Veç anës estetike, e cila duhet të jetë gjëja e fundit për të cilën duhet të shqetësoheni, ekspozimi për një kohë të gjatë ndaj mykut mund të kontribuojë në shfaqjen e sëmundjeve të ndryshme.

Edhe pse një alergji myku është problemi më i zakonshëm i shkaktuar nga ekspozimi ndaj mykut, ky i fundit mund të shkaktojë sëmundje dhe pa një reaksion alergjik. Myku gjithashtu mund të shkaktojë infeksione apo dhe reagimet toksike. Infeksionet e shkaktuara nga myku mund të zhvillojnë shumëllojshmëri problemesh shëndetësore

Çfarë rreziku përbën myku për shëndetin tonë?
Është një marrëdhënie e ndërthurur mes mykut, kondensimit dhe rritjes së rrezikut:
√ Acarim i syve dhe fytit
√ Krijim i kollës dhe gëlbazës
√ Frymëmarrje e rënduar dhe me ndërprerje
√ Simptoma të astmës
√ Prani e reaksioneve alergjike
Reagimi i njerëzve ndaj mykut nuk është i njëjtë. Ai varet nga shumë faktorë, si ekspozimi ndaj tij, gjendja e përgjithshme shëndetësore, mosha, sëmundjet apo alergjitë kronike, etj… Natyrisht, më të rrezikuarit janë fëmijët dhe moshat e thyera.

Por çfarë është myku?
Myk është termi që përfshin familjen e kërpudhave, të cilat rriten në ushqime dhe ambiente me lagështi. Myku mund të jetë me ngjyra të ndryshme, i bardhë, i zi apo në çfarëdolloj ngjyre tjetër. Ai ka pamje nga më të ndryshmet dhe ka erën e tij karakteristike.
Për t’u zhvilluar, mykut i duhet një ambient i përshtatshëm dhe natyrisht lagështia. Kur zhvillohet, ai fillon të lëshojë në ajër ‘sporet’, të cilat janë shumë të vogla, aq sa mund të thithen lehtësisht me frymëmarrjen e njeriut. Thithja në sasi të mëdha e sporeve të mykut është shumë e dëmshme për shëndetin.

Vendet me myk identifikohen lehtësisht me shikim, por ato më të zakonshmet janë parvazet e brendshme të dritareve apo ballkonit, këndet e paajrosura të dhomave, muret (zakonisht muret e banesës në kontakt me jashtë), tapetet, anekset e gatimit, sipërfaqet në ambientet e dushit, pjesët e brendshme nën lavamanë apo ku ka tubacione dhe shkarkime hidraulike, etj

The post Jo vetëm i shëmtuar, këto janë 5 rreziqet serioze pë shëndetin që shkakton myku në shtëpi appeared first on Albeu.com.

Uthull: Ju mund ta holloni me ujë për të hequr aromën e fortë. Ajo funksionon më së miri si një vrasës myku. Mbushni një shishe me lëngun dhe spërkateni zonën me lagështirë. Lëreni për disa orë, pastaj pastrojeni mykun me një furçë. Nëse era e uthullës ju shqetëson, shtoni disa pika vaj esencial, por dijeni se aroma e fuqishme do të zhduket avash avash dhe nuk ngel brenda në shtëpi. Studimet kanë treguar që uthulla e bardhë vret 82% të sporeve të mykut, viruseve dhe baktereve. Uthulla gjithashtu mund të parandalojë mykun nëse e spërkatni në sipërfaqe dhe e lini të thahet.

Ekstrakt i farës së agrumeve dhe uji: Ekstrakti i farës së agrumeve (siç është grejpfrut) nuk ka erë. Hidhni rreth 20 pika ekstrakt me 2 gota ujë, përziheni në një shishe, spërkateni mbi myk dhe mos e shpëlani.

Peroksidi i hidrogjenit: Spërkateni lëngun në sipërfaqen e mykut dhe lëreni për rreth 10 minuta. Pastaj fshiheni me një leckë të lagur për të hequr sporet e mykut të mbetur. Ju gjithashtu mund të përdorni peroksid hidrogjeni dhe uthull së bashku, dhe më pas ruajeni shishen në një zonë të errët (pasi drita prish fuqinë e peroksidit të hidrogjenit).

Sode buke: Përdoret me uthull dhe ujë ose vetëm me ujë, soda e bukës është e efektshme në largimin e mykut në mënyrë natyrale. Përzieni sodën me ujë ose me uthull dhe spërkateni në sipërfaqe. Lëreni të thahet, pastaj pastrojeni dhe fshijeni me një leckë të lagur. Soda e bukës është një dezinfektues natyral dhe shumë i butë, kështu që kjo zgjidhje do të pastrojë mykun pa lënë pas një aromë.

The post Doni të shpëtoni nga myku në shtëpi? Këto përbërës do i japin fund problemit tuaj appeared first on Albeu.com.