Katër golat e realizuar në dy takimet e fundit dëshmojnë momentin e shkëlqyer që po përjeton Myrto Uzuni në Amerikë.

Sulmuesi shqiptar ishte vendimtar edhe kundër Club America, ku realizoi një gol spektakolar për barazimin 1-1 të Austin. Përballja u vendos më pas nga penalltitë, me skuadrën e Uzunit që u tregua më e saktë dhe siguroi kualifikimin në çerekfinale.

Futbollisti beratas e komentoi këtë paraqitje me një postim në profilin e tij në Instagram, ku shkroi: “I ndërtuar për netë të tilla. Faleminderit shumë të gjithë tifozëve për mbështetjen e jashtëzakonshme, kjo ishte për ju.”

Paraqitjet plot klas të sulmuesit të Kombëtares kanë fituar edhe admirimin e Austin, klub që nuk e fsheh “simpatinë” për të në postimet e publikuara në faqen e tij. Kjo harmoni po shoqërohet edhe me rezultatet e pritshme.

The post Katër gola në dy sfida, Myrto Uzuni shijon formën e shkëlqyer: I ndërtuar për netë të tilla appeared first on Albeu.com.

Myrto Uzuni po kalon një formë të jashtëzakonshme. Sulmuesi i Kombëtares shqiptare gjeti rrjetën për të dytën ndeshje radhazi, këtë herë kundër Club Amerika në takimin e vlefshëm për Leagues Cup.

Futbollisti beratas vendosi baraspeshën për Austin në minutën e 67-të me një finalizim të shkëlqyer. Pas një krosimi nga njëri prej shokëve të skuadrës, topi përshkoi të gjithë zonën përpara portës dhe Uzuni shfrytëzoi mundësinë, duke goditur në mënyrë perfekte e pa i dhënë kohë portierit vendas të reagonte.

Fituesi nuk u përcaktua brenda kohës së rregullt, ndaj skuadrat iu drejtuan penalltive. Në fund, fati i buzëqeshi ekipit të Uzunit, i cili triumfoi 5-4 në “ruletën ruse”, ndërsa sulmuesi shqiptar kontribuoi për skuadrën amerikane duke realizuar njërin prej golave.

VIDEO E GOLIT:

Goli i Myrto Uzunit

The post VIDEO/ Myrto Uzuni nuk ndalet, realizon një gol spektakolar ndaj Club Amerika në Leagues Cup appeared first on Albeu.com.

Muaji shtator sjell rikthimin e Kombëtares shqiptare në fushë, me kuqezinjtë që do të përballen me Bjellorusinë më 26 shtator dhe San Marinon më 29 shtator.

Për trajnerin Rolando Maran, një vëmendje të veçantë do të kërkojnë sulmuesit. Tekniku italian ka nisur vlerësimin e tyre që prej momentit kur mori drejtimin e skuadrës kuqezi.

Forma e lojtarëve merr edhe më shumë rëndësi në këtë fazë, sidomos duke parë mënyrën se si ka nisur sezoni i ri në kampionatet ku ata aktivizohen.

UZUNI “SHPËRTHEN” NË AMERIKË

Myrto Uzuni ishte protagonist kryesor në fitoren e pastër të Austin ndaj Pueblas në Leagues Cup, ku realizoi 3 gola. Pozicionimi i sulmuesit beratas dhe mënyra se si finalizoi aksionet tregojnë për një formë mbresëlënëse. Në total, gjatë sezonit të ri, Uzuni ka shënuar 4 gola dhe ka dhënë 1 asist.

SEFERI, NUMRI 2 I FATIT

Vetëm 2 ditë pas zyrtarizimit te Kayserispor, Taulant Seferi zbriti në fushë për debutimin ndaj Vanspor. Numri 2 u shfaq sërish si shenjë pozitive për të, pasi pikërisht 2 gola shënoi në ndeshjen e parë me ekipin e ri. Seferi e nisi takimin si titullar dhe realizoi golin e parë në minutën e 9-të, ndërsa të dytin e shënoi në minutën e 56-të. Një start i tillë është mesazhi më i qartë për urinë e tij për gola.

MIQËSORE? PËR MUÇIN GOLAT NUK KANË STATUS

Ernest Muçi po vijon nga aty ku e kishte lënë, duke shënuar gola dhe duke kërkuar të konsolidohet edhe më shumë në elitën e futbollit turk. Pavarësisht interesimit për largimin e tij nga Italia, Gjermania dhe Anglia, sulmuesi është i përqendruar te e tashmja. Këtë e dëshmojnë paraqitjet e tij në miqësoret e Trabzonsporit, ku shënoi ndaj Udineses dhe Zelesnicar, si edhe asistoi në ndeshjen kundër Goztepes.

MIRLIND DAKU, 2 GOLA PARA KALIMIT TE MOSKA

Mirlind Daku e filloi sezonin me 2 gola në 2 ndeshje, përpara se brenda pak ditësh të zyrtarizohej te Spartaku i Moskës pas largimit nga Rubin Kazan. Paraqitjet e tij tregojnë se sulmuesi i ka ndezur motorët dhe se është gati të japë kontribut edhe për Kombëtaren. Edhe pse nuk shënoi në sfidën e fundit me Spartakun, cilësitë e Dakut janë tashmë të njohura.

The post 9 golat që i japin sinjale pozitive Rolando Maranit, sulmuesit shkëlqejnë me klubet e tyre (STATISTIKAT) appeared first on Albeu.com.

Myrto Uzuni dhe Simon Simoni zhvilluan një fundjavë të shkëlqyer me ekipet e tyre, duke u përfshirë në formacionet më të mira të javës.

https://widgets.sofascore.com/embed/unique-tournament/13783/season/91033/round/28311/teamOfTheWeek?showCompetitionLogo=true&widgetTheme=light&widgetTitle=Leagues%20Cup

Uzuni ishte protagonist absolut në fitoren 3-0 të Austin ndaj Pueblas. Sulmuesi shqiptar realizoi të tre golat e takimit, duke ndihmuar skuadrën të siguronte tri pikë të rëndësishme në Leagues Cup.

https://widgets.sofascore.com/embed/unique-tournament/215/season/96589/round/28309/teamOfTheWeek?showCompetitionLogo=true&widgetTheme=light&widgetTitle=Swiss%20Super%20League

Performanca e tij u vlerësua me notën 9.9 nga platforma e vlerësimeve, çka i siguroi edhe një vend në formacionin e javës së turneut.

https://widgets.sofascore.com/embed/unique-tournament/13783/season/91033/round/28311/teamOfTheWeek?showCompetitionLogo=true&widgetTheme=light&widgetTitle=Leagues%20Cup

Edhe portieri Simon Simoni u dallua në përballjen mes Luzernit dhe St.Gallen, e cila përfundoi në barazim 2-2. Për paraqitjen e tij, 22-vjeçari mori notën 9.1.

https://widgets.sofascore.com/embed/unique-tournament/215/season/96589/round/28309/teamOfTheWeek?showCompetitionLogo=true&widgetTheme=light&widgetTitle=Swiss%20Super%20League

The post Uzuni me tre gola, Simoni me paraqitje të spikatur – dy shqiptarët në formacionin e javës appeared first on Albeu.com.

Myrto Uzuni përjetoi një mbrëmje të paharrueshme, duke marrë rolin kryesor në fitoren e Austin. Sulmuesi i Shqipërisë shkëlqeu në triumfin e pastër 3-0 ndaj Pueblas, në ndeshjen e vlefshme për Leagues Cup.

Të tre golat e takimit mbajtën firmën e beratasit dhe secili prej tyre dëshmoi klasin e tij. Uzuni e zhbllokoi rezultatin që në minutën e 4-të, kur realizoi me një goditje dënimi spektakolare, ndaj së cilës portieri mik nuk pati asnjë mundësi reagimi.

Vetëm 3 minuta më vonë erdhi edhe goli i dytë. Pas pasimit të Ramirez, 31-vjeçari veproi menjëherë dhe e dërgoi topin drejt portës, duke mposhtur sërish Rodriguez për rezultatin 2-0.

Goditjen përfundimtare Uzuni e dha pas një rivënieje nga këndi. Një skemë e ekzekutuar në mënyrë të shkëlqyer nga Austin e gjeti Myrton në pozicionin ideal, ndërsa ai lëshoi një goditje të fuqishme me të djathtën dhe vulosi kapitullimin e kundërshtarit. Lojtarët e Austin festuan kështu fitoren e dytë radhazi, duke arritur në kuotën e 6 pikëve.

The post VIDEO/ Myrto Uzuni protagonist absolut, tregolësh spektakolar në suksesin e Austin appeared first on Albeu.com.

Austin FC regjistroi një fitore 2-0 ndaj Club Tijuanës në ndeshjen e Leagues Cup, me Myrto Uzunin që u kthye sërish në protagonist për skuadrën e tij.

Në minutën e 16-të, sulmuesi i Kombëtares dha asistin për Joseph Rosales, i cili realizoi golin që zhbllokoi rezultatin.

Edhe pse ndodhej në një kënd disi të vështirë, beratasi ekzekutoi një pasim të shkëlqyer dhe e gjeti hondurasin të pozicionuar në mënyrë perfekte.

Uzuni zhvilloi një paraqitje mjaft pozitive dhe krijoi edhe 3 mundësi për të shënuar, ndërsa platforma e vlerësimeve “Sofascore” e notoi me 7.0.

Asisti i Uzunit për Rosales.

The post VIDEO/ Myrto Uzuni shkëlqen në Amerikë, asiston sërish në triumfin e Austin appeared first on Albeu.com.