Për Kosovën, anëtarësimi në NATO është çështje e sigurisë afatgjatë, paqes rajonale dhe dhe vendit të saj “mes shteteve demokratike”. Kështu tha pas takimit me delegacionin nga Kongresi amerikan, ushtruesja e detyrës së presidentit, Albulena Haxhiu.

Sipas Presidencës, Haxhiu e falënderoi Selfin për mbështetjen e ofruar për rrugën e Kosovës drejt NATO-s dhe për vëmendjen ndaj të drejtave të shqiptarëve në Luginën e Preshevës. Ajo tha se Kosova mbetet e përkushtuar për thellimin e partneritetit me Shtetet e Bashkuara në siguri, mbrojtje, ekonomi, diplomaci dhe integrim euroatlantik.

“Për Kosovën, miqësia me Shtetet e Bashkuara është edhe institucionale, por edhe personale. Populli ynë e mban mend kush qëndroi pranë nesh në momentet më përcaktuese të historisë sonë moderne”, tha Haxhiu, sipas njoftimit për media.

Ndërkaq, kryeministri në detyrë, Albin Kurti tha se me delegacionin amerikan bisedoi për paqen dhe sigurinë në rajon. Sipas njoftimit të lëshuar nga Kryeministria, Kurti falënderoi delegacionin për përkrahjen për anëtarësimin e Kosovës në NATO, por edhe për një rezolutë në Dhomën e Përfaqësuesve që bën thirrje që forcat amerikane të vazhdojnë të kontribuojnë në kuadër të misionit paqeruajtës të aleancës në Kosovë, KFOR.

Duke folur për vizitën e kongresistëve amerikanë në Luginë të Preshevës, Kurti tha se “duhet të ketë të drejta të krahasueshme për pakicat në të gjitha shtetet e Ballkanit Perëndimor”. Self dhe Subramanyam gjatë qëndrimit në Kosovë u takuan edhe me zëvendëskryeministrin në detyrë, Glauk Konjufca. Një ditë më parë po ashtu zhvilluan takime me ish-presidenten Vjosa Osmani, dhe kryetarin e Lidhjes Demokratike të Kosovës, Lumir Abdixhiku.

Vizita e kongresistëve vjen pasi në prill, Self, së bashku me kongresistët Ritchie Torres dhe Mike Lawler, propozuan një rezolutë që synon ta shtyjë përpara rrugën e Kosovës drejt Organizatës së Traktatit të Atlantikut Verior (NATO).

Në këtë rezolutë, që gëzon mbështetje dypartiake në Shtetet e Bashkuara, thuhet se “qeverisja demokratike e Kosovës, mbikëqyrja civile e forcave të sigurisë dhe bashkëjetesa shumetnike përbëjnë një argument bindës për anëtarësimin në NATO”. Po ashtu, tre kongresistët amerikanë kanë paraqitur edhe një rezolutë po në prill, përmes së cilës kërkohet që Shtetet e Bashkuara të vazhdojnë pjesëmarrjen në KFOR.

Kosova synon të anëtarësohet në aleancën ushtarake perëndimore, por ende nuk ka bërë kërkesë zyrtare për anëtarësim, teksa mosnjohja nga katër shtete të NATO-s (Greqia, Rumania, Sllovakia dhe Spanja) vlerësohet pengesë drejt anëtarësimit në aleancë.

Vendi aktualisht është në proces të shndërrimit të Forcës së Sigurisë në ushtri, proces që pritet të zgjasë deri më 2028. Pranimi i një anëtari në NATO kërkon mbështetje unanime, prandaj edhe rezoluta e paraqitur nga kongresistët i kërkon Uashingtonit t’i nxisë këto katër vende anëtare ta njohin shtetin e Kosovës.

Self dhe Subramanyam arritën në Kosovë pasditen e 26 majit, pasi qëndruan në Luginë të Preshevës ku u takuan me zyrtarë të ndryshëm shqiptarë në jug të Serbisë. Self tha se pasi mësuan për problemet reale mes shqiptarëve dhe Serbisë, vizita në Kosovë zhvillohet për të “mësuar për pakicën serbe atje”.

“Pra, po i vizitojmë të dyja vendet për të kuptuar se si trajtohen pakicat dhe cilat janë të drejtat e tyre”, u tha Self gazetarëve në Luginë të Preshevës.

Para se të qëndronin në Luginë të Preshevës – term që përdoret për tri komunat në jug të Serbisë, Preshevë, Medvegjë e Bujanoc, ku jetojnë shqiptarë – kongresistët zhvilluan takime në Bosnje dhe Hercegovinë./REL

The post Haxhiu me kongresistët amerikanë: NATO-ja, siguri afatgjatë për Kosovën appeared first on Albeu.com.

Sipas një zyrtari të Aleancës, ideja është ende në fazë diskutimi dhe lidhet me skenarë të mundshëm nëse ngushtica nuk rihapet brenda javëve të ardhshme.

Disa vende anëtare e mbështesin një ndërhyrje të tillë për mbrojtjen e lundrimit, ndërsa të tjera kërkojnë kujdes, duke shmangur përfshirjen më të thellë në konfliktin e gjerë në rajon.

Çështja pritet të jetë pjesë e takimit të ardhshëm të liderëve të NATO-s në Ankara, ku do të shqyrtohen opsionet për sigurinë detare dhe stabilitetin e rrugëve tregtare.

Komandanti i forcave aleate të NATO-s në Evropë ka pranuar se po shqyrtohen të gjitha mundësitë, por çdo vendim do të varet fillimisht nga drejtimi politik i Aleancës dhe më pas nga planifikimi ushtarak.

Disa shtete anëtare kanë shprehur rezerva për përfshirje të drejtpërdrejtë, ndërsa të tjera tashmë kanë rritur praninë ushtarake në rajon në formë mbështetjeje logjistike.

Megjithatë, SHBA ende nuk ka bërë një kërkesë zyrtare për një mision të NATO-s në Ngushticën e Hormuzit.

The post Kriza në Hormuz shtyn NATO-n të shqyrtojë ndërhyrje ushtarake detare për sigurinë e anijeve tregtare appeared first on Albeu.com.

Sipas postimit të tyre në rrjete sociale, stërvitja është fokusuar në lëvizje në terren të vështirë, operacione me shenja të ulëta dhe neutralizimin e kërcënimeve në kushte sa më reale operacionale.

“Përpara misionit vjen trajnimi. Përpara presionit vjen përgatitja”, thuhet në mesazhin shoqërues të NATO-s, ku theksohet se përmes skenarëve sfidues, forcat speciale rrisin gatishmërinë, precizitetin dhe koordinimin për të vepruar në mjedisin kompleks.

“Ministria e Mbrojtjes dhe Forcat e Armatosura të Shqipërisë | Forcat e Operacioneve Speciale të Shqipërisë stërviten së bashku me instruktorët e Forcave Speciale të SHBA-së, duke u përqendruar në lëvizjen përmes terrenit të vështirë, operacioneve me shenja të ulëta dhe neutralizimin e kërcënimeve në kushte realiste”, thuhet në njoftimin e tyre.

The post NATO publikon fotot e forcave të armatosura të Shqipërisë që stërviten bashkë me instruktorët e Forcave Speciale të SHBA-së appeared first on Albeu.com.

Stërvitjet do të mbahet deri më 23 maj, nën organizimin e Komandës së Forcave Tokësore dhe Komandës së Forcave të Përbashkëta nga Napoli. Në këto stërvitje po marrin pjesë rreth 600 pjesëtarë të ushtrisë serbe dhe forcave të armatosura të Italisë, Rumanisë dhe Turqisë.

Pjesëmarrës janë gjithashtu edhe planifikues dhe vëzhgues ushtarakë nga Britania e Madhe, Italia, Gjermania, Rumania, Shtetet e Bashkuara, Serbia, Turqia, Franca dhe Mali i Zi. Udhëheqësi i stërvitjes është koloneli Branisllav Stevanoviq, zëvendëskomandant i Brigadës së Tretë të Ushtrisë së Serbisë.

“Gjatë aktiviteteve dyjavore në terren, do të praktikohen taktikat, teknikat dhe procedurat e përdorura në operacionet e mbështetjes së paqes, siç janë siguria në baza, puna në pikat e kontrollit, kontrolli i tubimeve masive dhe luftimet urbane”, njoftoi Ministria e Mbrojtjes e Serbisë.

Sipas Ministrisë, stërvitja përfaqëson një vazhdim të bashkëpunimit midis Serbisë dhe NATO-s në kuadër të programit të Partneritetit për Paqe të NATO-s.

“Ky bashkëpunim i shërben qëllimit të ruajtjes së paqes dhe stabilitetit në rajon, përmirësimit të aftësive operacionale të forcave të armatosura dhe forcimit të besimit dhe mirëkuptimit të ndërsjellë”, thuhet në njoftim.

Serbia është anëtare e programit të NATO-s, Partneritetit për Paqe, që nga viti 2006, por këmbëngul në neutralitetin ushtarak. Pasi Rusia nisi pushtimin ushtarak të Ukrainës në shkurt të vitit 2022, Serbia vendosi moratorium për mbajtjen e stërvitjeve ushtarake me partnerë të huaj.

Megjithatë, pati përjashtime, siç ishin stërvitjet ushtarake “Ujku Platin” në vitet 2023 dhe 2025, të cilat u mbajtën me forcat e armatosura të Shteteve të Bashkuara dhe të disa vendeve të tjera anëtare të NATO-s.

Në Serbi, ekziston një narrativë negative ndaj NATO-s, e cila mbështetet edhe nga autoritetet, si rezultat i bombardimeve që ajo kreu kundër Republikës Federale të Jugosllavisë në vitin 1999 për shkak të krimeve të kryera nga forcat serbe kundër shqiptarëve në Kosovë.

Në të kaluarën, përveç ushtrimeve me forcat e armatosura të SHBA-së, në të cilat morën pjesë disa anëtarë të tjerë të NATO-s, ushtria serbe ka zhvilluar stërvitje ushtarake edhe me ushtrinë kineze. Në korrik të vitit 2025, një stërvitje dhjetëditore e forcave speciale të ushtrive të Serbisë dhe Kinës u mbajt në provincën kineze Hebei, pavarësisht paralajmërimit të Brukselit ndaj Beogradit.

Ndryshe nga vitet e kaluara, që nga viti 2022 nuk ka pasur ushtrime të përbashkëta midis Serbisë dhe Rusisë dhe Bjellorusisë. Serbia është kritikuar nga Bashkimi Evropian për ushtrime të përbashkëta me këto vende.

Kjo është arsyeja pse Beogradi anuloi pjesëmarrjen e tij në ushtrimet ruse-bjelloruse-serbe në vitin 2020, sepse ato po zhvilloheshin në Bjellorusi në një kohë kur ky vend ishte i tronditur nga një krizë politike pas zgjedhjeve presidenciale./REL

The post NATO-ja dhe Serbia i nisin stërvitjet e para të përbashkëta afër Bujanocit appeared first on Albeu.com.

“Do të thosha se është përtej rishqyrtimit”, tha Trump për gazetën Telegraph, kur u pyet nëse do të mendonte dy herë për anëtarësimin e SHBA-së në aleancë pasi të mbaronte konflikti në Lindjen e Mesme, transmeton Telegrafi.

Aleatët e NATO-s e kanë zemëruar Trumpin duke iu kundërvënë në mënyrë të njëzëshme bashkimit me sulmin e SHBA-së dhe Izraelit ndaj Iranit, dhe duke refuzuar thirrjet e presidentit që ata të ndihmonin në rihapjen e Ngushticës së Hormuzit, një rrugë ujore kritike energjetike që Teherani e ka bllokuar në mënyrë efektive në hakmarrje për bombardimin.

“Nuk u ndikova kurrë nga NATO. Gjithmonë e dija se ata ishin një tigër letre, dhe Putini e di këtë gjithashtu, meqë ra fjala”, shtoi Trump.

Vërejtjet e tij u botuan disa orë pasi Sekretari i Shtetit i SHBA-së, Marco Rubio, tha se Uashingtoni mund të duhet të rishqyrtojë marrëdhënien e tij me NATO-n pasi të mbarojë lufta kundër Iranit, duke përshkallëzuar ndjeshëm presionin mbi aleatët evropianë që Amerika i akuzon për mosmbështetje.

Trump gjithashtu e kritikoi përsëri kryeministrin britanik Keir Starmer për refuzimin e Britanisë për të mbështetur Amerikën në luftën e saj me Iranin dhe e nënçmoi ushtrinë e Mbretërisë së Bashkuar.

“Ju as nuk keni një marinë. Jeni shumë të vjetër dhe keni pasur transportues aeroplanësh që nuk funksiononin”, tha ai me tallje për flotën e anijeve luftarake të Britanisë.

The post Trump thotë se po shqyrton tërheqjen nga NATO appeared first on Albeu.com.

“Do të ishte shumë mirë nëse do të mund të bënim diçka”, u shpreh Trump, ndërsa i bëri thirrje Teheranit të rihapë Ngushticën e Hormuzit, një korridor kyç për tregtinë globale të naftës.

Në një deklaratë me tone ironike, Trump e quajti atë “Ngushtica e Trumpit”, duke shtuar se nuk bëhej fjalë për një gabim.

“Nuk ka aksidente me mua”, tha ai, duke kritikuar edhe median që sipas tij do ta paraqesë deklaratën si të paqëllimshme.

Duke folur për udhëheqjen iraniane, Trump u shpreh se lideri suprem i vendit “nuk është më suprem”, ndërsa shtoi se Irani është “i vetmi vend ku askush nuk dëshiron të udhëheqë”.

Në të njëjtën kohë, Trump riktheu kritikat e tij ndaj NATO, duke shprehur zhgënjim për mungesën e mbështetjes ndaj SHBA-së në përballjen me Iranin.

“Jam shumë i zhgënjyer me NATO-n. Nëse do të kishte një luftë të madhe, ju garantoj se nuk do të ishin aty”, deklaroi ai.

Trump përmendi edhe liderët evropianë, si presidentin francez Emmanuel Macron dhe kancelarin gjerman Friedrich Merz, të cilët i quajti “miq”, por i kritikoi për qëndrimin e tyre se konflikti me Iranin nuk është lufta e tyre.

“Ukraina nuk ishte lufta jonë, por ne i ndihmuam”, shtoi Trump, duke nënvizuar atë që ai e sheh si standard të dyfishtë në politikën ndërkombëtare.

The post Trump i zhgënjyer më NATO-n, kritika dhe për liderët europianë: Irani duhet të hapë Ngushticën e Hormuzit appeared first on Albeu.com.

Kreu i Shtetit, e ka cilësuar ndërhyrjen si një operacion që solli fundin e një regjimi shtypës dhe kontribuoi në lirinë e Kosovës, si dhe në paqen që, pasi sipas tij, gëzon sot rajoni.

Gjithashtu, Begaj theksoi se kjo ndërhyrje mbetet një moment i rëndësishëm historik për Ballkanin, duke nënvizuar ndikimin e saj në stabilitetin e zonës.

Presidenti shprehu mirënjohjen e Shqipërisë ndaj Shteteve të Bashkuara të Amerikës dhe aleatëve të NATO-s, për rolin e tyre në këtë proces.

“Shqipëria mbetet sot dhe gjithmonë thellësisht mirënjohëse ndaj SHBA-së dhe aleatëve të NATO-s”, thuhet në reagimin e tij.

Reagimi i Begajt:

“Sot shënohet 27-vjetori i ndërhyrjes ushtarake të NATO-s kundër regjimit shtypës të Millosheviqit—një fushatë që përfundoi me sukses, duke sjellë lirinë në Kosovë dhe paqen që gëzojmë në të gjithë rajonin sot. Shqipëria mbetet, sot dhe gjithmonë, thellësisht mirënjohëse ndaj Shteteve të Bashkuara të Amerikës dhe…@NATO aleatë”.

Today marks the 27th anniversary of NATO’s military intervention against the oppressive regime of Milošević—a campaign that ended successfully, bringing freedom to Kosova and the peace we enjoy across the region today.

Albania remains, today and always, deeply grateful to the…

— Bajram Begaj (@BajramBegajAL) March 24, 2026

The post Presidenti Begaj për 27-vjetorin e ndërhyrjes së NATO-s në Kosovë: Shqiptarët, mirënjohës SHBA-së dhe aleatëve appeared first on Albeu.com.

Ai theksoi se bashkëveprimi në kolektiv është shumë i rëndësishëm.

“Ajo që di është se ne gjithmonë bashkohemi “, duke nënvizuar rëndësinë e veprimit kolektiv të NATO-s.

Trump e ka kritikuar NATO-n duke thënë se pa SHBA-në ajo mbetet një aleancë pa forcë të mjaftueshme dhe se pa Amerikën NATO është një tigër në letër dhe frikacake.

Këto kritike erdhën pasi shumë nga vendet evropiane refuzuan të mbështesnin SHBA-në në operacionet për hapjen e Ngushticës së Hormuzit.

Rutte u përpoq t’i shmangte kritikat duke shpjeguar se forcat evropiane kanë nevojë të koordinojnë veprimet e tyre.

“E kuptoj shqetësimin e presidentit me kohën e nevojshme, por kërkoj gjithashtu mirëkuptim, pasi vendet duhej të përgatiteshin pa informacion paraprak”, tha ai.

Sekretari i Përgjithshëm i Nato-s e krahasoi situatën aktuale me përvojën ndërkombëtare me Korenë e Veriut, duke vënë në dukje se negociatat e zgjatura mund të çojnë në humbjen e kohës vendimtare në parandalimin e zhvillimit të armëve bërthamore.

The post Sekretari i Përgjithshëm i NATO-s, Rutte: Evropa do të bashkohet për çështjen e Iranit, do të koordinojnë planet dhe veprimet appeared first on Albeu.com.

Aleanca ka vendosur tashmë një sistem mbrojtjeje nga raketat në Turqinë lindore që mbron një radar paralajmërimi të hershëm që përdoret për të monitoruar lëshimet e raketave në të gjithë Lindjen e Mesme. Aleanca po shqyrton gjithashtu dërgimin e një sistemi tjetër Patriot për të forcuar mbrojtjen në një bazë ajrore ku janë të stacionuara forcat amerikane, thanë burimet.

Përforcimi i mundshëm vjen pas shkatërrimit të 3 raketave të lëshuara nga Irani, të cilat sipas burimeve pranë qeverisë së Erdogan, shihen si një provë e aftësisë së NATO-s për t’iu përgjigjur kërcënimeve të tilla.

Turqia lindore është gjithashtu shtëpia e radarit amerikan AN/TPY-2 në Kurecik, një nga sistemet e paralajmërimit të hershëm më të afërta me Iranin. Të njëjtat burime thonë se të paktën një nga raketat e lëshuara ka të ngjarë të ketë qenë e destinuar për zonën ku ndodhet sistemi.

Një zyrtar i lartë ushtarak e ka bërë të qartë se Aleanca do të vazhdojë të përshtasë aftësitë e saj ndaj kërcënimeve në zhvillim. Sipas vlerësimeve, Irani ka kërkuar të godasë sistemet amerikane të paralajmërimit të hershëm që nga fillimi i konfliktit, përfshirë sulmin që shkatërroi një radar të ngjashëm AN/TPY-2 në Jordani, një sensor kritik për koordinimin e sistemeve amerikane të mbrojtjes nga raketat në Gjirin Persik.

Një tjetër objektiv i mundshëm është baza ajrore Incirlik në Turqinë jugore, e cila strehon forcat e NATO-s dhe qindra trupa amerikane.

Sipas njërit prej burimeve, Aleanca mund të vendosë një bateri raketash PAC-3 në Incirlik. E njëjta bazë ka operuar tashmë një sistem spanjoll PAC-2 për më shumë se një dekadë. Sistemet PAC-2 janë projektuar kryesisht për të përballuar avionët dhe raketat lundruese dhe mund të mos jenë aq efektive në shkatërrimin e raketave balistike.

The post Pas shkatërrimit të tre raketave iraniane drejt Turqisë, NATO dhe Ankaraja shqyrtojnë përforcimin e mbrojtjes ajrore appeared first on Albeu.com.

“Është plotësisht e kuptueshme që ata që përfitojnë nga Ngushtica të ndihmojnë në sigurimin që asgjë e keqe të mos ndodhë atje”, i tha ai Financial Times në një intervistë telefonike.

Trump shtoi se, “nëse nuk ka përgjigje ose nëse përgjigja është negative, mendoj se do të jetë shumë keq për të ardhmen e NATO-s”.

Trump kujtoi ndihmën e SHBA-së për Ukrainën në luftën me Rusinë.

“Nuk kishim nevojë t’i ndihmonim me Ukrainën… Tani do të shohim nëse ata do të na ndihmojnë. Sepse kam thënë për një kohë të gjatë se ne do të jemi aty për ta, por ata nuk do të jenë aty për ne”, tha ai.

Kur u pyet se çfarë lloj ndihme po kërkonte, ai u përgjigj: “Çfarëdo që të duhet”, duke përfshirë anijet minapastruese.

The post Presidenti Trump paralajmëron NATO-n: Do përballet me një të ardhme shumë të keqe nëse aleatët nuk ndihmojnë në sigurimin e Ngushticës së Hormuzit appeared first on Albeu.com.