RB Leipzig, një klub gjerman me origjinë modeste i themeluar në vitin 2009, kur Yan Diomande ishte veçse tre vjeç, sot krenohet me një rekord që asnjë skuadër tjetër në kontinent nuk e ka arritur në tre sezonet e fundit për sa i përket të ardhurave nga transferimet.

Që nga ngjitja e tyre në Bundesligë në vitin 2016, klubi ka grumbulluar mbi 500 milionë euro nga shitja e futbollistëve të vet, por pa e ndalur asnjëherë linjën e prodhimit të “diamanteve” të rinj.

Gjigantë si Manchester United, Chelsea, Liverpool, Manchester City, Barcelona dhe së fundi Real Madrid kanë derdhur shifra astronomike për të siguruar shërbimet e lojtarëve nga radhët e Leipzigut.

Ja një përmbledhje se si RB Leipzig ka përfituar financiarisht nga elita europiane:

Yan Diomande te Real Madrid – 125 milionë euroTalenti 19-vjeçar nga Bregu i Fildishtë theu të gjithë parametrat e klubit duke kaluar te Real Madrid për shumën marramendëse prej 125 milionë eurosh, duke u bërë kështu shitja më e shtrenjtë në historinë e Leipzigut.

Josko Gvardiol te Manchester City – 90 milionë euroPërpara fillimit të sezonit 2023/24, mbrojtësi kroat Josko Gvardiol, në moshën 21-vjeçare dhe i konsideruar ndër më të mirët në rolin e tij në Evropë, iu bashkua skuadrës së Pep Guardiolës për 90 milionë euro.

Benjamin Sesko te Manchester United – 76 milionë euroTalenti slloven Benjamin Sesko kaloi te Manchester United për 76 milionë euro, një investim i rëndësishëm nga ana e klubit anglez për të adresuar nevojat e vazhdueshme në repartin e avancuar.

Dominik Szoboszlai te Liverpool – 70 milionë euroGjatë verës së vitit 2023, mesfushori hungarez Dominik Szoboszlai finalizoi një kalim prej 70 milionë eurosh te Liverpool, ku u shndërrua shpejt në një motor energjie për mesfushën e rindërtuar të “Anfield”-it.

Xavi Simons te Tottenham Hotspur – 65 milionë euroPas një periudhe të shkëlqyer në Bundesligë, ish-ylli i akademisë së Barcelonës, Xavi Simons, bëri që Tottenham Hotspur të paguante 65 milionë euro për të çuar në Londër lojtarin e gjithanshëm holandez.

Dani Olmo te Barcelona – 61 milionë euroNdërkombëtari spanjoll Dani Olmo iu rikthye Barcelonës në sezonin 2024/25 për 61 milionë euro, pas pesë vitesh tejet të suksesshme në Leipzig, të cilat e profilizuan atë si një prej sulmuesve më të rrezikshëm në Evropë.

Lista e gjatë e transferimeve të tjera spektakolarePërtej këtyre shitjeve rekord, RB Leipzig ka arkëtuar më parë shuma të konsiderueshme edhe për emra të tjerë të mëdhenj sulmues. Christopher Nkunku përfundoi një kalim të bujshëm te Chelsea për 60 milionë euro, pikërisht pas sezonit ku u zgjodh lojtari më i mirë në Bundesligë. Kjo shifër barazoi 60 milionë eurot që Liverpool pagoi për mesfushorin Naby Keita në vitin 2018.

Po Chelsea derdhi gjithashtu 53 milionë euro për të blerë sulmuesin gjerman Timo Werner në vitin 2020, ndërkohë që rivalët e Bundesligës, Bayern Munich, siguruan shërbimet e mbrojtësit Dayot Upamecano për 42 milionë euro. Aftësia fitimprurëse e klubit është përhapur në të gjitha ligat kryesore: sulmuesi belg Lois Openda kaloi te Juventus për 42 milionë euro, ndërsa qendërmbrojtësi francez Ibrahima Konate iu bashkua Liverpoolit për 40 milionë euro.

Për më tepër, sukseset e mëparshme në zhvillimin e lojtarëve sollën përfitime të shkëlqyera, siç janë kalimi i sulmuesit brazilian Matheus Cunha te Hertha Berlin për 18 milionë euro dhe ai i nigerianit Ademola Lookman te Atalanta në Serie A për 16 milionë euro. Duke mbledhur vetëm këto katërmbëdhjetë shitje të lojtarëve esencialë, një shumë totale marramendëse prej 818 milionë eurosh ka hyrë në arkën e RB Leipzig, duke përforcuar statusin e tyre të padiskutueshëm si linja më fitimprurëse e prodhimit të talenteve të nivelit elitar në futboll.

The post Leipzig, makina gjermane e parave: Mbi 800 milionë euro të arkëtuara nga shitja e talenteve te gjigantët e Evropës appeared first on Albeu.com.

Pasi mësoi se nuk do të ishte në formacionin titullar, Keita refuzoi të udhëtonte me ekipin në stadium dhe ai vendosi të shkonte në shtëpi i vetëm.

Kjo ka bërë që Werder Bremen ta pezulloj mesfushorin e tyre deri në fund të sezonit, duke i dhënë edhe një gjobë të konsiderueshme.

“Werder Bremen e ka suspenduar Naby Keitan deri në fund të sezonit. Klubi gjithashtu i ka dhënë mesfushorit një gjobë të konsiderueshme”, thuhet në deklaratën e klubit.

“28-vjeçari nuk do të stërvitet më me skuadrën dhe as nuk do të jetë pjesë e zhveshtores së ekipit të parë”, ka njoftuar faqja zyrtare e Werder Bremen.

Clemens Fritz, drejtori sportiv i Werder Bremen tha se klubi nuk toleron sjellje të tilla dhe ka marrë këtë vendim.

“Si klub, ne nuk do ta tolerojmë sjelljen e Naby. Ai e zhgënjeu skuadrën e tij në një kohë vështirësie që rrethon paraqitjen tonë të fundit të formës dhe disponueshmërisë së skuadrës dhe vendosi interesat e tij mbi ato të ekipit”.

“Ne nuk mund ta lejojmë këtë. Në këtë fazë të sezonit, ne kemi nevojë për fokus të plotë në ndeshjet e mbetura dhe një ekip që qëndron së bashku. Kjo është arsyeja pse ne kemi mbetur pa alternativë”, deklaroi Fritz. /Telegrafi/

SV Werder Bremen have suspended Naby Keïta until the end of the season.

The club have also handed the midfielder a substantial fine. The 28-year-old will no longer train with the team or be part of the first-team dressing room.#werder pic.twitter.com/CW1gTNKfMa

— SV Werder Bremen EN (@werderbremen_en) April 16, 2024

The post Refuzoi të luante për klubin, Werder Bremen i jep dënim shembullor mesfushorit Naby Keita appeared first on Albeu.com.

Mesfushori nënshkroi me skuadrën verën e kaluar si lojtar i lirë pas një periudhe gjashtëvjeçare te gjigantët e Ligës Premier, Liverpool, por ka luajtur vetëm 106 minuta për shkak të lëndimeve.

E ardhmja e Keita në skuadrën e Bundesligës u vu në dyshim përpara udhëtimit të tyre në Bayer Leverkusen pasi nuk u emërua në ekip.

Drejtori i Bremenit, Clemens Fritz tha: “Naby Keita zbuloi se nuk do të luante kundër Leverkusenit që në fillim, ai vendosi të mos hipte në autobus dhe të shkonte në shtëpi. Ne do të flasim me të dhe agjentin e tij nesër për pasojat dhe se ku do të shkojmë nga këtu”.

Megjithatë Keita u përgjigj me një deklaratë në një storie në Instagram, duke afirmuar profesionalizmin e tij dhe duke goditur një person që përpiqet t’i ‘njollosë’ imazhin e tij.

“Do të doja të flas për të sqaruar situatën time me klubin tim, Werder Bremen. Që nga dita e parë që kam nënshkruar për këtë klub madhështor, kam treguar gjithmonë vetëmohim dhe profesionalizëm”, thuhet fillimisht në reagimin e tij.

“E vetmja dëshirë që më ka shtyrë gjithmonë ka qenë të ndihmoj klubin dhe t’u sjell lumturi tifozëve të shumtë, veçanërisht në këtë kohë kur rezultatet nuk janë ato që duam. Që nga fillimi i karrierës sime, kudo që kam qenë, nuk kam pasur asnjëherë problem disiplinor dhe jam munduar gjithmonë të jem shembullor, prandaj nuk do të pranoj që dikush ta njollos këtë imazh”.

“Për tifozët, do të doja që ju ta dini se në çdo seancë stërvitore, unë luftoj që t’ju bëj të lumtur çdo fundjavë. Stërvitja, dhënia e gjithçkaje, këto janë kufijtë e fuqisë sime”, ka shtuar më tej ai.

Werder Bremen vazhdoi të humbasë ndeshjen 5-0 pasi Leverkusen u kurorëzua si kampion i Bundesligës për herë të parë në historinë e tyre 120 vjeçare. /Telegrafi/

The post Naby Keita nuk hesht, godet drejtorin e Werder Bremenit pas akuzave për mungesë në ndeshjen me Leverkusenin appeared first on Albeu.com.

Keita ka kaluar nëpër një sezon zhgënjyes pas largimit të tij nga Anfield verën e kaluar. Ai është paraqitur vetëm pesë herë në ligë, me 106 minuta gjithsej, pasi është rrënuar nga lëndimi.

29-vjeçari u kthye nga lëndimi i tij i fundit në mars dhe mori dy paraqitje zëvendësuese në pesë ndeshjet e fundit të Bremenit.

Por, përpara ndeshjes së tyre përballë Leverkusenit, mesfushori refuzoi të bashkohej me shokët e tij të skuadrës dhe tani do të përballet me ‘pasojat’ për veprimet e tij.

“Naby Keita zbuloi se nuk do të luante kundër Leverkusenit që në fillim, ai vendosi të mos hipte në autobus dhe të shkonte në shtëpi”, ka thënë drejtori i Bremenit, Clemens Fritz, përpara ndeshjes të së dielës.

“Ne do të flasim me Keita dhe agjentin e tij për pasojat dhe se si të vazhdojmë”.

Mesfushori nënshkroi një marrëveshje trevjeçare me klubin gjerman pasi kontrata e tij skadoi në Anfield verën e kaluar. Ai ishte bashkuar me Reds për 50 milionë euro në verën e vitit 2017.

Keita luajti sezonin 2017-18 në Gjermani me RB Leipzig përpara se të mbërrinte në Merseyside sezonin e ardhshëm. Ai ishte lojtari i parë që veshi fanellën me numër 8 të Liverpoolit pas Steven Gerrard dhe vazhdoi të luajë 129 herë në pesë sezone për klubin e Anfield, duke shënuar 11 gola dhe duke dhënë shtatë asistime. /Telegrafi/

The post Ka refuzuar të luajë kundër Leverkusenit, Naby Keita do t’i vuajë pasojat appeared first on Albeu.com.

Guineani ka rënë në një rol dytësor në Liverpool dhe, për më tepër, nuk ka rinovuar. Për këtë arsye, skuadra e Westfalia po mendon ta nënshkruajë me të falas vitin e ardhshëm.

Një tjetër lojtar i BVB – së, nga ana tjetër, mund të marrë rrugën e kundërt: Jude Bellingham vazhdon të tingëllojë si një objektiv i mundshëm për ‘Reds’./albeu.com

The post Nuk po gjen hapësirë te Liverpooli, Dortmund “sy e veshë” për Keita appeared first on Albeu.com.

The post Liverpool i hapur për shitjen e mesfushorit Keita appeared first on Albeu.com.