Bota e futbollit është tronditur nga lajmi për ndarjen nga jeta të Franco Baresit, ish-kapitenit të Milanit dhe kombëtares italiane. Ai konsiderohet një prej mbrojtësve më të mirë të të gjitha kohërave dhe ndër figurat më të rëndësishme në historinë e këtij sporti.

Baresi u shua në moshën 66-vjeçare, pas një përballjeje të gjatë me një sëmundje të rëndë në mushkëri. Për shkak të saj, ai iu nënshtrua edhe një ndërhyrjeje kirurgjikale vitin e kaluar, por nuk mundi ta fitonte betejën.

Vdekja e legjendës italiane ka shkaktuar dhimbje të madhe në familjen e futbollit. Ndërkohë, mijëra tifozë kanë filluar të grumbullohen në stadiumin San Siro për t’i dhënë lamtumirën e fundit.

AC Milani, klubi ku Baresi ndërtoi statusin e tij si legjendë, reagoi me këtë mesazh: “Historia e AC Milanit vajton ndarjen nga jeta të Franco Baresi. Shembulli i tij personal dhe gjurma që la do ta shoqërojnë klubin përgjithmonë”.

The post Futbolli botëror në zi, shuhet në moshën 66-vjeçare ikona e Milanit, Franco Baresi appeared first on Albeu.com.

Një humbje e parakohshme ka tronditur botën e sportit në Shqipëri. Artan Pogoni, një figurë e njohur e volejbollit, u nda nga jeta këtë të martë në Vlorë, pas një arresti të papritur kardiak në moshën 54-vjeçare.

Pogoni kishte lënë gjurmë të thella fillimisht si lojtar dhe më pas në rolin e trajnerit, duke udhëhequr skuadrën e vajzave të Barleti Volej drejt fitimit të titullit kampion dhe Kupës së Shqipërisë.

Sipas burimeve, ngjarja fatale ndodhi teksa ai po shijonte ditët e pushimit në zonën e Radhimës. Ai u dërgua me urgjencë nga autoambulanca lokale drejt Spitalit Rajonal të Vlorës, por fatkeqësisht mbërriti në spital pa shenja jete. Personeli mjekësor dyshon se shkaku i vdekjes ishte një krizë e rëndë kardiake.

The post Volejbolli shqiptar humb një kampion, ndahet nga jeta në moshën 54-vjeçare trajneri Artan Pogoni appeared first on Albeu.com.

Presidenti i Skënderbeut, Ardian Takaj, po përjeton një ditë të rëndë, pasi ka humbur nënën e tij, e cila është ndarë nga jeta sot, duke lënë pas dhimbje të madhe në familje.

Lajmi është bërë i kuptueshëm fillimisht në mënyrë të tërthortë nga vetë Takaj, i cili vendosi në foton e profilit një fjongo të zezë. Më pas, kreu i klubit korçar publikoi në “Story” edhe një foto pranë nënës së tij.

Vlen të kujtohet se vetëm një vit më parë, presidenti i Skënderbeut humbi edhe të atin, Petrit Takajn. Sot, Ardian Takaj dha lajmin e hidhur edhe për humbjen e nënës së tij, një tjetër goditje e rëndë për familjen.

The post Ardian Takaj në zi, presidenti i Skënderbeut humb nënën appeared first on Albeu.com.

“Vdiq babai i Ilirit, e morët vesh”, dëgjohet ti thotë Kryemadhi gazetarëve.

Ndërkohë nga Drejtoria e Burgjeve, konfirmojnë gjithashtu se Meta do të lejohet të marrë pjesë në ceremoninë e përcjelljes së të atit, për në banesën e fundit.

Sipas të njëjtave burime, ish-presidenti pritet të shoqërohet nesër drejt fshatit Çepan në Skrapar.

Mësohet se leja për Ilir Metën është miratuar nga Prokuroria e Posaçme, ndërkohë autoritetet kanë marrë masat për realizimin e shoqërimit në përputhje me procedurat përkatëse.

The post Ndahet nga jeta në moshën 83-vjeçare babai i Ilir Metës appeared first on Albeu.com.

Njoftimi:

Njoftojmë se sot, më datë 23.4.2026 është ndarë nga jeta dhe është varrosur Rexhep Qosja.

Varrimi u zhvillua në praninë e anëtarëve të ngushtë të familjes.

Me dëshirë të të ndjerit, nuk do të organizohet ceremoni pritjeje nga familja.

Familja nuk do të marrë pjesë në organizime institucionale.

Lusim që privatësia jonë të respektohet dhe të na mundësohet të mbajmë zi në qetësi!
Ndërron jetë në moshën 89-vjeçare Rexhep Qosja.

vijon…

The post E trishtë/ Ndahet nga jeta në moshën 89-vjeçare akademiku Rexhep Qosja appeared first on Albeu.com.

Mazrreku ka eksperiencë në administratë dhe në fushën ligjore, ndërsa aktualisht është edhe anëtar i këshillit drejtues të Portit të Durrësit dhe ushtron profesionin e avokatit.

Më herët, ai ka drejtuar për rreth 8 vite Njësinë Administrative nr. 6.

Prezantimi i tij u bë nga Adriatik Kupi, në kuadër të ndryshimeve në drejtimin e institucioneve të vuajtjes së dënimit.

Mazrreku zëvendëson në këtë detyrë Edmond Llabanin, i cili ka qenë i komanduar si drejtor i Burgut të Durrësit që prej 15 janarit dhe ndërroi jetë në fillim të këtij muaji, pas një sëmundjeje të rëndë.

The post Edmond Llabani u nda nga jeta pas një sëmundje të rëndë, emërohet drejtori i ri i burgut të Durrësit appeared first on Albeu.com.

Maloku, student i dalluar dhe inxhinier i talentuar, vuajti padrejtësisht 9 vite në burgjet e Burrelit dhe Spaçit, pas një gjyqi të montuar nga regjimi komunist, duke u akuzuar si spiun dhe agjent i huaj.

Ai ishte një qendrestar antikomunist dhe bashkëvuajtës me figura të shquara si Dom Simon Jubani, At Zef Pllumi dhe Kardinal Ernest Simoni.

“Jeta dhe tregimi i Saimir Malokut janë dëshmi të gjalla të mizorisë dhe dhunës së diktaturës komuniste. Ai përfaqëson rezistencën dhe guximin e shqiptarëve për liri dhe dinjitet” shprehet Besim Ndregjoni, President i Unionit Mbarkombëtar për Integrimin e Burgosurve dhe Përndjekurve Politik të Shqipërisë.

Saimir Maloku do të mbahet mend si një intelektual i shquar, një inxhinier i talentuar dhe një qytetar që luftoi për lirinë e medias dhe të qytetarëve gjatë një periudhe të errët të historisë shqiptare.

Reagimi i plote i Besim Ndregjonit

U SHUA INGJ. SAJMIR MALOKU, ISH-I BURGOSUR POLITIK BURREL-SPAÇ!

U nda nga ne bashkëvuajtësit e tij, nga Tirana e dashur, tiranasi inxhinier Sajmir Maloku, ai që i solli Tiranës me shpikjen e tij Kanaçen, kur qytetarët e Tiranës shihnin kanalet televizive italiane! U shua studenti që mbaroi me medalje ari arsimin e lartë, inxhinieri i talentuar që e nisi jetën e tij me dije dhe në fund regjimi diktatorial e burgosi në Burrel dhe Spaç! Tirana ka një intelektual më pak, një qendrestar antikomunist më pak, një tiranas të mirë e të ditur më pak! Ai që u printe para bashkëvuajtësve të vet në shkurt të ’91 në rrëzimin e monumentit të diktatorit!

Saimir Maloku sot përbën një dëshmi të gjallë të vuajtjes dhe mbijetesës në ferrin komunist shqiptar. Maloku, me ekzistencën dhe tregimin e ferrit të tij, përpiqet të na rrëfejë e dëshmojë mizorinë e komunizmit, pashpirtmërinë, ligësinë, çmendurinë, paligjshmërinë e sistemit, torturën e dhunën dhe mbi të gjitha ashpërsinë e egërsinë deri në kafshëri të sistemit komunist që tmerroi shqiptarët për 50 vjet.

Saimir Maloku u akuzua prej regjimit komunist si spiun i 17 vendeve kapitaliste dhe agjent i anglezëve në veçanti. Me profesion inxhinier elektronik në ushtri, Saimir Maloku u përndoq, u hetua, u shantazhua nga 120 spiunë dhe bashkëpunëtorë të Sigurimit të Shtetit dhe 9 hetues të regjimit. Saimir Maloku vuajti 9 vjet në burgjet më të egra dhe më të frikshme të diktaturës.

Përveç dënimit, Maloku familjarisht vuajti po kaq vite survejim, gjurmim, përgjime dhe inskenime nga Sigurimi i Shtetit, bisha e tmerrshme që mbante në këmbë diktaturën staliniste nëpërmjet frikës, panikut, përndjekjes, dhunës, arrestimeve dhe tmerrit që ajo shkaktonte ngado. Pas gjyqit të fals, Saimir Maloku u mbajt për 200 ditë nën tokë, nën ujë e baltë, i fshehur prej komunistëve, në një kohë që familja e kërkonte në të gjitha burgjet e Shqipërisë.

Saimir Maloku u burgos për 9 vite nga ish-Sigurimi i Shtetit nën akuzën e agjitacionit dhe propagandës për shkak të shpikjes së një pajisjeje Kanoçe që shërbente si antenë televizioni për të parë stacione të huaja, për të cilat komunizmi i ndalonte rreptësisht. Në komunizëm duhej parë dhe ndjekur vetëm ato që thoshte Partia e Punës. Çdo tentativë tjetër të dërgonte direkt në burg. Nëse nuk i bindeshe partisë, ishe armiku më i poshtër i klasës dhe pushtetit, partisë e popullit.

Komunizmi kontrollonte gjithçka e çdo gjë, deri edhe te shijet e njerëzve. Gjithçka që nuk mirtohej nga partia-shtet shpallej e ndaluar, e rrezikshme dhe e dënueshme. Bashkëvuajtës të Saimir Malokut ishin Dom Simon Jubani, At Zef Pllumi, Imzot Frano Ilia, Dom Ndoc Sahatçija, Kardinal Ernest Simoni, Kardinal Mikel Koliqi, Dom Nikollë Mazreku etj. Dëshmi persekutimi në ferrin komunist si e Saimir Malokut e shumë shqiptarëve që vuajtën padrejtësisht janë pasqyrë e errët e tmerrit diktatorial.

Nxjerrja në dritë e kësaj errësire makabre është një çlirim jo vetëm për shpirtin e atyre që vdiqën, por edhe të atyre që qëndruan heroikisht si Saimir Maloku e mijëra bashkëvuajtës të kohës!

Lamtumirë mik, bashkëvuajtës qendrestar, Sajmiri ynë!

Besim Ndregjoni
President i Unionit Mbarkombëtar për Integrimin e Burgosurve dhe të Përndjekurve Politik të Shqipërisë

The post U burgos padrejtësisht nga regjimi komunist, ndërron jetë inxhinieri Saimir Maloku appeared first on Albeu.com.

Lajmin e trishtë e ka dhënë pasditen e kësaj të marte gazetari vlonjat, Ergys Alushi, i cili ka njoftuar se aktorja e cila sfidoi kohën ka mbyllur sytë përgjithmonë, duke lënë kështu në dhimbje familjarët, qytetarët e Vlorës, por dhe të gjithë shqiptarët të cilët ndoqën artin e saj.

“Ndahet nga jeta Meliha Ferra.Një nga themelueset e estradës profesioniste të Vlorës. Një nga aktoret e shfaqjes së parë të estradës “Kalon turjela nëpër bucela”. Një nga vajzat e para të Vlorës që theu paragjykimet e kohës duke u aktivizuar dhe luajtur në skenën e teatrit të qytetit. Meliha Ferra ishte bashkëshortja e aktorit të njohur të humorit, Myqerem Ferra, duke krijuar së bashku një çift simpatik për publikun vlonjat. Vlora humbi sot një figurë ikonike të historisë së saj, artistike e qytetare”, shkruan gazetari.

Meliha ishte një nga aktoret e para që ngjiti skenën me shfaqjen “Kalon turjela nëpër bucela”, duke hapur rrugën për artin e humorit në qytet në një kohë kur vajzat rrallë guxonin të ngjiteshin në skenë dhe të dilnin në dritat e forta të reflektorëve.

Mehila Ferra, arriti që për vite me radhë të fitonte zemrat e publikut, por edhe respektin e kolegëve.

Përkrah bashkëshortit të saj, aktorit të mirënjohur të humorit Myqerem Ferra, formuan çiftin simpatik, të cilët u dhuruan shqiptarëve buzëqeshje dhe emocione për vite me radhë.

The post E trishtë, ndahet nga jeta aktorja e njohur shqiptare (FOTO) appeared first on Albeu.com.

Më parë ka luajtur edhe për Laçin dhe Tomorrin. Gjatë sezonit 1995-96, Çuko mori “Këpucën e Artë” në Shqipëri pasi shënoi 21 gola, 5 me beratasit dhe 16 me kurbinasit.

The post E trishtë/ Ndahet nga jeta ish-sulmuesi shqiptar (FOTO) appeared first on Albeu.com.

Ai do të mbushte 87-vjeç të shtunën. Pizzul është një emër dhe zë i njohur në Shqipëri, kjo pas viteve 1990 kur televizionet italiane ishin “dritarja” jonë për në Evropë.

Pizzul ishte zëri i netëve magjike të Botërorit 1990 dhe i ngjarjeve më historike që shënuan futbollin në Itali. “Robertobaggiooooo” i tij hyri në zemrat e të gjithëve.

Ai mbuloi ndeshjet e Italisë për 16 vjet, nga 1986 deri në 2002, e fundit prej të cilave ishte Itali-Slloveni më 21 gusht 2002, një miqësore e luajtur në Trieste dhe e humbur 1-0 nga të kaltrit.

Bruno komentoi ndeshjet e kombëtares së Italisë në pesë Kupat e Botës, katër Kampionatet Evropiane dhe në të gjitha ndeshjet kualifikuese të Kupës së Botës dhe Kampionatit Evropian, me përjashtim të finales së vendit të tretë në Itali ’90 (vetëm sepse ishte i zënë në ndeshjen e titullit të nesërmen në ‘Olimpico’).

Karriera – Komenti i tij i parë ishtë më 8 prill 1970 (në Rai që nga 1969), luhej Juventus – Bologna, play-off i Kupës së Italisë në terren neutral në Como, filloi në minutën e 16-të sepse ai mbërriti me vonesë.

Në vitin 1972 ai mbuloi finalen e parë ndërkombëtare, Kampionatin Evropian të fituar nga Gjermania Perëndimore ndaj BRSS 3-0.

Në vitin 1973 ai ishte zëri i suksesit të Milanit në Kupën e Kupave. Komentet e tij të fundit ndërkombëtare ishin në vitin 1999 (Lazio në Kupën e Kupave dhe Parma në Kupën UEFA).

Ai ishte gjithashtu komentuesi i finales së Kupës së Kampionëve të Juventusit, kur ndodhi fatkeqësia ‘Heysel’ më 29 maj 1985.

Në vitet kur Seria A dominonte Evropën dhe skuadrat italiane ishin thuajse në çdo finale, ai ishte aty. Pizzul ishte gjithashtu mikpritës i ‘Domenica Sportiva’, si dhe ‘Sport Sera’, ‘Domenica Sprint’ nga 1976 deri në 1990.

The post E trishtë/ Ndahet nga jeta ikona e gazetarisë sportive appeared first on Albeu.com.