Mykhailo Mudryk ka thyer heshtjen pasi u autorizua të rikthehej në futboll, duke lënë pas një kohë të gjatë pasigurie dhe procesin ligjor që e mbajti larg fushës.

Sulmuesi ukrainas njoftoi se masa e pezullimit ndaj tij është shfuqizuar, çka i mundëson të rifillojë menjëherë karrierën.

Mudryk deklaroi se, pas një beteje të gjatë, ndalimi katërvjeçar që i ishte vendosur është anuluar dhe tashmë ai mund t’i kthehet futbollit me efekt të menjëhershëm.

Ai u shpreh mirënjohës që çështja mori fund, që iu dha mundësia të luajë sërish dhe që tani mund ta drejtojë vëmendjen nga e ardhmja. Ukrainasi e cilësoi këtë si periudhën më të vështirë të karrierës së tij.

Sipas Mudryk, që prej nisjes së rastit ai ka këmbëngulur se nuk ka përdorur asnjëherë, me dijeni apo qëllimisht, ndonjë substancë të ndaluar. Ai theksoi se për të ka pasur gjithmonë rëndësi të garojë ndershmërisht, si dhe të përfaqësojë klubin dhe vendin e tij me profesionalizëm e integritet.

Futbollisti falënderoi familjarët dhe miqtë për besimin dhe përkrahjen që i dhanë gjatë gjithë kësaj periudhe.

Mirënjohje të veçantë ai shprehu edhe për të gjithë personat në Chelsea, për bashkëlojtarët dhe për tifozët e klubit, të cilët i qëndruan pranë gjatë gjithë kësaj kohe.

Mudryk falënderoi gjithashtu ekipin e tij ligjor dhe të gjithë ata që kontribuuan në këtë çështje për punën e tyre të pandërprerë.

Ai bëri të ditur se tani synon të përqendrohet te rikthimi në futboll, të punojë fort çdo ditë dhe të japë ndikim pozitiv në fushën e lojës.

Në fund, ukrainasi falënderoi të gjithë ata që nuk reshtën së besuari tek ai, duke shtuar se e pret me padurim kapitullin e ardhshëm të karrierës.

The post Mudryk rikthehet në futboll dhe rrëfen: Ishte periudha më e rëndë e karrierës sime appeared first on Albeu.com.

Mykhailo Mudryk mund të luajë sërish futboll konkurrues, pasi procesi i gjatë lidhur me çështjen e dopingut është mbyllur. Vendimi i jep fund pasigurisë disamujore mbi të ardhmen e tij.

Eksperti i transferimeve Fabrizio Romano raporton se 25-vjeçari ka marrë lejen për t’u rikthyer në fushë. Ai pritet të udhëtojë drejt Hong Kongut për t’iu bashkuar Chelseat, që po zhvillon atje turneun parasezonal.

Sulmuesi anësor ukrainas do të vihet menjëherë nën urdhrat e trajnerit, duke mbyllur kështu një nga çështjet disiplinore që ka tërhequr më shumë vëmendje në futboll gjatë kohëve të fundit.

Mudryk kaloi një periudhë të vështirë, pasi deri në marrjen e vendimit përfundimtar të hetimit ishte i përjashtuar nga të gjitha aktivitetet futbollistike.

Rasti nisi në fund të vitit 2024, kur në një kontroll antidoping u regjistrua një gjetje e pafavorshme analitike. Sipas raportimeve, substanca në fjalë ishte meldoniumi, ilaç i përfshirë që prej vitit 2016 në listën e substancave të ndaluara nga Agjencia Botërore Antidoping (WADA).

Pas rezultatit të testit, Federata Angleze e Futbollit (FA) vendosi ta pezullonte përkohësisht futbollistin e Chelseat, në pritje të përfundimit të hetimeve.

Që në fillim, Mudryk hodhi poshtë mundësinë se kishte përdorur me dijeni ndonjë substancë të ndaluar. Ai mbrojti vazhdimisht pafajësinë e tij gjatë gjithë procedurës.

Edhe Chelsea i dha mbështetje lojtarit që në momentet e para. Klubi deklaroi se, së bashku me Mudrykun, ishte i angazhuar të përcaktonte mënyrën se si ishte shkaktuar rezultati pozitiv.

Pavarësisht paqartësive që shoqëruan rastin, klubi londinez vazhdoi të qëndronte në krah të sulmuesit ukrainas.

Ndërkohë që hetimi vijonte, Mudryk u stërvit individualisht për të ruajtur gjendjen fizike. Gjatë pezullimit, ai nuk kishte të drejtë të luante as me Chelsean dhe as me Kombëtaren e Ukrainës.

Në pamjet e shpërndara në rrjetet sociale, ukrainasi shihej duke punuar me trajnerë personalë dhe duke marrë me qira ambiente private stërvitore, teksa priste vendimin.

Për shkak të konfidencialitetit që karakterizon procedurat antidoping, gjatë muajve kur çështja mbeti e hapur u publikuan shumë pak të dhëna zyrtare.

The post Merr fund pasiguria për Mudrykun, ukrainasi lejohet të rikthehet në fushë appeared first on Albeu.com.

Për sulmuesin ukrainas Mykhailo Mudryk, telashet duket se vijnë njëra pas tjetrës. Teksa ende nuk ka shpëtuar nga makthi i dënimit për doping, tani ai përballet edhe me një proces gjyqësor që i ka varur një dry financiar mbi jetën e tij.

Gjykata e Lartë në Londër ka dhënë urdhër për ngrirjen e 2.5 milionë sterlinave (afro 2.9 milionë euro) që gjenden në llogaritë bankare të ish-lojtarit të Chelseat. Ky veprim rrjedh nga një padi për thyerjen e pretenduar të një marrëveshjeje lidhur me të drejtat e imazhit, ku vlera e përgjithshme e kontestit llogaritet të jetë mbi 6 milionë sterlina (rreth 7 milionë euro).

Ndërkohë që kjo betejë ligjore vazhdon, autoritetet gjyqësore kanë imponuar kufizime të përkohshme. Më konkretisht, Mudrykut i lejohet të harxhojë jo më shumë se 5,000 sterlina (5,800 euro) në javë. Kjo shifër, ndonëse e konsiderueshme për xhepat e zakonshëm, përbën një kthesë radikale për një futbollist që dikur gëzonte privilegjet e kontratave marramendëse të Ligës Premier.

Kjo goditje e re ligjore mbërrin në një kohë kur talenti 25-vjeçar vijon të ndjejë pasojat e skandalit të dopingut. Mudryk rezultoi pozitiv në një test të kryer në dhjetor të vitit të kaluar, por ai ka mbajtur qëndrim të prerë se nuk ka përdorur asnjëherë me dijeni substanca të ndaluara. Megjithatë, atij i është shqiptuar një pezullim prej katër vitesh, dhe çështja tashmë është në pritje të shqyrtimit nga Gjykata e Arbitrazhit Sportiv.

I transferuar nga Shakhtar Donetsk te Chelsea në janar 2023, Mudryk u prit si një investim gjigant, në një operacion që me bonuse arrinte vlerën e 95 milionë eurove. Por në vend që të shndërrohej në motorin e skuadrës londineze, rrugëtimi i tij profesionist ka marrë një hark dramatik, ku problemet jashtë fushës dhe dënimi për doping kanë errësuar totalisht perspektivën sportive.

The post Furtuna nuk i ndalet yllit 100 milionë euro të Chelseat: I bllokohen pasuritë dhe i vihet tavan shpenzimeve javore appeared first on Albeu.com.

Sipas raportimeve, Mudryk ka rezultuar pozitiv në mostrën “A” për substancën e ndaluar meldonium – një përbërje që njihet për rritjen e performancës fizike.

Ai është pezulluar përkohësisht në pritje të rezultatit të mostrës “B”, ndërsa FA ka konfirmuar akuzat ndaj tij.

“Mund të konfirmojmë se Mykhailo Mudryk është akuzuar për shkelje të rregullave antidoping, në përputhje me Rregulloret 3 dhe 4 të FA-së. Meqenëse ky është një proces në vazhdim, nuk mund të japim komente shtesë për momentin”, deklaroi një zëdhënës i FA-së.

Mudryk, që mohon se ka konsumuar ndonjë substancë të ndaluar me qëllim, ka angazhuar firmën ligjore Morgan Sports Law për mbrojtje.

E njëjta firmë ka përfaqësuar edhe Paul Pogban në apelin e tij kundër një ndalimi katërvjeçar për doping – i cili më vonë u ul në 18 muaj nga Gjykata e Arbitrazhit Sportiv (CAS).

Chelsea po i ofron mbështetje lojtarit, ndërkohë që procesi ndaj tij është ende në zhvillim. Mudryk pret të dëgjohet nga autoritetet për fatin e tij sportiv, ndërsa këmbëngul se nuk ka ndryshuar asgjë në rutinën e tij që nga koha kur rezultoi negativ në gushtin e kaluar.

The post FA e akuzon zyrtarisht ukrainasin për doping, Mudryk rrezikon pezullim të gjatë appeared first on Albeu.com.

Betejat dhe luftimet e vështira ishin gjithashtu aty, siç mund ta kishit marrë me mend më parë. Më poshtë mund të shikoni momentin kur Mykhailo Mudryk bëri një goditjen në ijën e Tomas Chory.

Lojtari çek bëri një simulim të ashpër, duke bërë që tifozët të talleshin me reagimin e tij.

Një tifoz komentoi: “Ai duhej ta bënte një kryq para se të rrëzohej”, ndërsa një tjetër shkroi: “Mirë që nuk vdiq”.

Tifozi i tret deklaroi: “Dështimi i menjëhershëm i shumëfishtë i organeve”, gjersa edhe i katërti pati një koment të ngjashëm me të dytin: “Përvoja afër vdekjes”.

Gjithçka është argëtuese, por kur kjo ndodh kundër ekipit tuaj bëhet shumë irrituese, shpresojmë se do të ketë disa ndryshime në rregulla në mënyrë që simulimet e tilla të ndëshkohen më shumë gjatë ndeshjeve. /Telegrafi/

The post Mudryk as që kishte kontakt, tifozët tallen me simulimin e lojtarit çek appeared first on Albeu.com.

Në konferencën për prezantimin e ndeshjes mes Liverpoolit të tij dhe Chelseat, të planifikuar për sot në orën 13:00, Jurgen Klopp lavdëroi Mudryk, me tekniku gjerman, i cili nuk u treguar aspask modest për aftësitë e anësorit 22-vjeçar.

“Ai është një lojtar i jashtëzakonshëm. Ai luajti në një Ligë të madhe Kampionësh me klubin e tij të vjetër. Ai ka shpejtësi, teknikë, di të shënojë dhe kombinohet me shokët e tij. Të kesh atë në njërën anë dhe Joao Felix në anën tjetër mund të jetë shumë interesante. Chelsea padyshim që i zgjidh problemet ndryshe nga ne”,- është shprehur tekniku Klopp. /albeu.com

The post Klopp “nxeh” situatën para ndeshjes: Chelsea i zgjidh problemet ndryshe nga ne appeared first on Albeu.com.

Mudryk u shpreh tepër i lumtur, që ka nënshkruar me një klub të nivelit të “londinezëve” dhe në veçanti u shpreh se është në pritje të takimit me shokët e skuadrës dhe teknikun Graham Potter.

“Jam i kënaqur që kam nënshkruar për Chelsea. Ata janë një klub i madh, në një ligë fantastike dhe me një projekt shumë tërheqës për mua në këtë pikë të karrierës sime. Unë jam i emocionuar për të takuar shokët e rinj të skuadrës dhe mezi pres të punoj dhe të mësoj nga Potter dhe stafi i tij.”,- u shpreh Mudryk, në deklaratën e tij. /albeu.com

The post Mudryk bën deklaratën e parë pas nënshkrimit: Jam shumë i lumtur që erdha te Chelsea, ata janë një klub i madh appeared first on Albeu.com.

Në garën mes 2 klube për ukrainasin, u raportua se Arsenali nuk dëshironte të paguante më shumë se 70-75 milionë euro për Mudryk. Ndërsa, sipas mediave, blutë janë gati t’i ofrojnë Shakhtarit 80 milionë euro për transferimin e anësorit 21-vjeçar.

Vihet re se 3 muaj më parë, Mudryk ra dakord për kushtet e kontratës personale me Arsenalin deri në vitin 2028, me pagën e 21-vjeçarit që do të jetë 5.5 milionë euro në vit plus bonuse.

Në anën tjetër, Chelsea është i gatshëm t’i ofrojë Mudryk 7.5 milionë euro në vit për ta bindur lojtarin të bashkohet me ekipin e Graham Potter. /albeu.com

The post Mudryk në “mëdyshje”, Chelsea e Arsenal “kokë më kokë” për shërbimet e 21-vjeçarit appeared first on Albeu.com.