Sipas njoftimit zyrtar, çmimet janë përcaktuar bazuar në vendimin e datës 5 prill 2026 dhe vlejnë për 14 prill.

Këto janë çmimet e reja: Nafta (dizel): 1.78 euro për litër, Benzina: 1.44 euro për litër dhe Gazi: 0.89 euro për litër.

Autoritetet bëjnë të ditur se këto çmime janë maksimale dhe operatorët ekonomikë nuk lejohen t’i tejkalojnë ato.

Ministria vazhdon të monitorojë tregun e derivateve për të siguruar stabilitet të çmimeve dhe mbrojtje të konsumatorëve.

The post Bie çmimi i naftës në Kosovë appeared first on Albeu.com.

Nafta, çmimi i së cilës u ul dje në 210 lekë për litër, tashmë do të shitet me 217 lekë.

Ndërkohë benzina do të shitet me 176 lekë/litri.

Njoftimi:

Bordi i Transparencës në datë 10 Prill 2026, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 217 lekë/litri, ndërsa i shitjes me shumicë jo më shumë se 205 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 176 lekë/litri,ndërsa i shitjes me shumicë jo më shumë se 164 lekë/litër.

Çmimet e caktuara nga Bordi do të hynë në fuqi sot datë 10 ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Ministria e Ekonomisë dhe Inovacionit sëbashku me Ministrinë e Financave dhe Ministirinë e Infrastrukturës dhe Energjisë janë angazhuar të mbrojnë interesat e konsumatorëve shqiptarw dhe ruajtjes së parimeve të konkurencës së ndershme në treg.

SQARIM: Referuar Aktit Normativ nr. 1, Datë 3.4.2026 “Për një shtesë në ligjin nr. 61/2012, “Për akcizat në Republikën e Shqipërisë,” të ndryshuar, ku është parashikuar, se në rast se çmimi i shitjes me pakicë, për gazoili është më i lartë se 220 lek/litri, apo për benzinën është më i lartë se 200 lek/litri, zbatohet niveli 80% i akcizës. Bazuar në zbatimin e metodologjisë per llogaritjen e cmimeve tavan te shitjes me pakice, çmimet janë nën kufirin e Aktit Normativ nr. 1, datë 3.4.2026, dhe për rrjedhojë niveli i akcizës do të zbatohet i plotë, 100%.

The post Rritet sërish çmimi i naftës, Bordi i Transparencës publikon ndryshimet. Ja sa do të shitet benzina dhe gazi appeared first on Albeu.com.

Në këtë krizë kompanitë kanë zero fitim. Nuk bëj presion, unë jam ekonomist. Me këto çmime rrezikojmë ta lëmë Shqipërinë pa naftë. Nuk e di deri ku mund të shkojë çmimi, por varianti më optimist, nëse lufta vazhdon edhe tre javë, është që të rritet edhe 50 lekë,” tha Aliaj.

Ai shpjegoi se nafta ka dy çmime në doganë shqiptare: fizik dhe financiar.

“Pa fituar fare, vetëm me taksat kombëtare dhe tarifat e tjera, çmimi i naftës shkon nga 103 lekë në 208 lekë për litër. Vetëm shpenzimet e siguracionit, pagat dhe tarifat e tjera e çojnë çmimin në 227 lekë për litër, ndërsa bordi vendos 218. Dhe të mos harrojmë, këto janë vetëm taksat kombëtare në doganë, sepse ka edhe 37 taksa të tjera,” u shpreh ai.

Aliaj shtoi se kontratat e naftës hartohen çdo ditë dhe se BP ka bërë marrëveshje me kompanitë shqiptare për futjen e mallit në magazinat doganore.

“Malli në magazinë është i pambyllur në vlerë. Nafta ka dy çmime, fizik dhe financiar. Të kesh naftë të mbyllur në magazinë është më e pasigurt se të shkosh në kazino dhe ta lësh në ruletë,” tha ai, duke nënvizuar pasigurinë e tregut.

The post Kryetari i Shoqatës së Hidrokarbureve ngre alarmin: Nëse vazhdon kështu edhe tre javë ka rrezik që Shqipëria të mbetet pa naftë appeared first on Albeu.com.

Sipas Policisë, ngjarja ka ndodhur në orët e para të mëngjesit të djeshëm, ku shtetasi me iniciale A.XH, është paraqitur në karburant me një automjet tip “Benz” dhe, pasi e ka furnizuar me naftë, është larguar me shpejtësi pa kryer pagesën, duke vënë në rrezik edhe punonjësin e pikës së karburantit.

Nga verifikimet rezulton se 28-vjeçari është dënuar më parë në Itali për grabitje dhe është dëbuar për 10 vite nga ky shtet.

Në cilësinë e provës materiale janë sekuestruar automjeti, si dhe një kapuç në formë maske.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Furnizoi makinën me naftë dhe u largua pa paguar, arrestohet 28-vjeçari në Bulqizë (VIDEO) appeared first on Albeu.com.

Vendimi lidhet me një mosmarrëveshje për pagesën e akcizës ndaj një produkti të përdorur në procesin e prodhimit, të cilin Doganat e konsiderojnë të detyrueshëm për akcizë, ndërsa kompania e kundërshton, duke e cilësuar veprimin arbitrar dhe jashtë kuadrit ligjor.

“Dogana ka bllokuar infrastrukturën nxjerrëse të vendburimit të Patos-Marinzës, duke e çuar aktivitetin operativ të Kompanisë në kolaps të plotë. Preteksti i bllokimit është mos-pagesa e pretenduar e akcizës për holluesin e naftës, një produkt për të cilin, në fakt, nuk duhet paguar akcizë, pasi nuk ka konsum në territorin e Republikës së Shqipërisë dhe nuk përdoret për prodhimin e nxehtësisë apo energjisë, sipas kushteve të parashikuara në legjislacionin shqiptar që prej vitit 2012, në përputhje me Direktivat e BE-së. Ky bllokim ka sjellë ndalimin e operacioneve të nxjerrjes së naftës, duke krijuar rrezik shumë të lartë për mbarëvajtjen e fushës naftëmbajtëse, si dhe duke rrezikuar jetën dhe pronën e banorëve të zonës”, thuhet në reagimin e kompanisë.

Reagimi i plotë:

Me urdhër të Drejtorit të Përgjithshëm të Doganave, aktiviteti prodhues dhe financiar i Kompanisë në impiantin e nxjerrjes së naftës në Patos-Marinëz është bllokuar në mënyrë arbitrare dhe në tejkalim të procedurave ligjore, në kundërshtim me:

Vendimin e Përkohshëm Nr. 3869/2, datë 17.07.2019, ende në fuqi

Afatin 5-vjeçar të parashkrimit, neni 102 i Ligjit për Akcizat

Nenit 11 dhe 51 të Ligjit për Akcizat

Dogana ka bllokuar infrastrukturën nxjerrëse të vendburimit të Patos-Marinzës, duke e çuar aktivitetin operativ të Kompanisë në kolaps të plotë. Preteksti i bllokimit është mos-pagesa e pretenduar e akcizës për holluesin e naftës, një produkt për të cilin, në fakt, nuk duhet paguar akcizë, pasi nuk ka konsum në territorin e Republikës së Shqipërisë dhe nuk përdoret për prodhimin e nxehtësisë apo energjisë, sipas kushteve të parashikuara në legjislacionin shqiptar që prej vitit 2012, në përputhje me Direktivat e BE-së.

Ky bllokim ka sjellë ndalimin e operacioneve të nxjerrjes së naftës, duke krijuar rrezik shumë të lartë për mbarëvajtjen e fushës naftëmbajtëse, si dhe duke rrezikuar jetën dhe pronën e banorëve të zonës.

Institucionet teknike shtetërore përgjegjëse për hidrokarburet në Republikën e Shqipërisë (Agjencia Kombëtare e Burimeve Natyrore – AKBN), përmes një letre drejtuar Drejtorisë së Përgjithshme të Doganave dhe Ministrisë së Financave, kanë sqaruar se:

“Procesi i nxjerrjes së naftës në vendburim duhet të zhvillohet me rrjedhje të vazhdueshme dhe të pandërprerë 24/7, pasi në të kundërt, nafta bruto e prodhuar nga ky vendburim, duke qenë shumë viskoze dhe e rëndë, nëse ftohet, ngurtësohet në tubacione dhe depozita, duke u bërë e papërdorshme. Për informacion: nafta bruto lëviz vetëm në gjendje të ngrohtë; nëse ftohet, ngrin dhe nuk lëviz më. Për më tepër, mungesa e kapaciteteve depozituese për një kohë të gjatë do të sjellë domosdoshmërisht ndërprerjen dhe ndaljen e vendburimit, së bashku me të gjitha pasojat e padëshiruara që lidhen me to”.

Nëpërmjet një shkrese zyrtare, AKBN ka kërkuar ndërhyrjen e Ministrisë së Financave për të shmangur bllokimin e operacioneve të Kompanisë.

Ky bllokim i menjëhershëm i operacioneve sjell pasoja të pariparueshme për vazhdimësinë e menaxhimit të fushës naftëmbajtëse, pasi (përveç depozitave dhe tubacioneve) nëse ndalohet prodhimi i puseve të naftës, pjesa më e madhe e tyre nuk mund të rivihen më në punë, duke e dëmtuar në mënyrë të pakthyeshme këtë pasuri të popullit shqiptar. Theksojmë se dëmi ekonomik i shkaktohet shumë më tepër shtetit shqiptar sesa BPAL-së, i cili është vetëm operator i këtij vendburimi dhe jo pronar i tij, ndërkohë që impakti i përgjithshëm është edhe më i madh.

420 punonjësit e BPAL-së dhe rreth 5.000 punonjës të kompanive nënkontraktore, ofruesve të shërbimeve dhe partnerëve të biznesit, përfshirë edhe rreth 1.300 punonjës të kompanisë shtetërore të naftës Albpetrol sh.a. (e cila varet tërësisht nga prodhimi para-ekzistues që i dorëzon BPAL), rrezikojnë të mbeten pa punë. Po ashtu, rreth 12 kilometra tubacione nafte, depozita naftëmbajtëse, mbi 1.000 puse nafte, impiante përpunimi, etj. (investime të BPAL-së që janë në pronësi të shtetit shqiptar), të cilat duhet të mirëmbahen 24 orë në ditë, rrezikojnë të dëmtohen në mënyrë të pakthyeshme.

Këto veprime nuk prekin vetëm BPAL-në, por edhe një zinxhir të gjerë kompanish nënkontraktore që punojnë çdo ditë me BPAL-në dhe rrezikojnë të mbeten pa punë; pushtetin vendor, i cili përfiton taksa nga operacionet e BPAL-së; banorët e zonës naftëmbajtëse të Patos-Marinzës, jetët dhe pronat e të cilëve rrezikohen në rast incidentesh në fushën e naftës, e cila paraqet rrezikshmëri të lartë nëse operacionet bllokohen; financat e shtetit shqiptar; si dhe shumë të tjera. Gjithashtu, ekzistojnë rreziqe të larta mjedisore (HSE), përfshirë dëme dhe humbje në fushën naftëmbajtëse.

Shkaku i bllokimit të veprimtarisë së Kompanisë është taksimi me akcizë i holluesit, një çështje e diskutuar prej vitesh nga shteti shqiptar nëse Kompania duhet apo jo të paguajë akcizë për këtë produkt. Sqarojmë se holluesi është një lëndë e parë që përzihet me naftën e rëndë të Patos-Marinzës për të mundësuar nxjerrjen më të lehtë nga nëntoka dhe transportimin drejt rafinerive. Ky produkt injektohet në puse dhe nxirret i trupëzuar bashkë me naftën bruto nga nëntoka. Nëse kjo naftë do të konsumohej brenda vendit, do të ishte logjike të paguhej akciza për holluesin; por kjo naftë nuk konsumohet në vend, por eksportohet. Ky fakt certifikohet nga certifikime ndërkombëtare për çdo ngarkesë, të monitoruara 24 orë në ditë nga autoritetet shqiptare si Dogana Fier, AKBN, Albpetrol dhe ISHTI.

Për më tepër, Qeveria Shqiptare, me Vendimin e Këshillit të Ministrave (VKM) Nr. 726, datë 12.11.2014 (VKM që miraton marrëveshjen e dytë ndryshuese me BPAL), ka përcaktuar se nëse BPAL paguan akcizë për holluesin, ajo konsiderohet kosto e rikuperueshme në masën 100%. Pra, në të dyja rastet, efekti ekonomik për shtetin shqiptar dhe BPAL-në është zero.

Ndërkohë, Dogana, përveçse e përcakton si detyrim, i ka vendosur BPAL-së, për vlerën e pretenduar të papaguar të akcizës (rreth 3 miliardë lekë), si detyrimin ashtu edhe një gjobë në masën trefish të detyrimit të pretenduar të akcizës.

E gjithë çështja është aktualisht në proces gjyqësor dhe ende nuk ka një vendim të formës së prerë, ndërkohë që organet shtetërore, pa pritur vendimin e gjykatës, po ndërmarrin veprime arbitrare.

Ky nuk është rasti i parë që BPAL përballet me akte të tilla abuzive. Në këto raste, ne kemi fituar çdo proces gjyqësor. Megjithatë, bllokimi i aktivitetit të Kompanisë pa pritur përfundimin e procesit gjyqësor është një akt dashakeq që dëmton më shumë shtetin shqiptar, punonjësit e industrisë, kompanitë nënkontraktore, komunitetin lokal, pushtetin vendor dhe shumë të tjera.

Gjatë gjithë kësaj periudhe kemi qenë në komunikim të vazhdueshëm me autoritetet shtetërore për të arritur një zgjidhje të përshtatshme të kësaj situate, por deri më tani nuk është arritur asnjë rezultat pozitiv.

Nëpërmjet këtij komunikimi me median, u bëjmë thirrje të gjitha institucioneve që ta administrojnë me maturi këtë situatë delikate. Pas 6 vitesh pezullimi të rezultateve të kontrollit, të cilat janë konsideruar të paligjshme nga vetë Administrata Shtetërore, nuk ka arsye për nxitim në ndjekjen e një çështjeje që do të sjellë dëme të pakthyeshme për Kompaninë.

Ky zhvillim ka aktivizuar klauzolën e Forcës Madhore për shkak të “veprimeve qeveritare”, sipas pikës 17.1 të Marrëveshjes së Hidrokarbureve të vitit 2004, të nënshkruar me shtetin shqiptar.

Ju informojmë se kemi depozituar një kallëzim penal pranë SPAK kundër funksionarëve përgjegjës dhe ftojmë të gjitha palët të presin rezultatet e hetimit dhe vendimet e gjykatave përpara se të ndërmarrin veprime arbitrare.

Bankers Petroleum Albania

15 dhjetor 2025

The post Drejtoria e Doganave bllokon “Bankers Petrol”, pezullohet operacioni i nxjerrjes së naftës appeared first on Albeu.com.

Gjatë kontrolleve, strukturat kompetente sekuestruan sasi të konsiderueshme karburanti dhe konstatuan manipulime në mjetet matëse të furnizimit, ku shifrat e qarkullimit tejkalonin 15 milionë litra.

Hetimi vijon për të identifikuar të gjithë zinxhirin e kontrabandës, përfshirë subjektet dhe zyrtarët e përfshirë, duke u referuar më pas organeve ligjzbatuese për procedime të mëtejshme.

NJOFTIMI:

Një aksion i drejtorisë së Hetimit Tatimor dhe drejtorisë së Antikontrabandës ka rezultuar në evidentimin e një skeme evazioni dhe kontrabandimi të sasive të konsiderueshme karburant. Tri pika karburanti në zonën e Fushë Krujës, Burrelit dhe Sarandës, rezultuan që operonin aktivitetin e tyre pa licencë. Gjatë operacionit të strukturave përkatëse, u konstatuan dhe sekuestruan sasi të konsiderueshne karburant në depozita dhe gjithashtu, u konstatua se ne mjetet matëse të furnizimit, subjektet kishin qarkulluar shifra që i kalonin 15 milionë litrat. Hetimi vazhdon për të zbuluar të gjithë zinxhirin kontrabandues dhe subjektet apo zyrtarët e përfshirë, duke u referuar në organet kompetente. Pikat e karburantit nuk zotëronin licencë për shfrytëzim të aktivitetit dhe për rrjedhojë nuk mund të blinin dhe shisnin produktin tregëtues sipas legjislacionit fiskal.

The post Zbulohet skema e evazionit dhe kontrabandës së karburantit në tre qytete, 15 milionë litra lëndë djegëse e tregtuar jashtë kontrollit fiskal appeared first on Albeu.com.

Sipas kryetarit të Shoqatës së Naftarëve të Kosovës, Fadil Berjani rritja e çmimeve është pasojë e frikës për ndërprerje të furnizimit me naftë për shkak të përshkallëzimit të konfliktit në Lindjen e Mesme.

“Irani është një nga prodhuesit më të mëdhenj të naftës në botë dhe kontrollon ngushticën e Hormuzit, përmes së cilës kalon rreth 20% e naftës botërore. Çdo eskalim i situatës atje ndikon drejtpërdrejt në rritjen e çmimeve”, deklaroi Berjani.

Ai shtoi se, përkundër mungesës së prodhimit vendor, tregu i naftës në Kosovë është shumë i ndjeshëm ndaj zhvillimeve gjeopolitike.

“Çmimi i naftës në Kosovë sigurisht që ndikohet gjithashtu nga këto zhvillime gjeopolitike për shkak se Kosova importon pjesën më të madhe të naftës “, theksoi ai.

Çmimet aktuale të derivateve në tregun kosovar variojnë: Diesel 1.14 – 1.24euro dhe Benzina 1.15 – 1.25 euro.

Sipas Berjanit, një ndërhyrje diplomatike, veçanërisht nga Shtetet e Bashkuara të Amerikës, mund të kontribuojë në qetësimin e situatës dhe stabilizimin e çmimeve.

“Një marrëveshje paqeje e ndërmjetësuar nga SHBA do të ishte një sinjal pozitiv për tregun dhe do të ulte presionin mbi furnizimin me naftë”, shtoi ai.

The post Tensionet Izrael-Iran rrisin çmimet e naftës, preket edhe tregu kosovar appeared first on Albeu.com.

Në kuadër të operacionit “Ari i zi 2”, policia bën me dije se në pranga kanë rënë shtetasit: Mohammed Sallit, Wissan Broud, Hassan Broud, Sami Shanta, Faez Ismaeil, Nedio Mejdani.

“Operacioni “Ari i zi 2”, sekuestrohen 400 000 litra naftë dhe anija në balastrat e së cilës ishte fshehur kjo sasi, me qëllim kontrabandimin.

Në pranga 6 shtetas dhe në hetim 5, sirianë, egjiptian dhe shqiptar, pjesëtarë të ekuipazhit të anijes. Shpallen në kërkim 2 organizatorët e dyshuar të rastit.

Dje, gjatë operacionit “Ari i zi”, u sekuestruan 670 000 litra naftë e kontrabanduar me të njëjtën mënyrë, si dhe u identifikuan 10 shtetas të implikuar në rast.

Në vijim të veprimeve policore, me qëllim goditjen e rasteve të kontrabandimit të sasive shumë të mëdhaja të naftës, nga Tunizia, me anije, Seksioni për Hetimin e Krimeve Ekonomike dhe Financiare i DVP Durrës, Antikontrabanda dhe Seksioni për Mbështetjen Operacionale të Hetimit të DVP Durrës, Drejtoria për Hetimin e Krimeve Ekonomike dhe Financiare e DPPSh-së, Drejtoria e Kufirit dhe Migracionit Durrës, Guardia di Finanza Durrës, si dhe Dega e Doganës Durrës, finalizuan operacionin policor të koduar “Ari i zi 2”.

Gjatë operacionit u arrestuan në flagrancë shtetasit sirianë M. S., 56 vjeç, kapiteni i anijes, Ë. B., 42-vjeç, ndihmës i oficerit të parë, H. B., 47-vjeç, shefi i inxhinierëve, S. Sh., 25-vjeç, shefi i ofiçinës, F. I., 23-vjeç, mirëmbajtës i pompave të naftës, si dhe shtetasi shqiptar N. M., 34-vjeç, oficer i parë i anijes.

Gjithashtu, u identifikuan dhe u shpallën në kërkim organizatorët e dyshuar të këtij rasti, shtetasit J. K., 31-vjeç, banues në Tiranë, dhe S. S., 32-vjeç, banues në Durrës. Vijon intensivisht puna për lokalizimin dhe kapjen e tyre.

Më tej, gjatë këtij operacioni, u referuan materialet në Prokurori, ku nisi procedimi në gjendje të lirë për 5 pjesëtarë të tjerë të ekuipazhit të anijes, përgjegjës për mirëmbajtjen e mjetit.

Nga kontrolli në anije, në balastrat që shërbejnë për balancimin e mjetit, u gjetën 400 000 litra naftë e dyshuar e kontrabanduar nga Tunizia. Materialet procedurale i kaluan Prokurorisë, për veprime të mëtejshme”, njofton policia.

The post Sillnin naftë nga Tunizia në Durrës/ Arrestohen 6 persona, shpallen në kërkim 2 organizatorët (EMRAT) appeared first on Albeu.com.

Siç informojnë nga Ministria e Energjetikës, Minierave dhe Lëndëve të Para Minerale, Marrëveshjen e kanë nënshkruar drejtorët e dy institucioneve – Vllatko Stojkoski nga Inspektoratit Shtetëror të Tregut dhe Sedad Rushani nga Byroja për Metrologji, në prani të ministres së Sanja Bozhinoska, me çka e kanë formalizuar bashkëpunimin e drejtuar drejt konrollit më të madh dhe transparencës në sigurimin e karburanteve të lëngshme cilësore.

“Me këtë hap, shteti dërgon mesazh të qartë: karburantet jocilësore nuk kanë vend në tregun vendor. Konsumatorët marrin cilësi dhe siguri, ndërsa institucionet tregojnë se janë të përkushtuar në standarde më të larta dhe mbrojtje më të mirë të interesi publik”, theksoi Bozhinovska.

Në pesë vitet e kaluara edhe krahas marrëveshjeve të lidhura për bashkëpunim, janë realizuar numër i konsiderueshëm i analizave të karburanteve të lëngshme, ndërsa me këtë marrëveshje parashikohet rritje e vëllimit të verifikimeve inspektoriale. Ekipet inspektuese do ta përdorin laboratorinë për mostrim dhe testim konform planeve vjetore të përcaktuara paraprakisht, por ehde për inspektime të jashtëzakonshme.

“Sipas planit për vitin 2025, që është pjesë përbërëse e marrëveshjes, do të kryhen rreth 220 analiza të cilësisë së karburanteve, me të cilat vendosen standarde më të larta për respektimin e rregulloreve dhe standardeve maqedonase”, tha drejtori i Inspektoratit Shtetëror të Tregut, Vlatko Stojkoski.

Drejtori i Byrosë për Metrologji, Sedad Roushani, theksoi se me këtë marrëveshje, Byroja për Metrologji vë në shërbim të ekipeve inspektuese laboratorin e saj – atë lëvizshëm dhe fiks.

“Laboratori është i akredituar për 26 metoda testimi dhe do të mundësojë analiza të shpejta dhe precize të cilësisë së karburanteve direkt në terren”, theksoi Rushani.

Duke përdorur laboratorin e akredituar të Byrosë për Metrologji, ekipet e inspektimit do të kryejnë testime të detajuara dhe të shpejta në terren, duke siguruar kontrollin e cilësisë dhe duke dërguar një mesazh të qartë se karburantet nën standard nuk kanë vend në tregun tonë.

The post Autoritetet do të ashpërsojnë kontrollet për cilësinë e karburanteve në Maqedoni appeared first on Albeu.com.

Çmimet e shitjes me pakicë të benzinës EUROSUPER BS-95 dhe EUROSUPER BS-98 dhe të Vajit Ekstra të Lehtë (EL-1) ulen për 0,50 den/l. Çmimi i shitjes me pakicë i ЕURODIZELIT (D-Е V) nuk ndryshon. Çmimi i shitjes me pakicë i Мazutit М-1 SU ulet për 0,390 den/kg dhe do të jetë 44,780 den/kg.

Nga data 3.9.2024, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 76,50 (denarë/litër)
Benzinë motori EUROSUPER BS – 98 78,50 (denarë/litër)
Naftë motori EURODIZEL BS (D-E V) 69,50 (denarë/litër)
Vaj për Djegie Ekstra i Lehtë 1 (EL-1) 68,50 (denarë/litër)
Mazut М-1 SU 44,780 (denarë/kilogram).

The post Çmime të reja të derivateve të naftës në Maqedoni appeared first on Albeu.com.