Trajneri i Zvicrës, Murat Yakin, është shfaqur i bindur dhe pozitiv në prag të sfidës së madhe me Argjentinën në çerekfinalen e Kupës së Botës 2026, duke nënvizuar se ekipi i tij nuk do të zbresë në fushë i stepur, edhe pse përballë do të ketë kampionët në fuqi të botës.

Zvicra ka kaluar një turne shumë të mirë deri në këtë pikë dhe tashmë synon hapin më të rëndësishëm, atë të nxjerrjes jashtë një prej pretendentëve kryesorë për trofeun, për të siguruar kështu një kualifikim historik në gjysmëfinalet e Botërorit.

Gjatë konferencës për shtyp para takimit, Yakin e pranoi vlerën dhe forcën e Argjentinës, por theksoi qartë se në futboll nuk ka skuadra që nuk mund të munden.

“Do të luajmë kundër kampionëve në fuqi. Është një mundësi unike për ne, por Argjentina nuk është e pamposhtur”, deklaroi trajneri Yakin.

Ai bëri të ditur gjithashtu se skuadra e tij e ka përgatitur në maksimum këtë përballje dhe se e njeh mirë natyrën garuese të kundërshtarit.

“Sigurisht që do të bëjmë gjithçka për t’i mposhtur. E njohim mirë mentalitetin e skuadrave të Amerikës së Jugut. Për ta çdo ndeshje ka rëndësi të jashtëzakonshme dhe luftojnë për çdo top deri në fund”.

“Ne duhet të jemi të përqendruar gjatë gjithë takimit dhe të shfrytëzojmë çdo mundësi që do të na paraqitet”, u shpreh Yakin.

Argjentina mbërrin në këtë ndeshje pasi siguroi çerekfinalen me fitoren ndaj Egjiptit, ndërsa Zvicra kërkon të hyjë në histori me një triumf ndaj kampionëve të botës dhe të zërë një vend mes katër skuadrave më të mira të turneut.

Përballja mes Zvicrës dhe Argjentinës është parashikuar të luhet të shtunën më 11 korrik dhe pritet të jetë një nga ndeshjet më tërheqëse të fazës çerekfinale në Kupën e Botës 2026.

The post Yakin beson te surpriza ndaj Argjentinës: Zvicra futet pa frikë në çerekfinalen e Botërorit appeared first on Albeu.com.

Mesfushori i Milanit mori vetëm pak minuta në ndeshjen e parë ndaj Katarit, ndërsa në takimet kundër Bosnjë-Hercegovinës dhe Kanadasë nuk u aktivizua, duke qëndruar në stol.

Lidhur me këtë situatë ka folur edhe trajneri i Zvicrës, Murat Yakin, i cili e ka vlerësuar Jasharin, por ka pranuar se aktualisht e ka të vështirë t’i gjejë vend në formacion.

“Më dhemb që nuk mund ta aktivizoj Ardonin. Ai po stërvitet shumë mirë, por me Xhakën dhe Freulerin, kemi një dyshe të mirë të vendosur në mesfushë”, shpjegoi Yakin.

Sidoqoftë, trajneri zviceran ka bërë të ditur se po e shqyrton mundësinë që Jashari të përdoret edhe në role të tjera në fushë.

“E kam konsideruar edhe aktivizimin e tij në krah. Ndoshta edhe si mbrojtës i majtë. Është shumë inteligjent, ka qëndrueshmëri të madhe dhe është i fortë në ndërhyrje”.

“Është një djalë i mirë dhe është gati kur kam nevojë për të”, ka theksuar Yakin.

Këto deklarata tregojnë se Jashari vazhdon të jetë në planet afatgjata të Zvicrës, por konkurrenca në repartin e mesfushës, veçanërisht nga Granit Xhaka dhe Remo Freuler, po ia vështirëson për momentin një vend si titullar.

The post Yakin tregon pse Ardon Jashari po mbetet rezervë te Zvicra në Botëror appeared first on Albeu.com.

“Luajmë ndaj kampionëve të Europës, por nuk duhet t’i trajtojmë kundërshtarët tanë si më të fortë nga sa janë në të vërtetë. Kemi shumë kualitet në skuadër dhe besoj se do të shfaqemi agresivë, falë edhe mbështetjes së tifozëve. Situata në grup është e favorshme dhe besoj se me një rezultat pozitiv do të rritim ndjeshëm shanset tona për një vend në Botëror”, deklaroi Yakin.

Kapiteni Granit Xhaka nuk do të jetë në dispozicion të Zvicrës, pasi është prekur nga koronavirusi, ndërsa përveç tij do të mungojnë për shkak dëmtimi edhe titullarë të tjerë si Xherdan Shaqiri, Embolo, Freuler dhe Gavranoviç, megjithatë Yakin nuk duket i shqetësuar.

“Nuk mund të zëvendësojmë në mënyrën e duhur të gjithë mungesat, megjithatë nuk do ta ndjejmë mungesën e tyre, nëse luajmë si një grup i vërtetë. Duhet të shpërndajmë përgjegjësinë në sa më shumë shpatulla”, deklaroi tekniku helvet.

The post Trajneri i ri i Zvicrës “presion” Italisë: Kemi një shans të mirë, do jemi agresivë appeared first on Albeu.com.