kosi është i pasur në probiotikë, baktere të mira që balancojnë pH e stomakut dhe nivelin e bakterve në zorrë.

iarreja mund të çojë në dehidratim të trupit, prandaj duhet të zëvendësoni sa më parë lëngjet e humbura. Nëse po pyesni veten përse supë dhe jo ujë, përgjigjja është shumë e thjeshtë: supa ka vlera ushqyese më shumë se uji, të cilat përmirësojnë tretjen dhe forcojnë sistemin imunitar./living

The post Pa ilaçe, këto 4 produkte ndalojnë diarrenë në mënyrë natyrale appeared first on Albeu.com.