Cristiano Ronaldo ishte shumë pranë një prej çasteve më të paharrueshme të karrierës së tij në përballjet me Spanjën në vitin 2010, por një seri rrethanash të debatueshme dhe ndërhyrja e papritur e një shoku skuadre bënë që ai aksion të mos hynte kurrë në statistikat zyrtare.

Një nga sfidat më të rëndësishme të fazës së 1/16-ave në Kupën e Botës 2010 ishte ajo mes Portugalisë dhe Spanjës.

Spanja, që më vonë do të fitonte titullin kampion bote, e mposhti Portugalinë me rezultatin 1-0, falë golit të David Villas, duke i dhënë fund rrugëtimit portugez në turne.

Por episodi që ka mbetur më gjatë në kujtesë nuk lidhet vetëm me atë eliminim. Ai i përket një ndeshjeje miqësore të zhvilluar disa muaj më pas mes të njëjtave skuadra në Estadio da Luz, ku Portugalia fitoi bindshëm 4-0.

Në minutën e 36-të të asaj ndeshjeje, Ronaldo dhuroi një aksion të jashtëzakonshëm: ai kaloi disa kundërshtarë, mes tyre edhe Gerard Pique, më pas shmangu me finesë portierin Iker Casillas dhe e dërgoi topin drejt rrjetës së boshatisur.

Gjithsesi, në çastin vendimtar, Nani e preku topin pranë vijës fatale dhe kjo solli reagimin e asistentit të gjyqtarit, i cili ngriti flamurin për pozicion jashtë loje.

Menjëherë pas vendimit, Ronaldo shpërtheu në zemërim, duke treguar hapur pakënaqësinë e tij dhe duke hequr në mënyrë demonstrative shiritin e kapitenit.

Ai nuk e mbylli ndeshjen në fushë, pasi u zëvendësua në pushim, ndërsa pamjet e golit të anuluar u shpërndanë me shpejtësi në të gjithë botën.

Pas takimit, Nani kërkoi ndjesë për atë episod, duke shpjeguar se kishte vepruar me mirëbesim dhe se kishte menduar që nuk ndodhej në pozicion jashtë loje.

“Gjithçka ndodhi shumë shpejt. E kuptova më pas që nuk duhej ta prekja topin dhe i kërkova falje Ronaldos. Ishte një moment i jashtëzakonshëm që nuk duhej ta prishja”, deklaroi ai.

Nga ana e tij, Ronaldo e sulmoi fort vendimin e arbitrit, duke këmbëngulur se goli ishte i rregullt dhe se iu mohua padrejtësisht.

Ky episod u rikthye sërish në qendër të debatit edhe pas shumë vitesh.

Në vitin 2020, Nani e shpjegoi edhe një herë situatën në një podcast, duke thënë se topi e kishte kaluar tashmë vijën fatale para se ai të ndërhynte dhe se nuk kishte pasur për qëllim të dëmtonte shokun e skuadrës.

Polemikat nuk e kanë zbehur kujtesën e atij momenti, i cili vazhdon të konsiderohet si një nga episodet më të diskutuara në karrierën e Ronaldos: një gol spektakolar që shumë tifozë vazhdojnë ta quajnë “ekzistues”, edhe pse zyrtarisht nuk u regjistrua kurrë.

The post Goli i pashënuar i Ronaldos kundër Spanjës më 2010: vendimi i arbitrave dhe prekja e Nani-t që i mohuan një moment historik appeared first on Albeu.com.

Nani ishte pjesë e ekipit të Manchester United që fitoi katër tituj të Ligës Premier dhe mposhti Chelsean në 2008 për të fituar Ligën e Kampionëve.

Ai gjithashtu fitoi dy trofe të EFL Cup si dhe njëherë Kupën e Botës për Klube nën drejtimin e Sir Alex Ferguson.

Ferguson e transferoi Nanin nga Sporting Lisbona në moshën 20-vjeçari dhe shumë prej tifozëve pritën që ai të ishtë zëvendësuesi afatgjatë i Cristiano Ronaldos për shkak të ngjashmërisë që kishin në stilin e lojës.

Portugezi u largua nga Unitedi në vitin 2015 në drejtim të Fenerbahces dhe është ende aktiv në futboll, por që momentalisht ka mbetur pa ekip.

Aventura e tij e fundit ishte në Turqi tek ekipi i Adana Demirspor së bashku me ish-sulmuesin e Manchester Cityt, Mario Balotelli, por që së fundmi kishte njoftuar që kontrata e tij me ekipin turk ishte shkëputur me efekt të menjëhershëm.

“Do të doja të njoftoja që se e kam ndërprerë kontratën time me Adana Demirspor Kulubu me efekt të menjëhershëm.

Do të doja t’i falenderoja tifozët për mbështetjen e tyre. Tani do të konsiderojë hapat e ardhshëm që do të marrë në karrierën time”, ka shkruajtur Nani në platformën X.

Nani me shumë mundësi do të tërheq interesim nga klubet amerikane këtë verë, që do të thotë se një rikthim i mundshëm në Angli momentalisht duket i pamundur./Telegrafi/

pic.twitter.com/Ex8MWfERAX

— Nani (@luisnani) May 13, 2024

The post Dikur cilësohej si ‘Cristiano Ronaldo i ardhshëm’, ish-legjenda e Man United tani ka mbetur pa ekip appeared first on Albeu.com.

Lënia në stol gjatë gjithë ndeshjen nuk përtypet lehtë nga 5 herë fituesi i “Topit të Artë” i cili në ndeshjen e fundit ndaj Tottenham u largua ende pa mbaruar ndeshje duke mos pranuar të futet në fushë në minutat e fundit.

Kjo sipas teknikut Ten Hag nuk është hera e parë, e për këtë arsye ai është dënuar me përjashtim nga skuadra për ndeshjen me Chelsea dhe stërvitje me ekipin U-21.

Cristiano Ronaldo went to the tunnel before the game ended against Tottenham ?

(via @TelemundoSports)pic.twitter.com/nYwKlpKiSd

— B/R Football (@brfootball) October 19, 2022

Rreth kësaj situata ka folur edhe bashkëkombasi i tij Nani, i cili normalisht ka dalë në mbrotje të tij duke u shprehur se Cristiano është një profesionist i madh.

“Nuk e pashë atë situatë, nuk e di se çfarë ndodhi, por ndoshta i duhej të shkonte në banjë. Të gjithë e dinë se CRISTIANO ëshë një profesionist i madh, ai punon shumë për të luajtur dhe ndoshta është frustruar sepse nuk është një nga zgjedhjet e trajnerit. Ndoshta dhe kanë lënë të largohet, nuk e di”, është shprehur Nani./albeu.com

The post U largua pa mbaruar ndeshja, Nani mbron Ronaldon pas dënimit nga United: Ndoshta duhet të shkonte në banjë appeared first on Albeu.com.

“Ne nuk kemi luajtur së bashku për një kohë të gjatë, Cristiano nuk është më një fëmijë. Çdo gjë ndryshon, reagimet dhe qëndrimet gjithashtu mund të ndryshojnë.

Nga sa kam parë, ai bën të njëjtën gjë si më parë. Nuk i pëlqen të humbasë, reagon kur skuadra nuk luan mirë. I vetmi ndryshim është se këto janë kohë të ndryshme.

Ai luajti mirë në Manchester United dhe në ekipe të ndryshme me lojtarë të ndryshëm në mbarë botën. Ai është vendi ku trajneri [Erik ten Hag] po përpiqet të ndërtojë një ekip të fortë dhe nuk është e lehtë. Duhet kohë, por Cristiano nuk ka kohë të ndërtojë ekipe apo të presë sezonin e ardhshëm.

Ai dëshiron të jetë më i mirë, të qëndrojë në krye, të shënojë gola dhe të jetë më i miri. Kjo është arsyeja pse reagimet e tij janë normale”, tha për podcast-in e Five, anësori i Melbourne Victory, dikur i Manchester United. /albeu.com/

The post Nani për Ronaldon: Ten Hag po përpiqet të ndërtojë një ekip të fortë, por Cristiano nuk ka kohë për këtë appeared first on Albeu.com.

“Gjithmonë”, ka thënë fillimisht Nani për Athletic, kur u pyet nëse ai vazhdon të ndjekë Manchester Unitedin.

“Nëse nuk kam lojë në të njëjtën kohë, sigurisht. Është e veçantë tani me Cristianon atje. Natyrisht, kur shihni lajmet dhe situatën e tij në Juventus, mund të imagjinoni se nuk kishte vend më të mirë për të sesa të kthehej te United”.

“Në kokën time, e dija se ai mund të shkonte. E dija se lajmi do të ishte i vërtetë, kështu që nuk ishte aq e papritur për mua”.

“Është gjithmonë një motivim të shohësh Man Utd dhe Old Trafford plot me tifozë, mënyra se si është atmosfera në atë stadium është thjesht e pabesueshme. Është mirë të shohësh dhe kujtosh disa momente të mira”, përfundoi portugezi. /albeu.com/

The post Nani për Cristiano Ronaldon: Nuk kishte vend më të mirë për të se Man United appeared first on Albeu.com.