I kontaktuar nga media ndërkombëtare, analisti Mustafa Nano teksa ka falenderuar të gjithë shqiptarët në Zvicër, ka thënë se kjo dorëheqje është diçka personale.

“Kjo dorëheqja e ime eshte dicka e natyres personale…” tha Mustafa Nano.

Tashmë Zvicra ka mbetur pa një ambasador shqiptar ndërsa ende nuk dihet se kush do ta zëvëndësojë Mustafa Nanon. Ai u emërua në krye të këtij posti në korrik të vitit të kaluar, i propozuar nga qeveria Rama dhe i emëruar nga presidenti i Shqipërisë, Bajram Begaj.

Nano në atë kohë zëvëndësoi Ilir Gjonin i emëruar në këtë post nga ish-presidenti Bujar Nishani në vitin 2023.

The post Mustafa Nano jep dorëheqjen, Zvicra mbetet pa ambasador shqiptar appeared first on Albeu.com.

Presidenti i Republikës në zbatim të kompetencave të tij kushtetuese dhe ligjore, bazuar në nenin 92, shkronja “dh”, nenin 93 të Kushtetutës, si dhe nenin 26, pika 2 të ligjit nr. 23/2015, “Për shërbimin e jashtëm të Republikës së Shqipërisë” me propozim të Kryeministrit, dekretoi lirimet dhe emërimet e Ambasadorëve si më poshtë vijojnë:

1. Lirohet me Dekret nr. 125 datë 12.7.2023 z. Roland Bimo nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Republikën e Austrisë, rezident.

2. Lirohet me Dekret nr. 126 datë 12.7.2023 z. Visho Ajazi Lika nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.

3. Lirohet me Dekret nr. 127 datë 12.7.2023 z. Qirjako Qirko nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Mbretërinë e Bashkuar të Britanisë së Madhe dhe Irlandës së Veriut, rezident, dhe nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Irlandë, jorezident.

4. Lirohet me Dekret nr. 128 datë 12.7.2023 z. Ilir Gjoni nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Konfederatën e Zvicrës, rezident, dhe nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Principatën e Lihtenshteinit, jorezident.

5. Lirohet me Dekret nr. 129 datë 12.7.2023 znj. Ravesa Lleshi nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Misionin e Përhershëm të Republikës së Shqipërisë, pranë Zyrës së Kombeve të Bashkuara dhe Organizatave të Tjera Ndërkombëtare në Gjenevë, rezident.

6. Emërohet me Dekret nr. 135 datë 12.7.2023 znj. Majlinda Frangaj Ambasador i Jashtëzakonshëm dhe Fuqiplotë i Republikës së Shqipërisë në Selinë e Shenjtë në Vatikan, rezident.

7. Emërohet me Dekret nr. 130 datë 12.7.2023 z. Fatmir Velaj Ambasador i Jashtëzakonshëm dhe Fuqiplotë i Republikës së Shqipërisë në Republikën e Austrisë, rezident.

8. Emërohet me Dekret nr. 131 datë 12.7.2023 z. Ilir Gjoni Ambasador i Jashtëzakonshëm dhe Fuqiplotë i Republikës së Shqipërisë në NATO, rezident.

9. Emërohet me Dekret nr. 134 datë 12.7.2023 znj. Vasilika Hysi Ambasador i Jashtëzakonshëm dhe Fuqiplotë i Republikës së Shqipërisë në Misionin e Përhershëm të Republikës së Shqipërisë, pranë Zyrës së Kombeve të Bashkuara dhe Organizatave të Tjera Ndërkombëtare në Gjenevë, rezident.

10. Emërohet me Dekret nr. 132 datë 12.7.2023 z. Uran Ferizi Ambasador i Jashtëzakonshëm dhe Fuqiplotë i Republikës së Shqipërisë në Mbretërinë e Bashkuar të Britanisë së Madhe dhe Irlandës së Veriut, rezident, dhe Ambasador i Jashtëzakonshëm dhe Fuqiplotë i Republikës së Shqipërisë në Irlandë, jorezident.

11. Emërohet me Dekret nr. 133 datë 12.7.2023 z. Mustafa Nano Ambasador i Jashtëzakonshëm dhe Fuqiplotë i Republikës së Shqipërisë në Konfederatën e Zvicrës, rezident dhe Ambasador i Jashtëzakonshëm dhe Fuqiplotë i Republikës së Shqipërisë në Principatën e Lihtenshteinit, jorezident.

The post Begaj dekreton ambasadorët e rinj, Mustafa Nano shkon në Zvicër, ish-deputetët në OKB dhe Austri appeared first on Albeu.com.

Mustafa Nano, i cili është kandidat për ambasador në Zvicër, por jo rezident ka folur dhe është shprehur se dëshiron të jetë më rolin më aktiv dhe të kurojë marrëdhëniet mes dy vendeve. Ai madje ka thënë se ndihet i ledhatuar dhe i llastuar që është pritur mirë.

Pjesë nga mbledhja:

Mustafa Nano: Do doja të ishte një moment i vecantë në jetën time. Shpresoj që puna të jetë interesante. Në Zvicër ka një rreth të madh shqiptarësh. Do mbaj fokus të vecantë te detyra ime. Unë kam vendosur të jem më aktiv se ambasadorët e tjerë në botë. Unë do doja të isha më aktiv. Do doja që roli i ambasadorit të ishte më i madh. Do kuroj marrëdhëniet mes Shqipërisë dhe Zvicrës.

Collaku: Më vjen mirë që vuri theksin te diaspora. E nxis dhe me entuziasmoi dëshira për këtë risi në diasporë. Me keqardhjen e madhe që Tiranës do t’i mungojë një studio ku ne flasim

Gjekmarkaj: Jemi munduar që Zvicrës ti gjejmë ambasadorë të qetë. Duhet ti kishim marrëdhëniet me cilësore, ndoshta duke dërguar atje një zhurmues do ketë ndryshim. Më vjen mirë që kemi ambasador dikë që ka shkruar libra. Shpresoj që Shqipëria të fitojë një ambasador cilësor. Besoj se ai është njeri i lirë dhe do jetë shërbëtor cilësor i vendit tonë.

Nano: Ndihem i ledhatuar dhe i llastuar që po pritem mirë. Nuk kisha dyshime.

The post Kandidat për ambasador në Zvicër, Mustafa Nano: Po ndihem i llastuar appeared first on Albeu.com.

Ministria e Punëve të Jashtme ka dorëzuar në Kuvend popozimet, të cilat janë si vijon:

Ridi Kurtezi propozohet ambasador në Emiratet e Bashkuara Arabe;

Zhaklina Peto propozohet ambasadore në Republikën Federale të Gjermanisë;

Ervin Bushati propozohet për ambasador në SHBA, rezident dhe ambasador jo rezident në Shtetet e Bashkuara të Meksikës, Republikën e Panamasë, Republikën Domenikane, Republikën e Guatemalës dhe Republikën e Kosta Rikës;

Ilir Gjoni propozohet ambasador në NATO;

Vasilika Hysi propozohet ambasadore në Misionin e Përhershëm të Republikës së Shqipërisë në Zyrën e Kombeve të Bashkuara dhe Organizatave të tjera Ndërkombëtare në Gjenevë;

Meri Kumbe propozohet ambasador në Izrael;

Fatmir Velaj propozohet ambasador në Austri;

Blerta Kadzadej propozohet ambasadore në Turqi, rezidente dhe ambasadore në Republikën e Azerbajxhanit, Republikën Islamike të Iranit, Republikën e Kirgistanit, Republikën Islamike të Pakistanit, Republikën e Gjeorgjisë, Republikën Islamike të Afganistanit dhe Republikën e Kazakistanit, jo rezidente;

Majlinda Frangaj propozohet ambasadore në Selinë e Shenjtë të Vatikanit;

Mustafa Nano propozohet ambasador në Konfederatën e Zvicrës, rezident dhe ambasador në Principatën e Lihtenshteinit, jo rezident.

Uran Ferizi propozohet ambasador në Britaninë e Madhe, rezident dhe ambasador në Republikën e Irlandës, jo rezident.

The post Qeveria propozon Mustafa Nanon si ambasador të Shqipërisë, kush janë emrat e tjerë VIP appeared first on Albeu.com.

Komentet Nano i bëri në emisionin Kojshia Show, ku ishte i ftuar.

Ai ka folur edhe për më të përfolurit në shoëbizin shqiptar, duke mos kursyer edhe disa shaka për ta.

Gjatë intervistës, Nano ka thënë edhe se do dëshironte të flinte një natë me Ledy Gaga-n, ndërsa ka thumbuar Bora Zemanin e Ilda Bejlerin./albeu.com/

The post Çudit Muç Nano: E tmerrshme që Berisha gjithë jetën ka fjetur vetëm me një grua (VIDEO) appeared first on Albeu.com.

Ai ka folur edhe për më të përfolurit në showbizin shqiptar, duke mos kursyer edhe disa shaka për ta.

Gjatë intervistës, Nano ka thënë se do dëshironte të flinte një natë me Ledy Gaga-në dhe Bora Zemanin.

Ndiqeni minutën e 11:00 te emisionit për ta kuptuar pse.

The post “Zbërthehet” Muç Nano, zbulon emrin e VIP-es shqiptare me të cilën do të donte të kalonte një natë appeared first on Albeu.com.

Kokalari e quan Nanon vegël të të tjerëve dhe i përgjigjet publikisht Mustafa Nanos për pyetjen që ai ngriti në emisionin e tij: Çfarë e ndan Kokalarin nga Grida Duma dhe Jorida Tabaku.

Postimi i plotë:

Mustafa Nano ishte në sulm mbrëmë ndaj femrave në politikë.

Ndërkohë që asnjë fakt nuk kishte marrë korrektësisht – (po ndaj një video dhe një foto të shikoni seç them) – flet për ashpërsi tonesh dhe ‘jo-elegance’ të femrave. Me pak fjalë, Mustafa Nano po na paragjykonte si gjini dhe jo si individ.

Foli gjithashtu për misogjinizim dhe ishte rehat fare me këtë term…fundja ç’mund të presësh nga dikush me një emision që me koshiencë të plotë e quan “Arnautistan”?

E me që shefi i arnautistanit kishte një pyetje seç më ndan mua nga Grida Duma dhe Jorida Tabaku, pa elegance fare i them se na ndajnë karakteri, integriteti, morali dhe parimet politike.

Në foton më poshtë është Sedef Kalbas dhe jo Grida Duma siç thotë ky. Ja, ky po e bën analizën.

Ndërkohë unë e di që Muçi sulmet i bën për llogari të të tjerëve, prandaj nuk mund të merrem me të, se ai vegël është. Fokusi im janë ata që e konsiderojnë veten ‘të pamposhtur’.

E me ata vazhdon beteja./albeu.com/

The post Evi Kokalari: Muç Nano është vegël e të tjerëve, s’ke çfarë pret nga një njeri që e quan emisionin e tij Arnautistan appeared first on Albeu.com.

Nano ka renditur një sërë arsyesh pse dalja e fundit e Ramës duhej evituar, pasi sipas tij ishte tejet provokative.

“Edi Rama organizoi sot një komunikim live me demokratët, dhe u kërkoi atyre “të bëhen me të”!!! Unë fillimisht nuk u besova veshëve, dhe m’u desh një copë herë të bindesha se lajmi ishte i vërtetë. Sepse m’u duk një gjest krejt i pagjetur e i pavend.

Shoqëria shqiptare është duke vajtuar prag-vdekjen e opozitës, dhe po pret që demokratët, dikush a disa prej tyre, të bëhen të gjallë për t’i dalë zot asaj partie, dhe ja, na del kryeministri, na “i mbledh” demokratët, dhe u bën thirrje t’i bashkohen atij.

Çfarë ndërhyrje furacake, paternaliste, burracake e provokative! Kryeministri m’u duk si një shpend grabitqar që i vërsulet një preje të kollajtë. Pastaj, është edhe diçka tjetër.

Rreshtimi politik është një gjë me vlerë në këtë botë, që ka të bëjë me emocionet, familjet, traditën, vizionin tonë mbi botën, interesin apo ku di unë çfarë tjetër. Identiteti politik është një element shumë i rëndësishëm i identitetit tonë në përgjithësi.

Si u konvertuaka robi, fap, si me magji? Si u shndërruaka njeriu kështu, sa hap e mbyll sytë, nga demokrat në socialist? Kësaj i thonë t’i trajtosh njerëzit si lecka, që munden me ra fare pa të keq në duart e kujtdo”, është shprehur Nano./albeu.com/

The post Muç Nano “i përvishet” Edi Ramës: U bë si shpend grabitqar e buracak, po i trajton demokratët si lecka appeared first on Albeu.com.

Ai shprehet se në ndeshjet e tij të fundi tai ka shkëlqyer vërtetë.

Pashë ndeshjen e kombëtares sonë, dhe më la shenjë Armando Broja. Sigurisht, luajtëm kundër një kundërshtari fare të kollajtë, por Broja, që unë e kam zbuluar rishtazi (në ndeshjet kundër Hungarisë e San Marinos), m’u duk lojtar i një brumi të veçantë. I zhdërvjelltë e elegant (gjë e rrallë për një trupmadh), i shpejtë, i fuqishëm, inteligjent, i sigurt në kontrollin e topit, e aspak egoist. Nuk e di nëse evutë re që dha më shumë se një assist në rrethanat që ishte para portës, e që fare mirë mund të bënte siç bëjnë zakonisht një numër i madh sulmuesish, të kërkonte shkëlqimin individual, golin për vete. Dhe kjo ishte gjëja që më pëlqeu më shumë. Është një tipar që e kanë lojtarët e mëdhenj. Lojtarët e zakonshëm, me të dalë para portës, nuk e kërkojnë shokun, kapen nga dalldia për të shënuar vetë e shikimi u thëthitet veç prej drejtkëndëshit të portës, ndërsa Broja bëri të kundërtën.

Në fakt, në ndeshjen me Hungarinë nuk më pëlqeu në momentin e golit që ai vetë e shënoi. Atij i doli për mbarë iniciativa për të gjuajtur nga një distancë jo e afërt e nga një pozicion i prirët, por nëse nuk do shënonte, të gjithë do t’i thoshim me të drejtë se duhej t’ia kish pasuar shokut të tij në të majtë të sulmit. Dhe do ta qortonim. Por në ndeshjen e sotme u soll ndryshe. Nuk bëri asnjë gabim. Bëri gjithnjë gjënë e duhur. Më erdhi keq që komentatori shqiptar nuk i nënvizoi këto gjëra gjatë transmetimit të ndeshjes.

Unë “vdiqa” për të parë një yll nga Shqipëria, dhe më duket se Armando Broja ka potencialin për t’u bërë lojtari që kemi pritur të gjithë prej dekadash, për t’u bërë lojtari që është në gjendje të bëjë diferencën, për t’u bërë Leëandovski shqiptar, sidonqë mua, si tipologji lojtari, ai më ngjan më shumë me Ibrahimoviçin. Leëandovski (duke lënë mënjanë forcën, karizmën, lehtësinë me të cilën shënon golat, e fuqinë për t’iu imponuar në fushë çdo kundërshtari) di të përdorë kokën, por Broja është teknik, e di ta ledhatojë topin mirë.

Apo është thjesht një ‘ëishful thinking’ i imi? Jam unë që jam përndezur kotmëkot duke parë një ndeshje të Shqipërisë kundër një kundërshtari të përunjur e të rehatshëm? Bah! Nuk do doja të ishte kështu. Forca Broja! Mos i zhgënje njerëzit që mendojnë si unë!/albeu.com

The post “Të tjerët e humbin para porte”, Mustafa Nano impresionohet nga Broja: Po shoh një yll appeared first on Albeu.com.