Gjatë tetë muajve të parë të vitit 2026, Ford ka nxjerrë nga prodhimi vetëm 384 Mustang GTD, shifër që përfaqëson 0.986% të të gjithë Mustang-ëve të prodhuar në këtë periudhë.

Deri në përfundim të muajit gusht, prodhimi i përgjithshëm i Mustang-ut kishte arritur në 39,330 njësi.

Muaji qershor shënoi ritmin më të lartë të prodhimit të GTD-së, me 58 automjete, ndërsa në gusht u ndërtuan 50 njësi.

I bazuar në Mustang GT3, versioni GTD është i homologuar për përdorim në rrugë dhe fuqizohet nga një motor V8 me 5.2 litra, i cili prodhon 815 kuaj fuqi.

Modeli pajiset me transmision automatik, përdor gjerësisht fibra karboni dhe përfshin teknologji të avancuar për sistemin e pezullimit.

Me një çmim nisjeje që kalon 325,000 dollarët dhe me numër të kufizuar njësish, Mustang GTD pritet të renditet ndër modelet më të rralla dhe më të veçanta në historinë e Mustang-ut.

The post Ford Mustang GTD, një nga modelet më të rralla të markës me prodhim tejet të kufizuar appeared first on Albeu.com.

Forcat policore shtetërore në Shtetet e Bashkuara marrin pjesë çdo vit në një garë për të zbuluar se cila makinë policie është më tërheqësja. Gjatë tre viteve të shkuara, Florida ka rezultuar gjithmonë fituese.

Edhe këtë vit, dukej se ky dominim do të merrte fund, por në çastet e fundit, shteti i njohur për klimën e tij me diell u rikthye fuqishëm dhe siguroi triumfin e katërt radhazi, njofton Telegrafi.

Shoqata Amerikane e Policëve Shtetërorë (AAST) shpalli rezultatet e edicionit të 13-të të konkursit të saj vjetor për Makinën më të Mirë me Pamje, pas më shumë se 360 mijë votash të grumbulluara nga mbështetësit në të gjithë vendin.

Miçigani udhëhoqi garën për pjesën më të madhe të kohës, por ekipi i komunikimit i Patrullës së Autostradave të Floridës organizoi një mobilizim të vonë që në fund e shtyu përpara Mustangun e zi dhe të verdhë, duke i dhënë fitoren.

AAST u tregua e gatshme për shaka pas këtij finali dramatik, duke thënë me humor se ‘duket se është stina e gjuetisë në Florida, pasi ia dolën të rrëzonin Patën e Kaltër’, duke aluduar kështu për veturat e famshme blu të Policisë Shtetërore të Miçiganit.

Gjithashtu, u bënë edhe batuta rreth ‘varjes së çantave’ dhe ‘mbledhjeve të fletëvotimeve në orët e vona të natës’, duke theksuar se këto shaka të lehta ishin pjesë e rivalitetit miqësor të konkursit.

Në fund të votimeve, Florida grumbulloi 52,249 vota, shumë më tepër se 37,654 vota të Miçiganit. Xhorxhia siguroi pozitën e tretë me 34,933 vota, ndjekur nga Ohajo dhe Kentaki, të cilat plotësuan pesë vendet e para. Gjithsej, në të gjitha shtetet pjesëmarrëse u hodhën 360,433 vota, ndërsa Oregoni mblodhi më pak, vetëm 185.

Fitorja i rikthen Floridës Çmimin për Automjetin më të Bukur të Policisë dhe imazhi i saj fitues do të shfaqet në ballinën e kalendarit të murit të policëve amerikanë për vitin 2027.

Të ardhurat nga shitja e kalendarit mbështesin Fondacionin e Shoqatës Amerikane të Policëve Shtetërorë, që ofron bursa arsimore për personat në varësi të anëtarëve të saj.

Nëse seria e fitoreve do të zgjasë edhe më shumë, organizatorët ndoshta duhet të fillojnë të mendojnë për ta futur Floridën në emrin e kalendarit. /Telegrafi/

The post Florida fiton për të katërtin vit radhazi konkursin e bukurisë së veturave të policisë në SHBA appeared first on Albeu.com.

Makina është projektuar për të përmbushur dëshirat e të pasionuarve pas mjeteve të fuqishme, bishave të rrugës, që jo vetëm bëjnë zhurmë, por edhe kanë erën karakteristike të benzinës.

Mustang Stampede, modeli i radhës i një ikone amerikane, u prezantua në panairin e makinave në Detroit, ku nuk mund të mungonte edhe Presidenti Joe Biden. Modeli i ri sjell një makinë me dizajn të ndryshuar për herë të parë pas 10 vitesh.

Menaxheri i përgjithshëm i Ford për makinat sportive, Jeff Marentic, tha se klientëve do t’u ofrohej mundësia për të marrë të njëjtin model me motor elektrik. “Do të kemi investuar 50 miliardë dollarë në makinat elektrike që do të prodhojmë deri në vitin 2026”, tha ai. “Për entuziastët e Mustangut të vërtetë, kjo makinë nxjerr në pah emocione, dhe pjesë e tyre janë edhe era e benzinës dhe zhurma e motorit tradicional me 8 pistona”.

Nga brenda, Mustang Stampede duket si një avion luftarak, jo vetëm për stilin e ndenjëseve apo timonit, por edhe për kroskotin elektronik dhe modern, ku gjithçka zgjidhet me shtypjen e një butoni.

The post “Bisha e rrugës”, Mustang shpërfill motorët elektrikë: Era e benzinës ekzalton shoferët (FOTO LAJM) appeared first on Albeu.com.