Edhe pse dje policia tha se vdekja erdhi për shkaqe natyrale, pasi në trupin e viktimës nuk ishin konstatuar shenja dhune, pas hetimeve të thelluara, u bë me dije se 70-vjeçari është vrarë me sëpatë.

Autori i dyshuar i ngjarjes, Xhemal Zeqiri, është vënë në pranga.

Njoftimi i policisë:

Si rezultat i hetimeve të thelluara, të kryera menjëherë pas ngjarjes së ndodhur më datë 19.10.2023, në fshatin Boks, Shkodër, ku në një kanal u gjet trupi i pajetë i shtetasit M. B., 70 vjeç, banues në fshatin Kullaj, Shkodër, për të cilin paraprakisht u dyshua se e kishte humbur jetën, prej shkaqeve natyrale, specialistët për Hetimin e Krimeve të Komisariatit të Policisë Shkodër dhe ata të Drejtorisë Vendore të Policisë Shkodër, në bashkëpunim me Prokurorinë e qarkut, bënë të mundur zbardhjen dhe dokumentimin e ngjarjes, për të cilën u vu në pranga shtetasi:

-Xh. Z., 60 vjeç, banues në fshatin Kullaj, Shkodër, për veprën penale “Vrasja me dashje”.

Nga provat e siguruara dyshohet se 60-vjeçari, pas një konflikti për motive të dobëta, ka goditur me mjet prerës (sakicë), në kokë, shtetasin M. B., i cili për shkak të goditjes, ka rënë në kanalin e fshatit Boks, ku u gjet i pajetë më pas.

Në cilësinë e provës materiale u sekuestrua mjeti prerës (sakicë).

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

/Albeu.com 

The post Vrasja e 70-vjeçarit në Shkodër, policia njoftim zyrtar: Arrestohet autori appeared first on Albeu.com.

Fillimisht u tha se në trupin e të moshuarit nuk kishte shenja dhune dhe vdekja erdhi për shkaqe natyrale.

Por, ditën e sotme detaje të reja kanë dalë në dritë. Bajraktari dyshohet se është vrarë nga fqinji i tij, i cili e ka goditur me sëpatë.

Autori i dyshuar,  Xhemal Zeqiri, është arrestuar nga policia e Shkodrës.

Shkaku i vrasjes mendohet të jetë për motive të dobëta. Policia po heton për zbardhjen e plotë të ngjarjes.

Çfarë tha dje policia

Rreth orës 14:25, në kanalin e fshatit Boks, është gjetur trupi i pajetë i shtetasit M. B., 70 vjeç, banues në fshatin Kullaj. Nga këqyrja e trupit të 70-vjeçarit, nuk janë konstatuar shenja dhune. Paraprakisht dyshohet se ky shtetas e ka humbur jetën prej shkaqeve natyrale./Albeu.com 

The post Policia tha s’ka shenja dhune, zbardhet krimi: Shkodrani është vrarë me sëpatë nga fqinji appeared first on Albeu.com.