“Largimi i Nancy Pelosi është një ngjarje e madhe për Amerikën. Ajo ishte e keqe, e korruptuar dhe e përqendruar vetëm në atë që ishte e keqe për vendin tonë. Ajo humbi shpejt kontrollin e partisë së saj dhe nuk e rifitoi kurrë atë. Jam shumë krenar për të që u përpoq të më rrëzonte nga posti dy herë, por pa sukses. Nancy Pelosi është një politikane shumë e mbivlerësuar”, tha Trump në një koment në Fox News.

Nancy Pelosi është një nga figurat më të rëndësishme në Partinë Demokratike, duke udhëhequr Dhomën e Përfaqësuesve dhe duke qenë kundërshtarja kryesore e Presidentit Donald Trump gjatë mandatit të tij të parë.

The post Nancy Pelosi i jep fund karrierës pas 40 vitesh/ Trump: Ajo ishte e keqe dhe e korruptuar! appeared first on Albeu.com.

Pelosi, 83-vjeçare, ka fituar për herë të parë ulëse në distriktin e saj në San Francisko më 1987, dhe më pas ka shërbyer dy periudha në krye të Dhomës së Përfaqësuesve, më 2007-2011 dhe 2019-2023.

Ajo i ka udhëhequr demokratët për dy dekada në këtë trup të Kongresit, ndërsa e ka humbur këtë pozitë vitin e kaluar pas fitores së republikanëve në Dhomën e Përfaqësuesve.

Vendimi i saj për t’i hyrë sërish garës ka shumë gjasa që ta ringjallë debatin për moshën e politikanëve në Shtetet e Bashkuara – një pjesë e mirë e tyre mbi 76 vjeç.

“Tani, më shumë se kurrë duhen avancuar vlerat e San Franciskos dhe të rimëkëmbemi”, ka thënë Pelosi përmes një postimi në platformën X, të njohur më parë si Twitter.

“Vendi ynë ka nevojë për një Amerikë që i tregon botës së flamuri ynë është ende aty, dhe se ka liri e drejtësi për të gjithë. Prandaj do të garojë sërish dhe me respekt e kërkoj votën tuaj”.

Pelosi është gruaja e parë amerikane në historinë amerikane që ka qenë në krye të Dhomës së Përfaqësuesve dhe ka luajtur rol kritik në avancim apo prishje të agjendave për shumë ish-presidentë amerikanë./rel

The post Nancy Pelosi do të garojë sërish në zgjedhjet e Kongresit appeared first on Albeu.com.

“Që në çastet e para kur mora këtë detyrë, kam besuar se pjesë e të qeverisurit mirë ishte të dije se kur do të ishte koha e duhur për t’u tërhequr dhe për t’i hapur udhë dikujt tjetër”, tha Nicola Sturgeon, ish kryetare e qeverisë së Skocisë.

Forca e saj politike, Partia Kombëtare Skoceze është përballur me pengesa në përpjekjet për pavarësi të Skocisë. Vitin e shkuar Gjykata e Lartë britanike hodhi poshtë kërkesën e Skocisë për mbajten e një referendumi për shkëputjen nga Britania.

Megjithatë, zonja Sturegon u shpreh me krenari se dëshironte të kalonte më shumë kohë me familjen se saj.

“Do të na ndihmojë të ndërtojmë të ardhmen”… tha ajo.

Në muajin janar, Jacinda Ardern dha dorëheqjen si kryeministre e Zelandës së Re. Edhe pse për shkak të rritjes së inflacionit mbështetja për partinë e saj ka rënë, zonja Ardern tha se arsyeja kryesore e dorëheqjes ishte që t’i përkushtohej rolit të saj si nënë.

“E di se çfarë nevojitet për të qeverisur dhe e di se nuk jam më në gjendje për të udhëhequr si duhet”, u shpreh ajo.

Në muajin nëntor politikania Nency Pelosi njoftoi se po hiqte dorë nga roli i saj si udhëheqëse e demokratëve në Dhomën e Përfaqësuesve. Në Afrikë, kryetarja e Gjykatës së Lartë në Etiopi, Court Meaza Ashenafi dha dorëheqjen nga detyra, në muajin janar.

A kemi hyrë në epokën e dorëheqjeve nga gratë udhëheqëse?

“Mendoj se çfarë po kuptojmë nga këto dorëheqje të grave udhëheqëse ështe se mjedisi nuk është miqësor ndaj grave. Mendoj se është e rëndësishme të rishikohen strukturat, sistemet dhe institucionet që historikisht u krijuan dhe përcaktuan nga burrat, por që tani nuk janë më të përshtatshme”, shpjegon Rangita de Silva de Alwis, Instituti Georgetown për Gratë, Paqen dhe Sigurinë.

Ndërkohë, studimet nga organizata LeanIn dhe Kompania McKinsey tregojnë se gratë në biznes kërkojnë paga më të mira dhe më shumë lehtësira në punë dhe janë të përgatitura të ndryshojnë punë për t’i siguruar këto kushte. Po ashtu, ato pëlqejnë më shumë që të punojnë nga shtëpia, ndoshta sepse duan të kujdesen për familjen.

“Mendoj se po bëhet përherë e më pranueshme që të udhëheqësh ndërsa kujdesesh për familjen”, thekson zonja de Silva de Alwis.

Po ashtu disa studime tregojnë se sa më pak e butë dhe me shumë vetëbesim të duket një udhëheqëse grua, aq më pak pëlqehet, madje edhe nga grate e tjera. Presidentja malaviane Joyce Banda i tha gazetës britanike “The Guardian” se kritiket e saj më të mëdha ishin grate.

Por jo gjithçka po shkon tatëpjetë për gratë në drejtim. Ekpertët thonë se prirja për punë me kohë të pjesshme në Europë do të ndihmojë gratë, po aq edhe rritjen e kuotave për përfaqësimin e tyre në biznes. Po ashtu, ata thonë se shumë kultura janë më të mësuara me idenë e udhëheqjes nga gratë.

“Në kultura ku udhëheqja e grave është institucionalizuar prej një periudhe të gjatë, si në vendet skandive, mbështetja për gratë në drejtim është e madhe dhe në të vërtetë gjysma e udhëheqësve janë gra”, thotë Alice Evans, eksperte mbi historinë e çështjeve gjinore.

Kur dorëzoi detyrën, ish kryetarja e Dhomës së Përfaqësuesve të Shteteve të Bashkuara, Nancy Pelosi u shpreh e mrekulluar se sa shumë është shtuar numri i grave anëtare në këtë institucion në krahasim me 35 vjet më parë kur ajo u zgjodh si përfaqësuese./voa

The post Pse gratë po tërhiqen nga pozitat udhëheqëse? appeared first on Albeu.com.

Në ceremoni ndodhej edhe kryetarja e Dhomës së Përfaqësuesve, Nancy Pelosi, udhëheqësi i shumicës në Senat, Charles E. Schumer dhe çifti që ngriti padinë dhe që u bë shkas që një gjykatë në Masaçusets të legalizojë martesat e së njëjtës gjini në atë shtet.

Biden, në një fjalim, theksoi rëndësinë e veprimit të Kongresit për të shfuqizuar zyrtarisht Aktin e Mbrojtjes së Martesave dhe kodifikimin e njohjes federale të martesave të së njëjtës gjini.

Mbështetësit thanë se ligji do të ndihmonte pjesërisht nëse Gjykata e Lartë rrëzonte një vendim të vitit 2015 që legalizonte martesat e së njëjtës gjini në mbarë vendin.

“Dashuria është dashuri”, theksoi Biden.

Projektligji, i cili u miratua në të dy dhomat e Kongresit me mbështetje dypartiake, është një nga pjesët e fundit të legjislacionit kryesor që demokratët do të miratojnë përpara se t’ia dorëzojnë kontrollin e dhomës republikanëve në Kongresin e ardhshëm.

The post “Dashuria është dashuri”, Biden nënshkruan projektligjin për martesat e së njëjtës gjini appeared first on Albeu.com.

Jeffries ka bërë histori edhe më parë, kur ai u bë anëtari më i ri që shërbeu në udhëheqje si kryetar i grupit demokratik në vitin 2019.

Përfaqësuesja e Masaçusets, Katherine Clark, aktualisht e mbrojtura e Pelosit si asistente kryetare, u zgjodh për të zëvendësuar deputetin Steny Hoyer si demokratin e dytë më të lartë të Dhomës së Përfaqësuesve. Ajo do të shërbejë si kamxhik i pakicës në mandatin e ardhshëm të kongresit.

Përfaqësuesi i Kalifornisë Pete Aguilar, i cili aktualisht shërben si nënkryetar i grupit parlamentar, do të bëhet demokrati numër 3 i Dhomës së Përfaqësuesve, një renditje që aktualisht mbahet nga Jim Clyburn./albeu.com

The post Pelosit dha dorëheqjen, kush do të përfaqësojë demokratët në dhomën e Kongresit appeared first on Albeu.com.

Kujtojmë se Paul Pelosi u godit me një çekiç në shtëpinë e çiftit në San Francisko të premten. Gjendja e 82-vjeçarit po përmirësohet pas sulmit.

“Ai pësoi një frakturë të kafkës dhe lëndime në krahun e djathtë dhe duart, dhe është në spital duke marrë trajtim dhe kujdes mjekësor”, tha Nancy Pelosi.

I dyshuari, 42-vjeçari David Depape, thuhet se ka kërkuar të takohet me Pelosin duke nxitur frikën për dhunën politike në prag të zgjedhjeve afatmesme të 8 Nëntorit.

Autori i dyshuar i krimit u kap dhe u çarmatos nga oficerët. Ai kishte tentuar të lidhte Paul Pelosin “derisa Nancy të kthehej në shtëpi”, thanë burimet e zbatimit të ligjit për CBS News. Thuhet se ai bërtiti “ku është Nancy?” gjatë incidentit.

Ai po përballet gjithashtu me akuzat për sulm me armë vdekjeprurëse, vjedhje dhe disa krime të tjera.

82-vjeçarja Pelosi është një nga politikanet më të fuqishme në vend. Ajo u rizgjodh për një mandat të katërt si Kryetare e Dhomës së Përfaqësuesve në vitin 2021, duke u bërë e dyta në radhë për presidencën, pas Zëvendës Presidentes Kamala Harris.

The post Pelosi: Jemi të traumatizuar nga sulmi me çekiç ndaj bashkëshortit tim appeared first on Albeu.com.

Paul Pelosi u sulmua në shtëpinë e çiftit në San Francisko më 28 tetor. Pelosi, 82 vjeç, pësoi një traumë të fortë në kokë dhe në trup, por pritet të shërohet plotësisht pas operacionit.

Duke folur në një tubim gjatë fushatës në Filadelfia, Biden tha se dhuna politike “nuk ka vend” në Shtetet e Bashkuara, duke shtuar “Mjaft është mjaft”.

“Çdo person me ndërgjegje të mirë duhet të ngrihet qartë kundër dhunës në politikën tonë, pavarësisht se cila është bindja juaj politike”, tha Biden.

Ai gjithashtu iu referua raporteve të mediave se sulmuesi pyeti “Ku është Nancy”.

Policia tha se i dyshuari përdori një çekiç gjatë sulmit ndaj Pelosit. Ai është arrestuar me akuzat për vrasje në tentativë, sulm dhe akuza të tjera, thanë autoritetet në një konferencë për shtyp.

Sulmi ndodhi vetëm 11 ditë përpara zgjedhjeve të pjesshme, në të cilat krimi dhe siguria publike janë shfaqur si shqetësimet kryesore në mesin e amerikanëve.

Sulmi ngre pyetje në lidhje me sigurinë e anëtarëve të Kongresit dhe familjeve të tyre pasi kërcënimet ndaj ligjvënësve janë në nivelin më të lartë të të gjitha kohërave, dy vjet pas kryengritjes së dhunshme në Kongresin Amerikan./REL

The post Biden e quan “të neveritshëm” sulmin ndaj shtëpisë së Pelosit appeared first on Albeu.com.

“Paul Pelosi u sulmua në shtëpinë e tij nga një person i cili e kërcënoi se do ta vriste, duke kërkuar të takohej me presidentin”, tha Drew Hamill.

Në fakt, sipas burimeve për CBS News, sulmuesi u përpoq të lidhte Paul Pelosi derisa gruaja e tij të kthehej. Paul Pelosi, 82 vjeç, u dërgua në një spital në San Francisko ku iu nënshtrua një operacioni për një frakturë të kafkës dhe një dëmtim në dorën e djathtë.

David Depp, 42 vjeç, i cili u arrestua nga oficerët do të akuzohet për tentativë për vrasje, sulm me armë vdekjeprurëse, abuzim me të moshuarit dhe vjedhje, sipas shefit të policisë së San Franciskos, Ëilliam Scott.

Shefi i policisë së San Franciskos tha se hajduti hyri në shtëpinë e Pelosit nga një derë e pasme. Pamjet nga vendi i ngjarjes tregojnë një derë xhami të thyer. Sapo autori hyri në shtëpi, Paul Pelosi tha se duhej të përdorte banjën, kështu që ai arriti të telefononte fshehurazi policinë duke lënë telefonin e hapur dhe duke lejuar kështu oficerin e policisë në detyrë të dëgjonte bisedat dhe të dërgonin forcat në vendngjarje.

Kryetarja demokrate e Dhomës së Përfaqësuesve, e cila është e dyta në radhë për presidencën amerikane, ishte në Uashington sulmuesi hyri në shtëpinë e saj.

Autoritetet amerikane janë ende duke hetuar motivin e sulmuesit, mes frikës për një sulm të motivuar politikisht përpara zgjedhjeve afatmesme të 8 nëntorit në SHBA. Presidenti amerikan Joe Biden dënoi sulmin  ndaj bashkëshortit të kryetares së Dhomës së Përfaqësuesve, Nancy Pelosi.

“Çdo qytetar i ndërgjegjshëm duhet të dënojë qartë dhe pa mëdyshje dhunën në politikën tonë, pavarësisht nga përkatësia politike”, tha Biden në një fjalim në Filadelfia.

The post Sulmi në shtëpinë e Nancy Pelosit, kush ishte shënjestra, zbulohen detaje të reja appeared first on Albeu.com.

Vizita e saj vjen pas luftimeve të ashpra midis Armenisë dhe Azerbajxhanit, të cilat lënë më shumë se 200 persona të vdekur.

Ministria armene e Mbrojtjes, tha më 16 shtator se armëpushimi me Azerbajxhanin, duket se po zbatohet dhe se “situata nuk ka ndryshuar” në kufi.

Duke folur për gazetarët në Berlin, ajo tha se do të udhëtonte më 17 shtator atje, me një delegacion që përfshinë edhe një ligjvënës amerikan me origjinë armene.

Pelosi tha se udhëtimi ishte planifikuar para përshkallëzimit të fundit të dhunës në kufirin mes dy vendeve dhe se ishte me ftesë të armenëve.

Këto janë përleshjet më vdekjeprurëse qëkur Armenia dhe Azerbajxhani zhvilluan një luftë gjashtëjavore më 2020 mbi rajonin e shkëputur të Nagorno-Karabakut.

Separatistët e mbështetur nga armenët morën nën kontroll rajonin e populluar kryesisht me armenë nga Azerbajxhani, gjatë një lufte në fillim të viteve 1990, në të cilën mbetën të vdekur rreth 30.000 njerëz.

Përpjekjet diplomatike për ta zgjidhur konfliktin sollën pak përparim përgjatë viteve dhe të dyja palët nisën një tjetër luftë në vitin 2020, e cila zgjati gjashtë javë, para se të miratohej një armëpushim i ndërmjetësuar nga Rusia.

Sipas armëpushimit, pjesë të rajonit të shkëputur dhe shtatë rrethet pranë u kthyen nën kontrollin e Azerbajxhanit. Rreth 2.000 trupa ruse janë vendosur atje për të ruajtur paqen.

Nagorno-Karabaku njihet ndërkombëtarisht si pjesë e Azerbajxhanit.

The post Nancy Pelosi konfirmon vizitën në Armeni pas luftimeve të ashpra me Azerbajxhanin appeared first on Albeu.com.

Një ditë më herët, Tajvani bëri të ditur se dhjetë avionë kinezë kaluan përgjatë ngushticës së ishullit.

Forcat ajrore të Kinës kanë fluturuar në mënyrë të përsëritur përtej linjës ndarëse ajrore gjatë javës së kaluar si pjesë e stërvitjeve ushtarake të organizuara pas vizitës së kryetares së Dhomës së Përfaqësuesve të SHBA-së, Nancy Pelosi në ishullin e pretenduar nga Kina, vizitë të cilën Pekini e kundërshtoi ashpër.

Kina ka thënë se Tajvani është pjesë e territorit të saj dhe se nuk do të tolerojë “veprimtaritë separatiste” në ishull, duke kërcënuar se do ta aneksoj me forcë nëse është e nevojshme.

Ministri i Jashtëm tajvanez, Joseph Wu, ka thënë më 9 gusht se Kina është duke shfrytëzuar stërvitjet ushtarake si “përgatitje për pushtim të Tajvanit”.

Edhe Tajvani ka nisur stërvitjet e veta ushtarake të enjten.

Presidenti amerikan, Joe Biden, ka thënë më 8 gusht se është i shqetësuar për veprimet e Kinës, por ka shtuar se “nuk besoj se ata do të bëjnë diçka më shumë sesa janë duke bërë”.

Raportet mes Kinës dhe Tajvanit

Pse Kina dhe Tajvani kanë marrëdhënie të tensionuara? Kina dhe Tajvani janë ndarë gjatë luftës civile më 1940, mirëpo Pekini insiston se ishulli do t’i kthehet dikur.

Si qeveriset Tajvani? Ky ishull ka Kushtetutën e vet, liderët e zgjedhur në mënyrë demokratike, dhe rreth 300.000 trupa aktive ushtarake në mesin e forcave të armatosura.

Kush e njeh Tajvanin? Vetëm pak shtete. Shtetet e Bashkuara nuk kanë lidhje zyrtare me Tajvanin, mirëpo kanë një ligj që parasheh dërgimin e mjeteve që i duhen ishullit për ta mbrojtur veten./REL

The post Tensionohet situata, 13 avionë kinez mbi Tajvan appeared first on Albeu.com.