Paris Saint-Germain po kalon një ndryshim të thellë në mënyrën se si menaxhon transferimet. Pas vitesh të karakterizuara nga blerjet me shifra marramendëse, klubi francez po shfaqet tashmë si një prej skuadrave që arkëtojnë më shumë nga largimi i lojtarëve.

Vetëm gjatë kësaj vere, PSG pritet të sigurojë 374.1 milionë euro nga transferimet. Kjo shumë mund të rritet deri në 400 milionë euro, nëse përfshihen edhe bonuset.

Zyrtarizimi i mundshëm i transferimit të Mbaye te Aston Villa për 60 milionë euro do ta ngjiste PSG-në në vendin e parë për të ardhurat nga shitjet këtë verë, përpara Aston Villës dhe Manchester Cityt.

Modeli i ri i klubit është veçanërisht i dukshëm në rastet e futbollistëve të blerë me kosto të ulët ose të formuar në akademinë e PSG-së.

Bradley Barcola u transferua për 45 milionë euro, ndërsa tashmë pritet të shitet për 145 milionë euro.

Mbaye, produkt i akademisë, mund të largohet për 60 milionë euro.

Kang-in Lee u ble për 22 milionë euro dhe pritet të sjellë 40 milionë euro nga shitja.

Kolo Muani mund t’i sigurojë klubit deri në 64 milionë euro në total përmes shitjes dhe huazimeve.

Kamara, gjithashtu i formuar në akademi, pritet të largohet për 4.1 milionë euro.

Për pesë prej këtyre lojtarëve, PSG ka investuar fillimisht rreth 210 milionë euro, ndërsa nga largimet e tyre synon të përfitojë afërsisht 400 milionë euro.

Këto shifra tregojnë se klubi nga Parisi nuk është më i përqendruar vetëm te blerja e emrave më të mëdhenj të futbollit. Strategjia tashmë konsiston në krijimin e vlerës te lojtarët dhe shndërrimin e saj në të ardhura.

Akademia e PSG-së po fiton një rol gjithnjë e më të madh në këtë qasje. Klubi po i kushton më shumë vëmendje talenteve dhe futbollistëve që përshtaten me filozofinë e trajnerit Luis Enrique.

Warren Zaire-Emery përfaqëson shembullin e një lojtari të akademisë që u shndërrua në pjesë të rëndësishme të ekipit të parë. Ndërkohë, Barcola, Mbaye dhe Kamara dëshmojnë se futbollistët e zhvilluar nga klubi mund të shiten më pas për shuma të konsiderueshme.

Ky transformim po ndodh në një periudhë kur PSG ka përjetuar suksesin më të madh sportiv në historinë e tij, duke fituar dy tituj radhazi të Ligës së Kampionëve.

Gjatë pesë afateve të fundit verore, PSG ka gjeneruar 788.55 milionë euro nga shitjet e lojtarëve dhe renditet i treti në Evropë, pas Chelseat dhe Manchester Cityt.

Ndërsa, në dhjetë afatet e fundit verore, të ardhurat e klubit parizien nga largimet kanë arritur rreth 1.15 miliardë euro.

PSG-ja që dikur identifikohej me transferimet rekord të Neymarit, Mbappés dhe yjeve të tjerë, po ndërton kështu një model të ri: më pak blerje të superyjeve për shuma të jashtëzakonshme, më shumë zhvillim talentesh dhe shitje me fitime të larta.

Kjo është metamorfoza e klubit nën drejtimin e Nasser Al-Khelaifit, Luis Camposit dhe Luis Enriques.

The post PSG ndryshon strategji: nga shpenzimet rekord te fitimet e mëdha nga shitjet appeared first on Albeu.com.

Drejtues të rëndësishëm të futbollit evropian raportohet se janë takuar në Salzburg për të diskutuar krizën që po thellohet në FIFA. Në bisedime kanë qenë të përfshirë presidenti i UEFA-s, Alexander Ceferin, kreu i PSG-së, Nasser Al-Khelaifi, si dhe presidenti i CAF-it, Patrice Motsepe.

Në qendër të diskutimeve kanë qenë drejtimi i FIFA-s dhe modeli i qeverisjes së institucionit më të lartë të futbollit botëror. Takimet janë cilësuar si konstruktive, ndërsa Ceferin mësohet se ka kërkuar ndryshime thelbësore brenda organizatës.

Sipas raportimeve, UEFA synon që Gianni Infantino të japë menjëherë dorëheqjen ose të heqë dorë nga kandidimi për një tjetër mandat si president i FIFA-s.

Nëse Infantino nuk e pranon këtë kërkesë, Ceferin thuhet se është i përgatitur të drejtojë një mocion mosbesimi kundër tij. Nisja e një votimi të jashtëzakonshëm kërkon mbështetjen e 43 prej 211 federatave anëtare të FIFA-s.

Paralelisht, UEFA po vlerëson edhe emra të tjerë që mund të kandidojnë për drejtimin e FIFA-s. Mes alternativave të përmendura janë presidenti i CONCACAF-ut, Victor Montagliani, dhe kreu i AFC-së, Sheikh Salman bin Ibrahim Al Khalifa.

Pavarësisht këtyre diskutimeve, UEFA nuk ka dalë ende me një mbështetje të përbashkët për ndonjë kandidat që mund të zëvendësojë Infantino.

Nëse përplasja bëhet më e fortë, raportohet se në tryezë janë edhe masa të tjera, përfshirë bojkotimin e kompeticioneve të FIFA-s dhe mospjesëmarrjen në takimet kryesore të saj. Po ashtu, po diskutohet mundësia e një sipërmarrjeje të përbashkët mes UEFA-s, CONCACAF-ut dhe AFC-së.

Vëmendje të veçantë ka marrë edhe pjesëmarrja e presidentit të CAF-it, Patrice Motsepe, në takimet e zhvilluara në Salzburg. Ai u ka kërkuar 211 federatave anëtare të FIFA-s që e ardhmja e Infantinos të vendoset përmes zgjedhjeve.

“Nëse dëshironi ta largoni, shkoni në zgjedhje. Lërini 211 federatat anëtare të vendosin”, ka deklaruar Motsepe.

The post Tensione në FIFA, Ceferin mund të nisë mocion mosbesimi kundër Infantinos appeared first on Albeu.com.

Polemikat e fundit që kanë përfshirë institucionin drejtues të futbollit botëror kanë ngritur pikëpyetje mbi vazhdimësinë e Gianni Infantinos si president i FIFA-s.

Kritikat ndaj tij u intensifikuan për shkak të një plani që parashikonte shitjen e një pjese minoritare të aksioneve në një strukturë të re tregtare, të lidhur me Kupën e Botës dhe kompeticionet e tjera të organizuara nga FIFA. Ky propozim është tërhequr tashmë.

Sipas Infantinos, nisma synonte të krijonte më shumë të ardhura për zhvillimin e futbollit. Megjithatë, ideja u kundërshtua fuqishëm nga disa prej institucioneve kryesore të këtij sporti.

UEFA doli hapur kundër projektit, duke argumentuar se organet qeverisëse të futbollit nuk duhej të ndërmerrnin një hap të tillë. Shqetësime për transparencën dhe modelin e qeverisjes shprehën gjithashtu CONCACAF dhe konfederata të tjera.

Presioni i fortë bëri që FIFA të hiqte dorë nga projekti, ndërsa ky vendim shtoi zërat se posti i Infantinos mund të jetë seriozisht i kërcënuar.

Ndonëse për zgjedhjet e ardhshme presidenciale nuk është paraqitur ende asnjë kandidaturë zyrtare, në skenën e futbollit kanë nisur të qarkullojnë disa figura me peshë si zëvendësues të mundshëm.

5. Arsene Wenger

Legjenda e stolit të Arsenalit ushtron aktualisht detyrën e drejtorit të FIFA-s për zhvillimin global të futbollit.

Wenger ka njohuri të thella për funksionimin e organizatës dhe respektohet gjerësisht në botën e futbollit. Sidoqoftë, për të marrë drejtimin e FIFA-s nevojiten mbështetje politike, marrëveshje ndërmjet konfederatave dhe aftësi të konsiderueshme diplomatike, faktorë që mund t’ia komplikojnë një kandidaturë të mundshme.

4. Nasser Al-Khelaifi

Krahas drejtimit të Paris Saint-Germain, Al-Khelaifi është edhe në krye të Shoqatës Evropiane të Klubeve, duke u renditur mes personazheve më të fuqishme të futbollit evropian.

Rrjeti i tij i lidhjeve dhe burimet e shumta do t’i mundësonin ngritjen e një fushate të fortë. Nga ana tjetër, raporti i afërt me një klub të madh dhe përfshirja në interesa komerciale mund të shkaktojnë dyshime rreth një konflikti të mundshëm interesi.

3. Salman bin Ibrahim Al Khalifa

Kreu i Konfederatës Aziatike të Futbollit ka grumbulluar përvojë të gjatë në politikën ndërkombëtare të këtij sporti.

Në vitin 2016, ai ishte kandidat për presidencën e FIFA-s, por zgjedhjet i fitoi Infantino. Përkrahja e mundshme nga Azia e vendos mes pretendentëve seriozë, edhe pse polemikat që e kanë shoqëruar në të kaluarën mund t’i bëhen pengesë.

2. Victor Montagliani

Përvoja si president i CONCACAF dhe raportet pozitive që ka krijuar brenda FIFA-s bëjnë që Montagliani të vlerësohet si një nga alternativat më të fuqishme.

Ai mund të mos ketë njohjen më të madhe mes publikut të gjerë, por konsiderohet një figurë e aftë për të mbledhur mbështetje të gjerë përmes negociatave në prapaskenë.

1. Aleksander Ceferin

Presidenti i UEFA-s shihet si pretendenti kryesor për të pasuar Infantinon në postin më të lartë të FIFA-s.

Drejtimi i futbollit evropian i siguron Ceferinit ndikim të konsiderueshëm politik. Njëkohësisht, përplasjet e tij të mëparshme me Infantinon mund ta shndërrojnë në përfaqësuesin kryesor të një kursi të ri.

Autoriteti, eksperienca dhe profili i njohur në nivel botëror e vendosin Ceferinin në krye të listës së emrave që përfliten aktualisht si pasardhës të mundshëm të presidentit të FIFA-s.

The post Pesë emrat në garë për kreun e FIFA-s nëse largohet Infantino, nga Wenger te Al-Khelaifi appeared first on Albeu.com.

Drejtuesit e futbollit evropian raportohet se kanë përzgjedhur presidentin e PSG-së, Nasser Al-Khelaifi, si figurën kryesore që mund të garojë kundër Gianni Infantinos për postin më të lartë në futbollin botëror.

Sipas Politico, zyrtarët në Evropë e vlerësojnë biznesmenin nga Katari si një prej alternativave më serioze për të pasuar Infantinon. Zgjedhjet e ardhshme presidenciale të FIFA-s do të mbahen në mars të vitit 2027, kur kreu aktual do të kërkojë mandatin e tretë të plotë.

Al-Khelaifi kryeson Qatar Sports Investments dhe beIN Media Group, ndërsa është edhe në drejtimin e European Club Association. Ai ushtron gjithashtu funksione në Komitetin Ekzekutiv të UEFA-s dhe në Këshillin e FIFA-s.

Mundësia e kandidimit të tij konsiderohet një rrezik i rëndësishëm për të ardhmen politike të Infantinos brenda FIFA-s. Raportohet se figurat me peshë në futbollin evropian tashmë kanë filluar diskutimet lidhur me këtë çështje.

Infantino, i cili është zviceran, e ka udhëhequr FIFA-n pa pasur kundërshtar që prej vitit 2016 dhe synon të mbetet në detyrë deri në vitin 2031.

Zhvillimet vijnë në një periudhë kur pozita e tij është tronditur nga reagimet ndaj planeve për shitjen e aksioneve në veprimtaritë komerciale dhe organizative të FIFA-s, ku përfshihet edhe Kupa e Botës.

Pas publikimeve në mediat prestigjioze, FIFA pranoi se po përgatitet të “ftojë palë të treta për të bërë investime minoritare, pa të drejtë kontrolli” në një subjekt të ri me emrin FIFA Forward Enterprise (FFE).

Sipas raportimeve, vlera e kësaj kompanie mund të arrijë rreth 17.3 miliardë euro. Procesi për sigurimin e investimeve private pritet të drejtohet nga Thrive Eternal, një kompani amerikane e kapitalit sipërmarrës, e themeluar nga Joshua Kushner, vëllai i dhëndrit të Donald Trumpit.

Infantino e ka paraqitur nismën si pjesë të “demokratizimit të futbollit në mbarë botën”. Ai u ka premtuar 211 federatave anëtare të FIFA-s deri në 34.7 milionë euro, me kusht që propozimi i debatueshëm të miratohet përpara afatit të ri.

UEFA ka reaguar ndaj planit përmes disa deklaratave të ashpra. Njëkohësisht, qarkullojnë spekulime se organizata evropiane mund ta bojkotojë Kupën e Botës në rast se ndryshimet vihen në zbatim.

The post Evropa përgatit sfidën ndaj Infantinos, identifikohet kandidati për kreun e FIFA-s appeared first on Albeu.com.

Presidenti i klubit parisien është pyetur nëse sulmuesi francez ka vendosur se ku dëshiron të luajë.

Al Khelaifi ka thënë se ende nuk ka asnjë vend nga asnjëra palë dhe kur të merret ndonjë do ta mësojnë.

Mbappe e di se Florentino Perez është i vendosur në këtë pjesë dhe do të fitojë më pak se sa merr aktualisht te PSG.

Ai po kërkon rreth 150 milionë euro bonus për të nënshkruar, ndërsa do t’i ketë edhe 60 për qind të të drejtave të imazhit. /Telegrafi/

The post Al Khelaifi shton edhe më shumë thashethemet rreth të ardhmes së Mbappes appeared first on Albeu.com.

Ditën e sotme, avokatët e tij kanë njoftuar se klienti i tyre është liruar nga këto akuza, duke u shpallur i pafajshëm.

Al Khelaifi, i cili është gjithashtu president i transmetuesit “beIN Media” në pronësi të Katarit, u akuzua për nxitjen e ish-sejretarit të FIFA-s, Jerome Valcke për të kryer “keqmenaxhim të rënduar kriminal”. Francezi akuzohet se i ka transferuar në “beIN Media” të drejtat e Lindjes së Mesme dhe Afrikës së Veriut për Kupat e Botës 2026 dhe 2030, në këmbim të “përfitimeve të pajustifikuara” nga Al Khelaifi.

Sipas aktakuzës, rasti i referohet një takimi më 24 tetor 2013, në selinë franceze të “beIN” kur Al Khaleaifi premtoi se do të blinte një vilë në Sardenjë për pesë milionë euro, duke i dhënë përdorimin ekskluziv Valcke.

Më pas, Al Khelaifi do t’ia dorëzonte pronësinë francezëve dy vjet më vonë, në kushte të caktuara. Presidenti i PSG-së gjithmonë ka mohuar se ka blerë pronën në fjalë dhe ia ka premtuar Valcke-s. Në këmbim, tha prokuroria, Valcke u zotua të “bëntë atë që ishte në fuqinë e tij” për të siguruar që “beIN” të bëhej transmetuesi rajonal për dy Kupat e Botës, gjë që ndodhi më 29 prill 2014, pasi transmetuesi fitoi të drejtat për atë zonë, një marrëveshje që FIFA nuk e ka kundërshtuar kurrë që atëherë./ h.ll/albeu.com

The post Presidenti i PSG-së u akuzua për korrupsion, avokatët e tij bëjnë njoftimin e rëndësishëm appeared first on Albeu.com.

Ai na merr të gjithëve për budallenj (as vetë nuk i beson gënjeshtrat e tij) dhe shfaqet te Marca për të dhënë mësime me arrogancën e tij.

Rregullat nuk ekzistojnë për PSG-në. Ne do të vazhdojmë të luftojmë për një futboll të qëndrueshëm, pa mashtrime”.

Krahas reagimit, Tebas kishte postuar edhe deklaratën e presidentit të PSG: “Bëjme gjëra pasi e dimë që është e mundur. Nuk është stili ynë të flasim për liga të tjera, klube apo federata.

Ne nuk po japim mësime dhe nuk do të lejojmë askënd të na japë. Ne do të vazhdojmë të ndërtojmë projektin tonë”. /h.ll/albeu.com

The post Tebas: Al-Khelaifi na merr për budallenj, luftojmë për futbollin pa mashtrime appeared first on Albeu.com.

Mbappe rinovoi kontratën e tij me PSG duke u veshur me arë. Një shumë marramendëse u derdh në arkat e sulmuesit vetëm për atë firmë. Kjo gjë hasi shumë polemika në Spanjë, ku shumë persona filluan të flisnin se nuk egziston Fair Play Financiar për PSG, por vetëm për ekipet e tjera.

Presidenti i La Liga, Javier Tebas, foli me tone të ashpra kundrejt PSG-së. Ai madje paditi në gjykatë drejtuesit e klubit francez. I pyetur nga një gazetar, Nasser Al-Khelaifi, presidenti i klubit francez, i ktheu përgjigje gjithçkaje që ka lidhje me këtë situatë.

Jeni të shqetësuar për padinë e Tebas në gjykatën e franceze dhe në Evropë?

“Kush është Tebas? Unë nuk e njoh atë person. Stili ynë është të mos ndërhyjmë në punët e klubeve të tjera, ligave apo federatave të tjera, nuk është stili ynë i të vepruarit.

Por nuk do ta pranoj që të tjerët të na japin mësime. Nuk më intereson çfarë thotë ai, e vërteta është se kemi vite që flasim për këtë. Ne kemi një projekt futbolli për të ndërtuar dhe ne do të shkojmë përpara.

Ne nuk mund të shqetësohemi për gjithçka që del në media, sepse nuk mund të humbim kohë me gjithçka që del përpara nesh”, është shprehur numri një i PSG-së./ h.ll/albeu.com

The post Nasser Al-Khelaifi drejtuar presidentit të La Liga pas akuzave: Kush është Tebas? appeared first on Albeu.com.

“Sa i përket pseudo-Superligës, ajo nuk ekziston. As versioni i parë, as i dyti.

Të gjithë janë kundër saj, tifozët, mediat, klubet e mëdha dhe të voglat. Vetëm tre skuadra (Barcelona, ​​Real Madrid, Juventus janë pro.

Gjëja më e çuditshme është se këto klube tani kënaqen duke luajtur në garat e UEFA-s. Ata janë të lumtur që marrin pjesë në turnetë më të fortë.

Unë nuk mendoj se ata kanë një mënyrë për të ringjallur Superligën tani, sepse ne jemi të bashkuar këtu.

Ne po punojmë për të zhvilluar potencialin tonë dhe atë që mund të arrijmë në 2022. Një nga synimet është rritja e vlerës së garave të UEFA -s, gjë që do t’i dëshmojë këto tre klube gabim dhe ne do të bëhemi gjithnjë e më të fortë”, tha presidenti i PSG -së. /albeu.com/

The post Presidenti i PSG tregon nëse është pro apo kundër Superligës appeared first on Albeu.com.

Al Khelaifi hapi Asamblenë e Shoqatës së Klubeve të hënën, duke folur për mënyrat në të cilat UEFA po kërkon të formësojë të ardhmen e futbollit në Evropë, veçanërisht duke iu referuar rregullave të reja të qëndrueshmërisë financiare.

“Ne kemi parë një rritje të mahnitshme prej 39 për qind në vlerën e parashikuar komerciale të garave të klubeve të UEFA-s për meshkuj për ciklin pas 2024-ës,” tha Al Khelaifi në fjalimin e tij.

“Ndërsa ne akoma duhet të eksplorojmë të ardhura shtesë të pashfrytëzuara së bashku, kjo është një rritje historike e të ardhurave.

“Kjo marrëveshje dëshmon gjithashtu se dyshuesit e modelit të futbollit evropian ishin të gabuar, më shumë ndikim dhe më shumë pasuri për klubet, mbaj mend disa njerëz që u përpoqën të shkatërronin sistemin për një pjesë të këtyre gjërave vitin e kaluar.”

Al Khelaifi iu referua ofertës së përbashkët të UEFA-s dhe ECA-s për të shitur të drejtat tregtare partnerëve të marketingut si diçka që i dha formë futbollit evropian.

“Ai përfaqësonte një ndryshim tektonik në rolin që klubet luajnë tani në vendimet që formësojnë futbollin evropian”, shtoi ai.

“Është një model i ri qeverisjeje progresive për futbollin evropian me klubet që përcaktojnë fatin e tyre në partneritet me UEFA-n”./ h.ll/albeu.com

The post Nasser Al Khelaifi hedh poshtë edhe një herë projektin e Superligës appeared first on Albeu.com.