Sipas Koçit, “zakonisht ajo mbjell frike dhe servilizem kudo ku e dergojne, ne detyra shteterore apo partiake”.

Në reagimin e tij në Facebook, Koçi shprehet se “korrupsioni nuk mund të fshihet pas festimeve apo ceremonive politike”, duke akuzuar drejtimin aktual për sjellje përçarëse dhe mungesë respekti ndaj figurave themeluese të partisë.

“Themeluesja e korrupsionit nuk mund te mos e ushtroje zanatin edhe ne nje ceremoni kremtimi te pervjetorit te themelimit te PS. Zakonisht ajo mbjell frike dhe servilizem kudo ku e dergojne, ne detyra shteterore apo partiake. Mbreme shfaqi edhe vesin e lig te percarjes se themeluesve te PS. Ca i ftoi, ca i harroi. Servilet dhe frikacaket rreth saj nuk bezane”, shkruan Koçi.

Ish deputeti i PS shprehet ndër të tjera se Balluku “performoi haptaz nje sjellje ordinere prej hakmarreseje”.

“Hierarkine e kontributeve te themelimit, modernizimit dhe fuqizimit te PS nuk e hedh dot askush ne koshin e plehrave. Aspak imazhi i nje individi qe frymezon protestat e pernatshme ne bulevardin e Tiranes dhe qe ushqen PD ne e Sali Berishes. Aspak njeriu qe ne zgjedhjet e Majit 25 i solli historise se PS turpin e vjedhjes se votave edhe brenda llojit, e verifikuar nga procesi i rinumerimit, apo skandalin e fallsifikimit te perberjes se listes fituese ne numerimin e pare te fleteve te votimit. Dhe kurre njeriu qe perfshiu ne listen e deputeteve pinjollet e atyre qe i bene nenen votave dhe sakrificave te socialisteve ne zgjedhjet e vijes se kuqe te vitit 96 apo te atyre qe hoqen mbathjet para grave te Libofshes”, shkruan ndër të tjera Koçi.

Nga; Petro Koçi

Bulevardi digjet, korrupsioni krihet.
Themeluesja e korrupsionit nuk mund te mos e ushtroje zanatin edhe ne nje ceremoni kremtimi te pervjetorit te themelimit te PS.

Zakonisht ajo mbjell frike dhe servilizem kudo ku e dergojne, ne detyra shteterore apo partiake.

Mbreme shfaqi edhe vesin e lig te percarjes se themeluesve te PS.

Ca i ftoi, ca i harroi. Servilet dhe frikacaket rreth saj nuk bezane.

Performoi haptaz nje sjellje ordinere prej hakmarreseje.

Hierarkine e kontributeve te themelimit, modernizimit dhe fuqizimit te PS nuk e hedh dot askush ne koshin e plehrave.

Aspak imazhi i nje individi qe frymezon protestat e pernatshme ne bulevardin e Tiranes dhe qe ushqen PD ne e Sali Berishes. Aspak njeriu qe ne zgjedhjet e Majit 25 i solli historise se PS turpin e vjedhjes se votave edhe brenda llojit, e verifikuar nga procesi i rinumerimit, apo skandalin e fallsifikimit te perberjes se listes fituese ne numerimin e pare te fleteve te votimit. Dhe kurre njeriu qe perfshiu ne listen e deputeteve pinjollet e atyre qe i bene nenen votave dhe sakrificave te socialisteve ne zgjedhjet e vijes se kuqe te vitit 96 apo te atyre qe hoqen mbathjet para grave te Libofshes.

Nuk e çrrënjosin dot historinë e themelimit te PS themeluesit e korrupsionit.

Si u be PS Fier kryeqytet politik.
Viti 92 ka qene vendimtar ne procesin e shnderrimit te PS ne nje organizate te forte dhe moderne.

Sfida ka qene se pari intelektuale dhe morale.

PS u kthye shume shpejt shpirt dhe ndergjegje politike e shoqerise fierake. Ndertuam nje parti qe i sherbente qytetareve si modeli i i ndershmerise shembullore dhe i demokracise se plote institucionale. Ata gjeten te PS ate qe u mungonte ne marredhenien e tyre me shtetin dhe pushtetin e kohes.

Tezat politike kerkonin argumentim bindes dhe te sinqerte.

Ne rrafshin organizativ nisem nje proces thuajse unik ne disa elemente.

E para e ngritem partine me grupe nismetare ne cdo njesi, kryesisht me kuadro te rinj qe nuk nuk vinin nga PP.

70% e anetaresise ishte komplet e re dhe pa lidhje me PP.

E dyta ne ndertuam organizata ne baze profesioni ku kontributi intelektual gjeti terren permbushes te aspiratave te qindra specialisteve qe vinin nga fusha te ndryshme te sistemit profesional. Organizatat e Specialisteve te Naftes, te Arsimit, te Shendetesise, te Kultures, te Bujqesise, te Financave dhe Ekonomise, te Biznesit etj u kthyen ne terrenin politik te perpunimit te argumentit, ideve dhe alternatives qeverisese.

Ne kuptuam shpejt nevojen e ngritjes se kapacitetit dhe instrumentit koordinativ ne territor prandaj ndertuam te paret keshillin zonal dhe ja propozuam si detyrim statutor Kryesise se PSSH.

Dokumentat publike, promemoriet, kerkesat publike, konunikatat e PS Fier kishin format europian.

Keto kontribute e bene PS Fier organizaten me te mire ne rang vendi.

Te mos harrojme qe kjo veprimtari shtrihej ne cdo njesi jo vetem te Fierit te sotem, por edhe te Mallakastres, Patosit dhe Roskovecit. Me pas Mallakastra u nda me vete.

Homazh per kontribuesit e shuar.
Ja vetem disa prej tyre. Fieraket mund te plotesojne emra te tjere ne komentet perkatese. Nese nuk kane frike nga kontrolloret hskmarres te pelqimeve ne fb.

Nikollaq Koshovari

Gjergji Kerri

Luan Rustemi

Halit Kacanolli

Tashko Lako

Mimi Dema

Thoma Meço

Islam Lala

Naun Prifti

Fadil Cepele

Vasillaq Popi

Idriz Kabashi

Ylli Islami

Tomott Demiri

Toli Shabani

Xhoxhi Marku

Musa Makashi

Fatmir Xhindi

Marianthi Poro

Elida Jano

Qiriako Decka

Kristofor Leka

Sokrat Pitushi

Sokrat Plaku

XhevairTahiri

Kujtim Meta

Ilirian Iliazi

Todi Dano

Engjell Beshaj

Ilir Dano

Fatbardha Kapaj

Artan Ferati

Ahmet Ismaili

Leta Zoto

Ilir Behaj

Kujtim Amoniku

Perparim Nallbani

Nardi Sauli

Kristofor Sinani

Sefefin Tafa

Nikollaq Hysi

Skender Duraj

Xhevit Duraj

Arian Koçi

E shume e shume te tjere.

Cfare duhet ndyshuar
Mendoj se duhet hequr dore nga perqendrimi i gjithe pushtetit ne duart e te deleguarve.

Te rritet pushteti i anetaresise ne vendimmarrjen politike.

Ne rang qarku te ngrihet me vendim Asambleje nje strukture kolegjiale qe diskuton dhe vendos per ceshtjet kryesore dhe zhvillimet politike ne nivel vendor.

Te zgjidhen ne krye te PS ne rang Bashkie njerez me personalitet dhe nepermjet nje procesi votimi.

Te ndalohet shoqerimi i te deleguarve me dhjetera drejtues administrate te dikastereve.

Sepse opinioni ngatërron patronazhistet me shoqëruesit e te deleguarve e kjo krijon keqkuptime dhe fyerje per te zgjedhurit e strukturave vendore.

Te lirohen nga pergjegjesia,e te deleguarit personat qe jane nen ndjekje penale.

Vetem nje trimeri duhet sot: te jesh i ndershem.

The post Petro Koçi shpërthen keq ndaj Belinda Ballukut: Bulevardi digjet, korrupsioni krihet, themeluesja e korrupsionit ushtroi zanatin në përvjetorin e PS, sjellje ordinere dhe… appeared first on Albeu.com.

Burime për News24, konfirmojnë se kontrollet janë bërë me vendim të GJKKO-së pas kërkesës së SPAK, dhe pjesë e kontrolleve kanë qenë edhe biznesmen, emrat e të cilëve mbeten të rezervuar. Deri tani nuk konfirmohet për masa sigurie.

Balluku akuzohet për paracaktimin e garës për tenderin e ndërtimit të tunelit të Llogarasë, por edhe për dosjen e Unazës së Madhe.

Ajo është marrë e pandehur nga Prokuroria e Posaçme Anti Korrupsion më 3 nëntor.

Balluku u mor e pandehur nga Prokuroria e Posaçme, në lidhje me procedurën e prokurimit të Tunelit të Llogarasë, një projekt që i ka kushtuar qytetarëve 22 miliardë lekë, ose rreth 220 milionë euro.

Në fillim nuk pati masë sigurie ndaj Ballukut por në ditët në vijim, zëvendëskryeministrja u mor e pandehur jo vetëm për Tunelin e Llogarasë, por edhe për disa procedura te tjera prokurimi për projektin e Unazës së Madhe të Tiranës.

Gjykata e Posaçme urdhëroi pezullimin e saj nga detyra, masë të cilën Rama e kundërshtoi në Gjykatën Kushtetuese. Kjo e fundit vendosi shfuqizimin e përkohshëm të masës dhe njoftoi shqyrtimin e çështjes në themel në 22 janar.

Ndërkohë Prokuroria e Posaçme, ka kërkuar autorizim nga Kuvendit për heqjen e mandatit, për t’i hapur rrugë arrestimit të saj.

Por kjo procedurë po zvarritet nga mazhoranca, e cila thotë se nuk do ta shqyrtojnë derisa Gjykata Kushtetuese ta trajtojë çështjen në themel.

The post Hetimet për Ballukun/ SPAK urdhëron kontrolle për personat e lidhur me zv.kryeministren, mes tyre edhe biznesmenë appeared first on Albeu.com.

Balluku ishte shfaqur vetëm duke hyrë në zyrën e Këshillit të Ministrave, ndërkohë që SPAK avancoi me akuzat ndaj saj, duke i kërkuar heqjen e imunitetit të deputetes në Parlament dhe hapjen kështu të rrugës për ta arrestuar.

Edhe pse publikimi i akuzave zyrtare të SPAK për vjedhje të 50 milionë eurove me tunelin e Llogarisë, apo abuzimi me të gjitha tenderat e loteve të Unazës së Madhe, ka trazuar opinionin publik dhe të shumtë janë ata që kërkojnë largimin e saj, por zv.kryeministrja vazhdon të qëndrojë në zyrë.

Një ditë më parë Balluku ka postuar një mesazh dhe disa foto në Facebook, teksa thekson se ka festuar Krishtlindjen, duke bërë vizita në shtëpinë e disa familjeve në Lushnje.

Por ajo që bie në sy janë mesazhet e revoltës së komentuesve të Ballukut. Me herët në rrjetet e saj, “patronazhistët” e ministrisë nuk lejonin asnjë koment negativ ndaj numrit dy të qeverisë, por me gjasa tani situata u ka dalë jashtë kontrollit.

Revolta duket se është më e madhe dhe nuk menaxhohet dot as fshirja e komenteve që kërkojnë largimin e Belinda Ballukut. Në një vëzhgim të profilin e saj zyrtar, qytetarët kërkojnë largimin e saj duke i shkruar: “Dhurata më e bukur që do ti bëjë të gjithë Shqiptarëve do të kishte qenë të kishe dorëzuar mandatin e deputetit”

Një tjetër i shkruan “shfrytëzoji edhe këto festa se të është ngushtuar laku”.

“Pse mos të jesh e lumtur ti mi hajdute gjithë ato lekë që ke vjedhur ti, ah mos i honksh o femër me fjalor rrugaçe apo ashtu je rrugaçe. Ik mos zhargavinë se na e ke shpifur me atë fjalor rruge, palloshin ku e ke o tip”, shkruan një tjetër komentues.

“Gëzimi më i madh është kur grabit lekët e shqiptarëve, ke surrat ti ordinere del e bën mora”, shkruan i irrituar një tjetër komentues.

“Je fiks si Ali Baba me 40 hajdutët, shpresoj që të kënaqen rojet e burgut të grave Ali Demi kur te vesh”.

“Dhurata më e bukur që do ti bëjë të gjithë Shqiptarëve do të kishte qenë të kishe dorëzuar mandatin e deputetit, të ishe në dispozicion të drejtësisë, atëherë do të besonim, po jeni soji i Enver Dullës, vetëm vazhdoni me e rrepur atë popull servil se gjithmonë do t’ju brohorasin parti Enver jemi gati kurdoherë”, shkruan komentuesi tjetër.

“Sikur ta kishe fjalorin korrekt edhe kur flet me bashkëpunëtorët në telefon do ishte një mrekulli”, i shkruan një ndjekës./Panorama

The post E akuzuar për vjedhjen e miliona eurove, qytetarët të revoltuar shpërthejnë keq ndaj Belinda Ballukut: Hajdute që del e bën moral, të është ngushtuar laku (MESAZHET) appeared first on Albeu.com.

Gjithashtu, Prokuroria e Posaçme, thekson se Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”.

Më herët, Balluku është marrë e pandehur nga SPAK për tenderin e tunelit të Llogarasë dhe atë të Unazës së Madhe, një aferë kjo me vlerë 210 mln euro.

Njoftimi i plotë i SPAK:

Prokuroria e Posaçme kundër Korrupsionit dhe Krimit të Organizuar, mbështetur në nenet 73, 95 dhe 103 të Kushtetutës së Republikës së Shqipërisë, nenin 288 të Kodit të Procedurës Penale, si dhe në nenet 13 dhe 118 të Rregullores së Kuvendit të Republikës së Shqipërisë, në kuadër të procedimit penal nr. 136 të vitit 2025, ka paraqitur kërkesë për dhënien e autorizimit nga Kuvendi i Republikës së Shqipërisë për arrestimin/ heqjen e lirisë së deputetit/ministrit/zëvendëskryeministrit:

Belinda Balluku, lindur dhe banuese në Tiranë, e cila ushtron funksionet e deputetit, ministrit dhe zëvendëskryeministrit të Republikës së Shqipërisë.

Kjo shtetase është marrë në cilësinë e të pandehurit në kuadër të procedimit penal nr.136 të vitit 2025, pasi akuzohet për kryerjen e veprës penale:

“Shkelja e barazisë së pjesëmarrësve në tendera apo ankande publike”, e kryer në bashkëpunim, e parashikuar nga nenet 258/2 dhe 25 të Kodit Penal, në lidhje me procedurën e prokurimit me objekt “Ndërtimi i tunelit të Llogarasë”.

Gjithashtu, shtetasja Belinda Balluku, ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt:

“Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”;

“Ndërtimi i segmentit rrugor Sheshi Shqiponja-Bulevardi i Ri, Loti 2”;

“Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”;

“Ndërtimi i Unazës së Jashtme Tiranë, Loti 4”;

“Ndërtim i Unazës së Jashtme Tiranë, Loti 5”;

“Ndërtim i Unazës së Jashtme Tiranë, Loti 6”;

“Ndërtim i Unazës së Jashtme Tiranë, Loti 7”.

Kjo kërkesë ka për qëllim marrjen e autorizimit nga Kuvendi për procedimin e mëtejshëm ligjor.

The post SPAK akuza të reja ndaj Belinda Ballukut, nën hetim edhe për 7 tendera të tjerë appeared first on Albeu.com.

Akuza është korrupsion dhe ndikim i paligjshëm ndaj zyrtarëve të lartë dhe kallëzuesja kërkon nisjen e hetimeve ndaj disa zyrtarëve të lartë, përfshirë Belinda Ballukun dhe Ceno Klosin.

Sipas kallëzimit, kompanitë e lidhura me personat e kallëzuar, si “ORHER” sh.p.k dhe “SEAN” sh.p.k, dyshohet se kanë qenë pjesë e një skeme financiare të dyshimtë, me fitime të paligjshme dhe shpërdorim detyre, për të favorizuar interesat e personave të caktuar.

Dokumenti përmend edhe përfitime të dyshimta të aksioneve, huamarrje dhe marrëveshje biznesi midis të kallëzuarve dhe personave të lidhur me ta.

Kalaja kërkon gjithashtu hetim pasuror, pezullim nga detyra të zyrtarëve të akuzuar, si dhe sekuestrim të dokumentacionit dhe aparaturave elektronike, për të garantuar ruajtjen e provave.

Në kallëzim theksohet se veprimet e dyshuara përbëjnë vepra penale të tilla si; “Ushtrimi i ndikimit të paligjshëm”, “Shpërdorimi i detyrës”, “Përfitimi i paligjshëm i interesave” dhe përfshirja në organizata kriminale, të gjitha kryer në rrethana rënduese dhe në bashkëpunim.

SPAK njoftoi se ka regjistruar procedimin penal për hetime të thelluara mbi këto akuza dhe për të identifikuar të gjithë personat e përfshirë, pavarësisht funksionit që mbajnë.

Kallëzimi për “shpërdorim detyre” dhe “shkelje e barazisë në tendera”

Adriana Kalaja ka publikuar edhe emrat e kompanive e administratorët e tyre të cilët rezultojnë persona me lidhje familjare me Belinda Ballukun dhe Ceno Klosin, por që janë përfitues të tenderave dhe projekteve miliona euro.

Kalaja i kërkon drejtuesit të Prokurorisë së Posaçme, Altin Dumani se; “me hetimin e paanshëm dhe të drejtë do zbardhni të vërtetën e kësaj vepre kriminale të kallëzuar prej meje, duke çuar përpara Gjykatës së Posaçme të gjithë personat përgjegjës pavarësisht funksionit që mbajnë”.

“Shtetasit e kallëzuar nga ne si dhe ata të paidentifikuar por që do të rezultojnë pas hetimit Tuaj, evidentohen se kanë konsumuar të gjithë elementët e veprave penale si: “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal, “Shpërdorimi i detyrës”, parashikuar nga neni 248 i Kodit Penal, “Kryerja e veprimeve arbitrare”, parashikuar nga neni 250 i Kodit Penal, “Përfitimi i paligjshëm i interesave”, parashikuar nga neni 257 i Kodit Penal, “Shkelje e barazisë në tendera”, parashikuar nga neni 258 i Kodit Penal, “Korrupsioni pasiv i personave qe ushtrojnë funksione publike” parashikuar nga neni 259 i Kodit Penal, “Korrupsioni pasiv i funksionareve te lartë shtetërorë ose i te zgjedhurve vendore”, parashikuar nga neni 260 i Kodit Penal, “Pastrimi i produkteve të veprës penale”, parashikuar nga neni 287 i Kodit Penal, “Organizata kriminale” parashikuar nga neni 333 i Kodit Penal, “Grupi i strukturuar kriminal” parashikuar nga neni 333/a i Kodit Penal, “Kryerja e veprave penale nga organizata kriminale dhe grupi i strukturuar kriminal”, parashikuar nga neni 334 i Kodit Penal, të gjitha të kryera në në “Rrethana rënduese”, parashikuar nga neni 50 i Kodit Penal dhe në bashkëpunim parashikuar nga neni 25 i Kodit Penal”, thuhet në kallëzimin e Adriana Kalasë.

Ajo i kërkon SPAK nisjen e hetimeve për personat e mëposhtëm: 

Kallëzimi në SPAK

OBJEKTI:

Fillimin e ndjekjes penale për shtetasit e mësipërm si dhe çdo person të paidentifikuar prej nesh, por që do rezultojë nga hetimi Juaj, për kryerjen e veprave penale të: “Ushtrimi i ndikimit të paligjshëm ndaj personave që ushtrojnë funksione publike”, parashikuar nga neni 245/1 i Kodit Penal, “Shpërdorimi i detyrës”, parashikuar nga neni 248 i Kodit Penal, “Kryerja e veprimeve arbitrare”, parashikuar nga neni 250 i Kodit Penal, “Përfitimi i paligjshëm i interesave”, parashikuar nga neni 257 i Kodit Penal, “Shkelje e barazisë në tendera”.

5. Kërkojmë nga ju kryrjen e disa veprimeve hetimore urgjente para se rasti të bëhet publik dhe të zhduken provat:

a. administrimin e të gjithë dokumentacionit fiskal si pranë shoqërive të kallëzuara si dhe pranë administratës Tatimore;

b. Sekuestrimin e telefonave celularë dhe pajisjeve të tjera elektronike pranë zyrave të subjekteve të kallëzuara;

c. administrimin e të dhënave të sistemit TIMS të shtetasit Julian Dhima dhe bashkëshortes së tij;

d. aministrimin e të dhënave financiare të këtyre shtetasve pranë organeve kompetente në shtetin Italian për burimin e të ardhurave për blerjen e aksioneve në vlerën 15.000.000 lekë;

e. analizimin e librave të shitjes/blerjes për kompanitë e kallëzuara pasi normat e fitimit janë shumë të larta duke ngritur dyshimin për fiktivitet dhe pastrim parash;

f. administrimin e dosjes së aplikimit për parkun fotovoltaik pranë Ministrisë së Infrastrukturës dhe Energjisë, AZHT dhe KKT;

g. administrimin e dosjes pranë Bashkisë Fier për dhënien me qera të tokës publike;

h. Marrja në pyetje e shtetasit Mirel Mjekra nëse njihet me shtetasin Mired Reçi dhe a ka qenë ky i fundit lidhja me vëllezërit Klosi, gjatë kohës që ky ka punuar si këshilltar i Drejtorit të Përgjithshëm të Tatimeve. Pasi nga Informacionet tona Mired Reçi është kunati i shtetasit Arbër Abazi;

The post SPAK regjistron procedim penal ndaj Belinda Ballukut dhe Ceno Klosit/ Kallëzimi: Familjarë dhe të afërm përfitues të tenderave e projekteve miliona € (DOKUMENTI) appeared first on Albeu.com.

“Materiali kallëzues shtesë ardhur dhe protokolluar më datë 16.09.2025, në lidhje me këtë kallëzim është administruar në kuadër të procedimit penal Nr.95, viti 2025.

Ky procedim penal është në fazën e hetimeve paraprake”, thotë SPAK.

Regjistrimi u bë pas kallëzimit të Adriana Kalasë, në lidhje me “shpërdorim detyre” dhe “shkelje e barazisë në tendera”.

The post SPAK regjistron procedim penal ndaj Belinda Ballukut dhe Ceno Klosit appeared first on Albeu.com.

Gazetarja Klodiana Lala, raporton se akuza është dy herë per shkelje e barazisë në tendera, për tunelin e Llogarasë dhe lotin 4 të Unazës së Madhe.

Gjykata e Posaçme Antikorrupsion, ka vendosur sot 2 masa sigurie ndaj zëvendëskryeministres Belinda Balluku, pezullim nga detyra dhe ndalim i daljes jashtë vendit.

Zv.kryeministrja dhe Ministrja e Infrastrukturës, Belinda Balluku, u mor zyrtarisht e pandehur për shkelje të barazisë në tendera publike në 31 tetor 2025. Hetimi lidhet me procedurën e tenderit për Ndërtimin e tunelit të Llogarasë, në seksionin rrugor Orikum-Himarë, pjesë e autostradës SH8 (Vlorë-Sarandë). Tenderi fillimisht u hap më 11 dhjetor 2020, u anulua dhe u rihap më 22 qershor 2021, me fond limit 18,967,810,952.08 lekë pa TVSH.

Hetimi ka nisur pas një kontrolli në banesën e ish-Drejtorit të ARRSH-së, Evis Berberi, nga oficerët e Byrosë Kombëtare të Hetimit në shkurt 2024, ku u sekuestruan telefona, pajisje kompjuterike dhe dokumente. Ekspertimi i këtyre pajisjeve ka mundësuar rikuperimin e komunikimeve të Berberit dhe bashkëshortes së tij, Adela Ruko, të cilat sollën më pas krijimin e një dosjeje që lidhet edhe me kryetarin e Bashkisë Shkodër, Benet Beci, dhe përfshirjen e Ballukut në hetime.

Mësohet se Balluku ka rënë në rrjetën e komunikimeve me vartësin e saj Ervis Berberi gjatë kohës kur ai drejtonte ARRSH-në, ndërsa roli i saj në paracaktimin e fituesve të tenderave publikë mbetet objekt hetimi.

Tenderi i tunelit të Llogarasë, i hapur nga ministria e Infrastrukturës në 1 dhjetor 2021, u fitua në mars 2022 nga bashkimi i kompanive “Hill International N.V” dhe “Net-Group”, pasi kompanitë “Stucky L.T.D” dhe “Gjeokonsult & CO” u skualifikuan për shkelje të kushteve të tenderit. SPAK dyshon se kjo skualifikim mund të ketë qenë i qëllimshëm për favorizimin e fituesve, për shkak të lidhjeve mes Berberit, biznesmenit Valter Begaj dhe ministres Belinda Balluku.

Hetimet kanë përfshirë gjithashtu tërheqjen e dokumenteve nga ARRSH për praktikën e prokurimit që lidhet me mbikëqyrjen e punimeve në tunelin e Llogarasë, si dhe verifikimin e aksioneve të kompanisë “Net-Group”, të cilat më 4 dhjetor 2024 iu dhuruan bashkëshortes së Valter Begajt, Loreta Vallja.

The post Jo vetëm tuneli i Llogarasë, Prokuroria e Posaçme ngre akuzë të re ndaj Belinda Ballukut appeared first on Albeu.com.

Ai tha se pas “5D” të Bashkisë së Tiranës, sot kemi “5B”.

Sipas tij, Balluku ndërton rrugë me 3-fishin e kostos së vendeve të Bashkimit Europian.

“Në programin e PD, parashikojmë një çati për çdo çift. Të rinjtë largohen se nuk përballojnë dot jetesën. Ata që do nisin jetën bashkëshortore, do të marrin 30 mijë euro me zero përqind interes. Nëse një çift ka 3 fëmijë, do u falen 30 mijë euro. Duhet të shtojmë popullsinë në vend. Në 10 vitet e fundit, kemi humbur 40 përqind të popullsisë. Programi i PD është që rroga minimale do jetë 500 euro dhe mesatarja 1200 euro. Rama s’ka mbajtur asnjë premtim, se tha legalizimi falas, shëndetësia falas. Pas 12 vitesh, Rama vazhdon me të njëjtat premtime. Belinda Balluku ndërton rrugë me 3-fishin e buxhetit të BE-së. Pas 5D të Veliajt, sot kemi 5B të Ballukut”, tha Këlliçi.

Më tej, Këlliçi nënvizoi se Shqipëria është vend i bekuar nga Zoti dhe i mallkuar nga vjedhjet.

“Qytetarët janë të interesuar për programin. Edhe në SHBA, një pjesë e shqiptarëve atje planifikojnë që kur të jenë në pension, të vijnë në Shqipëri. Kjo, sepse Shqipëria është vend i bekuar, por jemi të vjedhur. Flitet për Europë dhe nuk kemi rrugë, ujë e drita. Vjedhja që ka ndodhur në 12 vite është e paprecedentë dhe nga shëndetësia falas kaluam tek Ilir Beqaj e Vilma Nushi. Këto janë të vërtetuara nga SPAK, që ne e kritikojmë, që ne themi se nuk po bën punën. Ne jemi të gjithë njësha, përfaqësojnë PD-në. Mua më intereson fitorja e PD dhe më intereson rezultati i Partisë Demokratike në Qarkun e Tiranës”, deklaroi ai.

The post Pas “5D” të Veliajt, sot kemi “5B”/ Këlliçi akuza të forta ndaj Belinda Ballukut: Ndërton rrugë me 3-fishin e kostos të vendeve të BE-së appeared first on Albeu.com.