Kjo ka bërë që të vijojnë reagimet lidhur me këtë çështje nga disa prej figurave publike, të cilët e cilësojnë këtë vendim si diskriminim ndaj grave.

Mbi këtë vendim ka reaguar edhe artistja shqiptare me famë botërore, e cila jeton dhe vepron në SHBA, Bebe Rexha.

Ajo ka bërë një reagim të ashpër në rrjetin social Twitter.

“Armët kanë më shumë të drejta se gratë në Amerikë për momentin”, shkroi 32-vjeçarja interpretuese e hitit “I’m a mess”, shkruan këngëtarja.

Më tej, ajo ka shpërndarë në Twitter edhe një thirrje, e cila është shndërruar në fushatë senzibilizuese, ku tregon rrugën se çfarë mund të bëjnë tani e tutje qytetarët kundërshtues të këtij vendimi.

Në letër thuhet se është mirë t’i bashkohen një proteste lidhur me këtë çështje, ato që duan të abortojnë të mbajnë pilula aborti me vete dhe të bëjnë kontrolle të rregullta, si dhe është mirë që të bëhet presion në qeveritë e shteteve përkatëse, që të bëhet thirrje për legalizim të abortit.

What we can do right now. pic.twitter.com/2POGr4QglE

— Bebe Rexha (@BebeRexha) June 24, 2022

The post Ndalimi i abortit në SHBA, reagon këngëtarja shqiptare: Armët kanë më shumë të drejta se gratë appeared first on Albeu.com.

Biden shprehu pasditen e së premtes pakënaqësinë e tij lidhur me këtë vendim të Gjykatës së Lartë të SHBA-ve.

Këtë ditë, kreu i Shtëpisë së Bardhë e cilësoi si veçanërisht të trishtuar si për drejtësinë ashtu edhe për Amerikën.

Në fjalën e tij, presidenti amerikan u kthye kundër qeverisë së mëparshme republikane, ndërsa ngriti çështjen e sigurisë së grave që do të “detyrohen të rrisin fëmijën e përdhunuesit të tyre”.

“Shëndeti i grave dhe i kombit tonë është në rrezik”, tha Biden, i cili po ashtu tha se ky vendim e kthen Amerikën 150 vjet prapa.

Kujtojmë se Gjykata e Lartë amerikane i ka dhënë fund mbrojtjes kushtetuese gati 50 vjeçare për abortin, një vendim i shumicës së saj konservatore për të përmbysur çështjen historike të gjykatës.

Vendimi i së premtes pritet të çojë në ndalimin e abortit në afërsisht gjysmën e shteteve amerikane. Vendimi, i paimagjinueshëm vetëm pak vite më parë, ishte kulmi i përpjekjeve prej disa dekadash të kundërshtarëve të abortit, i mundësuar nga një krah i guximshëm i djathtë i gjykatës që është forcuar nga tre anëtarët e saj të emëruar nga ish-presidentit Donald Trump.

Vendimi erdhi më shumë se një muaj pas rrjedhjes së informacionit për një draft-opinion nga gjyqtari Samuel Alito që tregonte se gjykata ishte e përgatitur për të ndërmarrë këtë hap të rëndësishëm.

Sipas sondazheve të opinionit, vendimi e vë gjykatën në kundërshtim me shumicën e amerikanëve që favorizojnë mbrojtjen e së drejtës së abortit.

The post Ndalimi i abortit, reagon Biden: Pse vendimi kthen SHBA-të 150 vite pas appeared first on Albeu.com.