“Gëzuar Kurban Bajramin”, shkruan kreu i qeverisë krahas një fotoje që ka shpërndarë në rrjetet sociale.

Edhe presidenti i Republikës, Bajram Begaj ka uruar besimtarët myslimanë me rastin e Kurban Bajramit.

Përmes një postimi në rrjetet sociale, Begaj është shprehur se Kurban Bajrami bart mesazhin e sakrificës sublime  duke mundur egoizmin, zemërimin dhe lakminë.

Sipas kreut të shtetit, reflektimi i gjithsecilit bën të mundur një shoqëri më të mirë e më të drejtë.

“Përzemërsisht i uroj Kurban Bajramin besimtarëve myslimane shqiptarë! Kurban Bajrami bart mesazhin e sakrificës sublime  duke mundur egoizmin, zemërimin dhe lakminë. Kurban Bajrami është akt arsyeje dhe vullneti, me anë të të cilit ne kuptojmë madhështinë e mesazhit hyjnor dhe përpiqemi të përmbushim rolin tonë për të bërë të mira e për t’iu gjendur pranë atyre që nuk kanë mundësi. Vetëm ky reflektim i gjithsecilit bën të mundur një shoqëri më të mirë e më të drejtë. Gëzuar për shumë vjet Kurban Bajramin!”, shkruan Begaj në Facebook.

Besimtarët myslimanë në të gjithë Shqipërinë festojnë këtë të diel festën e Kurban Bajramit.

Mëngjësin e kësaj të diele me mijëra besimtarë të besimit islam e kanë nisur me faljen e namazit në xhami apo në sheshet kryesore.

The post Festa e Kurban Bajramit, kryeministri Rama dhe presidenti Begaj urojnë besimtarët myslimanë appeared first on Albeu.com.

Ditën e dytë ata i drejtohen malit Arafat, rreth 20 kilometra në lindje të Mekës, ku qëndrojnë deri në perëndim të diellit në atë që konsiderohet kulmi i pelegrinazhit të Haxhit.

Ndërsa temperaturat brenda dhe përreth Mekës, pritet të arrijnë 43 gradë Celsius, autoritetet u kanë kërkuar pelegrinëve të mbajnë me vete çadra për mbrojtje gjatë ritualeve.

Haxhi, një nga pesë shtyllat e Islamit, është një detyrë e detyrueshme që të gjithë myslimanët duhet ta kryejnë një herë në jetën e tyre, nëse janë fizikisht të aftë për të ndërmarrë udhëtimin për në vendlindjen e profetit Muhamed dhe kanë burime financiare.

Burrat veshin rroba të bardha dhe gratë veshin fustane të lirshme, ndërsa kryejnë të njëjtat rituale në një shfaqje të unitetit fetar, barazisë dhe kërkimit të rinovimit shpirtëror.

Haxhi zhvillohet nga dita e tetë deri në ditën e dymbëdhjetë të Dhul Hixhes, muaji i fundit i kalendarit hënor islam.

The post MEKË/ Myslimanët në mbarë botën nisin pelegrinazhin e Haxhit appeared first on Albeu.com.