Sulmuesi belg u shpreh për mediet italiane se beson te ekipi i tij i ri, ndërsa theksoi se është  shumë i lumtur për këtë lëvizje.

“Unë kam besim në këtë ekip. Ne duhet të punojmë së bashku për të bërë mirë, duhet të jemi të përulur, të mbajmë kokën ulur dhe të ecim para dhe të përmirësohemi çdo ditë për të arritur rezultate të mira. Është mënyra ime për t’i bërë gjërat, shpresoj ta ndihmoj ekipin të arrijë maksimumin. Kur ishim afër marrëveshjes mes dy klubeve, shumë njerëz rreth meje filluan të më thoshin se tifozët po më prisnin. Unë isha vërtet i fokusuar që të përgatitesha mirë për të qenë në formë dhe kur mbërrita doja shumë të jetoja momentin, isha i emocionuar, më dha një motivim të madh për të dhënë gjithçka për këtë ekip”-tha ai.

Më tej, Lukaku deklaroi se mjaftoi një telefonatë që të vendoste të kalonte te “verdhekuqtë” e Romës.

“Mjaftoi vetëm një telefonatë, pronarët më telefonuan disa ditë para marrëveshjes, biseduam rreth gjysmë ore për ambiciet e kësaj kompanie dhe më pas gjithçka eci shumë shpejt”-vijoi sulmuesi.

I pyetur ndër të tjera për trajnerin Jose Mourinho, belgu u shpreh se që fëmijë ka dashur të punojë me të.

“Që në moshën 11-vjeçare kam dashur të punoj me të. Ai më njeh mirë si burrë, e njeh familjen time, dhe unë e njoh. Së bashku mundemi bëjmë gjëra të bukura. Kemi një skuadër të mirë, duhet të punojmë dhe të përpiqemi të përmirësohemi ndeshje pas ndeshje”-mbylli fjalën e tij Lukaku.

The post Lukaku: Mjaftoi një telefonatë që të kaloja te Roma, Mourinho e di mirë çfarë burri jam unë appeared first on Albeu.com.

Pasi skuadrat e femrave të këtyre klubeve u përballën në Tiranë disa javë më parë, tanimë me bashkëpunimin e Ambasadës italiane në Tiranës, duket se edhe skuadrat e meshkujve do kenë një miqëore.

Nëse gjithçka zyrtarizohet, Roma do luante në “Arenën e Demave” me kapacitet 4 mijë tifozë, pasi “Air Albania” do i nënshtrohet një ndërhyrje për mbjelljen e barit.

Kujtojmë se Partizani në datën 10 gusht do luajë në transfertën e Letonisë kundër Valmierës, për ndeshjen e parë në turin e 3 të Conference League dhe vetëm dy ditë më vonë kundër Romës, gjithmonë nëse zyrtarizohet gjithçka.

Nga ana tjetër Roma nis sezonin e ri në datën 20 gusht, duke u përballur në “Olimpico” me Salernitanën. Një miqësore në Tiranë nuk do ishte çudi, me Mourinhon dhe Romën që do kujtonin suksesin e disa muajve më parë, kur në “Air Albania” fituan trofeun e Conference League, të parin për ta në nivel evropian.

Pas Egnatias që në 13 gusht do përballet me Interin në një miqësore në Itali, skuadrat shqiptare kanë rritur nivelin edhe me kundërshtarët e zgjedhur.

The post Roma e Mourinhos vjen në Tiranë, miqësore me Partizanin? appeared first on Albeu.com.

“Special One” dëshiron t’ia jep frenat e mesfushës yllit kosovar.

Gazetari italian, Enrico Cameloi thotë se lojtari ia ka dhënë fjalën portugezit që do të bëhet lojtari i tij.

Arsenali duket se do ta lëshoj lojtarin nëse në arkat e tyre derdhen rreth 20 milionë euro.

I interesuar për Xhakën është edhe Juventusi.

The post Mourinho nuk heq dorë nga Xhaka, edhe Juventusi në garë appeared first on Albeu.com.