Former leader of the Democratic League of Kosovo (LDK), Isa Mustafa, described as right, legitimate and dignified the decision by six MPs from the party not to vote for Bekim Sejdiu as president.

According to Mustafa, the MPs’ position is not about a specific name, but about the principle that the LDK should not become involved in unconstitutional agreements or actions. He stressed that such involvement would make the party responsible for a process that, in his view, belongs to the political entity that came first in the election.

Mustafa also said that the issue of electing the president cannot be left solely to VV and the LDK, as other political entities must also be involved.

Speaking about the possibility of a consensual figure, he said that extending the constitution of the Assembly beyond the deadline set by the Constitutional Court’s ruling cannot be used as justification for finding a presidential candidate. According to him, consensus, although not a category defined in the Constitution, would have value only if it represented not only VV and the LDK, but also the PDK, AAK and MPs from non-Serb entities.

He added that there must first be agreement within each political entity and then between the parties, while the constitution of the Assembly must precede any agreement.

Mustafa also opposed the idea of forcing MPs to vote according to the positions of forums appointed by an individual. Such an action, he said, would demonstrate a lack of basic understanding of the Constitution, internal democracy and the spirit of the LDK’s Statute.

On Tuesday, a meeting of the LDK Parliamentary Group was held, where Avdullah Hoti, Hykmete Bajrami, Kujtim Shala, Armend Zemaj, Arben Gashi and Janina Ymeri declared that they would not vote for Bekim Sejdiu as president.

The post Isa Mustafa Supports LDK’s Six MPs Over Their Position on Bekim Sejdiu appeared first on Albeu.com.

Ish-kreu i Lidhjes Demokratike të Kosovës (LDK), Isa Mustafa, e ka cilësuar të drejtë, legjitim dhe dinjitoz vendimin e gjashtë deputetëve të kësaj partie për të mos e votuar Bekim Sejdiun për President.

Sipas Mustafës, qëndrimi i deputetëve nuk ka të bëjë me një emër të caktuar, por me parimin që LDK-ja të mos përfshihet në marrëveshje apo veprime jashtëkushtetuese. Ai ka theksuar se një përfshirje e tillë do ta bënte partinë përgjegjëse për një proces që, sipas tij, i takon subjektit që ka dalë i pari në zgjedhje.

Mustafa ka deklaruar gjithashtu se çështja e zgjedhjes së Presidentit nuk mund t’u lihet vetëm VV-së dhe LDK-së, pasi në të duhet të përfshihen edhe subjektet e tjera politike.

Duke folur për mundësinë e një figure konsensuale, ai ka thënë se zgjatja e konstituimit të Kuvendit përtej afatit të përcaktuar nga aktgjykimi i Gjykatës Kushtetuese nuk mund të përdoret si arsyetim për të gjetur një kandidat për President. Sipas tij, konsensusi, ndonëse nuk është kategori e përcaktuar në Kushtetutë, do të kishte vlerë vetëm nëse përfaqësonte jo vetëm VV-në dhe LDK-në, por edhe PDK-në, AAK-në dhe deputetët e subjekteve josërbe.

Ai ka shtuar se fillimisht duhet të ketë pajtim brenda secilit subjekt politik dhe më pas ndërmjet partive, ndërsa çdo marrëveshjeje duhet t’i paraprijë konstituimi i Kuvendit.

Mustafa ka kundërshtuar edhe idenë që deputetët të detyrohen të votojnë sipas qëndrimeve të forumeve të emëruara nga një individ. Një veprim i tillë, sipas tij, do të tregonte mungesë të njohjes themelore të Kushtetutës, demokracisë së brendshme dhe frymës së Statutit të LDK-së.

Të martën u zhvillua mbledhja e Grupit Parlamentar të LDK-së, ku Avdullah Hoti, Hykmete Bajrami, Kujtim Shala, Armend Zemaj, Arben Gashi dhe Janina Ymeri deklaruan se nuk do ta votojnë Bekim Sejdiun për President.

The post Isa Mustafa mbështet gjashtë deputetët e LDK-së për qëndrimin ndaj Bekim Sejdiut appeared first on Albeu.com.

Mustafa, në një prononcim për lajmi.net, koalicionet nga ana e Lëvizjes Vetëvendosje (LVV) me Partinë Demokratike të Kosovës (PDK), për të cilat partia në pushtet thoshte se kishte, siç i quante ajo, vija të kuqe, po i quan “martesë për të mbetur në pushtet”.

“Koalicionet shprehin realitetin tonë por edhe qesin në pah tërbimin e pashembullt politik që ushtrohej në të kaluarën nga VV dhe disa figurave “Guxo” ndaj atyre që bënin koalicion me PDK-në. Tani ata po “martohen” me PDK-në për të mbetur në pushtet.  Jo vetëm për letra!”, deklaroi ish-kreu i LDK-së për lajmi.net.

“Dikush mund të thotë, kjo është tjetër PDK; nuk është Thaçi, është tjetërkush. E unë ju them se kjo është parti e themeluar nga z. Thaçi dhe se VV me shumë dëshirë dhe gjentelesë po bënë koalicion me partinë e Hashim Thaçit. Dashuria kurorëzohet me martesë….Dhe këtu asgjë s’ka të keqe. Edhe LDK po ashtu”, potencoi më tej ish-kryeministri.

Frazën “martesë”, duke konsistuar në koalicione që ndihmojnë qëndrimin në pushtet, e ka përdorur edhe për partinë që e udhëhoqi vetë ai, pa përmendur detaje.

Gjatë ditës u raportua se LVV dhe PDK kanë arritur koalicion qeverisës në Gjilan. PDK-së do t’i takojë pozita e nënkryetarit të komunës dhe katër drejtori, ndërkaq partia fituese e zgjedhjeve do të udhëheq me drejtoritë të tjera.

Koalicion LVV-ja arriti me PDK-në edhe në Podujevë. Koalicionin nga VV-ja u arsyetua duke thënë se ishte e vetmja mënyrë që të konstituohej Kuvendi Komunal.

Në anën tjetër, është raportuar për një lloj marrëveshjeje bashkëpunimi ndërmjet PDK-së dhe LDK-së për udhëheqjen e kryeqytetit. Raportimet erdhën pasi asamblistët e PDK-së ia votuan LDK-së tashmë kryesuesin e Asamblesë së Prishtinës, Fehmi Kupinën.

Përfaqësues të LVV-së kanë qenë kategorikisht kundër marrëveshjeve politike me PDK-në në të kaluarën.

The post Mustafa tallet me LVV: U “martua” me PDK për të mbetur në pushtet appeared first on Albeu.com.

Përfaqësuesi i Bashkimit Evropian për Politikë të Jashtme, Josep Borrell, dhe Kryeministri i Kosovës, Albin Kurti, janë përplasur për çështjen e themelimit të Asociacionit të Komunave Serbe. Borrell tha se do të kërkojë vazhdimisht implementimin e Asociacionit, ndërkaq Kurti deklaroi se kjo marrëveshje nuk e ka kaluar testin e Gjykatës Kushtetuese.

Këto qëndrime i ka komentuar ish-kryeministri i Kosovës, Isa Mustafa.

Në një përgjigje me shkrim për Express, Mustafa ka deklaruar se kur ishte Kryeministër, ka marrë zotim me shkrim nga Komisioni Evropian që Asociacioni nuk ka kompetenca ekzekutive dhe nuk është pushtet i tretë.

“Si Kryeministër në vitin 2015 e kam marrë zotimin me shkrim nga zëvendëspresidentja e Komisionit Evropian, znj. Mogerhini se Asociacioni sipas pikëpamjeve të BE-së nuk ka kompetenca ekzekutive dhe nuk është pushtet i tretë. Derisa është në fuqi Ligji për ratifikimin e Marrëveshjes së Parë, Kosova e ka për obligim ta themelojë (por pa kompetenca ekzekutive).  Këtë pra e ka thënë Gjykata Kushtetuese”, ka thënë Mustafa për Express.

Mustafa thotë se Kosova duhet ta krijojë Asociacionin e Komunave Serbe bazuar në konstatimin e Gjykatës Kushtetuese se ai nuk do të ketë kompetenca ekzekutive.

Ish-kreu i LDK-së deklaron se një Asociacion me ndryshime kushtetuese për të cilin ka folur i Dërguari Special i BE-së për dialogun Kosovë-Serbi, Miroslav Lajçak, do të ishte i papranueshëm për Kosovën.

“Gjykata Kushtetuese ka gjykuar se Asociacioni duhet të themelohet sipas Marrëveshjes së Parë, e arritur në vitin 2013 dhe e ratifikuar me Ligj nga Kuvendi. Gjykata ka konstatuar se Asociacioni është bërë pjesë e rendit juridik të Kosovës.  Gjithnjë e kam parasysh se Gjykata i referohet një Asociacioni që nuk ka fuqi ekzekutive dhe që nuk është pushtet i tretë. Jo për Asociacion me ndryshime kushtetuese për të cilin është shprehur z. Lajçak. Për një Asociacion të tillë nuk është  diskutuar asnjëherë dhe ai do të ishte i papranueshëm për Kosovën”, ka deklaruar Mustafa.

Ish-kryeministri i Kosovës thotë se nëse Serbia dhe Bashkimi Evropian kërkojnë që Asociacioni të marrë kompetenca të komunave përmes ndryshimeve kushtetuese, Kosova duhet të tërhiqet.

Ai thotë se në asnjë rast, Kosova nuk ka marrë obligim për ndryshime kushtetuese, për të i krijuar hapësirë Asociacionit të cilin e parapëlqen Serbia.

Mustafa thotë se Serbia para gjashtë vitesh ishte pajtuar që Asociacioni të krijohet, kur Gjykata Kushtetuese konstatoi se statusi i tij është në përputhje të plotë me Kushtetutën e Kosovës.

“Në qoftë se Serbia dhe BE tani kërkojnë që Asociacioni të jetë pushtet i tretë (të marrë kompetenca të komunave), përmes ndryshimeve kushtetuese, do të kishte arsye të plotë që Kosova të tërhiqet nga ky obligim përmes shfuqizimit të Ligjit, për arsye se në asnjë rast Kosova nuk ka marrë obligim për ta ndryshuar Kushtetutën e për t’i krijuar hapësirë një Asociacioni çfarë tani e parapëlqen Serbia. Duhet përkujtuar se në vitin 2015 Serbia ishte pajtuar që Asociacioni të konsiderohet i themeluar kur Gjykata Kushtetuese e Kosovës shprehet se Statuti i tij është në përputhje me Kushtetutën e Kosovës”, ka deklaruar Mustafa.

Mustafa ka përmendur edhe qëndrimin e Kryeministrit Albin Kurti dhe partisë së tij për Asociacionin, kur ishin në opozitë.

Ai thotë se Kurti dhe VV-ja tani që janë në pushtet, duhet të veprojnë dhe të marrin përgjegjësi.

“Sa i përket Kryeministrit Kurti ai dhe partia e tij e kanë kundërshtuar Zajednicën me të gjitha mjetet. Tani janë në pushtet, kanë numër të madh të deputetëve, tani s’kanë nevojë të bëjnë opozitë por të veprojnë dhe të marrin përgjegjësi nga pozita”, ka deklaruar Mustafa.

Mustafa po ashtu thotë se nëse Kurti dhe partia e tij kanë argumente se Kosova ka humbur 8 mijë e 200 hektarë në korrigjimin e kufirit me Malin e Zi, pse s’po ia kthejnë Kosovës.

Ai deklaron se pozita i ka votat për këto dy marrëveshje.

“E njëjta gjë vlen edhe për kufirin me Malin e Zi. Nëse edhe sot mendojnë dhe kanë argumente se Kosova ka humbur 8,200 hektarë, pse nuk po veprojmë ta korrigjojnë dhe  t’ia kthejnë Kosovës. Votat i kanë edhe për Zajednicën edhe për Marrëveshjen për kufirin me Malin e Zi. I kanë ato me të cilat e kanë zgjedhur Presidenten”, ka deklaruar Mustafa.

Më 25 gusht të vitit 2015, delegacioni i Kosovës i udhëhequr nga Kryeministri Isa Mustafa ka nënshkruar katr marrëveshje me Serbinë, në mesin e të cilave ishte edhe Asociacioni komunave me shumicë serbe.

Këto marrëveshje më pas u ratifikuan në Kuvendin e Kosovës.

Partia e Kryeministrit të tanishëm, Albin Kurtit, Lëvizja Vetëvendosje, e kishte kundërshtuar vazhdimisht Asociacionin, duke e quajtur në serbisht “Zajednicë”. /Express

The post Mustafa: VV i ka votat, nëse besojnë që Kosova humbi pse s’po veprojnë për Demarkacion dhe Zajednicë appeared first on Albeu.com.

The post Pas dorëheqjes, Mustafa lë ambientet e Kuvendit të LDK-së appeared first on Albeu.com.

The post Mustafa: LDK do të rikthehet pas këtyre zgjedhjeve appeared first on Albeu.com.