Në aksionin policor që, siç u tha, u iniciua nga informacionet e inteligjencës, në Zveçanin e banuar me shumicë serbe, u kapën dhjetëra armë e eksplozivë dhe mijëra copë municion.

Autoritetet e Kosovës thanë se ky armatim i gjetur mund të jetë i lidhur me sulmin e shtatorit të vitit 2023, në fshatin Banjskë të Zveçanit.

Në atë kohë, një grup i armatosur serb e ka sulmuar Policinë e Kosovës në Banjskë, duke lënë të vrarë rreshterin Afrim Bunjaku.

Në shkëmbim e sipër të zjarrit janë vrarë tre sulmues.

Çfarë dihet për armët e konfiskuara?

Policia e Kosovës e as MPB-ja nuk kanë ofruar detaje mbi armatimin e gjetur në aksionin e fundit apo origjinën e mundshme të tij.

Megjithatë, Njësia e Forenzikës Digjitale të Radios Evropa e Lirë, ka arritur të identifikojë llojet dhe prodhimin e disa prej armëve e municionit të gjetur, në bazë të detajeve nga fotografitë e publikuara.

Plumbat e prodhuar në Serbi e BeH

Municioni i kalibrit 7.62mm x 39mm, që u ekspozua në objektin e Drejtorisë Rajonale Policore-Mitrovicë Veri, u prodhua në vitin 1991 në fabrikën “Prvi Partizan” në qytetin e Uzhicës, në perëndim të Serbisë.

Këta plumba janë të mbushur me barutin e llojit SB-515 të prodhuar në fabrikën “Millan Bllagojeviq” në Luçan të Serbisë, në vitin 1990.

Ata janë ekspozuar me numrin 9 pas aksionit të Policisë.

Për më tepër, municioni i të njëjtit kalibër u prodhua edhe në fabrikën “Igman Zavod Konjiq” në Bosnje e Hercegovinë, në vitin 1988, i ngarkuar me barut NC-08 të prodhuar në fabrikën “Millan Bllagojeviq” në Luçan më 1987.

Këta plumba janë ekspozuar me numrin 10 në fotografinë e mëposhtme.

Radio Evropa e Lirë ka provuar të marrë informacione nga këto kompani në lidhje me armët e kapura, por të njëjtat nuk janë përgjigjur deri në momentin e publikimit të artikullit.

Armët e gjata

Municioni 7.62mm x 39mm i kapur në aksionin e fundit, përdoret veç tjerash për armën “Zastava M72B1” që po ashtu u kap në këtë aksion.

Sipas faqes specializuar WeaponSystem.net, kjo pushkë nisi të prodhohet në vitin 1973 dhe është armë e përdorur si mbështetje për ekipin gjuajtës.

Kompania e armëve “Zastava”, tani me lokacion në Kragujevc të Serbisë, ka traditë të prodhimit të armëve që nga viti 1853.

Prodhimet e tyre eksportohen dhe rishiten në dhjetëra vende të botës.

Kjo armë është ekspozuar me numrin 13 në fotografinë e mëposhtme.

Pushka M70 në disa variante

Prodhimi i kësaj pushke sulmi filloi në vitin 1959, po ashtu në fabrikën “Zastava” në ish-Jugosllavi. Ajo përfaqëson një version të licencuar të pushkës së quajtur Kallashnikov.

Nga viti 1970 u përdor gjerësisht nga ushtria jugosllave.

Deri në 4 milionë pushkë M70 besohet se janë prodhuar në versione të ndryshme.

Kjo pushkë është parë në fushëbeteja dhe konflikte në Afganistan, Angola, Qipro, Irak, Jordani, Kenia, Mali, Ruandë, Siri, territore palestineze…

Përdoret, po ashtu, në Bosnje dhe Hercegovinë, Kroaci, Maqedoni të Veriut, Mal të Zi, Serbi dhe Slloveni, ndërsa prodhohet ende në fabrikën e armëve “Zastava Oruzhje” në Serbi.

Kompania “Zastava” nuk i është përgjigjur kërkesës së REL-it për informacione në lidhje me këto armë.

Pushkët M70 janë të ekspozuara me numrat 2 dhe 4 në fotografinë e mëposhtme.

Përveç këtyre, në aksionin e Policisë u kapën edhe 62 shok-bomba, 1.5 kilogram eksploziv plastik dhe pajisje të tjera përcjellëse të armatimit.

E ekspozuar me numrin 17 shihet një pllakë mbrojtëse balistike me një shtresë anti-traumë, për t’u mbrojtur nga gjuajtjet.

Nga informacionet që shihen nga fotografia, ajo është e prodhuar nga fabrika “Mille Dragiq”, në Serbi, më 2003.

Kjo kompani në një përgjigje për Radion Evropa e Lirë, ka thënë se vetëm nga fotografia nuk mund ta vërtetojnë se është produkt i prodhuar nga ata.

“Që të mund të japim mendimin tonë zyrtar dhe profesional duhet të kemi më shumë të dhëna dhe të bëjmë vlerësimin fizik të artikullit të përmendur nga fotografia”, thuhet në përgjigjen e kësaj kompanie.

Përveç konfiskimit të armëve, Policia e Kosovës ka njoftuar se në atë aksion kanë arrestuar edhe një ish-zyrtar policor të Kosovës pasi “dyshohet se është i lidhur me armët, të cilat janë gjetur në afërsi të shtëpisë së tij”.

Radio Evropa e Lirë kishte analizuar edhe sasinë e parë të armëve të konfiskuara pas sulmit në Banjskë.

Sipas hulumtimit, në shumicën e rasteve këto armë po ashtu ishin prodhuar në fabrikat serbe dhe ish-jugosllave të armëve.

Kush po i sjell armët në Kosovë?

Institucionet e Kosovës, por edhe raporte të mediave në Kosovë kanë ngritur dyshime për përfshirje direkte apo indirekte të Serbisë në armatosjen e veriut dhe sulmin e Banjskës, por një gjë e tillë është mohuar nga Beogradi zyrtar.

“Është e qartë kush qëndron prapa kësaj veprimtarie, si edhe pas depove të tjera të armatimit, sulmeve ndaj zyrtarëve tanë, pjesëtarëve të KFOR-it, gazetarëve e qytetarëve. Të njëjtit e sulmit të Banjskës, të cilët strehohen në Serbi e mbrohen dhe glorifikohen nga [presidenti serb] Aleksandër Vuçiq”, kishte thënë ministri Sveçla pas aksionit.

Në anën tjetër, Beogradi zyrtar nuk i është përgjigjur kërkesës për koment nga REL-i lidhur me arsenalin e fundit të armëve të kapur në veri.

Sipas Mentor Vrajollit, drejtor i Qendrës Kosovare për Studime të Sigurisë, është vështirë të verifikohet që Serbia në mënyrë të organizuar është duke dërguar armë në veri.

“Por, është shumë vështirë edhe të vërtetohet e kundërta”, thotë ai.

“Është e pamundur që gjithë ajo sasi e armëve të hyjë në Kosovë, një pjesë e tyre prodhim i vonshëm, e që askush nga shteti serb të mos ketë qenë i përfshirë në këtë kontrabandë”, thotë ai.

Sipas Vrajollit, në zgjidhjen e kësaj enigme duhet të kenë rol edhe institucionet ndërkombëtare të sigurisë.

“Krejt çka duhet është që komuniteti ndërkombëtar të flasë hapur për këtë problem dhe të bëjë trysni të drejtpërdrejtë që Serbia të mos fusë armë në Kosovë dhe të mos përpiqet të destabilzojë paqen në rajon”, thotë Vrajolli.

Brishtësia e vijës së gjatë kufitare të Kosovës dhe Serbisë, siç thotë ai, po ashtu e bën të vështirë kontrollin e kontrabandës së mundshme të armëve nga Serbia drejt veriut të Kosovës.

Në anketën e quajtur Barometri Kosovar i Sigurisë, i publikuar nga QKSS-ja, në vitin 2023, 77 për qind e të anketuarve kishin thënë se e shohin trafikimin e paligjshëm të armëve si një rrezik të lartë të sigurisë publike.

Ani pse janë disa të arrestuar për sulmin në Banjskë, ende nuk ka aktakuzë të ngritur.

Një e tillë pritet edhe ndaj ish-nënkryetarit të partisë më të madhe të serbëve të Kosovës, Listës Serbe, Millan Radoiçiq.

Ai kishte pranuar publikisht organizimin e sulmit, megjithatë vazhdon të jetë i lirë pasi është larguar nga Kosova pas sulmit.

The post Kush po i sjell armët në Kosovë? Çfarë dihet për armatimin e fundit të konfiskuar në veri appeared first on Albeu.com.

Operacioni u zhvillua nga Komisariati i Policisë Nr. 6.

Sekuestrohen një armë zjarri, municion luftarak dhe një mjet prerës thikë, vihen në pranga babë e bir.

Shërbimet e Komisariatit të Policisë Nr. 6 në vijim të zbatimit të masave të caktuara në planin operacional “Sundimi i ligjit”, bazuar në informacionet e siguruara për një rast armëmbajtjeje pa leje, kanë organizuar dhe kanë finalizuar operacionin policor të koduar “Home”.

Si rezultat i këtij operacioni u bë arrestimi i shtetasve K. H., 21 vjeç, dhe I. H., 42 vjeç, (babë e bir), të dy banues në Vaqarr.

Shtetasit K. H., gjatë kontrollit fizik, shërbimet e Policisë, i gjetën një mjet prerës thikë, dhe në vijim të veprimeve, gjatë kontrollit të banesës së babait të tij, gjetën dhe sekuestruan në cilësinë e provës materiale, një armë zjarri dhe sasi municioni luftarak.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post Armë zjarri dhe municion luftarak në banesë/ Bien në pranga babë e bir, 21-vjeçarit iu gjet thikë gjatë kontrollit appeared first on Albeu.com.

Krujë/ Në zbatim të masave të përcaktuara në planet operacionale mbarëkombëtare “Tempulli 2” dhe “Sundimi i ligjit”, u finalizua operacioni policor i koduar “Seeds”.

Operacioni u zhvillua nga Sektori i Forcës së Posaçme “Shqiponja” dhe Komisariati i Policisë Krujë.

Sekuestrohen rreth 3000 fara të dyshuara narkotike cannabis sativa, 4 maska si ato që përdoren për ngjarje kriminale, 1 kamera ambientale, sasi municioni luftarak dhe 3 celularë.

Vihet në pranga poseduesi i tyre.

Shërbimet e Sektorit të Forcës së Posaçme “Shqiponja” dhe shërbimet e Komisariatit të Policisë Krujë, si rezultat i administrimit të shpejtë të informacioneve nga inteligjenca policore, të siguruara në vijim të megaoperacioneve “Tempulli 2”, dhe “Sundimi i ligjit”, për një shtetas që transportonte fara kanabisi dhe posedonte sende të kundërligjshme, kanë organizuar dhe finalizuar operacionin policor të koduar “Seeds”.

Si rezultat i operacionit u arrestua në flagrancë shtetasi G. D., 26 vjeç, banues në Krujë.

Gjatë kontrollit në automjetin që ky shtetas drejtonte, shërbimet e Policisë gjetën dhe sekuestruan rreth 3000 fara të dyshuara narkotike cannabis sativa, 4 maska si ato që përdoren për ngjarje kriminale, 1 kamera ambientale, sasi municioni luftarak dhe 3 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

The post Sekuestrohen maska që përdoren për ngjarje kriminale, armë dhe municion, arrestohet 26-vjeçari në Krujë appeared first on Albeu.com.

Sipas policisë, 18-vjeçari dyshohet se do ta shiste.

Sakaq, janë sekuestruar arma e zjarrit pushkë, municioni luftarak dhe motomjeti që drejtonte 18-vjeçari, në momentin e kapjes në flagrancë nga Policia.

Gjithashtu, në pranga ka rënë dhe një 20-vjeçar, si dhe procedohet në gjendje të lirë për shkak të moshës një 17-vjeçar, pasi dyshohet se kishin dijeni për këtë veprimtarinë kriminale.

Njoftimi:

“Në zbatim të masave të përcaktuara në planin operacional mbarëkombëtar “Sundimi i ligjit”, u finalizua operacioni policor i koduar “Strike 7”.

Operacioni u zhvillua nga Komisariati i Policisë Sarandë.

U kap në flagrancë me armë zjarri pushkë dhe municion luftarak, të cilat dyshohet se do t’i shiste në qytetin e Sarandës, vihet në pranga 18-vjeçari.     

Vihet në pranga dhe një 20-vjeçar, si dhe procedohet në gjendje të lirë për shkak të moshës një 17-vjeçar, pasi dyshohet se kishin dijeni për këtë veprimtarinë kriminale.

Sekuestrohen arma e zjarrit pushkë, municioni luftarak dhe motomjeti që drejtonte 18-vjeçari, në momentin e kapjes në flagrancë nga Policia.

Shërbimet e Komisariatit të Policisë Sarandë, në zbatim të masave të përcaktuara në planin operacional mbarëkombëtar “Sundimi i ligjit”, për parandalimin dhe goditjen e veprimtarisë kriminale në fushën e armëmbajtjes pa leje, kanë organizuar dhe finalizuar operacionin policor të koduar “Strike 7”, për goditjen e një rasti në këtë fushë.

Si rezultat i këtij operacioni, u arrestua në flagrancë shtetasi L. V., 18- vjeç, banues në Sarandë.

Gjatë kontrollit fizik ndaj 18-vjeçarit, i cili në momentin e ndalimit nga Policia udhëtonte me një motomjet, shërbimet e Policisë i gjetën 1 armë zjarri pushkë, krehër dhe municion luftarak, të cilat dyshohet se ky shtetas do t’i shiste në qytetin e Sarandës.  

Gjithashtu, në vijim të veprimeve u arrestua në flagrancë shtetasi O. Xh., 20- vjeç, si dhe nisi procedimi në gjendje të lirë për një 17-vjeçar, pasi nga veprimet hetimore dyshohet se kishin dijeni për veprimtarinë kriminale të shtetasit L. V.   

Arma e zjarrit pushkë, municioni luftarak dhe motomjeti që drejtonte 18-vjeçari, në momentin e kapjes në flagrancë nga Policia, u sekuestruan në cilësinë e provës materiale.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme”, njofton policia.

The post Sarandë/ U kap me armë zjarri dhe municion, vihet në pranga 18-vjeçari appeared first on Albeu.com.

Një zyrtar i lartë ushtarak i NATO-s paralajmëroi të shtunën se një rritje drastike e çmimeve të municioneve do të thotë se shpenzimet më të larta të mbrojtjes së aleatëve nuk përkthehen automatikisht në siguri më të madhe, ndërsa bëri thirrje për një qasje të re mbi bashkëpunimin për mbrojtjen.

The post Rritja e çmimit të municioneve, pengesë për forcimin e sigurisë së NATO-s appeared first on Albeu.com.

Sipas informacioneve në prangat e policisë ka rënë 39-vjeçari R.I, banues në fshatin Dukaj, Tepelenë, pasi dyshohet si posedues i një kasete metalike me 540 fishekë luftarak në të, e cila u gjet në lagjen “Demokracia” dhe u sekuestrua në cilësinë e provës materiale.

Njoftimi:

Specialistët e Seksionit për Hetimin e Krimeve të Komisariatit të Policisë Tepelenë arrestuan shtetasin R. I., 39 vjeç, banues në fshatin Dukaj, Tepelenë, pasi dyshohet si posedues i një kasete metalike me 540 fishekë luftarak në të, e cila u gjet në lagjen “Demokracia” dhe u sekuestrua në cilësinë e provës materiale.

Vijojnë veprimet hetimore për përcaktimin e përgjegjëisë penale të 39-vjeçarit, në lidhje me këtë rast.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

The post Ju gjet municion luftarak në banesë, arrestohet 39-vjeçari appeared first on Albeu.com.

Materialet procedurale u referuan në Prokurorinë pranë Gjykatës së Shkallës së Parë Elbasan, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikeve” dhe “Pastrimi i produkteve të veprës penale ose veprimtarisë kriminale”.

Njoftimi i policisë:

Finalizohet operacioni policor i koduar “Dëshiran”, i zhvilluar nga strukturat hetimore dhe Forca e Posaçme “Shqiponjat”, të DVP Elbasan, në bashkëpunim me Prokurorinë pranë Gjykatës së Rrethit Gjyqësor Elbasan.

Sekuestrohen arsenal armësh, municion luftarak, shuma të konsiderueshme parash, të valutave të ndryshme, lëndë narkotike kanabis dhe opium.

Vihen në pranga 2 shtetas.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve dhe të armëmbajtjes pa leje, si dhe mbështetur në inteligjencën operative, shërbimet e Policisë finalizuan me sukses operacionin policor të koduar “Dëshiran”.

Në kuadër të këtij operacioni u kapën dhe u arrestuan në flagrancë shtetasit:

A. B., 60 vjeç dhe V. D., 54 vjeç, të dy banues në fshatin Deshiran, Belsh.

Gjatë kontrollit në banesën e shtetasit A. B. janë gjetur dhe sekuestruar: një armë zjarri kallashnikov, një pistoletë, 6 granata dore, 3280 fishekë pistoletë dhe kallashnikovi, 5 krehra fishekësh, 3.6 kilogramë  kanabis, 75 bimë të thata të dyshuara opium.

Gjithashtu, në banesën e shtetasit A. B. janë gjetur dhe sekuestruar edhe 3.760.000 lekë të rinj, 5000 paund dhe 8950 euro, të cilat dyshohet se ky shtetas i ka përfituar nga veprimtaria kriminale në fushën e narkotikëve dhe të trafikimit të armëve.

Në vijim, shërbimet e Policisë kanë ushtruar kontroll në banesën e shtetasit V. D., i cili ka lidhje shoqërore me shtetasin A. B. Në këtë banesë janë gjetur dhe sekuestruar një armë gjahu dhe 55 fishekë arme gjahu, të cilat shtetasi V. D. i mbante pa leje.

Nga hetimet e kryera ka rezultuar se shtetasi A. B. ushtronte veprimtari kriminale në fushën e kultvimit, prodhimit dhe shitjes së lëndëve narkotike.

Nën drejtimin e Prokurorisë vijon puna për dokumentimin e plotë të kësaj veprimtarie kriminale, identifikimin dhe kapjen e personave të tjerë të përfshirë.

Materialet procedurale u referuan në Prokurorinë pranë Gjykatës së Shkallës së Parë Elbasan, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikeve” dhe “Pastrimi i produkteve të veprës penale ose veprimtarisë kriminale”, në ngarkim të shtetasit A. B., si dhe për veprën penale “Prodhimi dhe mbajtja pa leje e armëve të gjuetisë dhe sportive”, në ngarkim të shtetasit V. D.

The post Arsenal armësh, municion luftarak, drogë dhe mijëra euro, dy të arrestuar në Elbasan appeared first on Albeu.com.

Ushtria ruse kishte një mision për t’i treguar botës se presidenti Vladimir Putin e kishte rikthyer madhështinë e vendit të tij pas poshtërimit të rënies sovjetike. Në vend të kësaj, përparimi i dobët dhe humbjet e mëdha në Ukrainë kanë ekspozuar të metat brenda Rusisë.

Për ata që kërcënohen nga agresioni i Putinit, një numër i pakët i ushtarëve është një lehtësim. Por fatkeqësisht, Rusia ka gjithmonë një as nën mëngë: përdorimin e armëve bërthamore.

Deri më tani, pushtimi i Ukrainës ka qenë një fatkeqësi për forcat e armatosura të Rusisë. Rreth 15,000 trupa janë vrarë në dy muaj luftime, sipas qeverisë britanike. Të paktën 1600 automjete të blinduara janë shkatërruar, së bashku me dhjetëra avionë dhe anije të flotës së Detit të Zi.

Sulmi në kryeqytetin, Kiev, ishte një dështim.

Luftimet në lindje dhe jug të Ukrainës gjatë javëve të ardhshme jo vetëm që do të përcaktojnë rrjedhën e luftës, por do të përcaktojnë gjithashtu se si ushtria ruse mund të shpëtojë reputacionin e saj dhe reputacionin e shoqërisë që ajo mishëron.

Buxheti i mbrojtjes së Rusisë, prej mbi 250 miliardë dollarësh është rreth tre herë më i madh se ai i Britanisë ose Francës, por pjesa më e madhe e tij shpërdorohet ose vidhet. Ushtarët e zhgënjyer kanë braktisur automjetet e tyre. Njësitë kanë torturuar, përdhunuar dhe vrarë vetëm për t’u nderuar nga Kremlini, raporton abcnews.al.

Rusia nuk ka arritur të fitojë kontrollin e hapësirës ajrore apo të kombinojë fuqinë ajrore me tanke, artileri dhe këmbësorinë. Të zhytur në korrupsion, të paaftë për të nxitur iniciativën ose për të mësuar nga gabimet e tyre, gjeneralët e tij të frustruar kanë braktisur doktrinën e avancuar ushtarake dhe filluan rrafshimin e qyteteve dhe terrorzimit të civilëve

Forcat e motivuara të Ukrainës ishin një “shuplakë” për dështimet ruse.

Pavarësisht se ishin më pak në numër dhe të armatosur, ata i rezistuan ushtrisë pushtuese. Edhe nëse fushata ruse, tani nën udhëheqjen e një komandanti të vetëm, do të fitojë në Donbas,  do të ndodhë kryesisht falë numrit të madh të ushtarëve.

Për Putin kjo është një pengesë e madhe, sepse megjithëse ai kontrollon një makineri të frikshme propagande, diçka e tillë kërcënon pushtetin e tij. Kjo është kryesisht për shkak se përdorimi i forcës ushtarake është thelbësor në strategjinë e tij për ta bërë Rusinë një vend të fuqishëm në botë, raporton abcnews.al.

Rusia mund të jetë një vend i madh por është një shtet që ende dëshiron të jetë një superfuqi. Popullsia e saj renditet midis Bangladeshit dhe Meksikës, ekonomia e saj midis Brazilit dhe Koresë së Jugut dhe pjesa e saj e eksporteve globale midis Tajvanit dhe Zvicrës.

Edhe pse Rusia gëzon njëfarë simpatie në vendet  si Afrika e Jugut dhe India, fuqia e saj e butë po zbehet – e nxitur nga paaftësia dhe brutaliteti në Ukrainë.

Për të mbushur boshllëkun midis fuqisë dhe aspiratave të saj dhe për t’i rezistuar asaj që ai e sheh si shkelje të Amerikës, Putin është kthyer në sferën e vetme ku Rusia mund të pretendojë se është ende pjesë e klasit botëror: forca ushtarake.

Në 14 vitet e fundit, Rusia ka pushtuar Gjeorgjinë dhe Ukrainën (dy herë) dhe ka luftuar në Siri. Mercenarët e saj janë vendosur në Libi, Republikën e Afrikës Qendrore, Sudan dhe tani në Ukrainë.

Poshtërimi në Ukrainë zbeh pretendimin e fundit të Rusisë për statusin e superfuqisë. Lufta mund të zgjatet dhe ndërkohë Rusia nuk do të jetë në gjendje të kryejë operacione të mëdha diku tjetër.

Pajisjet, municionet dhe fuqia ushtarake po shfrytëzohen me shpejtësi. Mund të nevojiten vite për të trajnuar forcat ruse në mënyrë që të shmangin gabimet në Ukrainë. Por nëse sanksionet mbeten në fuqi për shkak se Putin është ende në pushtet, do të nevojiten më shumë masa.

Largimi i rusëve të talentuar do të rëndojë mbi ekonominë. Sa më pak Rusia të investojë në fuqi ushtarake, aq më shumë do të zbehet aftësia e sja të përçajë pjesën tjetër të botës. Megjithatë, pushtimi i Ukrainës i ka dhënë disa mësime.

Së pari, nxorri në pah se rënia e mëtejshme e fuqisë ruse mund të çojë në një luftë akoma më të pamatur. Kjo tregon gjithashtu se në luftrat e ardhshme nëse forcat ruse nuk do të mund të mbizotërojnë fushën e betejës, Ukraina do të përgjigjet duke kryer mizori.

Një ushtri më e dobët ruse mund të jetë edhe më brutale. Në fund të fundit, dobësia e ushtrisë ruse mund ta detyrojë Rusinë të përdorë gurin e fundit, në të cilin ajo është ende një superfuqi e padiskutueshme: armët kimike, biologjike dhe bërthamore.

Që nga fillimi i kësaj lufte, Putin dhe qeveria e tij kanë vënë në pah vazhdimisht se mund të përdorin armët bërthamore. Putin është racional, pasi dëshiron që regjimi i tij të mbijetojë, kështu që shanset për përdorimin e tyre ndoshta mbeten të pakta.

Por ndërsa forcave të armatosura të Rusisë po u mbarojnë opsionet konvencionale, me siguri do të rritet edhe tundimi për të përshkallëzuar luftën. Por oficerët dhe strategët e tij duhet të shohin dështimin e operacionit ushtarak të Putinit në mënyrë që të zbusin skemën e tij të ardhshme.

Një ngërç në Donbas thjesht do të nxiste luftën e radhës dhe mund të ishte edhe më kërcënuese se sa lufta sot. Megjithatë, edhe nëse Putin mposhtet, ai sërish mbetet i rrezikshëm. Thirrja për NATO-n është se aleanca duhet të përforcojë mbrojtjen e saj.

Kjo vjen, pasi përpjekja e Rusisë për të pushtuar shtetet baltike mund të rezultojë e suksesshme, por do të shkaktonte një luftë më të gjerë në të cilën NATO në fund do të fitonte. Kjo mbrojtje përfshin rrezikun e llogaritjes së gabuar dhe përshkallëzimit,  nëse forcat konvencionale të Rusisë janë të dobëta.

Do të ishte shumë më mirë frytdhënëse nëse Rusia do të përballej më një forcë të madhe që në fillim. Mënyra më e mirë për t’u mbrojtur nga Putin dhe ushtrita e tij e kalbur është t’i bllokojmë në të gjitha format./abcnews.al

The post Sa e kalbur është ushtria ruse? appeared first on Albeu.com.

Tashmë ka nisur puna për identifikimin dhe kapjen e personave të përfshirë në këtë veprimtari kriminale.

Njoftimi i policisë:

Në vijim të kontrolleve të shtuara në kufirin e gjelbër, me qëllim parandalimin dhe goditjen e trafiqeve të paligjshme, bazuar dhe në informacionet e marra në rrugë operative për trafikim të armëve të zjarrit në drejtim të shtetit grek, shërbimet e Policisë Kufitare të Stacionit të Policisë Kufitare Qafë Botë, Sarandë, organizuan punën me qëllim krehjen dhe kontrollin e zonës kufitare midis dy piramidave. Nga kontrolli i ushtruar në vendin e quajtur “Mesogun i Vogël” u gjetën dy çanta të zeza në brendësi të të cilave kishte 2 kallashnikovë, 1 armë zjarri pistoletë, 2 granata dore me ndezës, si dhe 120 fishekë.

Në bashkëpunim me Komisariatin e Policisë Sarandë dhe Prokurorinë e Rrethit Gjyqësor Sarandë vijon puna për identifikimin dhe kapjen e personave të përfshirë në këtë veprimtari kriminale./albeu.com

The post Sekuestrohen në Qafë Botë 3 armë zjarri, granata dhe qindra fishekë appeared first on Albeu.com.

Gjatë kontrollit në automjet dhe të banesës së shtetasit Shkëlqim Sokoli, sherbimet e Policisë gjetën municion luftarak, lëndë narkotike kokainë, kanabis, një armë e ftohtë(thikë) një palë pranga policie të cilat u sekuestruan në cilësinë e provës materiale.

Në përfundim të veprimeve të para hetimore u bë arrestimi në flagrancë i shtetasit: Shkëlqim Sokoli, 32 vjeç, për veprat penale “Mbajtja pa leje e armëve dhe municionit luftarak”,” Prodhimi dhe shitja e narkotikëve”, “Mbajtje pa leje e armëve të ftohta” dhe “Mbajtja pa leje e uniformës”.

Materialet procedurale do t’i kalojnë Prokurorisë pranë Gjykatës së Shkallës Kavajë, për veprime të mëtejshme./albeu.com

The post Drogë, municion dhe sende të tjera të paligjshme në mjet e në banesë, arrestohet 32-vjeçari në Kavajë appeared first on Albeu.com.