E ftuar sot në “S’e Luan Topi”, mjekja Najada Çomo kujton mes lotësh sesi e niste mëngjesin duke lajmëruar familjarët për vdekjet e të afërmve të tyre. Më e rëndë kujton Najada, ishte ku duhej të lajmërohej nëna për vdekjen e fëmijës.

“Ka qenë një nga momentet më të vështira. Ne kishim zgjedhur që informacionin për familjarët e vdekur ta jepnin në mëngjes herët jo natën. Puna ime fillonte me këtë proces, për të lajmëruar familjarët që nuk i njihja. Ka qenë shumë e vështirë të marrësh dikë dhe t’i thuash. Marrja në telefon për t’i thënë ke humbur fëmijën ishte…(përlotet). Ka qenë një nga gjërat më të tmerrshme, shpesh ja mbyllja telefonin sepse po qaja vet. Shumë e rëndë por gjërat e vështira nuk të mbajnë, ose do rrije do qaje në dhomë ose do qanin bashkë si staf. Një doktoreshë kishte babanë e shtruar rëndë, njëra vëllanë rëndë dhe ishte e tmerrshme. Ishte rregull që nuk do i shërbeje prindit tënd se afeksionoheshe dhe mund të gaboje. Kur tre nga doktoreshat, infermierët kanë humbur prindërit e tyre, mendoja se këta njerëz do dorëzoheshin. Ishin humbje të mëdha. Të humbësh prindin ku punon është e rëndë, ata u kthyen pas pak ditësh në punë. Nuk e lanë asnjëherë punën, prandaj e meritojnë mirënjohjen nga njerëzit dhe nga ana ime për punën që kanë bërë”-tregoi mes lotësh Najada Çomo.

The post “Ishte e rëndë t’i thoje një nëne të ka vdekur djali”, Najada Çomo kujton me lot lajmërimet e vdekjeve çdo mëngjes në pandemi appeared first on Albeu.com.

Koçiu thekson se “vaksinimi kundër gripit, konsultimi me mjekun e familjes për të mos neglizhuar shenjat e gripit dhe zbatimi i masave për të mbrojtur veten dhe të tjerët, janë thelbësore për të parandaluar komplikacionet në shëndet”.

Ministrja e Shëndetësisë, u bën thirrje qytetarëve që të kontaktojnë me mjekun e familjes për vaksinën falas, si dhe qendrave shëndetësore për të marrë shërbim shëndetësor në kohë.

Gjithashtu, ministrja ka shpërndarë apelin e shefes së Spitalit Infektiv, Najada Çomos, e cila thekson se “nuk ka vend për panik, por ka vend për t’u sensibilizuar”.

“Duke qenë se jemi në stinën e dimrit, një nga sëmundjet që kemi është gripi ose infeksione të ndryshme të rrugëve të frymëmarrjes duke filluar nga sekrecionet nga hundët, nga kolla, nga dhimbja e fytit, apo nga pjesa e prekjes së mushkërive siç është pneumonia. Ajo çka unë dua të them është që numri i pacientëve që paraqiten pranë Shërbimit Infektiv është më i shtuar se sa muaji Dhjetor dhe natyrisht në Shërbimin Infektiv vijnë pacientë me sëmundje të ndryshme, ku tani peshën më të madhe e mbajnë ata persona që janë të sëmurë me infeksione të rrugëve respiratore, kryesisht në pjesën e gripit.

Nuk ka vend për panik, por ka vend për t’u sensibilizuar shumë më tepër ndaj kësaj sëmundje dhe sensibilizimi është në dy aspekte. Së pari, ata persona që nuk janë vaksinuar dhe kryesisht ata që kanë sëmundje kronike të nxitojnë për t’u vaksinuar dhe grupi i të sëmurëve kronikë janë diabetikët, janë ata që kanë sëmundje gjaku, ata që kanë sëmundje kronike të mushkërive, ata që kanë sëmundje të veshkave kronike dhe shumë sëmundje të tjera.

Dhe kategoria tjetër janë ata persona që janë të sëmurë, të ulin kontaktin me persona të tjerë, pra mos të takohen me njerëz që kanë këto lloj infeksionesh të rrugëve të sipërme të frymëmarrjes për arsye se gripi apo infeksionet aktuale që kemi, janë shumë të përhapshme nëpërmjet komunikimit të afërmit, nëpërmjet dhënies së dorës. Pra duhet ulur veç pjesës së vaksinimit, duhet ulur takimi ose minimizuar takimi me njerëz të sëmurë për arsye se je burim i madh infeksioni për persona të tjerë. Dhe sigurisht jo të gjithë personat që vijnë në spital kanë nevojë për ndihmën e spitalit. Një pjesë e tyre duhet të drejtohen pranë mjekut të familjes i cili është stacioni i parë ku personi merr ndihmën mjekësore”.

The post Situata e gripit/ Mjekja Najada Çomo bën thirrje për vaksinim appeared first on Albeu.com.

Në një intervistë për Neës 24, ajo theksoi, se ato duhet të vaksinohen për të përballuar këtë virus, pasi ka pasur raste, që grave shtatzëna t’i vinin dhimbjet e lindjes më shpejt e t’ju dëmtonin fëmijët nga sëmundja.

“Duhet theksuar se këto gra kanë çuar në dhimbje t parakohshme se COVID-i dëmton nënë dhe bebin. Ka kohë që thuhet se gratë shtatzënë duhet vaksinuar, edhe duke qenë shtatzëna. Është bërë një kohë e gjatë që kemi pandemi dhe ka pasur humbje jetësh në gratë shtatzëna. Gratë shtatzëna duhet të mbrohen dhe vaksinohen për t’u mos u ballafaquar me rastet e rënda”, tha Çomo./albeu.com

The post Çomo thirrje grave shtatzëna për t’u vaksinuar: Mbroni veten dhe fëmijën! appeared first on Albeu.com.

“Sa keq më vjen që nuk u vaksinova” dhe besoj se fjala e Klevisit vlen për shumë të rinj” tha Çomo.

“Numri i personave të shtruar në covid-1 dhe 3 është i qëndrueshëm, 140 pacientë. 70% e raste të shtruara i takojnë formave të mesme dhe rënda, pjesa tjetër kritike. Pjesa e grupmoshës së prekur është nga 19-vjeç deri mbi 90-vjeç. Numri i të shtruarave në grupmoshën e re është i rritur.

Mosha nga 19-40 deri në 45 vjeç janë 30% e të shtruarve. Kategoria e të shtruarve në spital, pjesën madhore e zënë të pavaksinuarit, gati 90% e rasteve. Vlerësohet procesi i vaksinimit dhe në moshat mbi 65-vjeç është e rëndësishme doza e tretë e vaksinës, që është një armë e fuqishme” tha Çomo. Sot u konfirmua zyrtarisht në Shqipëri varianti Omicron./albeu.com

The post Ndërroi jetë nga Covid-19, Çomo rrëfen fjalët e 30-vjeçarit: Sa keq që nuk u vaksinova appeared first on Albeu.com.

Pas dorëzimit të mandateve, në Kuvend futen:

Mandati i Gramoz Ruçit i ka kaluar Mirela Pitushit

Mandati i Najada Çomos i ka kaluar Mimi Kodhelit

Mandati i Lefter Kokës i ka kaluar Denis Deliut

Mandati i Mark Marku i ka kaluar Elda Hotit.

Po kush janë deputetët e rinj që futen në Kuvend?

Mirela Pitushi:

Partia Socialiste mori 9 mandate në qarkun e Fierit, ndaj me dorëheqjen e Ruçit, mandati do t’i kalojë Mirela Pitushi.

Pitushi ka arritur të sigurojë më shumë vota nga kandidatët që nuk arritën të ishin në listën fituese.

Ajo ishte renditur e 11-ta në në listën e PS-së në qarkun e Fierit dhe arriti të sigurojë 3508 vota, më shumë se sa kandidatët e tjerë në listën jo fituese të PS-së.

Mimi Kodheli:

Kodheli nuk mundi të merrte mandat deputeti në zgjedhjet e 25 Prillit, një rezultat ky I pritshëm për shkak të pozicionit të saj në listën e PS në Tiranë. Mimi Kodheli ka një karrierë shumë të gjatë në politikë, prej viti 2002 ku është angazhuar në PS dhe ka mbajtur pozicione shumë të rëndësishme. Pas dorëheqjes së Çomos, Kodheli deklaroi se është e gatshme për të marrë mandatin.

Denis Deliu:

Vendin e Lefter Kokës si deputet në Kuvend, do ta zërë Denis Deliu. Ky i fundit, mbante numrin e 13 në listën e PS në Durrës, për zgjedhjet e 25 prillit.

Deliu ka një karrierë në fushën ushtarake. Prej vitesh është bërë pjesë e Forcave të Armatosura në Gardën e Republikës, ku tashmë mban pozicionin e shefit të Sigurisë në Organet e vettingut.

Deliu ka qenë pjesë emisionit në Afganistan ku dhe mbeti i vrarë kolegu i tij Feti Vogli.

Po ashtu ai ka marrë shumë vlerësime nga institucionet vendase dhe ndërkombëtare. I 13-ti në listën e deputetëve në garë në qarkun e Durrësit, Deliu mori 2848 vota.

Elda Hoti:

Në bazë të listës së kandidatëve për deputetë në qarkun e Lezhës, pas Markut, në listë është kandidatja Elda Hoti si më shumë e votuara, si kandidate e Partisë Republikane.

Ajo renditej e 5 në listë me 2733 vota, duke mos u bërë dot pjesë e listës fituese nga zgjedhjet e 25 prillit pasi koalicioni i PD mori vetëm 4 mandate.

Hoti rikthehet në Kuvendin e Shqipërisë si kandidatë e PD pas një legjislacioni si deputete e LSI.

Deputetja u bë e famshme në rrjetet sociale pas një interviste ku fliste për përfshirjen e saj në politikë por habiti kur nuk dinte kur ishte formuar LSI, parti e cila e futi në Kuvendin e Shqipërisë. /albeu.com/

The post Nga Kodheli tek ushtaraku që shërbeu në Afganistan, kush janë deputetët e rinj që morën mandatet e braktisura appeared first on Albeu.com.

Por ndërkohë që kryeministri Rama po përgadit qeverinë e 3 të tij për të qeverisur për 4 vite Shqipërinë, 5 kandidatë të dalë fitues nga zgjedhjet e 25 Prillit, hoqën dorë nga mandati i deputetit.

Ditën e djeshme, hoqi dorë nga mandati i fituar në qarkun e Durrësit edhe Lefter Koka. Me anë të një statusi në Facebook, ai bëri me dije se kërkesën  për dorëheqje tashmë e ka dorëzuar duke u arsyetuar se është koha për të mbyllur cikëlin e tij në politikë.

“Në morinë e sfidave me të cilat ky rrugëtim të përball është gjithmonë e vështirë të ndalesh një moment dhe të vlerësosh se kur është koha e duhur për të mbyllur një cikël.

Sot është dita që rrugëtimin tim politik, ta vijojnë ata mijëra bashkëpunëtorë të mitë, që më bënë fitues për vite me rradhë dhe që mbase nuk kam mundur asnjëherë t’i falenderoj sa duhet. Sot, e ardhmja u përket atyre!

Me këtë vendim timin, është njohur institucionalisht si Komisioni Qendror i Zgjedhjeve ashtu edhe Kuvendi i Shqipërisë…”- shkruan Koka.

Vendin e tij në Kuvendin e ri pritet që ta zërë kandidati socialist, Denis Deliu i cili ka marrë 2848 vota.

Koka në zgjedhjet e 25 prillit ai garoi për deputet nën siglën e Partisë Socialiste në Durrës dhe arriti të fitojë mandatin duke u renditur i 7-ti me mbi 9 mijë vota. Më herët Lefter Koka ka mbajtur postin e ministrit të Mjedisit nën siglën e LSI-së, raporton albeu.com.

Mark Marku:

Ndërkohë që pritet që opozita të futet në Kuvend, bashkë me ish-kryeministrin Berisha, Mark Marku, i njohur si “demokrati i zjarrtë” braktisi pa nisur PD.

Largimi i Markut erdhi në një kohë kur askush nuk e priste dhe ngjalli debate dhe kritika të mëdha ndaj Partisë Demokratike.

“Është irrituese të shohësh se këto tre muaj, PD i është përgjigjur maskaradës së madhe me disa minimaskarada të ngjashme, veçse tashmë të zhvendosura nga skena kombëtare në një skenë më të vogël, në atë opozitare,” shkruan Marku mes të tjerash duke treguar thyerjen e madhe mes demokratëve.

Tom Doshi:

Kreu i PSD hoqi dorë vetëm pak orë pasi u shpall fitues si deputet në zonën e Shkodrës duke deklaruar se nuk do të futet në Kuvendin e Shqipërisë por do vazhdojë të jetë në kreun e partisë. Ai deklaroi se dy mandatet e tij, do ti kalohen kandidatëve në radhë për deputet duke deklaruar se është i hapur për marrëveshje me Partinë Socialiste. Rikujtojmë se edhe ish-deputeti Doshi është shpallur “non grata’ nga SHBA për përfshirje në korrupsion.

‘Unë i nënshkruari Tom Doshi, me vullnetin tim të lirë dhe të plotë, deklaroj se në datën 26 prill jap dorëheqjen e parevokueshme nga mandati im si deputet i Kuvendit të Shqipërisë. Deklaroj se, sot në datën 26 prill, jap gjithashtu dorëheqjen nga mandati im si deputet i fituar pas zgjedhjeve të 25 prillit 2021 dhe jap dorëheqjen nga lista shumëemërore e kandidatëve për deputet të PSD për zgjedhjet për Kuvendin e Shqipërisë të datës 25 prill…”

Gramoz Ruçi:

Kryetari i Kuvendit la detyrën e tij në Asamblenë e PS dhe deklaroi se heq dorë përfundimisht nga politika, duke dorëzuar kështu edhe mandatin e tij të fituar në zgjedhjet e 25 Prillit.

“Tani unë zgjodha sot, se s’ka më mirë se 30-vjetori, që sot që kemi fituar mandatin e tretë, dhe që pas disa muajsh bëj 70 vjeç, se në 9 shtator nuk do të ushtroj më mandatin që më ka dhënë PS dhe qytetarët dhe s’do kem ambicie për asnjë post politik. Falënderoj më zemër çdo socialist. Sa të më punojë mendja dhe zemra do ngelem me ju”, u shpreh Ruçi.

Mandatin e lënë nga Ruçi do ta marrë Mirel Pitushi. Pas emra në listën e të përzgjedhurve të PS në qarkun e Fierit, Mirela Pitushi është një nga më të votuarat me vota preferenciale.

Najada Çomo:

Shefja e Infektivit, Çomo u bë pjesë e fushatës së PS në zgjedhjet e Prillit duke premtuar se do të jetë më pranë qytetarit si deputete duke u rënditur ndër të parat në listën e PS në Tiranë.

Pas fitores së sigurt të mandatit, falë rënditjes së dhënë nga PS, Çomo habiti me vendimin e fundit. Gjatë një mbledhje të qeverisë nga Rama për t’i dhënë lamtumirën mandatit të dytë, kryeministri deklaroi se shefja e Infektivit ka lënë mandatin.

Rama deklaroi se ka qënë vetë mjekja Çomo e cila i ka kërkuar kryeministrit dorëheqjen nga mandati me dëshirën për të qenë më afër mjekësisë në këto ditë të vështira nga varianti DELTA që ka përfshirë vendin sërish.

“Çomo më komunikoi largimin për të mos u ndarë nga skuadra e saj fantastike në Spitalin Infektiv, pikërisht në momentin kur varianti Delta i virusit nisi të rimbushë shtretërit e terapisë intensive. E falënderoj edhe publikisht për këtë shembull kuptimplotë të detyrës”,- tha Rama.

Çfarë do të ndodhë me Sali Berishën?

Ish-kryeministri Berisha arriti sërish të marrë një mandat deputeti dhe u shpreh që në ditët e para që do të jetë pjesë e Kuvendit. Vendimi I SHBA për të shpallur zyrtarisht dhe publikisht Berishën dhe familjen e tij “non grata” tronditi deri në themele Partinë Demokratike.

“Veprimet korruptive të ish-Presidentit Sali Berisha minuan demokracinë në Shqipëri. Sot shpall publikisht Berishën dhe familjen e tij të papërshtatshëm për të hyrë në SHBA. Ne qëndrojmë të bashkuar kundër korrupsionit me partnerët tanë në Shqipëri….”- shkroi Blinken në Tëitter.

Menjëherë pas vendimit, ambasadorja e SHBA, Yuri Kim zhvilloi disa takime intensive me kreun aktual të PD, Bashën, duke kërkuar hapur mos futjen e ish-kryeministrit Berisha në Kuvendin e ri të Shqipërisë.

Pavarësisht përpjekjeve të SHBA dhe Yuri Kim në Shqipëri, Berisha është shprehur se asnjë akuzë nuk është e vërtetë dhe se do të jetë pa dyshim, pjesë e Kuvendit të Shqipërisë. /albeu.com/

The post U dorëzuan ende pa filluar! Kush janë 5 deputetët që hoqën dorë nga mandati, a do të rezistojë Sali Berisha? appeared first on Albeu.com.

Duke folur për “Panorama’, Bozo e cilësoi një vendim personal për të cilin nuk mund të komentonte asgjë.

“Nuk e di, unë dje e mora vesh kur dëgjoja Kryeministrin te fliste në mbledhjen e qeverisë, por unë mendoj se dorëheqja është një vendim personal i gjithkujt. Duhet pyetur i zoti i punës, zonja Çomo për këtë vendim”, tha zonja Bozo.

Ndërkohë, ajo vetë tha se nuk ka ndërmend të japë dorëheqjen nga mandati i deputetes.

“Nuk kam ndërmend të jap dorëheqjen nga mandati i deputetit. Njerëzit kanë shumë dëshirë të merren me thashetheme, mua më shtruan në Sanatorium, më bënë me COVID19, sikur isha duke vdekur etj. Unë shyqyr që nuk kam ‘Facebook’ dhe nuk i marr vesh këto lajme dhe i marr vesh më vonë nga njerëzit dhe shqetësohem më pak. Por, kush nuk ka punë do merret me llafe.

Por meqenëse më pyetët nëse do të jap dorëheqjen, po ju them se unë nuk kam ndërmend të jap dorëheqjen hë për hë. Unë nuk kam filluar punën ende, si mund të jap dorëheqjen?! Të filloj njëherë punën dhe pastaj shohim…”, tha zonja Bozo.

The post Luljeta Bozo komenton largimin e Najada Çomos: Unë nuk kam ndërmend të jap dorëheqjen! appeared first on Albeu.com.

Ajo është shprehur se aktualisht, pjesa më e madhe e të shtruarve janë pacientë të pavaksinuar dhe i përkasin grupmoshave nga 20 vjeç dhe sipër.

Çomo shtoi se po bënen përgatitjet e spitalit “Covid 3” pasi sipas saj i duhet paraprirë situatës.

Kujtojmë se spitali Covid 1 është drejt tejmbushjes. Ministria e Shëndetësisë bën të ditur se të shtruarit në spitale, në 95% të tyre janë të pavaksinuar.

“Pacientë të Spitalit COVID 1 kanë ardhur duke u shtuar nga fundi i korrikut deri tani në gusht. Ajo që vihet re është se ka grupmosha të ndryshme duke filluar nga 20 vjeç dhe lartë. Pjesa më e madhe e pacientëve të shtruar janë të pavaksinuar. Është një element i rëndësishëm, i bëjmë thirrje të pavaksinuarit që të marrin dozën pasi kjo është arma më e fortë për t’u mbrojtur nga COVID. Rritja e numrit të pacientëve në Spitalin COVID 1 na bëjnë që ato struktura që kanë punuar për një periudhë 1 vjeçare për spitalin COVID 3 janë të gatshme, janë struktura të gatshme dhe shtohet stafi i mjekëve”, tha Çomo./albeu.com

The post Pas lënies së mandatit të deputetes, Najada Çomo kthehet në Infektiv: Shumica e pacientëve të shtruar janë të pavaksinuar appeared first on Albeu.com.

Në një intervistë në emisionin “Frontline” në “News 24” nga gazetarja Marsela Karapanço, Çomo thekson se këtë vit vendi ynë mund të presë turistë, duke shtuar se situata nga Covid do të përmirësohet nga qershori dhe më tej.

“Kemi nga janari që kemi filluar vaksinimin. Ne lancojmë përditë numrin e të vaksinuarve, të të infektuarve dhe fataliteteve. Do jemi një vend, s’po them free, por do jemi vend që do kemi situatë mjaft të mire nga Covid në qershor e më pas dhe këtë gjë e tregojnë shifrat. Vaksinat e bëra janë arma më e fortë.

Shqipëria po hyn në zonë jeshile dhe urojmë të shkojë gjithçka në mënyrë pozitive. Situata është jo e lehtë, por drita jeshile është ndezur dhe duhet mbajtur e ndezur. Por, ky është virus tinzar, dhe duhet gjithmonë kujdes. Është një armatë e vaksinuar në vend dhe sidomos ata njerëz, që punojnë në hoteleri, në zona kyçe, pra ku ka përhapje të Covid”, tha Çomo.

Najada Çomo nënvizon se virusi po eliminohet në mënyrë graduale, teksa thënë se mjekët kanë mirë-menaxhuar pandeminë.

“Virusi po eliminohet në mënyrë graduale. Kjo sepse një pjesë e mirë e popullatës është vaksinuar. Procesi i vaksinimit uroj që të ecë me këto ritme. Një nga armët e fuqishme të frenimit të sëmundjes, është vaksinimi.

Kryeministri Rama ka meritë për përmirësimin e situates nga koronavirusi, unë besoj se është kryeministri i duhur dhe në kohën e duhur, që dha shumë për të përmirësuar situatën nga Covid.

Duhet të mos harrojmë se popullata shqiptare, njësoj si popullatat e tjera, ka edhe sëmundje të tjera. Pra, janë edhe sëmundje të tjera, që sjellin pasojën e humbjes së jetës. Është krejt e pamundur që të fshehësh një vdekje nga Covid.

Nuk ka gjasa dhe arsye pse të fshehim vdekjet nga koronavirusi. Po ne jemi ende në luftë. Popullata nuk duhet të ketë frikë, por duhet të mos humbim vëmendjen. Ne kemi mirë-menaxhuar pandeminë. Jemi e do jemi deri në fund në gatishmëri për punë”, u shpreh Çomo.

The post Najada Çomo: Shqipëria po hyn në zonë jeshile, do të presim turistë këtë vit! appeared first on Albeu.com.

Sipas të dhënave të publikuara nga KQZ, rezulton se deri më tani Balluku ka arritur të marrë  2140 vota, e ndjekur nga Fatmir Xhafaj me 622

Por, dy prurjet e reja të Ramës,  Luljeta Bozo dhe Najada Çomo, kanë marrë një numër të pakët të votave. Luljeta Bozo ka marrë deri më tani 89 vota, ndërsa Najada Çomo vetëm 33.

Megjithatë, mbetemi në pritje të rezultatit final.

The post Bozo dhe Çomo zhgënjejnë Ramën, nuk arrijnë as 100 vota appeared first on Albeu.com.