Ndoka kritikoi mënyrën se si, sipas tij, kryeministri ushtron pushtetin.

“Rama ka egon e pushtetit dhe e përdor atë si të dojë. I duket sikur po bën vepra të mëdha për Shqipërinë. Është një tip narcisti, e ka të lindur këtë. Kjo është sëmundje”, u shpreh Ndoka.

Ndoka foli gjithashtu edhe për qëndrimet brenda Partisë Socialiste, duke pretenduar se një pjesë e deputetëve të saj nuk janë dakord me linjën politike të kryeministrit.

“Unë kam miq një pjesë të tyre dhe kam shkëmbyer gallata me ta për gjendjen e tyre shpirtërore dhe si ata ndihen pas atij fjalimi në grupin parlamentar. 80% e tyre në grupin parlamentar në koshiencën e tyre nuk janë dakord me këtë, por janë të detyruar sepse e tillë është ndërtuar fryma politike në atë parti”, tha Ndoka.

The post Nard Ndoka: Rama është narcist i lindur, e ka sëmundje, 80% e Grupit Parlamentar të PS nuk bie dakord me kryeministrin appeared first on Albeu.com.

Ndoka kritikoi Berishën se i ka kthyer aletatët e Partisë Demokratike në tabelë qitjeje pas humbjes “sikur janë ato e keqja”. Ai i rikujton Berishës se aletatët janë vota për të dhe në fund kanë marrë më pak nga sa ju takon në bazë të peshës elektorale.

“Do ishte e rëndësishme një konsultë para se të merrej nisma për ngritjen e këtyre dy komisioneve. Gjithë ne por edhe ata që na kanë mbështetur në këto zgjedhje, menduan se do ketë një kauzë për votën, e protesta, qëndrime parlamentare. Të gjithë e dimë sa të jetë Rama krye nuk do të ketë zgjedhje, por vërejmë se sa të jetë Rama krye ne ulemi dhe bëjmë prapë reformë me të. Kjo nxitje të lë pak shije të hidhur, për faktin që asnjëherë s’ka nis kuvendi me ngritjen e komisioneve për reformën zgjedhore, reforma është bërë pasi është marrëraporti i ODIHR dhe është konsultuar e studiuar. E shoh të keqen e zgjedhjeve që kemi kaluar ndër vite tek kodi zgjedhor tek ndryshimi 2018-ës.

Ka tjetërsuar realitetin e përfaqësimit politik, i ka dhënë goditje të rëndë pluralizmit, unë në atë kohë e kam kundërshtuar me grevë urie me metën dhe disa deputetë të kuvendit të Shqipërisë që kuptuam që po goditet pluralizmi, ju tentuar për interesat tuaj ta ktheni skenën politike në bipolare, në një kohë që Shqipëria kishte pak vite pluralizëm. Rama si ka bërë në mënyrë të njëanshme, ka pasur bashkëpunim për interesa të përbashkëta, qoftë edhe me Bashën, heqja e koalicioneve klasike i dha goditjen përfundimtar e pluralizmit. Kam dyshimet e mia që bash ai mbylli sytë se kishte interesat e tij për të goditur edhe LSI edhe Partinë Demokristiane.

S’kemi fituar zgjedhje, si ka mundësi që se shohim të keqen tek sistemi. PD ne 2009, kemi marrë 70 mandate. Nuk e kemi kaluar pragun e 50%. Zgjedhje pas zgjedhjeve, Rama blen zgjedhje, bën presione, bashkëpunon me grupet kriminale,. Por kjo e thellon zgjedhore,. Fitoren bazë ja jep ky kod. Nuk duhet ta lejojmë Ramën, s’na falet ne të presim raportin e ODIHR, apo të tregojmë si na janë vjedhur zgjedhjet. E bllokojmë, s’e bojkotojmë, i kemi mundësitë ta bëjmë një gjë të tillë, nëse vendos rregulla në mënyrë të njëanshme.

Krijohet një frymë tek militantët, sikur aleatët janë një peshë, një kosto. Na bëni neve tabelë qitje, aleatët janë vota për ju, dhe marrim shumë më pak se na takon në bazë të peshës elektorale. Që në vitin 2008 kur ka ndryshuar kodi ne nuk testohemi se futemi në koalicion, numërohen vota q mbesin të shkruara në letër dhe jo ato mijëra në Tiranë që i merrni përmes koalicionit. Kjo është hile e qëllimshme, e dëgjoj në takimet e foltores që shigjetohen aleatët sikur jemi e keqja. LSI para disa viteve ka pasur 100 mijë vota, goditjet që erdhën, kishte edhe Ramën përballë dhe Bashën, por edhe partia demokristian, ne kemi pasur 58 mijë vota, që thonë 6 mandate, por duke qenë pjesë e këtyre koalicioneve kemi firuar”, tha Ndoka.

The post Nard Ndoka kritika Berishës: I ke kthyer aleatët në tabelë qitje për humbjen appeared first on Albeu.com.

Nard Ndoka, sulmoi drejtpërdrejt Flamur Nokën dhe Jozefina Topallin, që sipas kreut të PDK-së, janë shumë xhelozë kundrejt tij dhe se e kanë sulmuar në mënyrë të turpshme.

“I vetmi njeri që mobilizonte opozitën, ishte Sali Berisha dhe arriti ta bëjë një gjë të tillë, por PD nuk mund te jetë më një aleatë e Partisë Demokristiane, nuk ndjehemi të vlerësuar nga ajo forcë politike në aspektin e peshës politike, të kontributit, të historisë tonë. Nuk janë vendimet e mia personale, ato do merren në vazhdimësi.

E shof si një parti të ngurtësuar, sidomos në raport me Partinë Demokristiane. I kemi qëndruar sa herë që ata kanë pasur nevojë, na kanë goditur pas shpine. E njof mirë PD-në me detaje. Kam pasur dhe shumë xhelozë kundrejt meje, me intriga siç është Flamur Noka, Jozefina Topalli, xhelozi politike që Partia Demokristiane të mos rritet. Berisha është ndikuar me presion dhe skema të gatshme, por të gjitha këto me firmën e tij. Ata kanë sulmuar partinë tonë në mënyrë të turpshme”, u shpreh Nard Ndoka.

The post Nard Ndoka: S`jam më me Partinë Demokratike sepse na goditën pas shpine, Noka dhe Topalli xhelozë me mua appeared first on Albeu.com.

Debati u zhvillua mes Ndokës dhe gazetarit Anri Bala, ndërsa kreu i PDK-së tha se Edi Rama s’dëshiron kushte të barabarta, ai dëshiron bandat.

“Edi Rama do grupet kriminale në krah, liderin e opozitës në burg”, tha Ndoka.

Bala në reagimin e tij tha se Edi Rama kërkon që lideri i opozitës të ishte jashtë, ndërsa u shpreh se PD për të arritur qeverinë teknike kërkon aleancë te Kryeministri.

Ndoka në ndërhyrjen e tij tha me ironi se edhe Ilir Metën, Edi Rama e do jashtë, edhe pse e mori zvarrë në rrugë.

“Po na e shet Edi Ramën sikur të jetë Zoti. Kush ia la atij qeverisjen, Kristaqi”, tha Ndoka, duke shtuar “ky është debat folklorik”.

“Po si qenka debat folklorik ky, ai ka mandatet në Parlament”, tha Bala.

“Ky është debat kot, ccfarë të flasim me këto, më mirë ta mbyllim emisionin”, tha Ndoka, duke u larguar nga studion e News24.

Në vijim, Bala tha se në zgjedhje Edi Rama, do përdorë në tezat se opozita është kundër SPAK, kundër reformës në drejtësi.

The post Debat mes Ndokës dhe gazetarit, kreu i PDK braktis studion appeared first on Albeu.com.

Gjithashtu, Ndoka shtoi se Cikli i Edi Ramës është krejt i mbyllur, si ligjor ashtu edhe moral. Rama vazhdon me agoninë e tij të keqqeverisjes dhe po mendon largimin.

Ndoka: “Basha është peng i përjetshëm i Edi Ramës. Ndoshta dëshira është që të bashkohemi, por ai nuk besoj se do ta kalojë ylberin e Edi Ramës për tu bashkuar me ne, por mund të ketë edhe surpriza dhe ndoshta e kupton se kurba e tij është në rënie. Basha mund të kthehet te shtëpia e tij duke i thënë “Jo” Edi Ramës dhe duke pranuar gabimet e tij politike.

Cikli i Edi Ramës është krejt i mbyllur, si ligjor ashtu edhe moral. Rama vazhdon me agoninë e tij të keqqeverisjes dhe ai po mendon shpëtimin e tij, si do të largohet dhe cili do të jetë pasardhësi i tij. Rama ka një dosje në SHBA që e ka fundosur. Goditja e Ramës do të jetë e shpejtë dhe ne do të organizohemi shumë shpejt, sepse mund të kemi të papritura”.

The post Nard Ndoka: Basha mjafton t’i thotë jo Ramës dhe të pranojë gabimet e tij appeared first on Albeu.com.

I ftuar në Vizion Plus, Ndoka u pyet për gabimet matematikore të Bashës në Kuvend. Kreu i PDK tha se Basha në ato momente ka qenë nën shantazh, teksa shtoi se Rama e ka nxjerrë nga orbita.

“Rama e ka nxjerrë Bashën nga orbita. Ai e di tabelën e shumëzimit, por është nën shantazh. Rama e fut Lulin e vogën në baltë, si derrat. Gaz Bardhi nuk futet në baltë, rri sipër në vendin e tij dhe ndaj e ka vënë Ramën në vështirësi herë pas here”, tha Ndoka.

Kreu i PDK komentoi me batuta edhe retorikat e kryeministrit Edi Rama, në kohën kur prishi koalicionin me Ilir Metën, duke thënë se donte timonin dhe tepsinë vetëm.

Sipas Ndokës, Rama donte tepsinë e pushtetit që të hante për vete “bakllavanë” dhe timonin, për të mos pasur asnjë kontroll për vendimet që do merrte.

“Rama tha dua timonin dhe tepsinë që ta kem unë. Kush është tepsia në mentalitetin shqiptar? Tepsia është për të ngrënë bakllava, e nuk donte ta hante me Ilir Metën, por me Spiropalin, Ahmetajn, pavarësisht se atyre ja u ngeci në fyt. Ai donte ta hante vetë tepsinë e pushtetit, donte tomonin ta kishte vetë që çdo vendim ta marrë vet e mos ketë kontroll. Ilir Meta nuk donte ta fuste në kanal, por kur ke një lloj kontrolli edhe brenda mazhorancës, edhe vetë kryeministri është më i përgjegjshëm. Ka sot ndonjë zë kudër në PS? Asnjë, i ka rafshuar në pjesën e tyre intelektuale, ja u ka hequr dinjitetin të gjithëve”, tha Ndoka.

The post A e di Basha tabelën e shumëzimit? Përgjigjja epike e Nard Ndokës appeared first on Albeu.com.

Në takimin e zhvilluar me strukturat në kryeqytet, lideri i kësaj partie, Nard Ndoka, e cilësoi Belind Këlliçin një misionar, jo vetëm për të ndryshuar Tiranën por edhe një misionar politikë, për të sjellë një model të një politikani të ri dhe të suksesshëm në shërbim të qytetarëve.

“Belind Këlliçi sot ka një mision, të jemi të qartë, nuk është thjesht një kandidat. Unë mund ta quaj një “misionar politik”, për faktin se mbi vete mbart disa kauza. E para është, të rikthejmë besimi te të rinjtë, të rikthejmë shpresën te të rinjtë, edhe në aspektin e qëndrimit dhe punësimit në Shqipëri por edhe në aspektin politik. Ne patëm dy modele të dështuara për fatin e keq, se gjithmonë flitet se të rinjtë zënë vendin e tyre, por dështuan. Dështoi Lulzim Basha me turp, dështoi Erion Veliaj me turp. Pra një njeri që është më i keq se padroni i tij, Edi Rama. Një njeri që nuk u bë asnjëherë një menaxher, politikan, burrë shteti jo e jo. Pra janë këto dy modele të dështuara, që padiskutim që misioni i Belindit Rritet akoma më shumë”-tha Ndoka.

Gjatë fjalës së tij, lideri demokristian, theksoi se sot Tirana është bërë një qytet i pajetueshëm për shkak të ndërtimeve pa kriter, trafikut dhe kostove të jetesës.

Ndoka u bëri thirrje të gjithë qytetarëve të mbështesin Belind Këlliçin në 14 maj, për të larguar modelet negative të drejtimit të qytetit.

“Ato e kanë bërë jetën më të vështirë qytetarëve, siç është Tirana. Pse urrehet sot Erion Veliaj? Çdo njeri bën dallimin, ka një trafik më të rënduar, ka ndërtime jashtë kritereve, që gjithësecilit ia ka bërë jetën e mërzitshme, ka arrogancë, nuk ka transparencë, abuzohet me taksat tona. Pra janë gjithë këto modele, që çdo njeri e shikon se Tirana jo vetëm që nuk ndryshuar për mirë, por ka bërë regres, duke na vështirësuar jetën edhe ne”-u shpreh Nard Ndoka.

Duke falenderuar Partinë Demokristiane dhe anëtarët e saj që e mbështesin në garën për Bashkinë e Tiranës, jo vetëm atë, por të gjithë kandidtët e opozitës, Belind Këlliçi u zotua edhe para demokristianëve, se pas 14 majit do të punojë për realizimin e premtimeve.

Një ndër to, është ai për transportin publik falas, që sipas Belind Këlliçit do t`u lehtësojë jetesën 200 mijë qytetarëve në ditë.

“Kjo që ndodh me Tiranën është e pafalshme. Ndaj premtimet e mija targetojnë sigurisht, uljen e kostove të jetesës në mënyrë të padiskutuesheme, duke filluar nga një masë që prek 200 mijë qytetarë në ditë. Ua them këtu, nga ky takim me Demokristianët, autobusi pas 14 majit do të jetë falas pa pagesë. Kjo është e realizueshme. A e dini çfarë benefiti është kjo për qytetarët? Janë 200 mijë qytetarë në ditë në Tiranë që përdorin shërbimin e autobusit. Për ato familjet që janë në kushte të vështira ekonomike, për ato familje që u duhet të marrin dy linja urbani në ditë për të shkuar në vendin e punës, kjo masë u kursen 52 mijë lekë në muaj”-tha Këlliçi.

Para demokristianëve në Tiranë, Belind Këlliçi përsëriti dhe njëherë ftesën për rivalin e tij në këtë garë, kryebashkiakun aktual të Tiranës, Erion Veliaj, për të përballur platformat e tyre për drejtimin e kryeqytetit. “Dhe gjej rastin përsëri këtu nga platforma e Demokristianëve, t`i shtroi dorën për një ftesë Erion Veliajt, për të ardhur në debat publik, për të ardhur këtu me ju, për ta zgjedhur ai vendin, orën, mediat, platformën, pyetjet, çështjet për çfarë të dojë ai. Duke nisur nga edukimi ynë, për të vazhduar te problemet e Tiranës, për të folur për qytetarët”,-u shpreh Belind Këlliçi.

Në fund, kandidati i opozitës për Bashkinë e Tiranës, pati dhe një apel drejtuar gjithë qytetarëve të Tiranës, duke u kërkuar të mos shesin votën apo të intimidohen për shkak të ruajtjes së vendit të punës. Belind Këlliçi tha se 14 maj është një ditë e rëndësishme për të ndëshkuar me votë këdo që vjedh apo tallet me qytetarët.

“Dhe i bëj një apel nga këtu të gjithë qytetarëve: marrëdhënia me votën duhet të jetë e shenjtë, mos u intimidoni. Unë e di që ka një presion të jashtëzakonshëm ndaj administratës publike. Unë e di që ka një represion total ndaj atyre që janë në punë për të mos votuar Belind Këlliçin në datën 14 maj. Unë e di që Erion Veliaj po i këron me lista me nga 10 punonjës të gjithë drejtorëve të tij në Bashkinë e Tiranës për të mbajtur vendin e punës. Po kur të shkoni te kutia e votimit jeni vetëm ju dhe Zoti, askush tjetër. Mos e shisni shpirtin për 50 mijë lekë apo për vendin e punës. Mendoni katër vitet e ardhshme, mendoni të ardhmen e këtij qyteti. I ndëshkoni me votë ato që tallen me ju, i ndëshkoni me votë ata që vjedhin çdo ditë. E nëse Belindi nuk mban premtimet pas 14 majit, ndëshkoni edhe Belind Këlliçin më vonë”-u shpreh Belind Këlliçi.

Belind Këlliçi prezantoi para anëtarëve dhe simpatizantëve të Partisë Demokristiane, 5 prioritetet e tij për drejtimin e Tiranës, duke vënë theksin te: transporti publik falas, ulja e taksave për biznesin e vogël dhe të mesëm, hapja e nënkalimit te “Sheshi Skënderbej”, ndërtimi i 500 oazeve të gjelbërta apo dhe ndërtimi i shkollave, kopshteve dhe çerdheve në çdo njësi të Tiranës. Edhe në këtë takim, Belind Këlliçi përsëriti premtimin se Teatri Kombëtar do të ndërtohet në vendin ku ishte dhe siç ishte, ndërsa tha se veç tij, do të ndërtohet edhe një tjetër teatër në kryeqytet.

The post Belind Këlliçi takim me Demokristianët: Pas 14 majit autobusi do të jetë falas pa pagesë appeared first on Albeu.com.

Në një intervistë për Panorama TV, Noka tha se grupimi i Alibeajt po i shërbesh haptazi Ramës.

Si do jetë logoja dhe emri i koalicionit?

Ndoka: Do jenë maksimumi 4-5 parti se kodi zgjedhor s’të jep hapësirë më tepër. Emri do jetë ai i koalicionit të 6 marsit megjithatë po punohet dhe për emrin. Specialistët po merren me logon dhe emrin e gjërat teknike. Nuk është kaluar akoma për pjesën e listave që është hapi i parë që ne të biem dakord, pastaj përfaqësimi me lista që nuk e shoh pengesë të madhe pavarësisht se interesi i partive është të dalim me listat tona në gjithë Shqipërinë.

Kush përfiton nga mosregjistirmi i PD?

Ndoka: Edi Rama përfiton e ato tinëzarët që bëjnë gjoja sikur kërkojnë të futen në zgjedhje. Basha në 2017 kishte vulën, logon, popullin dhe i humbi zgjedhjet. Këto po tentojnë t’i shërbejnë Ramës me gjithë mënyrat.

Grupiimi i Alibeajt s’ka asnjë ndikim tani, nëse AliBasha nuk regjistrohet i shtohet një mundësi opozitës të ketë komisioner që ta kontrollojnë procesin 100%. Mund të ketë përplasje mosmarrëveshje divergjenca punohet për to, por kur mban peng minoranca vullnetin e demokratëve e vazhdon t’i shërbesh haptazi tashme është e qartë që i shërben hapur kryeministrit. Po do ishte më e drejtë nëse Alibeaj të krijonte një tjetër parti politike. Që e mban peng vulën me mbështetjen e kryeministrit dhe kjo është akoma më e rëndë. Dhe sikur të kesh një % të drejtë është e paprecedentë që një vit gjykatat mbajnë peng partinë më të madhe të opozitës.

The post Nard Ndoka zbulon se si do jetë emri i koalicionit me të cilin do futet Berisha në zgjedhjet e 14 Majit appeared first on Albeu.com.

Për Ora News, Ndoka tha se arsyesja që ndërkombëtarët e kanë kërkuar ngritjen e një qeverie teksnike është për faktin se shophin trazira.

Ndoka: Sipas informacioneve që unë kam atij i është kërkuar edhe largimi si kryeministër, krijimi i një qeverie teknike për zgjedhjet lokale. I është kërkuar nga personazhe të rëndësishme  ndërkombëtare, edhe nga pjesa e institucioneve të sigurisë së tyre në mënyrë të drejtëpëdrejtë. Pse? Shohin trazira.

Nuk mund të tolerojnë një lider që ka tendencë për manipulimin e zgjedhjeve, një lider që vjedh çdo ditë, një lider që sot i jep mijëra euro një kompanie që është në hetim për incineratorët.

I është kërkuar dhe janë informacione jo të konsumuara në mënyrë zyrtare por qarkullojnë dhe përmes lidhjes që kemi me faktorin ndërkombëtar që Ramës i është kërkuar në mënyrë të drejtëpërdrejtë të shikojë mundësinë e një kryeminstri tjetër ndoshta nga radhët e veta por jo Edi Rama dhe një qeverisje teknike që të përfshijë dhe faktorin tjetër politik apo jo politik për ti dhënë garanci mbatjes së zgjedhjeve lokale me një standard të pranueshëm./Albeu.com.

The post “Ramës i është kërkuar nga ndërkombëtarët të largohet”, Nard Ndoka: Qeveri teknike më 14 maj appeared first on Albeu.com.

Ndoka ka ndarë foton me Gjecin në Instagram, ku dhe kanë vërshuar komentet.

“Ty dhe Berishën nuk ju zëvendëson njeri”, ishte një nga komentet në foto, ndërsa nuk ka munguar një përgjigje “pikante” nga Ndoka.

“Berishën e zëvendësoi edhe Lul B, mua me duket se jo!”, shkruan Ndoka./albeu.com

The post Habit Nard Ndoka: Jam i pazëvendësueshëm, Berishën e zëvendësoi Luli appeared first on Albeu.com.